zancho avaz aizui amchea kanani sadouta..tanchim thoddim
Kantaram anv tumchea fuddem ghaltam..aikat him kantaram
amchea somplelea Tiatristanchim...Devan tankam sorgim raj favo korum!
1. JEZU KRISTA - Sahir Ulhas Buyao..
Thanks to his son Sidhanath Buyao for permission to upload this song. Sidhanath has released his album 'Grateful to Jesus' .I highly recommend this CD which has good religious songs. For more details check: http://www.buyao.in
Jezu Krista, Putra Devachea,
Nomon Rochnara, Sorga sonvsarachea...x2}
Zolm tunvem ghetlo, ghotteant gorvamchea,
Upodr koixtt sonsle, angnan Pilatachea,....2x}
Sotak lagun prann soddloi, dongrar kalvarichea.
Jezu Krista Putra Devachea,
Nomon Rochnara, Sorga sonvsarachea.
Munxeacheam mogachea pasot, rogot tunvem varoilem
Punn munxeani khursar Dhonia, moron tuka formailem...x2}
Kantteachem kopel Deva, mathear tujea dovorlem.
Jezu Krista,Putra Devachea,
Nomon Rochnara, Sorga sonvsarachea
Sonvsarak hea petla uzo patkamcho,
Ghal dhonia axirad tuje kurpecho,
Sonvsarak hea petla uzo patkamcho,
Ghal dhonia axirad tuje kurpecho,
Pois kor Deva pois kor kalluk sonvsaracho,
Pois kor Deva pois kor kalluk sonvsaracho,
Pois kor Deva pois kor, kalluk sonvsaracho.
2. DAMU ANI LOXMIA - Ansoo Rodrigues (A)and late (J)Johnny Sylvester
A:Sang re mojea damu, khoimosor ree tum bonvtai
Pois pois tum ravon kalliz hem dukoitai
J:Kiteak gho loximia ragar fugar zatai
Poisuch ravon mog tosoch korunk zai
A:Anv dadak sangtelim, tuka poti kortelim,
Sodanch anv gopan, tujeach ravtelim,
J:Anv ayeek sangtolom, tuka potin kortolom
Tujeach mogan anv, sodanch bonvtolom
J:Sang go tum loximea, login kedna zanv-ia
Soglleank lognachem, amontronu dinv-ia
A:Ragar tum zainaka Dada puneak gela,
Dada mozo yetoch rokdench login dovr-ia
A:Anv fullank vetelim, zaitinch fullam addtelem,
Golleant anv guntun, tujeach ghaltelim,
J:Anv zatrek vetolom, thoimsor ujeant danvtolom,
Mogachea Loximea ladu ek addtolom.
3.PARKI - Young Menezes (P) n (1-Daddlo, 2-Cheddum, 3-Daddlo, 4-Musolman)
1-Agha parkea
P: Oh
1-Maka konnem sanglam tum noxib parkitai mhunn
P: Voi
1-Tea passot anv tujexim ailam maka matxe parkun sang poiya
kitea passun anv osso zalam tho
P:Ath dakoi pollya
P:Noxib sangon tum roddtoloi, fuddarak vaitt tum kortoloi,
Ani toddeach disani meunechea tum mogan poddtoloi,
Bailechem bhangar chortoloi, lojek lagon ghor soddtoloi,
Tujem noxib pissodlam ga ujean koddon mortoloi.
2-Agha parkea
P:Kitem
2-Maka sang saiba anv borem nam, maka ek tori soirik zainam
P:Janeranache poiler 1948 vorsan tuje mathear ek konvlo boslolo
2-Voi saiba ani don pakkam uddoilelim
P-Dekunuch 1949 vorsant tujeo sogle sorik moddlea
P:Tuzo bhav soirik tuka kortolo, pai kazar korunk sodtalo,
Tea novrea lagim tum kazar zaxi tho rokdoch mortolo,
Tuzo fuddar boro choddtolo, sortekar mogan poddtolo,
Tacho bore bhaxen sambau kor, Dev tuka sorgar vortolo.
