Songs of Alfred Rose - C

Updated  24th June 2019 (F)

1.CAPTAIN - Rita Rose

Sobit dista mhunnon rupan, cholle poddonk sodtat mogan,
Kallzant khoim tanchea upraslam tufan, dovrunk sodtat gopan.

Mojea paik lok mhunnta porsu, maichem nanv kai borem Mersu,
Maka farank sodtalo bonaunk chintalo vhodd mhunn apunn Lorsu,
Sodanch bonvo amchem porsu, kantar kori ghoddun versu,
Vaddeant kazar assot thor anv thoim dissot tor, nachonk sodi walsu.

Novre ietat ozaranim, boundaunk soddtat mottoranim,
Rogot hem tornem danvta xiranim, ulloitoch utranim,

Souza Ferrao anvdeta gondta, Titta maka poitoch nachta,
Ani Rico Rod motto maka lagon to maink moje fulam mavta,
Alfred Rose inglezkuch tasta, Seby updateuch nesta,
Ani edoso potto Bab Tony maka, kuch korn dolle moddta.

Tiatrist novro maka naka, dotor novro saiba naka,
Dogui ratriche vavrak vetele patieunk nezo tamkam.

Aiz than askinbloz anv soddtelim,ani tight dress anv nestelim,
Amche kuxik Bomboicho captain aila to meuta tor poitelim,
Tiatristank anv soddetlim, captank anv buloitelim
Ani captana borim voilean hea porim sonvsar anv bonvtelim.

2.CELINA - Alfred Rose

Celina, Celina, Celina

La Marina hotelan, mojea samkar eun boslem,
Taka polloun hea kallzan, novem tufan upraslem,
Buchkoutalom somdiran, tem kuch korun anslem,
Tem anstoch sontosan, kalliz mojem nachlem.

Celina, kallzan zali zag,
Celina anv nhoi vhoddlo vag,
Celina, tachea nakar disti poddlo rag,
Celina, korunk laglem lag.

Mojea samkar tem bostoch, kalliz dodd'doddunk laglem,
Kofi pietalom tem kop, mojea athantlem sutlem,
Mezailean danvon vochon, visitidacher poddlem,
Visitd bizla to polloun, Celine ragan utlem.

Celina anvem mhunntlem sorri,
Mezar asli tannem kaddli suri,
Mar mhunntlem moronk toyar asam dont worry,
Punn kallzan bitor polle math tori.

Mojim utram aikotoch, sogllench zalem thondgar,
Mojea dolleank polletoch xello gham sutlo angar,
Moipasan athak dhorun taka bhair addlem margar,
Tem kuch korun anslem, anv vhoir pavlom sorgar.

Celina tukach axetalom,
Celina mogan buchkoutalom,
La Marina Margao hotelan tuka bhettlom,
Celina tuzo mog jiklom.

Celina....Celina....Celina

3.CHAKRI GANVTTI FULANCHI - Alfred Rose=A, Rita Rose= R 

A: Roddunaka, roddunaka mogachea Kamla,
Kamla mojea prem tugelo kallzan ghott rombla,
Visvass mozo, visvass tuzo,,soglleankuch gom'la,
Nokri mhaka zali Kamla, veta hanv Simla.

R: Fottoilem Deva mhaka sap fottoilem,
Lognnank voros zavnk nam eksurponnam bossoilem,
A&R: Fottoilem Deva mhaka sap fottoilem,
Lognnank voros zavnk nam eksurponnam bossoilem.

R: Simla vetoch mellot tuka bauli mennanchi,
Attvon kor Goyeam assa mhunn bakri chunanchi,
Bakri soddun chakri korxi ganvtti fulanchi,
Nokre poun bodolxi nodor tujeam dolleanchi.

A: Gabrunaka, gabrunaka ditam anv khatri,
Simla pavtoch rokddich sodtam borixi kotri,
Kotri mevtuch Simla pavli Panduchi chokri,
Magir dogaim bonvchem ghevn ti premachi tokri.

R: Atanch ansoitai ani atanch roddoitai,
Rupem dakoitai punn bhangar mhunnon fottoitai,
A&R: Atanch ansoitai ani atanch roddoitai,
Rupem dakoitai punn bangar mhunnon fottoitai.

R: Kedinch chintlenam noxibar eit mhunnon paiyi,
Roddon-roddon dollear mojea ievnk lagli saiyi,
Ekuch tuji nodor ghalun poi mhaka poiyi,
Thoddeach tempan zanvchi assa bhurgeachi aiyi.

A: Toxem zalear gharach ravtam Simla vochonam,
Punn ghora ravlear ghorabeacho ukol zanvchonam,
Ravon dista, vochon dista kitem sozmonam,
Vechench poddlem Kamla anik dusro upai nam.

A&R: Fottoilem Deva mhaka sap fottoilem…………...}
Lognnank voros zavnk nam eksurponnam bossoilem..}x 3

4.CHEDDEACHO BAUTIZM By Alfred Rose=AR, Star of Arrosim=FP

FP: Rostear tuka sangtam mhunnon tum ragar zainakai,
Somaradis cheddeachem bautizm eunk visornakai,
AR: Kedinch visorchonam etolom bienakai,
Poileach cheddeachem bautizm gazounk zai.
Ch
FP: Aiz dolle moje bhorta poi khoxechea dukhanim,
Ghorabear amchea uzvadd poddlo bara vorsanim,
AR: Rochnarache podvek xim mer nam mhunn zanav amim,
Putachem boreponn pollounk aslear puro tumim.

FP: Vhodlem fugsanv korinam, dis aileat mhunn marekar,
Ganvche bhurge etele ladain korunk kantar,
AR: Ladain kortanam khuimchi bhas kortolo uzar,
FP: Latim bhas soglleamchea asa tondar,
AR: Pap Saiban munxeakullak mellonk puri sozmonim,
Mis passun mhunnonk sotea dilea aplea bhasanim,
Tor ladain kantar kortanam amchea gharanim,
Latim kiteak zai astanam amchi bhas konkani.

