Sat vorsam mogan sarlelim, eka-mekak tim pation aslim,
halinch tannim sakrament zoddlolo,
Sukhak dogaim axetalim, vhodd vhodd sopnam sopnetalim
Punn khotta hea sopnacher kalluk poddlo.
Ghov kallzan than mog kori bailecho,bailekui aplo ghov chodd mogacho,
moromsor mogan bonvonk utor dilelem,
Ghov okosmath bion utto ratcho, birankull bheos pollunk disso tacho,
Poiat sukhi ekvottak tanche kitem zalem.
Ghov dukhin soglloch choddfoddta, bail tras polloun dukhani roddta,
roddo auchit sukh koxem ubon gelem,
Vhodd-vhodd dotorank dakoita, bail magnnim angovneom korta,
Punn kainch ek ghovak boreak poddonaslem.
Blood Kenser mhunn bailek dotor gomoita, salvar zaupacho dubai dakoita,
mhunnta tho focot ekuch voros urtolo,
Dotorachea babdi payem poddta, pixi koxi zaun dukhanim buddta
Punn hem itlem korun kosloch faido nam zalo.
Bail ghovak dubau dakoinam,mog aplo unnem korinam,
roddta mortolo mhunnon eka vorsan,
Ghovachi tokli dhoronam, bagon veta boreponn nam,
Ek dis bailek vinchar korta forsan.
Roddta Dhonia maka salvar tum kor, moji bail eksuri zor anv morot tor,
bhurgeponnim mojer moronn daddinaka,
Moji assa titli tum girestkai vor, punn ghal mojer tuji doyall nodor,
Moje baile pasot Dhonia maka jienk zai,
Moje baile pasot Dhonia maka jienk zai.
====================