3-Aga parkea
P:Kitem
3-sang maka anv noko kitem zatam tem
Anv noko anv zomnir choltam, kupani choltam, doryan bonvta vo ganvan bonvta tho
hemhench kitem moji tokli gunvlelea bhaxen zata.
P:dakoi poiya tuzo ath
P:Tum noxib kantteanim purtai ani khotteam gunnanim vaddtai,
Naka zalelem sangon lokachem bailank tum naddtai,
Paiche tum duddu kaddtai, ani cheddvank tum dansank addtai
Hem kumsaran tum sangonaim padrink fotti martai
4-Arey parkea
P:Oh
4-Dekho apna kismat mein kya hai vo, meriko kuch patta nahim lagta
P:Patta nahim lagta?
4-Ah ham
P:Acha jera batau tumara ath
4-Dekho
P:Dekho ham bolta sacha, takdeer tumara bahoot acha,
Sath baras hogay shadi ko tumko ghera ho gaya bacha,
Aurat ka jaban pata lekin Bhurgeanchem takdeer kacha,
Bhurgeank haji moola bej do, khuda banayega acha.
4.AMIGACHEM KAZAR - Late Jacint Vaz
Kazar mhunnon mojea amigachem kazarak gelom anv,
Lancer nachonk dina mhunnon deddean kelem kestanv
Novrean babddean oklek gheun mattva bailen marli danv
Hea luttin konnen mojer addun uddoilo rebekanv
Okleacheani deddeak marlo, deddo matvan lovo,
Hem kestanv polloun sogllo lok bion ghara povo,
Novreacho pai matvan ravon lokak gayi sovo,
Konnem mutt marun novreachea paicho bhair kaddlo dovo.
Koslem saiba kestanv ani kedeo vhoddelo lutti
Te luttin mista oklecher konnem marleo futti
Novrea maimche konnem borech dileo mutti
Maka konnuch mevonk na anvem dedyek keli muji.
Novreache maink marta mhunnon novro danvon ailo
Konnem mattva bailean oklechea kuleak uzo lailo
Novreak muzgani ghott dhorun ghara voron pailo
Konnem mc cher tapot marun matva bhair usailo
Hem kestanv kobar zaina mhunn ailo oklecho pai,
Oklek to vinchartalo mhunno kitem zalem bai
Lok bhailen bobat mari mhunnom matvak uzo lai
Anv kuznatulean danvtalom konnem toddlo mozo tie
Hem kestanv kobar zaina soglo lok gelo ghara,
Oklele bobatt mari mhunnon novreakuch mara,
Deddeachem konnem kalsanv pinzlem korun fara fara,
Anv kuznantulean danvtanam tizlam futtlim bara.