FP:Tum sangtai tem aikon ixtta anv soglloch guspotam,
Amchi bhas konknni koxi uzar korchi chintam,
AR: Uskepachi goroj nam chodd sompem aik sangtam,
Anv kantar korun tuka dakoitam.
Uloup/Kantar
FP Amche bhaxen mhunnon dakoitai,
AR Oi
FP Mhunn pouiea
Dogui Kyrie eleison, Kriste eleison
Kriste audi nos, Kriste exaudi nos

FP Mhunn pouiea
AR Sorvespora Dhonia, kakut amchi kor
Krista Somia kakut amchi kor
FP Khorench mure
AR Te uprant
Dogui: Santa, Santa Maria ora ora pro nobis
Santa, Santa Dei Genetrix – ora pro nobis
FP Mhunn pouiea
AR Bhagivonti Morie – mag mag amche passun
Bhagivonti Devache Maie – mag amche passun
FP Oi mure
AR Magir
Dogui: Salve rainha, mae de misericordia
Vi da docura espereanca nosa
FP: Mhunn pouiea
AR Sornaitam tuka Ranie kukutiche maie
Tum amchem jivit amcho amrut ani bhorvanso
FP Vhoi mure
AR Magir
Dogui: Virgem virgem mae de deus valeinos
Virgem virgem mae de deus ajudai nos
AR: Devache Devache Maie, pau tum amkam
Devache Devache Maie, adhar dhi amkam
Dogui: Cheddeache bautizm dis ojeap korun dakoumya,
Amche bhaxen ladain mhunnon dis kadun udouya,
Amche ganvche bhurghe etele tankaim xinkouya,
Kuddant passun amche bhaxen ladain kantar korumya.

5.CHEDDO-CHEDDUM - Alfred Rose =AR n  Rita Rose = RR

AR: Anv mhunnta cheddum zatelem,
RR: Anv mhunnta cheddo zatolo,
AR: Anv mhunnta cheddum zatelem, tuka sangtam,
AR: Anv mhunnta xamai yeteli,
RR: Anv mhunnta xhapai yetolo
AR: Anv munta shamai yeteli, apost martam

RR: Tujem apost tem dobean ghal
Anv sangtam tacho kor nial
AR: Tuje niall anv paiem tala moslita
AR: Cheddum Cheddum
RR: Cheddo Cheddo
(repeat 4 times alternately)
AR: Rogtan mojea boroin anv ditam

RR: Penkot ani paiem dukhlear cheddo zata mhunntat,
Mojem penkot paiem foddta cheddo zatolo dista,
AR: Kazar zalam to dis than xamai sopnan dista,
Natva anv tumger ieta mhunn sangta

Both: Penkot ani paiem dukhlear cheddo zata mhunntat,
Mojem penkot paiem foddta cheddo zatolo dista,
AR: Kazar zalam to dis than xamai sopnan dista,
Natva anv tumger yeta mhunn sangta.

RR: Bhurgem khoim kusvean astanam, dave vatten tokli sorlear,
Cheddo zata mhunn sangtali xamai moji,
Maka poi kitem zata tem, maka poi kitem bhogta tem,
Tuka kitem sozmota sang, AR: Tokli tuji,
AR: Age tu mogache baile, sarkich vodde bazpache kaile,
RR: Anik ulop naka, bond kor mozot tuji,
AR: Kedna tokli davian lagta,
Kedna tokli uzvean lagta,
Kitem zata sozmoni hachi.

RR: Kelleanchea miscuttanchi atam maka ruch ieta,
Toxinch tim moiddechim kellim maka khainxi dista,
AR: Miskutachi ruch ieta kelleanchi ruch ieta,
Bhogos saiba dogaim zatat mista.

RR: Tum sangtai poi tea pormonem maka dotoran sangonk nam,
AR: Tanem mista tuka sarkem topasunk nam,
RR: Pun poi amger doga zanam zateilim mhunn tunven sanglam,
AR: Tujea ruchi vorvim maka gomon ailam,
Anv ani bhoin mhoji Annie, dogaim zonvllim bhurgim amim,
Ami zaunchea adim mojea maink oxench ghodlam,
Kelleanchi miscutachi ruch ietali,
Moiddechim kellim, ruch ietali,
Ami zolmolianv dogam zanam.

RR: Dogam zalear kai nezo,
AR: Punn ti cheddvanch zatelim,
RR: Anv mhunnta cheddech zatele,
AR:: Anv mhunnta cheddvamch zatelim, chedde bailank gheun nachtele,
Cheddvam dukh sukh olkotelim, kednaim tim tujea piklele kensui kadtelim.

AR: Anv mhunnta
Cheddum Cheddum
RR: Cheddo Cheddo
(repeat the above 2 lines 13 times alternately)

6.CHEDDUM XETHKAMTEACHEM - Anthonette (lyrics Alfred Rose )

Anv cheddum xetkamteachem, anstea tondachem,nanv mojem Rozmari,
Sodanch gimanchea tempar, kortam anv vepar gheun bonvtam torkari,
Utt'tam kombeachea sadar sokalim fantear zatokuch airmori,
Sanje kinarer vetam, vareak bostam, gheun paichi xintari.

Mojo eklo bhav assa tarvacher to kaim poixo daddinam,
Dusro europak assa taka khoim teo tambddeo voklo soddinam,
Tisro kazari bailek bieta amche pasun deddki moddinam,
Anv cheddum zaun maim-paik sambautam tanche zoddichi porrrva korinam.

