Amchi Famil - Relative Names in Konkani

Relatives names in Konkani

Azo - Great Grand father
Aji - Great Grand mother
Xapai - Grandfather
Xamaim - Grandmother
Xapai-xamaim -grandparents
Ghorapai - paternal grandfather
Ghoramaim - paternal grandmother
Mam-pai - maternal grandfather
Mam-maim - maternal grandmother
Vhoddlo pai - father’s eldest brother
Daktto vo modlo pai - father’s second brother
Tipai - father’s third brother
Vhoddli maim - father’s eldest brother’s wife
Daktti maim - father’s second brother’s wife
Timaim - father’s third brother’s wife.
Akoi vo kaku - father’s sister
Kakapai - father’s sister’s husband
Mavxi & mavxecho ghov -mother’s sister’s husband.
Kakapaiger - at father’s sister’s.
Sasu-Pai/Sasro - Father in law
Sasu-Maim/Sas - Mother in Law
Titiu - (uncle) Fathers brother
Timan - (aunt) Fathers sister
Mam (Mama) - ( uncle) - Mothers Brother
mamager - uncle’s place
Mammi - (aunt) Mothers brothers wife
mavxi vo maxan -mother’s sister
Pai/Bapui - Father
Maim/ِAvoi - Mother
Ballok - Baby
Cheddo- Boy
Put - Son
Cheddum- Girl
Dhuv - daughter
Bhav - Brother
Bhoinn - Sister
Bapul bhav - Fathers Brothers son - cousin
Mauxe bhav -Mothers sisters son
Bapul Bhoinn - fathers brothers daughter
Mauxi bhoinn - Mothers sisters daughter Cousin sister
Zanvuim - son in law
Sun - daughter in law
Natu - grandson
Nath - granddaughter
Nathram - grandchildren
Ponttu -great grandson
Pontti - great granddaughter
Pontturam - great grandchildren
Nath-sun - grandson’s wife
Nath-zanvuim - granddaughter’s husband
Ponttu-sun - great grandson’s wife
Pontti-zanvuim -great granddaughter’s husband
Putovnno - brother’s son
Dhuvddi - brother’s daughter
Bhacho - sister’s son
bhachi - sister’s daughter
Sovthin - second wife
Sovtheli avoi - step-mother
Sovthelo bapui - step-father
Sovtho-put - step-son
Sovthi-dhuv step-daughter
Podon/Kumpar/Padrin - Godfather
Madrin/modon/Kumar - Godmother
Filead - Godchild
Ghov/Poti - husband
Bhail/Potinn - wife
Dher - husbands brother
Uni/vhonnie - brothers wife
Mevnno - wifes brother
Mevnni - wifes sister
Nonond - husband sister (sister in law)
zav - husband’s brother’s wife
Kuinead vo bhavoji - sister’s husbandSaddu - wifes sisters husband
Mana - Elders Sister
Bacho - Nephew
Bachi - Niece
Posko - adopted son
Poskem - adopted daughter
Posko-bapui - adopted father
poski-avoi - adopted mother
yei -husband’s/wife’s father-in-laws
yenn -husband’s/wife’s mother-in-laws
fagurmanv -father-in-law's brother
fagurmaim - mother-in-law's sister
Tiklo - boy born after 3 girls,”
Tiklem girl born after 3 consecutive boys
Beatin - spinster (pious maid
Nouro - bridegroom
Okol - bride
Deddo - best man
Deddi - bridesmaid

As a sign of respect we also add Man before the name for elder brother like Man Eddie, and also Ti eg...Ti Sara

Suggestions welcome at eddieverdes@hotmail.com

Songs of Kamat De Assolna

LHANVIKAI - Kamat De Assolna

Chintun munxea ghe ghottai, pois kor tuji pissai,
Peleak vaitt korinakai, pozodd motin dorinakai,
Ontrollar ghor bandunk sodtai, gorbak tum man ditai,
Porkem pojisanv tujem pois korun gheun bonv ti lhanvikai.

Mijeas gorvidad gheun tum thoddoch teomp urtoloi,
Patkam tujim uskotoch teach pojisanvak roddtoloi,
Rit mansugen cholxi tor khudd abru zoddtoloi,
Anvem sanglam tem visorxi tor tum lojen buddtoloi

Ghatkeaponn ani gorvidad undrank ti xar korta,
Punn mazor thoim lipon ravon, tancher udki marta,
Dekun undra rav chotraen, mazor tuka ravta,
Khuddan ghottai dovrun chol sonvsarant, mui zaun sakor kha.

Sangat maka kon feliz zala dovrun vodvik boddai,
Sangat maka dudh kiteak upkarot kadlear tachi sai,
Kondeam pass thav zauchonam kiteak thoimsor chodd kholai,
Sang khotteam kortubank tuka konn ravot ghovai.

Boddai dor sukh sonvsarantlem rochnaran kiteak pois kelem,
Sonvsar tor patkea sang,tannem khursar morn bhoglem,
Punn tum tachi zaun ek rochonn tujem kalliz boddaien fuglem,
Sarkoch niall korun poi tujem ginean khoimsor paulem.