5.MOG BOOM BOOM BOOM - Late Bab Peter
Eka cheddvacho mog hanvem kela
Hanvem jurament taka dila
Aikat sobit nanv tachem Bela
Tacho eok novro mela
Zosso fulacho kollo fulta
Tosso re baba amcho mog cholta
Zo konn eok cheddo cheddvak bulta
Magir to mogachea zaddar halta
Korun kantar tara Boom-Boom-Boom
Tara-ra-ra Boom, Boom-Boom-Boom
Kitem re to mog, tara Boom-Boom-Boom
Tara-ra-ra Boom, Boom-Boom-Boom
Khorench mogak tea nam xim-mer
Mog to konnamchench korinam ker
Tea mogak lagon sodanch fer-fer
Kitle melet korun tem ger
Mogan poddtuch poilem borem dista
Thoddoch teomp to kallzan rigon asta
Magir baba dusman ievun ghusta
Mog korun kitle babdde fosta
Khorench to mog tara Boom-Boom-Boom
Tara-ra-ra Boom, Boom-Boom-Boom
Mhaka saiba korinakai Boom-Boom-boom
Tara-ra-ra Boom, Boom-Boom-Boom
Avchit mog kallzan bhitor sorta
Ani fultem jivit katorta
Mog zaitea zannank borem korta
Thoddeank vegim sovnsarantle vorta
Kitem re mog tuka fuloita
Sukachea painnear doloita
Uzo laita ani paloita
Raza-Patxeiank pasun haloita
Khorench to mog tara Boom-Boom-Boom
Tara-ra-ra Boom, Boom-Boom-Boom
Hanvui bhietam zait mhunn Boom-Boom
Khorench to mog tara Boom-Boom-Boom
6.PETROL CHOLTA - Late Minguel Rod
Goenkarancher Saiba, tum ragar zaloi khoro
Tuvem khast amkam laili gha, amcho sukon zala paro
Goeam aslelea lokak tum ekdom asai boro
Dekun tankam tum ditai pondra rupia kovso soro
Chorus
Bomboi asleleanche tuvem motte bhognnar kele
Ani Goeam aslele edov porian xekovn nidonk gele
Aikon Goenchi khobor, amchea pottan dont mele
Inga chorieam irlem ami martale, tuvem tenkaim dhorun vele
Pondra rupian passun Saiba, quarter kor amkam favo
Tum Goeam asleleancho fuim khuimcheanui bizoitai tavo
Soro athin dortoch ami, kitkim magnnim tuka favo
Ami khuimche te tum zannaim, to amkam voita tinga zavo
Chorus
To astoch sangatak ami kaibore dolta
Ani kai borem bailanchem aikon ghora ievun maimkui pett ghalta
Inglez Saiba naka, tem rokddench gunvddu halta
Amchem machine ekdom ghott Saiba, kontri petrol cholta
Anik ek voros tum osoch, Mumboikarancher chavot
Ani urpache ami nam gha Saiba, atanch geleanv bavot
Tem vokot nastannam Saiba, Konknnem kitkoi teomp ravot
Punn Goenkar muineank ponsam voir jerul Mahalaximi pavot
Chorus
Soglleanche pavttin magtam, Saiba aikon mojem dhor
Orixtt ruk umtton poddta tujem ek utor mhunnot tor
Zainam Saiba sonsunk, bhitor zoieank ieta zor
Konnem bond kelam tem der Saiba, tum vegin ugttem kor
Lyrics of this song Courtesy Domnic Fernandes
7.MANDOVICHE DEGER - Allen Costa
Eksuro bosun te deger,
Mandoviche Nodicher,
Rautam nodor ghalunk tujer,
Vissor poddonam monacher.....}x2
Ai, Ai, Ai, Ai, Ai, Ai,
Ai, Ai, Ai, Ai, Ai, Ai,
Tea disa dektoch anvem tuka,
Kallzak ghantt poddli mujea,
Kinarer bosun sang anjea,
Rautalem tum zalear maka....}x2
Ai, Ai, Ai, Ai, Ai, Ai,
Ai, Ai, Ai, Ai, Ai, Ai,
Soimbacher passun anv zuzlom,
Borvanxean anv sodanch raulom,
Utrak tujea anv axetalom,
Suskaruch soddunk urlom....}2
Ai, Ai, Ai, Ai, Ai, Ai,
Ai, Ai, Ai, Ai, Ai, Ai,
Xitoll sundor tuje dolle,
Kallzak hea bulloitale,
Chandnea porim lipon raule,
Anik nam kedinch dekle....}x2
Ai, Ai, Ai, Ai, Ai, Ai,
Ai, Ai, Ai, Ai, Ai, Ai,
Eksuro boson te degecher,
Denvtat dukham polleamcher,
Vissor ienam hea chitnamcher,
Tosoch rupkar dolleamcher....}x2
Ai, Ai, Ai, Ai, Ai, Ai,
Ai, Ai, Ai, Ai, Ai, Ai,
Ai, Ai, Ai, Ai, Ai, Ai,....(fade)
8.DOTOR ANI KUZNEOR - C.Alvares n M.Boyer
CA: Anv vhoddlo dotor kitlim operasanvam anvem kelim,
MB: Anv vhoddlo kuzneor mojim anga filma kaddun velim,
CA: Moje athan borim zaun kitlim Eropak pasun gelim,
MB:Hannem opersanvam kel'lim tantlim ordim melim.