Cheddo zatokoch horan, martat tin morann, ghorant pettlo divo,
Cheddum zatoch mhunnta hai, kozar korunk zai, gham sutta shevo,
Cheddo gharacho vanso, foddun kanso, kallzak ghalta ghavo,
Cheddum gharan assot tor, pai-maicho asor, bizoitelem tavo.

Rati gozal choltatli pai-maim maka kazar korunk sodta,
Avoi kalliz boddouta Kazar mhunntlear saiba loz maka dista,
Sanje khobor choltali Caitan voddekar mojea mogan khoim lasta,
Maka voddekar naka, bomboikar naka afrikar, zai so dista.

Anv Afrikak vetelim khoxen bonvtelim, ath galun athan,
Hem vaskin-polk soddtelim, vistid ghaltelim, choltelim anv jetan,
Mojem kens katortelim, kongre kortelim, ponvchin math vordan,
Magir Ingliz xiktelim, letpett kortelim, bonvtelim lambrettan.

Moje iramanv maka poun ojeap zatalet, vollok dakounchi nam,
Maka sodunk ietlet, bai mhunntele, vollon anv poinchinam,
Pun anv cheddum tem cheddum modur kalliz toxem anv korchinam,
Maim-paik afrikak addun afrik dakoitelim Goem eksurim soddchimnam.

7.CHEDDVAM – Alfred Rose

Adlea tempar, kitem ghoddo,
Cheddum zatoch maim-pai roddo,
Cheddo zalear, khoxen uddo,
Nachon uddon, soro pion ghazo vaddo.

Cheddum zait tor, kallim tonddam,
Pai-mainchea gharan suru zalim rinnam,
Oxem chin'tat, zaitim zannam,
Devachea ghuttacho thau Devuch zannam
Thoddeanger poi, cheddech zata,
Thoddeanger Dev cheddvanch dita,
Sogllim ghorchim duki zata,
Punn cheddvamchoch maim-pai sukhi jieta,

Cheddvam hea tempar vhoddlo adar,
Pai-maink nhoi tim chintnacho bhar,
Tankam xikop dilem zalear,
Shorthand typing korun choloitelim ghor dhar,

Cheddeanchem amchem noxib baulam,
S.S.C.korun sirviso mellonam,
Vhoddlem xikop konnem kelam,
Tankam donxim-tinxim pag kaim mellonam,

Cheddvan S.S.C.kelear zata,
Taiping xikot tor, pagar vaddta,
Magir kallzak kalliz meuta,
Anim doti vinnem tem khopon veta

Zor tor ek bag pananim bhorli,
Sangat bhagek ti sobai kosli,
Fulam fultoch bhag ti sobli,
Toxich gorabean cheddvamchi doulot vhoddli

Azun passun thoddim mhunntat,
Cheddvam xikon sangat kiteak upkarta,
Oxem mhunnon pai maim chuktat,
Xinkop kiteak upkarta matxem aikat,
Cheddvam xikot tor, ginean vaddta,
Kazar zatoch boreak poddta,
Bhurgeank rith-dek bori mevta,
Voi cheddvam vorvim vho sonvsar sudorta....x3

8.CHITT ANASTASIAK - Alfred Rose=AR & Rita Rose=RR

Anastasia...There's a letter for you
Letter for me...its must be from Jerry.

AR: Anastasia mog maka tuzo,
    Kallzak pettla mogacho uzo,
    Uzo paloi, ghopan doloi,
    Maka polloi, olololoi.

Anv mogan tujea baulam, adim aslom tazo...2x
Anastasia.
Londonak tum meulelim polloun mottench distai,
Anstai, anstai, anstai, anim khoxenuch nachtai,
Maka jeunnak he mhunnon, tum tumger apoitai,
Ulounk bostai, anim kuznan jevonn korpaitai,
Anastasia mog maka tuzo
Kallzak pettla mogacho uzo,
Anv mogan tujea baulam, adim aslo tazo....2X
Anastasia.

RR: Mogachea Jerry, Londonak ailoi,
Mojea motoran, Londonak bhonvloi,
Daddik meuloi, mummmink meuloi,
Xapaik meuloi, xamaink meuloi,
Punn mudi ghalcheach adinch porot Goeam pouloi...2x
Mogache Jerry.

Anv mottem mottem distam mhunn tum maka ansta,
Anv Jevonn korpaitam mhunnon tum maka kenddta,
Tum amger etoch mogachim kantaram mhunnta,
Tujea kantarank lagon tem jevonn korpota,
Mogachea Jerry....repeat

AR: Anastasia fokann kortalom,
Goromm zaunakai, tuka chavoitalom,
Tum chavoutai, goromm zatai,
Chitt hi vachun dant kirlaitai,
Londonche mojea sukha, tuka rannim kortolom...2x
Anastasia.
RR: Londonak tum etai zalear anv kazar zatam,
Kazar zaun angach ravtai tor anv kazar zatam,
Negos Goem bond kortai tor anv kazar zatam,
Anv sangtam tem aikotai tor anv kazar zatam,
AR: Anastasia ragar zaunakai,
Londonak anv enam maka ravonakai,
Itlean hi chitt sompoitam Anastasia Goodbye...x2
Anastasia (Mogachea Jerry)

9.CYNTHIA - Alfred Rose

Ankvar jivit sarlem sukhan, papa mamachea ghopan,
Usko khont nam bhonvlom jetan, jivak nastannam tufan,
Kazar korunk eujilem papan, soirikui keli maman,
Chintinastannam poi ghoddlem fakann, poddlom bolteacheach mogan.

Mogan poddon, jivit zalem mudar,
Uskea mekllem jivit kabar, tokler poddlo chintnancho bhar,
Mogan poddon, soglloch zalom fugar,
Kedinch anvem chintunk naslem, mogan poddon zain mhunn kazar.

