Songs of Z Mix Singers

SONGS OF VARIOUS SINGERS.

01. MAKA GUNVDDAILO - Jerome D'Souza

Jednam hanv Goeam pavlolom,
Tednam chear dis mavaddea ravlom
Novo novro mhunn soglleam ki baba mogacho zalom,
Mevnni mog kori konnxeak apovn,
Bail chimtte kaddi dolle gunvddavn,
Ar’re manv mozo ditalo konnxean votovn-votovn

Chorus
Oh mhaka gunvddai-i-i-i-lo, baba gunvddai-i-i-i-lo,
Rat bhor daram apttovn-dopttovn bonvddailo,
Ho mavaddo koslo, mhaka zaito pivoilo,
Punn nixam nam, nixam mhaka mevnnenchea galancho.

Sokallim uddtoch bailecheo ghantti,
Bazarak voch hadd masleacho pantti
Ar’re mogan mevnni moji tenkon rogoddtali ganttin-gantti
Titlean sasumaim dhanvon aili‘,
Zanvieam’ mhunnon poxeonk lagli,
Toklechi zoddai, feer kaddunk zai, mhunnon votovnk lagli

Chorus
Oh mhaka gunvddai-i-i-i-lo, baba gunvddai-i-i-i-lo
Rat bhor daram apttovn sansponk re lailo
Ho mavaddo koslo, mhaka boroch pivoilo
Punn nixam nam, nixam mhaka mevnnenchea galancho

Ek dis ghoddlo vhodd ek mister,
To mure Dezembrache tisrer
Bonvddailem mevnnen ak’kem Goyem boson mhaka taxer,
Thuimsor bhettlolo amig ek,
Magir tamxem-dovxem distem,
Hanv nokllom uprant mevnni khoim ti, hanv aslom renver,

Chorus
Oh mhaka gunvddai-i-i-i-lo, baba gunvddai-i-i-i-lo
Rat bhor pon’nas raundar doriear bonvddailo,
Ho mavaddo koslo, baba veta thuim pivoilo
Ani chear dis mhaka zavunk nant mavaddea bailen danvddailo


02.SEZARI by late Domnic Vaz 

Hanv sezari tuzo, tum sezari mhozo, tujea ghorak tenkon mhojem ghor,
Tujem ghor betheachem, mhojem ghor matheachem, don ghoram modem assa ontor,
Koslem kizil zait tor, tujea mojea bitor, tum mhunntai maka dakoitam bhair
sor,
Rokddoch bhurgeank apoitai, vankddo rosto dakoitai, bhurge ghoracher martat
fator.

Bhav-Bhav zatoch kazari, khaxea bhav zatat sezari,
Ankwar astanam, kizil nastanam, bhav-bhav mogan dis sari,
Kazar zaun bailank gharan addtori, bailamchi gharant dadagiri,
Bailamchem aikon, bhav-bhav zogddon, dis-rath gharant maramari.

Bhav-bhavak khendtat, voi dusmankai vaddta, kiteak lagon konn sangot,
Khaxea bhav rogtache, man eka-mekache, zolm dil'le avoik kitem bogot,
Kagdam vantunk bhattachim, zoggdim bhav-bhavachim, gharant suseg nam ekai
vogot
Eklo morot tor, dogaim bitorlo, roddtat mhunnon ekuch rogot.

Rogot kedinch doxim zainam, favo nam tem amkam mevona,
Sonvsarant ietanv, thoddoch temp ravtanv, ietanam ami kaim ek addinam,
Assa zaitem torui tem pavonam, porte vetanam kaim ek voronam,
Lobddon axek, tum sampoddta bhaxek, axek lobddon bhav-bhavak voukonam.

Tum axek lobdoxi, bhavponn visorxi, mhunnim hi purvozamchi,
Girest gorib rochnna, Devan vegli rochunk nam, sogllich rochna ekach Devachi,
Bhattam-bensam giriestkai, kobar kortai sovostkai, sonvsarantli girestkai
don disanchi,
Girestkai mhunnche bhava, sogott zannam zava, ath-paim girestkai zonn
ekleachi.