CA:First class anv dotor Eropak MD zalam pass,
MB:MD khoimchi DDT marun dukhnant anv ghaltam vass,
CA:Operasanvamchea kaman dotor anv ekdom fass,
MB:Toxe kuzner kitle ditat katrun randtat mass.
CA:Eropeanam modem famad Eropache bonvon ailam ganv,
MB:Eropak vocho nastanam Eropeana modem anvem zoddlam nanv,
CA:Vhoddle Vhoddle munis chitti dhaddtat kedem mojem pojisanv
MB:Governache palacin sirivis kelolo kuzneor nanv.
CA:Sonvsar sogllo khoddkoddta mojem nanvuch kaddit tor,
Katrumchea kamak mojea oslo sonvsarant nam dotor,
MB:Kuzneor socalim utton, bottkam kombio kator,
Katrun sap korun tea bair mosalo bhortat bitor.
CA:Koslim koslim operasanvam korun munxeank keleat bore,
Uxearkaiek lagon ojeap zatat Eropi gore,
MB: Ho thoimsor ponnos katrun bhair kaddtalo gore,
Konn zannam ho khoimche ranant bandunk aslo mhunn bore.
CA:Xinknar munis kainch nhoim mhunnon sozmotat munis thodde,
Odik korun kuzner botler ekdomuch te redde,
MB:Kuzner bottlearanim soglleank khavoileat vodde,
Vhoddle xinknar mhunntat te focot kuzneramche chedde.
9.BACKBAYCHEM VAREM – Late Robin Vaz
Goeam than poilech pautt Bombaim anv ailom,
Evun dhobitalo kotri korun ravlom,
Ixttam barim ek dis Backbay pollounk gelom,
Sabar toreche lokak polloun khoxi zalom
Sangtam khorem, kai borem, marta tem thond-thond varem,
Backbaychem khaunk varem, sabar lokachem birem
Anvui khatam, varem purem, hey kai borem backbaychem varem
Bombaychea xarant pavna fuddem anv,
Rani bhag meusem pollounk gelom marun dhanv,
Ha ha kitlo sobit bomboimcho ganv
Angor sogott khuxeal borit kitem zanv
Offisache sunttokoch, backbay voson bostokoch,
Jivak amchea, khuxi bogta, backbaychem varem khatokoch,
Ghara ami, vosonk vetam, aimorechi ghantt vaztokoch.
Bombaycher sarki nodor marxi ixtta,
Bombay pollounk sarkem hollywood dista,
Lok sanjeacho varek backbay veta,
Eka-mekache athak ath ghalun cholta
Aaha very good bombay, lok sanjecho veta backbay
Chedde cheddvam daddle bailo, sogott angor happy and gay
Korench ixtta, hench bombaichem happiness night and day.
10.KUKRUKU - Tony Carr
Sonvsar ho fottkiro mhunnon, oxem maka dislam,
Cheddvamchea mogan poddon, zaite pautti foslam,
Anik maka mog naka mhunnon, ugich antam boslam,
Vell muzo sarunk, mog tho korunk, sukhnem poslam.
Chorus
Magir tem kantar korta,
Kuk ru ku ku, Kuk ru ku ku, Kuk ru ku ku,
Ku ku ku, Kuk ru ku ku, Kuk ru ku ku, Kuk ru ku ku
Ku ku ku ku ku ku ru ku ku ku ru ku ku ku ru
Ku ku ku ru ku ku ku ru ku ku ku ru ku ku ku ru ku ru ku ku
Kai borem sukhenem re, vell mozo sarta,
Sokallim utton tem poilem, kanatarm korta,
Kallzachem dukh pois korunk urben maka bhorta,
Ku ku ru ku korun, fuineom ghalun ulo marta.