Papa mozo khoxen anslo, ghutt mista taka gomlo,
Mamache tokler konn boslo, rag mista kallzan ghuslo,
Anvem mhunnlem, "Sang boball koslo, rag kiteak kortai itlo",
Tinnem mhunnlem "Kazar za punn addcho poddtolo vhodlo duddvancho pottlo".

Utram aikon, tika kelo vinchar,
"Sang bhoinnink kortannam kazar, kitle tunvem dileai ozar",
Teomp khoim pavla, ginean matxem kor uzar,
Kainch ghenastannam, Cynthia lagim horan zatolom kazar,

Khobor hi vokleger gomli, tanchi tokli firli,
Voklechi maim mhunno lagli 'Novreachi famil kosli",
"Atanch tor novreachi maim osli, dhuvek chodd dukh diteli,
Doth addunk nam mhunnon jiv khateli, rat dis annem marteli".

Cynthia, Cynthia, fuddarachem chintia,
Ghorcheank thoimsor zogddonk soddia, ami kazar zaun suttia,
Tujea xegunnancho sobit jhelo ghuntia,
Kazar zatoch toch jhelo voron moje mamachea gomttean ghalia.

Songs of Alfred Rose -G

1.GA-GE-RE-GO - Alfred Rose

GA-ga ek utor manachem, pai-xapaik vhoddle paik pacharpachem,
GE-ge utor vhoddponnachem, maim-xemaink vhodli maimk voddkipachem,..}x2
oh.

Zanttim heam utrank barik kan ditalim,
Ek utor vankddem poddlear bobatt kortalim,
Oxim tim aplea ganvcho standard raktalim,
Anik ghara-darak respet man addtalim.

RE-re utor ekdom olkem, bhurgeank vo kireadank pacharpachem,
GO-go aplea khalteak voddkipachem, dor ek utor kherit valorachem..}x2
Oh..

Barik hem chintat mogall bhav-bhoinnanim,
Koslo standard assa to amchea gharanim,
Ghovak tor arey mhunntlo zalear bailanimm
Arey papa mhunntlear ojeap nhoi bhurgeanim.

Nanv gheun tor ulo kelear borem, punn nhoi arey mhunn pacharpachem
Khoro mog dennem rochnarachem, eka-mekak mogan oddkipachem....]2x

Thoddea dadleank bolsant ghatleat bailani,
Punn ho guneav tumcho nhoi mogall bhoinnani,
Tumchi dori dil soddlea ami dadleani,
Dekun amkam arey mhunn ollkitat tumi.

2.GAGREACHEM MANA - Rita Rose

Sokalim anv ut'tam matear pantli dhortam, Mhapxeam vetam bazaran,
Vepar rokdoch vinktam, chear poixe anv zoddtam, ghara etam motoran.

Ete Mhapxemche motorkar mottech uxear, maka mhunntat gagreachem manam,
Maka apoitat ansoitat bulonk sodtat,dolleank bandunk sodtat te panam,
Tankam konnakuch anv patienam, sogleank ek-ekleak vollkon zanam,
Antamchea temparui anv gagro-polk nestam mhunnon kortai mojim fokannam

Chorus
Gagreachem Manam, Gagreachem Manam
Gagreachem Manam, Gagreachem Manam.

Xetan anv vetanam, bazarant ietana, gagro ani polk nestam,
Passoik vetanam, soireamgher astanam, modiche vistid galtam.

Anv tem tight dress nestoch ani rostean choltoch,
chedde fiunim ghalta, fium fium fium
Teo fiuneom aikotoch odik jetan choltam sanvrona voir sokol zata jiv,
Thodde mhunntat darling I love you, chol iea bonvonk Damao ani Diu,
Punn te lagim eunk bietat Police officer assa dekun mozo titiu.

Mottorkar posorkar gaddekar voddekar zanvoim zaunk soddtat amgher,
Dis rath kortat bejar, anv zaun zalear kazar zatelim xetkaragher.

Anv tem gagreachem mana voi sogle zanam, amche gharant poi kitlem sizta,
Thoddeamger duddu assat punn jevon khaunk nam, duddu asson kiteak upkarta,
Maka duddvamkar saiba naka, tanger fokot te dudduch assta,
Dekun xettkareagher anv kazar zatelim, tanchea gharanu soglem dista.

Gagreachem Manam, Gagreachem Manam
Gagreachem Manam, Gagreachem Manam.

3.GELEM BABA GELEM - Alfred Rose

Gelem baba gelem khoincheanuch gelem,
Tornem aslem pornem zaun gelem,
Amche modem ravon, zaitench tannem kelem,
vaitt-borem hangach soddun gelem,

hai hai hai hai, 
chintun kallzak hea poddtat zau,
Vetelem mhunnon, pattim sogleak zal'lo bobau,
Gopan dovrun ami tacho kel'lo sambau,
Aple khoxen tem gelem re, borench zalem re, konnak poddchonam dubau.

Eklem gelem utton dusrem ailem lotton, 
Ghott bandun doria, vochot sutton,
Hemvui baba vhoddlem zatelem re mhunnon, 
Poddon vetelem doram tutton.

Gelam tannem sonvsark addlo kampero,
Ailam tanem borem, noxib addlear puro,
Soglle vavrom-ia taka diunk boro tallo,
Taka bhangaran bhorum-ia re, fulanim nettoumia re, foll meutolo boro.

Sirviso nam taka sirvisso magomia,
Sonvsarak sovostkai add sangia,
Dusmankai assa tor, lassun gobor koria, 
Kelam poi taka borem mag-ia

Ailam taka atanch marunk laglea khoroz,
Votak ravonam, savlek gheunk sodta addos,
Dista saiba forrrrr, adlem aslem tache poros,
Adlem fattim ghalumia re, ailam tem bhogia re
Hench tem novem voros.