Girestkaiek lobddon bhava, tujem kalliz korinakai nibor,
Ekvott khoro, assot boro, ekvottan assonk kedem vhodlem vor,
Sodanch ekvottan ravonk fuddem sor, toddinakai tum ekvottachem dor,
Ami mortokoch, ho sonvsar soddtokoch, ximiter amchem ekvottachem ghor.
Ami mortokoch, ho sonvsar soddtokoch, ximiter amchem ekvottachem ghor

03. NOMAN NOMAN TUKA GOA - Shailendra Singh
Music n Lyrics : Alfred Rose

Noman Noman tuka Goa
Indieche put tuka Noman kortanv
Konknni kantaram korun, vhodda mogan tuka vakandtanv
Bhangarachea tum Goa tujea surpoaye ojeaptanv
Tum sobitaichem sogleamchench mogachem
Tujea gopant khellonk anvdetam

Soimban tuka bhorlam denneani
Nettoitlam xetani maddani
Put tuje uxear sogllea vattani
Muzgamponn riglam addani

Noman Noman tuka Goa
Tujea suropayek ojeaptanv
Tum sobitaichem sogleamcheach mogachem
Tujea gopant khellonk anvdetanv

Calangute ani colva vareak vetoch meuta xitollkai
Templani igorjani rozar kortoch meuta xantikai
Vaddeani ani xarani dista ti molladik sovostkai
Daktim sobit gharam toxinch xitoll lahram, tum aiz Indiechi voddvikai

Soimban tuca bhorlam tuka denneani
Nettoitlam xetani maddani
Put tujea uxear soglea vattani
Muzgaponn riglam addani

Noman Noman tuka Goa
Tujea suropayek ojeaptaum
Tum sobitaiechem sogleamcheach mogachem
Tujea gopant khellonk anvdetam

04.KALLZACHEM SUKH - Shailendra Singh 

Deva mukhar jurar tum zalem, 
Separar zanv chim nhoim mhunnon utor dilem, 
Kitem anvem vaitt tuka kelem, 
Kallzachem sukh mojem tunvem chorun velem. 

Sonvsarant hea, zaitench maka mevot, 
Jevunk naslear konnui maka pavot, 
Ozaranim tim cheddvam fattlean mojea iet danvon, 
Punn kirlolo mog kallzant mojea, vechonam bavon, 

Kallizan than mog kelo tuzo, 
Konn palloit kallzak mojea pettlolo uzo, 
Chintun sogllem, sonsunk hem nezo, 
Tujea vinnem, kitem antam fuddar mozo. 

Sonvsarant hea zaitench maka mevot, 
Jevunk naslear konnui maka pavot, 
Ozaranim tim cheddvam fattlean mojea iet danvon, 
Punn kirlolo mog, kallzant mojea, vechonam bavon. 

05 -UZVAXDD - Eddie Ferns n

Moga mojea tuzoch mog kela
Sogloch mog mozo tuka dila
Kallzant mog tuzoch kantoila
Anv rau tum mozo dorya

Moga mojea, mojea poileach moga
Niz mog anvem focot tuzoch kela
Tujeach mogak, anvem eukar dila
Uzvadd mozo, tunch mozo surya

Sodanch (sodanch sodanch) sodankal rauchim
Oxinch ami mogan bonvchim
Dusman amcher uprasot tor
Mogan ami ravon tancher zuzchim

Urben mog him kallzam amchim
Eka mekak axetalim
Zaito teomp ami mogan ravlim
Xekim aiz ami kazar zalim

Tujeach moga, raulim visvaxi
Moga tunch mozo, khoro niz mogi
Satvo sakrament, zoddun tujexim
Kalliz mojem zalem dadoxi

Sodanch,(sodanch sodanch) sodankal rauchim
Oxinch ami mogan bonvchim
Dusman amcher uprasot tor
Mogan ami ravon tancher zuzchim

06. FUTTLELI BOXI” from Hortencio Pereira’s Cassette No.3 “ROCHNNAR”
Legend: M = Mother-in-law; D = Daughter-in-law; S = Son
Dialogue between daughter-in-law and mother-in- law:
D: Mor thuimsor mathare, tuka jevonn nhoi, tuka chau porian divunk hanv
kobul nam.
M: Punn moje dhuve, moji kosli chuk zalea?
D: Chuk zalea? Hanv tuka futtlele boxen vaddtam mhunnon ti tuvem lipoun
dovorlea.
Ti boxi meulea xivai tuka jevonn nam. Sozmoli nhoi?I
M: Ti boxi hanvem lipoun dovrunk nam Tin dis zalet mhaka jevonn divunk nam
D: Aghe mathare itlean kaim zavunk nam Boxi meulea xivai tuka jevunk nam