Chorus...Magir tem kantar korta
Zaitea cheddvamani re maka jurament passun dila
Kazar zatam mhunnon fottoun gelem, fottkirem tem Bela
Anik maka konnuch naka, jiv bejar zala,
Soglleank soddun, sukhneak dhorun, tacho mog kela.
Chorus...Magir tem Kantar Korta
11.PANDU LAMPIANV - Late H.Britton
Oh oh oh……………..oh oh oh
Ganv mozo Mhapxencho, biradd mojem Moddganv
Valoracho dhonddo magelo, kanknam vinktam anv
Akea Goyant volktat Pandurong magelem nanv
Cheddvam maka chavoitat mhunn pandu lampianv
Ch
Valoracho dhonddo, ho Goyam boro cholta
Kanknam ghalunk, cheddvam bailo maka rauta
Mou mou hatancher kanknam borim choddta
Kanknam ghaltanam tanghele hat damunk mellta
Oh oh oh ……………….Oh oh oh
Thoddech dis zale maka mumboint xarant paulear
Kalliz magelem dukouta cheddvam bailank poilear
Kanknam konnuch ghalinam ga adsal adle dollear
Funkot passun ghalto anv Goem tumi ailear
Ch
Mumboimchem cheddvam bailo kanknam ghalinam
Kanknam naslele hat pollounk mojean zainam
Bailechi sobai hatachim konvchechim kanknam
Punn atam soglim xiklim bandunk goddialam
Bottak zai tor punov, nam tor omas re puta
Mumboint xarant ek ekuch khobor aikunk yeta
Cheddvam bailank kanknachi mottich addkou zata
Kallkan mog kortanam kanknacho avaz yeta
Kazar zauchea adim oklek ghali chuddo
Sozmot tagelo fuddar zaunk tancho boro
Tor sang bailanim to kiteak kelo poro
Ghov mortoch kaxir tagele narl fodlear puro.
12.GUPIT MOG – Late Alfred Rose
Chitt vachun, ojeap zatam
Dukhi utram him vachun, dukhan suskartam
Tujem dukh, anv nialltam,
Kitem korum anv kazar zalom atam.
Tum mhuntai, tuka mog mozo aslo,
Mog aslo tor kiteak sanglenaim,
Tum mhunntai, kallzak doko boslo,
Punn tuvem kalliz ukttem kelenaim,
Mog mozo, zor tuka aslo
Mog asa mhunn khunnam dakoilinaim
Mogachem fugasanv kallzan dourun
Tunvem matui borem kelenaim.
Anv gathki, oxem tum boroitai
Mogachi ass anvem diun, fottoilem mhunntai,
Guneanvkar maka kortai
Kosleam utranim tum maka xirabtai.
Tum gorib full mhunn amchea ganvchem
Dukh poun tumchem, anvem tuka ansoilem
Tum uxear asleim dekun xikpan
Ghalun iskolan tuka xikoilem
Maka bhoinn favo zaunk nam noxiban
Bhoinninchea rupan tuka kallzan bosoilem
Mog mozo gupit dovrun kallzan
Khotta! Khotta! Tunch fottoulem.
Konnakuch anvem fottounk nam
Soirik zaun anv kazar zalam, mog korun zaunk nam
Tuzo ghutt, kiteak sanglonam
Sangloloi zalear anv kazar zatonam
Gupit mog, tunvem mozo korun
Kallzan dovrun, tunvench fottoilem tuka,
Pixem zaun hospitalant asai
Tum axetai pollounk maka
Chittitntlim utram tujim guntun
Fugar zatam chintun, koso pollounk eum tuka
Gupit mog, bhavanim bhoinnanim oso korun
Tumim fottounaka.
13. ADLEA TEMPAR - M.Boyer..