4.GHORETA GHEUN GHORI - Alfred Rose=AR & Rita Rose=RR

RR: Aieen maka marlem, dadan maka marlem,
Ayeen maka marlem, dadan maka marlem,
AR: Marchea marun kiteak tuka magelea daran soddlem,
RR: Soddlem kiteak tunven nhuim re magele kalliz toddlem.

AR: Hai kitem korum anv, rakonk tujem nanv, khuimsor marum danv,
RR: Hai noxib futtkim anv, zata poi tem zanv, soddun ya ho ganv.

RR: Bomboi pollon chollIia, rokdench login doria,
Bomboi pollon chollia, rokdench login doria
AR: Aye dada mageli antam tankam sang kitem koria
Magelea ayik dadak soddtam toxinch tankam soddumia

AR: Nam toxem korcho nam, ayik dadak anv dukhan ghalcho nam,
RR: Poi borem zaumchem nam, mojem aikonam, prem tuka nam.

AR: Wah re wah uxear re pori, ghoreta gheun ghori,
Pollunk dista sundori, mojea golleak ghalta dhori,
Pollon ea mhun konem tuka budh bai dili paddi
Oxem korxi adinch sangtam bori vechi nam zoddi

AR: Tugelea dadak sangomia..noxib pollumia sothea magomia
RR: Nam mhunnom kitem korumia,
AR: Tum antam bhurgem nhuim bai, login dovrumia
Ah ah ah ah ah

5.GHORKAR - Alfred Rose

Ostorechem sukh fokot daddlo,
Toch moladik divo soglleam modlo,
Dilear pasun tika sonvsar sogllo,
Ghorkaracho porzoll tika ogllo,

Ghorkar, Ghorkar, Ghorkarnicho to sodanch dir ani adar,
Ghorkar, Ghorkar, mhunni assa Sorgar Dev, Sonvsarant Ghorkar.

Chintun poi kazari jivitant,
Sogllem asa sukh-dukh, bhuk ani tan,
Ghorkarn astoch Ghorkarachea gopant,
Dista ti asaxi Sorgar-rajeant

Ghorkar, Ghorkar,sodanch ghorkar bailechem dukh korta kabar,
Ghorkar, Ghorkar,fuddeant astoch, bailek sonvsar fulancho arr.

Asat Ghorkar vhodd xegunnache,
Thoddeank lagleat te vis ogunnache,
Ogunnanim dolle dampleat tanche,
Pallinant kaide Sacramentache.

Ghorkar, Ghorkar,Ghorkarnicho to surngar, to vaitt pasun zalear
Ghorkar, Ghorkar,Ghorkarnichi boddai - Ek xegunni Ghorkar.
Ghorkar, Ghorkar, Ghorkar.....

6.GHOVACHI FAMIL  - Sung by Tony Carr=TC, Rita Rose=RR

TC:Dukest tum moje bhoinnim, hea vellar khuim vetai?
RR:Kednam Bomboi than ailai? TC: Etam thuinch assa bai,
TC:Kunhead somplo mhunn aikon, kallzak mojea zalem 'Ai'
RR:He bhaxen uloun bhava,maka vodik dukoinakai.

BOTH:Poti moron, dilem maka hem eksurponn,
Govache mainui dhanvddailem nam maka konn,
Mainger eunk bhair sorlelim, porteam payeamni gelim roddon,
Kazar maka korun, pai-maimchem gor zalem mhunn bond.

RR:Chintun chintun anv roddtam, kallzan fugar zatam,
Donuch moineachem sukh, Devan nirmilelem makam,
TC:Roddon moron faido nam, chintun upkaronam,
Ek utor pasun tunvem maka boroilem nam.

RR:Govachi maim kenddta, fonddan ghaloi putak,
Tim sogllim ek, zaun bhair ghalem dhorun atak,
TC: Rojea nam zaun Bomboi urlom, lagon hea vet bor potak,
Bienakai Dev uzvaddan addtolo khorea sotak.

TC: Doth diun tuka panch ozar, horran kel'lem kazar,
Ritea athanim daddlam chol hea kortam vinchar,
RR:Naka irmanv tankam lojek ghalunk sobhemazar,
Ginean tanchem uzvaddonk Devak koria rozar.

TC:Itlem korun, torui tuka doea tanchi,
Anv soddchonam dakoitolom vatt sothachi,
RR:Naka naka iramanv maka, izot kaddinakai tanchea gharachi,
Vaitt bori zaum ti famil mojea somplelea ghovachi.

7.GITAR XIKOI - A=Alfred Rose & P=Bab Peter

P:Irmao Irmao maka tum gitar xikoi,
Gitar koxem vazoitat maka dakoi,
A:Peter polle azun tum solfam nokoi,
P:Solfam kiteak zai irmao gitar xikoi,
Magir anv gitar vaztolom ani osso nachtolom
Kantar khoxem mhunntolo to poi

A: Gitar gheun makodd koso uddtoloi,
Kantar korun bebdo koso loktoloi,
Bobatt marun tallo pirdear kortoloi,
Solfam noko kitem kortoloi.

P: Bhurge antanche irmao gitar vazta,
Solfam nokot torui vhoddlem nanv zoddta,
A:Tankam polloun he dakte potte uddta,
Lisanv soddun gitaram vazounk bosta,
Punn tankam solfam dilim tor zatat fushfushit fator,
Dha zanna modem bhavonk poddta.

P: Solfam kiteak zai Iramo gitar puro,
Xikonk maka di tuzo alaxiro,
A:Zataloi zalear tum gitarist boro,
Solfam xikta poi tuzo valor khoro,
P:Magir anv gitar vaztolom ani rebek vaztolom,
Solfam borounk sorcho nam poro.