Chorus
M: Hem dukh chintun mojem, fugar zavun hanv roddtam
Mhaka dukh divunakai dhuve paem poddtam
D: Fuddlea sumanan tuka hanv Asilan dhaddtam
Nam tor voron tuka khuimcheai ranan soddtam

D: Gulfan put mozo kitle zait tras kaddta
Muineank ozaranim duddu dhaddta
Torui mhaka futtlele boxen vaddta
D: Mathareank futtlele boxen vaddchem poddta

Chorus
M: Mozo samball korunk, ghorkarak dileli bhas
D: Laghim enaka, tuje kuddik marta vas
M: Kiteak oxem mhunntta?
D: Tum mojea gomtteak poddla fas Devui voronam tuka sonvsarachi ass

Dialogue between mother and son:
S: Mummy!
D: Baba! Tum ailo? Anik hea kagdak guspaun kitem haddlam?
S: Mummy, hanvem tuka present haddla.
D: Mhaka present haddla? Koslo polloumiea.
Kitem? Hi futtleli boxi hanv sodtam. Ti tuka khuim meuli re?
S: Mummy! Ti hanvem samballun dovorleli.
D: Baba! Te boxen tuje xamaink vaddunk zai.
S: Punn futtlele boxen kiteak mummy?
D: Karann, tuji xamaim atam mathari zalea anik mathareank fokot futtlelech
boxen vaddtat.
S: Mummy tunvuim ek dis mathari zateli nhoi?
D: Hoi baba.
S: Toxem zalear, hi boxi hanv samballun dovortam. Tum mathari zatoch tuka
hanv hech boxen vaddtam.

D: Kitem? Hi vaitt dekh tuka konnem xikoilea re?
S: Tujea xivai mhaka vaitt dekh konn xikoitolo mummy?

D: Mhakach budh xikoita ho put mozo
Vhoddilank respet dhi xikoita dhorm amcho
S: Sukea zaddak mummy laitai uzo
Poilo kaido samball mummy tuzo

Chorus
M: Xanneponn tujem polloun puta khoxen suskar soddtam
D: Tum chup rau tuka faleam Asilan dhaddtam
S: Daddik chitt boroitam, Goeam apoun haddtam
Mummyn xamaink boxi dovorlea ti dakoitam
Chol xamaim tuka nove boxen hanv vaddtam.

Lyrics Courtesy: Domnic Fernandes

07. BOTLER
Botler I am de tarvacho,
Ship manager de kuznacho,
Special for chinamen soup making undramcho
Favrotie i m captancho, special makin prat tacho
masal dovrun making specl kald bokkdeacho

captain mojem making isstimosanv
christmas present giving me hem kalsanv
anv rat dis making orrasao before saying curraso
because am loving concessanv

Concessao beautiful looking
Bombay ayah servis working
when i get kazar she is asking
my elder bhoinn not yet marrying
hem chintin anv ekdom chodd kop maring

duddu anvem zaite keleat saving
tem conceesao bombay korta bankin
if anybody wantd my help application to me making,
interest also i am not so taking

Passenger zaitem giving tip
nidonk gelear poddona slip
if chief enger is getting sick
i am then anv choloitam ship

Japan vepar is very chip
oklek addlam ek nylon slip
beauftiul okol looking like a jith

if any ankwar guy getting kazar
I got my sister matric is passar
tea bhair tem cooking ekdom good, also know to choloi car
also dowry giving ponchvis ozar

08.SUCCORINA - Menin de Bandar

Aikotoch tim utram, guspotelim chintnam, sangonk zainam umanem,
Kollo aslo gollint, kansou lipon raulo vallint, korun aplem rovanem,
Axetalem udkak, dhorun tanem bebkak, forsan danvom nemvanem,
Gharant as...tana shiv, konnem kadlo zait jiv, azun sampdaunk nam konnem.

Ratcho nettan danvta, soglem disti podta tho jiv zaun assa mandoll,
Bailui tich asta, baile porim dadlo dista, tho jiv zaun assa gaindoll,
Xetak sarem poddta, tea sarean xetui vaddta, uprant tea xetar udeo marta toll,
Kombeo bath khata, bathan tantem ghalta, punn tea tanteant asa don koracho boll.

