Songs of Peter V Fernandes

1.HANV GHADDIAGER PAVLOM by Peter V. Fernandes

Bixeannear foddfoddtalom jiv moronk pavlo
Mozo eok amig ghora lagim pollovnk mhaka ailo
Hanv sogllem sangosor ho Kristanv amig mozo boson ravlo
Mhunno laglo tea tujea duensacho sumar kovlo

Kristanv amigan voron mhaka bosoilo ghaddieager
Ghaddiean sanglem konnxeak limbo purla mhunn tumger
Kaddcho poddoto mhunno laglo Sonvaradis modianicher
Poilo vochon tambieo bhor udok sodd mhuttlem doriacher

Sangta titlem kelem punn borem dislem nam re kaim
Magir pottan dukonk laglem ani foddunk laglet paim
Jevnnanchi ruch moji vochon, cholonk zainam zalem moje thaim
Uprant eka Saduager ghevn geli Bosteaochi maim

Tannem narl ani tantieam moje tokler bonvddailim
Lensak bandun sath follam moje lagim dilim
Uprant limbe ani bavlim tantuntlim bhair kaddlim
Painxim rupia dhi mhuttlem aikon duensam vaddlim

Ghaddieager bonvon torui hanv bixeannear moro
Xekim mojea Konknnea amiga vorvim zalom boro
To Konknno mhunno laglo boro zatoloi punn bhavart dhor khoro
Perpet Sucor Saibinn Maichea novenank mhaka voro

Ghaddieaponn mandtalo amig to zavn aslo Kristanv
Punn Konknno amig mandtalo Saibinninchem devosanv
Konknne mandtat tor ami Kristanv kiteak bhavart dhorinanv
Ghaddieaponn soddun Perpet Sucor Saibinninchem gheviea nanv

Lyrics Courtesy: Domnic Fernandes

2. VALORACHEO VOSTU - Peter V Fernandes

um gorib vo girest zanv, ek dis ami mortam,
Tem vhoddponn amchem dakoun, moddeak bhangaran bortam,
Pavor dakoun duddvamcho,xekim te kuddik purtam,
Punn tea othmeak gorjechem, tem sogllem visortam.

Tuzo mogacho sompla zalear, tum fullamchem kopel taka vorta,
Toxoch tacho borea macho borea fullani taka bhorta,
Taka matieak lailea uprant tum fullam tache fondar dovorta,
Pun chintun choi Valor tujea fullamcho, focot tea disa urta.

Kitloi duddu moddxi tor, melolo jivo zainam,
Ximiter nimmi suat, melolo portun ienam,
Chintun poi despez korun, tea othmeank faido zainam,
Koso inter kela tho, tem moddem kaim poinam.

Bhangaracho kaixanv tum korinakai,punn focot kor ek sadi lakdachi khas,
Vhoddlem jevon dixi tor, focot akhea ganvant poddta dass,
Karan soglleank amkam ekuch mati, xekim te kidde khatat mass,
Tea boldek otmeak misam di ani bagoi tea othmeachi ass.

Eka muinechea misak, soglle ektaim zatele,
Uprant soro ghetele, meleleank man ditele,
Pietele jietele, uprant ghara vetele,
Kal jeilelem aiz visron, meleleank pois zatele,

Dekun kor ters rozar, vochon othmeachea fondar,
Toxinch tankam misam di, vhoir sukh mevonk sorgar,
Faltu vostumcher bhava, ogddai nakai ozar,
Punn gorjeche vostu di, misam ani Rozar.

Traditional Goan Folk Songs

KOMBO-KOMBIECHI AMIZAD 

Konkani folk song "KOMBO-KOMBIECHI AMIZAD" (Rooster-Hen Friendship" is a sequence of events which takes place between the owners of a rooster and a hen. The song begins with praise for the rooster, followed by allegations which result in a proposal and a demand for a dowry and vojem, and finally a forced marriage because the hen is already laying eggs!

Legend: M = Male; F = Female

M: Kaiboro mozo kombo, zobor apurbaiecho
Tambddem xenkrem, xedachim pakam, rupest dista to
Ani sadh ghaltoch kombo, kombo-kander kombiancho
Sezarnigelea kombianim mojea kombeak pirdear kelo

F: Xeu, xeu, xeu hi moji kombi
Rupan assa kaibori, pollounk dista gori, gori
Anik dekun tika patienam mhunn paiank bandlea dori

F: Oh senhor kombeakar
M: Kitem ghe kombiekarn
F: Samball tujea kombeak, mojea kombiek korta bejear
M: Mozo kombo nhoi guneanvkar, tuji kombi malcriad
F: Ago doxelea lokalea kombeak korunk kortai pirdear

M: Poi, poi, poi tuji kombi dolle morta
F: Ago doxea noure zai tuka, khorench mure ti modelea
M: Mojea kombeacho kosloch guneanv nam, tuji kombi apoita

M: Zobor mhaka khoxi, tuje kombiek sun korchi
F: Ani hanvui khoxi zanvuim korchi, doth ghetoloi kitli?
M: Ti diteleachi khoxi
F: Borem kunddo ek paili
Barik tandull don poddi ani nachnneanchi annatti

M: Sang almar tum ditoli kosli
F: Panz kelea zonelanchi, rub ani andulea vanttli
M: Ani hachea xivai sutti zai ponas rupia mudhi

M: Anik sang vojem dusrem, tum ditoli koslem
F: Xit sizlolem, mannus, dusrem anik zai kitem?
M: Ani dusrem dosichem?
F: Arre tem magir pollonvchem
M: Hem upkarchenam kimchonnem, kobul koru poilem

F: Tor nam, nam, nam, itli doth hanv dinvchinam
M: Toxem zalear mojea kombeak tuzo zanvuim korchonam
F: Arre forsan korchem poddtelem, kombi ghalta tantieam!

Lyrics of this song Courtesy: Domnic Fernandes

VOR MOJEM LONCHEM 

M: Anv tarvotti sirvis kortam tarvar,
Maka kazar zaun vorsam zalim chear,
Ani Betim-intlea voddear ubo aslolo palkear,
Tednam sasu asli mista Ponjeache dokhear,
Anv tarvotti sirvis kortam tarvar,
Maka viaz marun vorsam zalim chear,
Ani choddtanam tarvar sasu asleli dokhear
Il’lemxem gheun aplem achar

F: Zanveam vor vor mojem lonchem,
Kiteak vortouta tem Goemchem torachem,
Ani yesolem lonchem Eropak nam kednam meuchem
Kiteak vortouta tem sasuchea mogachem ….}x2

M: Moji agbott pautokuch dusrea  ganvan,
Sasucheo chitteo maka aileleo postan,
Sasun chittir boroilam zanviam rav mhonn kuidadan,
zanveam rav mhonnon motteach kuidadan,

Agbotticho panko chalu zalea uprant,
Agbott yeun tenkon lagli Goeam bondrar,
Sasu ekdom neson tann nachtali  dokhear mullam,
Zanvoim aila mhonn aplo goeam portean.


F:Zanveam vor vor mojem lonchem
Kiteak vortouta tem Goemchem torachem
Ani yesolem lonchem Erorpak nam kednam mellchem
Kiteak vortouta tem sasuchem mogachem.

Updated 31st May 2020