A:Tun tun tun tun kelear gitar zainam,
Kunk ru kunk ru kunk kelear rebek zainam,
Dok dok dok dok kelear doll vazonam,
Solfam sarkim noko astanam.

P:Utram him aikon tujem gomlem maka,
Haka poi anv gitar xiklolo naka,
A:Voi oxem mhunnonk razanv assa tuka,
Borem sanglelem atam konnak naka,
Tuka zai tor gitar vazoi na tor vhoddlo bonkao vazoi,
Vhodlo zatoch poscho naim maka.

A:Solfam xikxi zalear poddtelim boreak,
Na tor hem gitar marchem poddot sareak,
Voddlo zatoch pavxi tum bhailea terak,
Solfam poddtelim boreak.

P: Khorench irmao khorench tum kitlo boro,
Xikonk maka di tuzo alaxiro,
A:Zataloi zalear tum gitarist boro,
Solfam xikta poi tuzo valor khoro
P:Magir anv gitar vaztolom ani rebek vaztolom,
Solfam borounk sorcho nam poro,
Solfam borounk sorcho nam poro.

8.GODDXEM - Alfred Rose

Aikat ugdass aiz eta mojea bhurgeaponnacho,
Vavr mozo fokot aslolo, mojem lisanv korpacho,
Sanje iskol zatokoch rosto dori gharacho,
Ghara eun mainche vengen boson, chau pietalom sanjecho.

Maim goddxem kortali maka ditali,
Vonn kortali mezar dovortali,
Goddachem vonn polletoch, jib moji pazortali,
Ale-bele korun hem pott bhortali,
Filos korun tondd hem godd kortali,
Nachneamchem tizan korun, kuddik ghottai ditali.

Antam ghara anv etoch kitem polletam mezar,
Biskitti ani chokletti distat thuim sobemazar,
Goddxem kor mhunnon sanglear, bail utor ghenam kanar,
Goddxem zai tor maink Goeam than add, maka kornakai bejar.

Tea sukhea khannani pottam bhoronam,
Bottateanchea wafer, upkaronam,
Sukhim khanna khatokoch kuddik hea fors mevonam,
Dotorachem bhutkam khali disonam,
Bhurgeank galtaum batleamchim vitaminam,
Bhurghim bextinch fulltat, bitor ghottai asonam.

Adim sokalim sanje maim bakreo kortali,
Gorom gorom teo bakreo korun, amkam ti khaunk ditali,
Donuch bakri teo khelear, pottak hea thau zatali,
Atam bail bekerintle pao addta, pott rokdench zata khali.

Bail bakreo korit tor, tea pappde zata,
Pappde keleai mhunnlear gorom zata,
Maim kai boreo bakreo kori, tanchi antam ruch eta,
Pudding kor mhunnot tor bedding dakoita,
Tizan kor mhunntlear, ghor soddun veta,
Maim kitlinch goddxim kori, tea goddxeamcho ugddass eta
Goddxem, maim kori goddxem, tacho ugddass eta.

9.GOEM SAIBINN DISLI - Sung by Alfred Rose - Music Tony Dias
Album: JIVITACHO PROKASH by Peter Mendes

Canadak Goemkar ostorek Goem Saibinn disli,
Toddim soth mandinam mhunntat khobor zait hi kosli,
Hi khobor fott mhunn kitlim zannam anslim,
Ghott bhavart dovorteleank khorench Saibinn disli.
CH
Saibinnin sanglem eok bhurgo mhojem missanv choloitolo,
Jim bhurgim vaitt borim assat mhojem xim gheun ietolo,
Zo konn pirajit korit to jerul salvar zatolo,
Gharan ters korun bhavart ghott dorat Dev xanti addtolo.

Martin Almeida tea bhurgeachem sobit nanv,
Mhapsa Bardesan assa tea bhurgeacho ganv,
Vell lagim pavla ami korum-ia devosanv,
Saibinn bhurgeak kitem sanglam tem sangtam hanv
CH
Devachi khastt favo zaunchi assa Dev nit kortolo,
Segit tim dis rati sonvsarak kallok poddtolo,
Bessavamcho vati dovrat gharant uzvadd zatolo,
Khouxeanim udok borun dovrat re, vikhacho paus poddtolo.

Saibinn roddli dukhamcheo zori korun,
Maglem tinnem aple donui hath ugte korun,
Porot porot sangta amkam Jezucho mog korunk,
Jezuk ulo korum-ia pirajit ami korun.
CH
Torui konn aikonam patkam amchim zalent choddam,
Devan duens-pidda daddli toxinch zoddam moddam,
Jivit amchem ami boldlumia lhanan toxim vhoddam,
Chukleleank bogsunk ugtim korum-ia sovostkaiechim dharam.
Chukleleank bogsunk ugtim korum-ia sovostkaiechim dharam.

10.GOEMCHO VEPAR - Alfred Rose 

Goa, Goa mhunnon soglleanim marli dhanv 
Khuxeal zalet polloun aplea zolmancho ganv,
Porton ailet gheun Goemche Saibacho umanv,
Vatter zaite trass kaddle pun  bhoglem satisfasanv,

Thodde sontoslet, thodde khontovlet,
Moddonk pavlim mhunn purvozanim bandlelim gharam,
Khontin ulaslet, dukan suslarlet,
Margai choddun alounchim poddlim mhunn duddvanchim zaddam,
Kitle zann roddlet , kitle zann anslet, 
Khoxen vengen dhorlim aplim bhurgim ballam,
Hi khuxealkai osli zaito teomp mellonk nasli,    
Dipkovlet polloun nazuk modichim motoram.