Uxear mhunnon Bali, Koleak soirik keli, kazar zaun gulfak gelo,
Gharant aslem vanxell, koleak kaddtalem tel, hem vontir ravon polle zol'lo,
Ravon tanem bagak, budh xinkoili vagak, poiat kitlo uxear kollo,
Apunn mhunon hoti, dakoitalo xati, xeutak denvcharan dhorlo.

Borelea tea ghorak, undran marlo burak, uprant ghor tem zalem frak,
Vaddoi lagon darak, bitor soddlo chorak, choran pakkam moddun voilo morak,
Sermao sanglo kurak, bandun dovorlem dorak, kudd upetali udkache larak,
Rag chodlo derak, xet sampdon nerak, khobor pauli akhea goa xarak.

Kanvlo gunter korta, kogull tanteam ghalta, uprant kanvlo pille kaddta.
Charni forsan roddta, xempdti tachi alta, sonvsar oso ho cholta,
Suknim choncho marta, jivak tondan dhorta, uprant aplem pott bhorta,
Ratcho konnui bonvta, tedna gugum roddta,fuddem aikat kitem ghoddta

Dolleantlim dukam pita, tachench pil tem rochta, tem suknem zaun assa tho mor,
Tiatrist tiatr kadta, te zaite zanak lagta, tumi tumkam korunk favonam sor,
Aplea tondan sangta, uprant dubau gomta, tum dakhoun dita aponn mhunon chor,
Succorinachi nitt zaunk nam, khunni azun mevonk nam, tuka soddchenam tum sonvsarant assot tor.

09.NIMANNEM JEVON - George Coelho

Don ozar vorsam pattlo ho ugddass,
Nimannem Jezu boslolo xisancho gheun sangat,
Bara xisam modlo eklo xis apleacho ghetolo ghat,
Duddvamche axek Jezuk visorlo tacho xis tho Judas,

Nimnnem Jevonn tem, ugddassachem,
Bara xisank gheun Jezun kel'lem magnnem,
"Hi moji kudd, rogot hem mojem
Anvem kelam toxem tumi hem ugddassak korchem".

Jezu tunven kudd tuji amkam dili
amchim patkam bhogsunk tumvem keleo rogtacheo zori
Nimnnea vellar xis tuje poule, koxtt tuje dekh tori
Eklo koxttoulo visvaxi raulo Bapak moro sori

Nimnnem Jevonn tem, ugddassachem
Bara xisank gheun Jezun kel'lem magnnem
"Hi moji kudd, rogot hem mojem
Anvem kelam toxem tumi hem ugddassak korchem

Jezu tujea nimnnea jevnacho ugddass yeta
Jedna padri tujea ugddass undo kal voir ubarta
Don ozar fattim tunvem kel'lem tem ami korta
Tuje kuddi rogtan, Jezu amkam novem jivit meuta

Nimnnem Jevonn tem, ugddassachem
Bara xisank gheun Jezun kel'lem magnnem
"Hi moji kudd, rogot hem mojem
Anvem kelam toxem tumi hem ugddassak korchem


updated 04/12/2013

Songs of Wilson & Sharon

ABSENT MINDED PROFESSOR - Wilson (W) N Sharon (S)

W:Tum vollkichi koxi dista, tuka khoim tori poilea mista,
S:Tujea ugddasak zalam kitem, sogott lok ho tuka ansta,
W:Khorench ugddas maka uronam, punn tum Bandrachean ba asta,
S:Arey anv bail tuji mojea ghova, dis rath tujeach gharan asta.

W: Ai Deva pormesvor,
S: Tuje bail bhurgeank visor,
W:Saiba koslem hem fokand mozo ugdddas gela khoimsor,
S:Fokot Algebra ani Geometry assa tachea toklen bitor,
Collegin xikoin xikoin ho ghov mozo, zala absent minded professor.

W: Faleam socialak tumven ievunk zai, sang khoimcho visitid ghalta,
S: Tumven vistid kednam maka xinvlai, anv tor sodanch saddi nesta
Pun anv socialak tujea ienam, voron maka eke vatten soddta,
Magir visron dusrea vatten bailank, bottam laun khoboro sangta.

W: Ago thoim kaukant disonam,
S: Boddiem kelem konn zanam,
W: Puro tujim fokannam, tum ghovak patienam,
S:Ho apnnak ugddas uronam mhunnon, tornea cheddvank dolle moddta,
Magir tim cheddvam rangan poitokoch, sorry apnnak bail sozmolo mhunnta.