Dekun munxea hea utramchi atam sarkinch ghe chotrai,
Xiiddea lifti bogor mauver choddonk euji nakai,
Vhoddvik boddaiek veng marun kalliz kusoi nakai,
Focot Jezu Christa borim jieun gheun bonv ti lanvikai.

KONKANI ULOI KONKANI - Kamat De Assolna

Sundor ganv amcho, dongram rukancho
Veller passun amchea poiat surungar maddancho
Khoro put tum Goencho, Goenchea mogacho
Nhoi khud aple maink Maharashtrak vinkpacho

MGP mhunnchem, hath Maharashtracho
Congress aik korta Goenkarak munddkar Dillicho
Moronk passun kobul lok ho Goencho
Maink kedinch vinkun nam diunk Goem

Goa amchem nhoi ganv ho ghanttiancho
Maharashtran assa to put sezarnicho
Nhoi khaxea put tujea ganvcho
Ugddas kor bhava mainchea dudacho

Dekun Konkani uloi Konkani
Arre Konkani boroi Konkani
Konkani bhaxen serkar choloi
Goa State kor Konkani

Bhailo lok ievun, Goeant girest zata
Goenkarak ek license mellonk kitki oddchon yeta
Thodde minister amche, Goenkarakuch khata
Bhaileanim license maggot, thatt korun dita

Hem oxem ghoddonk, arre Goenchea puta
Goenchem noxib disandis kobar zait veta
Pondra vorsam modem angor election-ak
Sangtam aikon ghott dhor monant

Ekttoi Goenkar jikonk kottin Goeant
Danvddavun ghaltelet amkam ranant
Saib zaun apunn bostele xarant
Zateleaum porki ami amcheach ganvant.

Dekun serkara nidonakai
Arre Goenkarank maddoinakai
Bhaileank chance dinakai
Ti porza vaddoinakai.

Jikon aile tednam, tumi utor dilelem
Xemboran oixim zage Goenkarank mhunn sanglelem
Aiz mevonam ekui, Goenkaran maglelem
Poieat utor tumchem koxem nirfou zalem

Vhodd-vhodd zageanim, rogot fokot bhailem
Amcheam uxear bhurgeanchem noxib futtlelem
Umedin niullun tumkam haddtannam
Lokanim mat pun chintlenam

Tumi bhaileank chance diit mhunn ami astannam
Punjabak bhuk thim reddea tum vetannam
Tankam Goeam amchea apoitannam
Maink vissorloi, hem pap tuka bhogsonam

Tum chintai toxem zavchenam
Konkani buddonk pavchinam
Arre moddem tujem ukoltelet Goenkar
Bhair thaun konn ievchenam

Dekun Konkani uloi Konkani
Arre Konkani boroi Konkani
Konkani bhaxen serkar choloi
Goa State kor Konkani.

KHURIS - Kamat de Assolna

Adlea tem'par ho sonvsar aslo re kaiboro
Maim-pai bhurgeank Aitarak misak voro
Karann tankam dotorn xikoitalin ghevn aro
Xikoita titkeim bhurgeanche motin uro
Aiz khaxea pai putank ghevn pietat soro
Rozar korunk tankam vell nam rokddench zata puro
Sant Khursacho mog korun khoro
Bandun kastidadicho dhoro
Adle padri amche bhaghevonth moro

Ek Am'chea Bapa, ek Nom'an Mori
Rozar tum korxi, jem' poddta bori
Chovis horam disak, dha ek pavt tori
Sant khursachi kadd, vaztoch aimori

Adlea tem'par sonvsarant milagri poi ghoddo
Kalliz am'chem tednam khursa thaim kitlem voddo
Nim'annea Sukraradis am'i cholon Montir choddo
Jezuk khursar marlolo pollovn sogott roddo
Piddevont khursak poitoch khuxealkaien uddo
Akantak sam'poddlolo, khursak paem poddo
Aiz munis kortubamnim paddo
Ani chintnanim to reddo
Sonvsar korun soddla mornancho ghaddo

Pattim vadoll ievn, kitle kavz ghoddle
Loknnanche kham'be, alovn bhuim poddle
Ghoram moddon gelint, umttole ruk vhoddle
Jezuche khuris, sang kitle moddle

Kalvar dongra velo khuris ked’do vhoddlo
Tea khursar ghoddlelem povn ak’ko sonvsar roddlo
Aiz munis xikon poi kitko choddlo
Khursak visron thoddeanim boltoch dhorom' ghoddlo
Goenchea Saiban Jezucho khuris Goyeant haddlo
Tea khursak povn kitkeanim adlo dhorom' soddlo
Goencho lok khuxealkaien uddlo
Jezuchea mogan poddlo
Goenkarak poiat aiz Devcharan naddlo

Dekun to khuris, lhan zait voita
Khursa fuddem kitke, aiz man bagoita
Gom'ttean taka ghalun, bhov thodde dakoita
Thodde padri khuris, bolsan lipoita

lyrics courtesy: Domnic Fernandes
updated 27/10/2013