Goeam zaito cholta to minancho vepar,
Thuimsor  sirvis korun pott bhortalet sabar,
Pattim maknam addun bond zalo kitlo vavr,
Akach lagon aiz kitle zann babdde zalet bekar,

Zaitem min kaddlem bhoron  bhair chol'lem
Goeanch  koddoil'lem tor kitlem borem  zatem aslem,
Jin'sancho  vepar, cholto  hea tempar, 
Goemchem nanv chearui kon'xeanim fankartelem aslem,
Chodd khoxen bhoron , maim-dhessan vavron, 
Pott  bhortem asleanv , anink suk zaem am'kam koslem,
Oxem zal'lem zalear , jivit am'chem zatem mudar,
Goemkaranchem mon passun bodoltelem aslem,

Goeam antam bandunk sodtat eok vhodlo pul,
Vho vavr  korunk  Governador zala kobul,
Khoxem fulta poi Goa, tin pakleanchem ful,
Punn pattlim vorsam sudarop thuim dislenam bilkul,

Sun'dor tum Goa, Dourado Goa,
Sogott mhunntat bangar assa dongranim liplelem,
Girestkai asson, diss kaddtanv bosson,
Ghor bhorlam torui pordhesant amim eunchem poddlem,
Chondrimam bhaxen, fankartai khoxen,
Astte aste Goa dista sudorlem,
Anink thoddeach tempan, voi khorea vazananchea mapan,
Goa sonvsarachea mapar porzolltelem.

11.GOEMKAR - Alfred Rose (Musical Show 2)

Goemkar,sodanch ami uxear,
Konkani uloitat Londonche Goemkar,
Goemkar gazoitat sonvsar,
vhoddleo Vhoddleo zutti choloitat Goemkar.

Portugal vo Germanank,
Parisak vo Londonank,
Goemkar uxear koslei kamank,
Goemkar,Goemkar,Goemkar,Goemkar,
Goemkar,sodanch ami uxear,
Konkani uloitat Londonche Goemkar,

Bombaim than, Londonak ami aileanv,
Goemkaranim apoileant mhunn sontosleanv,
Airportar tumkam polloun dadasleanv,
Goemkarancho mog tumkam ami gheun aileanv.

Portugal vo Germanank,
Parisak vo Londonank,
Goemkar uxear koslei kamank,
Goemkar,Goemkar,Goemkar,Goemkar,
Goemkar,sodanch ami uxear,
Konkani uloitat Londonche Goemkar,
Konkani uloitat Londonche Goemkar.

12.GOENCHI FENNI – Alfred Rose

Soglleanchea vonttar kheuta tum mhunn Goenchi Ranni,
GoeNkarnchea kallzachi ek moladik kanni,
Kitle ganv ti bonvon ailea ubi ravon battleanim,
Konn tor ti sangat maka, tich ti Goenchi fenni.

Fenni subeij zatoch, dolle zatat krink krink,
Anim ginean apxinch zata shrink,
Chintun poilear borem, dista maka khorem,
Fenni Goenchi National Drink,
Goencho serkar vavurta fenni korunk national drink.

Beirutche ganvan vochot arrak addun ditat,
Russiachea ter'ran vochot vodka pieonk ditat,
Dusrea ganvant tanche festank aplea sorean nannoitat,
Amchea Goeam konnuch et zalear take fennien buddoitat.

Fenni sarki ghetoch, vokot koxi pietoch,
Nattak zata influenza zor,
Adli fenni poixi tor, nivoll nivoll dudsagor,
Punn atam ghaltat nousagor,
Koria kitem, kortai kitem, noxiban ghala nangor,

Arabachea ganvan assa ek Eropi componim,
Bailo soro addun ti vikta ozaranim,
Goenchi fenni battleanim, ek pavtt addleli tannim,
Arey zass korun ti khopon gheli, poi toddeanch dissanim

Karbari bielet, chintun mhunnonk laglet,
Ti fenni anink addchenam,
Fenni addit zalear amcho soro pirdear
Eropi soro khopchonam
Eropi zanv, to konui zanv, fenni konnank bienam.
Eh Fenni, la la la la, Fenni.

13.GOENCHIM XETAM - Alfred Rose

Adim ekuch bhatt zalear mhunnot bhattkaragher,
Ani ekuch xet aslear passun mhunnot xetkareagher,
Xetam-bhattam aslear rokdich soirik addit tangher
Kitlim vavreadeam, kitlim mundkaram team duddvamkaragher.

Dekhu hanvem Goem xet ghetlelem,
Don-tin vorsam borem bhat piklelem,
Atam mojem noxib zalam sukhlelem,
Xetan vavr korunk konn nam bhar koxem piktelem,

Atam xetant zot ghaltolo zalear munis mellonam,
Ani xet passun vomptolo zalear munis mellonam,
Adim kitlo lok kamank mello, atam konnuch mellonam,
Tandu korun viklear xetacho despez mellonam.

Adim ghorant 12 bhurgim astalim,
Sogllim ekvottan tim xetant vetalim,
Despez chodd mhunn gulfak zoddunk ghelim,
Xetam koxim vostolim tim thuimsor suktlim.

14.GORCHEM KESTANV – Alfred Rose

Zatam poi zatam poi zatam, xekim anv kazar zatam,
Ankvari jivit sompoitam, gharan ek ranni addtam,
Novea jivitak axetam, khoxechim sopnam sopnetam,
Addtam vhoi addtam vhoi addtam, gharan eok uzvadd addtam.

Punn pai mhunnta polle puta,
Kazar za punn mojexim ravonaka,
Kottri korun ditam tuka,
Paichem sangnem borem lagonam maka.

Pai mhunnta Maim tuji gharan, ranni assa aiz porian,
Vokol ubi zatoch dharan, ranni zaunk sodteli dhiran,
Avoi dogi ranniom ekach gharan, uchamboll zait somdiran,
Magir vaittponn nastannam karann, ani pai put chitnachea bharan.