S: Aka vorsam zait ailim ponas, torui ho boro uddta,
W:Ago thoim collegint cheddvank poitokoch automatic oxem ghoddta,
S:Tor tujea ugddask kitem zalam ghai,
W:Collegin boro ugddas urta, punn ghara ieun tujem thond poitokoch,
mozo ugddass padda poddta

W: Kazara adim anv boro,
S: Konnak sango naka puro,
W: Adim ugddas maka uro,
S: Arey bondollam konnak foddta,
Amche resperachea disak passun, poi ho koslim falam korta
Hanv nesson toyar Dabulan Igorjent, ho maka St. Xavieran sodta

SCIENTIST -Lyrics by Wilmix Wilson Mazarello
Album No. 1 ' Konkani Originals' by Wilmix-Sharon

Europak ek vhoddlo scientist rautalo,
Subez xikonk mhunon to Israelak ghelo,
Thuimsor zomni bhitor kitem meuta tem, tachem xikop to kortalo
Taka meulam tem aikon sonvsar ojeap zalo,
Taka meulim khuim zomnir haddam eka munxeachim
Tim haddam khuim sumar don ozar vorsanchim
Tis ani tin vorsam aslelea munxeachim
Tachea donui hath paieanim burak asle ani borik khunna aslim baleanchim,
To mhunon dubau nastanam him addam zaunk zai focot Jezu Christachim.

Rokddich khobor hi gazli radio ani TV cher,
Scientist tacho photu xaplo sogott potrancher,
To mhunno kon sangta Jezu jivont zala tachim haddam assant zomnicher,
To itlo famad mhunttoch konnuch dubavonk nam tacher.
Hi khobor aikon soglo christaum sounsar al’lo
Padri-Bispani aplo dhorm passun soddlo
Madri convent soddun ghara voicho rosto dhorlo
Missionar goribank vavurtale, tanni thuimchea thuim goribank soddlo, 
Kaluch Jezu aplo Deu mhunno to munis aiz Devak visorlo.

Amcho Dhorm khoro assonk Jezuchem jivontponn,
Hem zainaslem tor tachi porva korinaslo konn,
Tor hem soglem kainch nhu zaunk paulem voi tea scientistak lagun
Pun to morche vogtar aik kitem gel’lo sangun.

Sanglem tannem aplo nimnno vogot aila mhun,
Soglem jivit bhor apun naum zoddunk sodhi mhun,
Nanv apnnem zhoddlem pun munxeakuddak naddun,
Him addam nhoi Jezu Christachim pun ti hanvench dhovorlelim thuim addun,
Hem nimnnem kumsar mojem zatam hanv Devan bogxilear puro mhun,

Hi khobor aikonam fuddem suskar soddlo sonvsaran,
Kitle padri bisp portun bhitor sorle dhorman,
Madri konventan geleo missionar porot goribanchea kaman,
Apli chuk vollkoli mhunn onbhavarti munxean.

Khori khobor hi hanven kaim goddunk nam,
Igorz maten chint kitem kaim bhogunk nam,
Koslem hem jivit zorui Jezu jivont zaunk nam,
Ami munxeank sanglem rokddench manlem pun Devan sanglelem madunk nam,
Ami patki munis Devak sandtele pun Devan amkam sanddunk nam.
Ami patki munis Devak sandtele pun Devan amkam sanddunk nam.
Ami patki munis Devak sandtele pun Devan amkam sanddunk nam.

PAUSACHO DIS - Sharon
Dusre disa Igorjechem fest assa mhunn,
Main maka kumsar zaunk mhunn dhaddlelem,
Kumsar zaun anv ghara yetanam,
Amchi bhett zauncheak nirmilelem.

Pausacho dis aslo, gosgoshancho pauss koslo,
Sontri moje thaim asli ,tednach tum dislo,
Kedinch anvem chintunk nam, vogot eit mhunn oslo,
Sontren tuka ghetokoch mozo jiv sontoslo.

Vatter tunvem mojem nanv vincharun,
Khoimsor rauta tem vincharlelem,
Punn anvem tujem nanv vincharunk nam,
Mhunnon tuka goddiek vaitt distelem.

Chorus...Pausacho dis aslo...

Orddi vatt amchi cholon zatokoch,
Tumven mojea khandar ath dovorlolo,
Poilech pautt maka oxem ghoddlelem,
Sonvsar sorguch koso dislolo.

Pausacho dis aslo, gosgoshancho pauss koslo
Sontri moje thaim asli ,tednach tum dislo
Kedinch anvem chintunk nam, vogot yeit mhunn oslo
Sontren tuka ghetokoch mozo jiv sontoslo.

Gharant tujea pautoch bitor vetanam,
Anik ek pautt voddon tunvem poilem maka,
Dogaimnim mogacho anvddo gil'lo,
Tea disak than anv rautam tuka.

SOIRE ANI GORIBSANN - Sharon

Pai mozo sirvis kori, maim ghor sambautali,
Pai duddu zoddtalo, maim despez kortali,
Paichi zodd vhodli nhoim, thoddech dis pautali,
Maim kednaim amkam vaddun, apunn upaxi rautali.

Aiz moje lagim, kitlech duddu assa,
Ozaranim duddu mojean, moddum ieta eka dissa,
Punn ugddas ieta maka, mojea bhurgeaponnailo.
Soiro ek passun naslo, amkam adhar ditolo.

Maim-pai ani tegam bhurgim, amchi famil osli,
Kednam oslo vell yetalo , gharan ek domdi nasli,
Favo titlem nesop naslem, loz ami sonslea kosli,
Birankull ek sopon koxem, amchi doxea asli.

Festachea dissak, sezari missak vosso,
Ami vossonk axetalim, punn nessonk kapdam nasso,
Dusreamger soirim yetalim, amchea soireank loz disso
Vaddeantlea festa disak, ami gharantuch bosso.

Duddu aslear soglle tuje, nam tor tum konnak naka,
Hi mhunni tumi aikon zannam, punn ghoddon ailam maka,
Kitlinch tuka soirim assot, konn pavonam tuka,
Goribank adar eklo Dev, taka mat vissor naka

Hea soireamchem nattok, fokot don disanchem,
Tum duddvamkar zalear, tumger birem soireamchem,
Duddu tuje kobar zait tor, nanvuch visortat tujem,
Bikari soiro konnak zai, tum tanchea matear vojem,
Bikari soiro konnak zai, tum tanchea matear vojem.

UZVADDACHO DIS - Sharon

Kallzan than aiz anv khoxi zatam,
Sogllem boreponn tuka anvdetam,
Hea disak tujim sopnam purim zatelim, toxinch khuxeal uronk magtam..x2

Bessanv tujer poddom, vizmitam ghoddom, 
Sorgimchea dennemeacho tujer pauss zoddom....}X2

Jivitan zaitim tujer ailim moddam,
Tancho tunvem fuddo kelo kalljivontponnam
Teach porim fuddarakui tum zoitivont zaum, Dhonia Devachea adharan,.x2

Bessanv tujer poddom, vizmitam ghoddom, 
Sorgimchea dennemeacho tujer pauss zoddom....}X2

Aiz tum Dhonia Devak argam di,
Jem kitem ghoddlam nirmilam tannim,
Aiz vo dis tuka mellonk Devachench nirmonn,hem visronk favonam ami...x2

Bessanv tujer poddom, vizmitam ghoddom, 
Sorgimchea dennemeacho tujer pauss zoddom....}X2

UGDDAS TUZO - Sharon

Anv ghorcheam sangatak, gelelim eka kazarak,
Thoim justuch samkarak, tum boson asloi, tujea ixttam barim teach kazarak,
Hea adim tuka pollounk nam, hea uprantui porot disonk nam,
Focot don-odez voram tum maka meuloi tea rati kazarachea mattvan.

Nodor moji poddtanch tujer,attvech torechim bhavnnam mojer
Kalliz mojem doll-dollonk laglem tuji nodor poddtoch mojer...x2}

Band vazunk lailelem, lok nachonk laglolo, kitlexech ankvar chedde maka nachonk aile, 
punn anvem soglleank porot daddle
Anv tukach ravtalim, ailolo dans anv soddtalim 
Nimmneam dansak tum ailoi anv khoxen bhorlim ani dogaim ami nachonk laglim.