Kazar zatai, tum zaunk khoxi,
Maim sunenchem kestaum zait zaleot doxi,
Magir tokli amchi pixi,
Dekun puta kuxin rav, za dadhoxi.

Pain maka sangonk nam kannim, sarki dilea sozmonnim,
Aik puta tujea kananim, poi chintnachea dolleanim,
Vokol zaunk sodteli rannim, rani zaunk soeg diunk zai soglleanim,
Tumchem sukh rakonk zai amim, amkam sambaunk zai tumim.

Pai sangta tem aikotolom,
Kazar zaun anv ghoracho raza zatolom,
Voklek moje rannim kortolom,
Ghorchem kestanv zaunchea adinch sompoitolom.

15.GOSSIP - Rita Rose

Gossip, Gossip, Gossip

Why do people gossip?...
Cant they do anything better?
Just gossip!.....

My grandmother used to say, if you dont have any work today,
You tear up your skirt and stitch it again,You will be happy and gay,
You are not come here to stay, so why should we gossip away,
You talk about her, and talk about him, and gossip gossip everyday.

Gossip, gossip gossip gossip about everyone,
Gossip even about the moon and sun,
Ye ye ye gossip, gossip, gossip gossip about everyone,
Gossip even about the moon and sun.

Timmy and the boney girl, Clefty and the lefty boy,
They go hand in hand, we talk about them, for why I dont understand,
My grandmother used to say, you clean up your house today,
To see someone else when you are in a mess, and gossip your life away,

Gossip, gossip gossip gossip about everyone,
Gossip, even about the moon and sun,
Ye ye ye gossip, gossip, gossip gossip about everyone,
Gossip even about the moon and sun.

Xemaim maka sangtali, aiz kam nam zalear mhunntali,
Tuji skirt tum pinz ani porot ti xinv, oxi xikonn maka ditali,
Sonvsarant konn ravonk eunk nam, faidonam korun gozali,
Acheo khobro taka, tacheo khobro haka oxem korchem nhoim mhunntali.

Gozali, gozali gozali sogleancheo,
Gozali, koslea faideacho,
Ye Ye Ye Gozali, gozali, gozali soglleancho,
Gozali infernan vorpacheo.

Ye Ye Gossip, gossip gossip gossip about everyone,
Gossip, even about the moon and sun,
Ye ye ye gossip, gossip, gossip gossip about everyone,
Gossip even about the moon and sun.

16.GOZALI – Alfred Rose

La la la la la la
Janot ami nesot tor, lok korta gozali,
Pinzlelem ghalun bonvlear toch lok korta gozali,
Bori sirvis korxi zalear, kurnattim kortat gozali,
Sirviss nastanam bhonvxi lok korta gozali.

Ek cheddum eka cheddea borim bonvot tor,
Gozali korun tachi oronk pavtat ontor,
Abru tachi katortat, gheun khobramchi kator,
Fuddarui tacho cheptat, gheun nirdukaiecho fator.

Bhurgem tumger nam zait tor, lok tumkam anstolo,
Ekuch bhurgem asot tor, lok gozali kortolo,
Panch sov bhurgim asot zalear, khebaddam korun anstolo,
Abruchem khobrem korun, ganvant sukot ghaltolo.

Gozali zaun assa jevonn kitleam munxeanchem,
Gozali korun padd ghaltat kitlea zannanchem,
Tankam matui poddonknam aplea ghorabeanchem,
Dusreachi abru chorun pott tim bhortat apnnachem

Cheddum bhurgench kazar zait, diun doth ani dennem,
Gupit gozali korun lok marunk lagtat annem,
Tis vorsamchem kazar zait anik sangonk naka konnem,
Suri gheun tassunk lagtat, cheddvachem mol kortat unnem.

Khobro korteleamchi porva korunk favonam,
Bonkta poi tea sunneak kednach kan diunk upkaronam,
Tancher sintid dorxi tor amchi kamam zaumchinam,
Tem mazor imsann soddit punn teo gozaleo sodchinam.

17.GUPIT MOG – Alfred Rose

Chitt vachun, ojeap zatam,
Dukhi utram him vachun, dukhan suskartam,
Tujem dukh, anv nialltam,
Kitem korum anv kazar zalom atam.

Tum mhuntai, tuka mog mozo aslo,mog aslo tor kiteak sanglem naim,
Tum mhunntai, kallzak doko boslo,punn tuvem kalliz ukttem kelenaim,
Mog mozo, zor tuka aslo,mog asa mhunn khunnam dakoilinaim,
Mogachem fugasanv kallzan dourun,tunvem matui borem kelenaim.

Anv gathki, oxem tum boroitai,
Mogachi ass anvem diun, fottoilem mhunntai,
Guneanvkar maka kortai,
Kosleam utranim tum maka xirabtai.

Tum gorib ful mhunn amchea ganvchem,dukh polloun tumchem, anvem tuka ansoilem,
Tum uxear asleim dekun xikpan,ghalun iskolan tuka xikoilem.
Maka bhoinn favo zaunk nam noxiban,bBhoinninchea rupan tuka kallzan bosoilem,
Mog mozo gupit dovrun kallzan, Khotta! Khotta! Tunch fottoulem.

Konnakuch anvem fottounk nam,
Soirik zaun anv kazar zalam, mog korun zaunk nam,
Tuzo ghutt, kiteak sanglonam,
Sangloloi zalear anv kazar zatonam,

Gupit mog, tunvem mozo korun, kallzan dovrun, tunvench fottoilem tuka,
Pixem zaun hospitalant asai,tum axetai pollounk maka.
Chittilim utram tujim guntun,fugar zatam chintun, koso pollounk eum tuka,
Gupit mog, bhavanim bhoinnanim oso korun,Tumim fottounaka.

Updated 29th May 2020