Varear koxim anv nachtalim, khoim assa tim visorlelim
Tho dans kobar, zala mhunn passun, noko zaun tujeach vengen aslim.....x2}

Sontosachea hea vellar, muzgani gailem ek kantar,
Kitlem  borem tem kantar,mogachem kantar, teach kantaracher somplem kazar,
Rav anv rokddoch yetam, mhunnon tum khoimsor gelo, 
Sogott vochosor raulim punn tum yeunk nam addressui diunk nam nattak zalo

Ekuch tho dans kazaracho, tujea mojea jivitacho,
Sotra vorsanim aiz ugddas kaddun ek vers mhunntam tea kantaracho..x2}

We were sailing along on a  monnlight bay
We could sweet voices singing and they seem to say
You have stolen my heart now dont go away
As we sing that old sweet song on the moonlight bay

MODDGONVAM PRASAR - Sharon 

Moddgonvam prasar ubim astanam,

Kunkollechea bosichi vatt poitanam,

Deklo tuka ponjeche bosir choddtanam,

Dogaimchi nodor ek zali chintinastanam.

Tedna dovea kupani bhorlo dislo soglo sonvsar

Ozaranim neketram porzolltalim unch ontrollar

Mogacho vell udelo mojea kalzar

Bos tuji prasaruch astanam,

Deklo tuka zonelantlean mhaka poitanam,

Mogache dolle dolleank laitanam

Kallzam amchim ek zalim uloinastanam

Tedna dovea kupani bhorlo dislo soglo sonvsar

Ozaranim neketram porzolltalim unch ontrolar

Mogacho vell udelo mojea kalzar

Bos tuji prasaili sut'tanam

Bandlelim kallzam separar kortanam

Sogott maka poitalim dukhani roddtanam

Moddgonvchea prasaruch ubim astanam

Kedna kai dovea kupani bhortolo mozo sonvsar

Ozaranim neketram porzolltelim unch ontrolar

Mogacho vell udetolo mojea kalzar

Sodanch anv Moddgonvam yetelim,

Prasar yeun Ponnjeche bosik poitelim,

Kedna tor tum yetolo mhunnon axen rautelim

Mog amcho khoro tor jerul meutolim

Tedna dovea kupani bhortolo mozo sonvsar

Ozaranim neketram porzolltelim unch ontrollar

Mogacho vell udetolo mojea kalzar

Mogacho vell udetolo mojea kalzar

Mogacho vell udetolo mojea kalzar

ZAATI - Sung by Michael and Sharon

Composed by:  Wilmix Wilson Mazarello

Legend:  Michael = M; Sharon = S

I

M: Itkem dukhest pollovn tuka Linda sintir hanv

Sang mhaka koslem bhogta zait tuka fugasanv

S: Kitem sangom Alfred, khobor hi gazta sogllo ganv

Lok mhaka xinddtat zolman thavn unnem zaatin mhunn hanv

Chorus

M: Unnem zaatin zalear kitem zalem tor

Dev zaati vollkonam munisuch tacho autor

S: Dusman uprasla addkoll ghalunk amchea bhitor

Tea dusmananchem aikonk zait hanv koslo fator

II

S: Ganvcho lok mhunnttat tumchea gharan sobchinam mhunn hanv

Unnem zaatin zolmonk mhozo koslo guneanv

Maim tuji mhunntta khuim, hem kedinch ghoddonk dinvchinam mhunn hanv

M: Maim kazar zanvchinam, kazar baie zatolom to hanv

Chorus

M: Mojem kaim ek aikonk nam, aplench suru kelem

Maink hi khobor konnem sanglea, tenvuim mandun ghetlem

Maim moji ulonvchinam ulovp oslem chintop naslelem

Uloit zalear pasun amchem kazar zatelem

III

S: Guneanv bhogos Alfred, oxem mhunnot mhunn chintunk nam

M: Sudhir, Chadd'ddi, Render, Bamonn Devan rochunk nam

Toxech he amche ganv, Devan separar korunk nam

Oxem ghoddonk him munxeachinch pixeaponnam

Chorus

S&M: Aichean soglleank bori vatt ami dakoviea

Itlean zaatinche darvontte moddumiea

Sogott lokachea gineanar uzvadd haddumiea

Igorz-Mathechea kaidea pormonnem cholomiea.

S&M: Aichean soglleank bori vatt ami dakoviea

Itlean zaatinche darvontte moddumiea

Sogott lokachea gineanar uzvadd haddumiea

Igorz-Mathechea kaidea pormonnem cholomiea.

updated 2/12/2014