1.SANDRA – Alfred Rose
Moje khuxik tum eun bostai,
Matxe matxe lagim sortai,
Kira bhaxen maka chonchtai, kiteakkkkk
Chimtte maka kaddun anstai,
Vengen maka dhorunk sodtai,
Phatlean san ghott maka dhortai, kiteakkkkk
Oh Sandra hai Sandra, rautai tum Pali hill Bandra,
Sandra vhoi sandra, tedna vorsam aslim pondra,
Sandra oh Sandra, montchea festa meulem Bandra,
Nodrek sampodlem, mogan tum poddlem sat vorsam zalim Sandra,
Sandra ek cheddum Chinachem, gulgulit tambdea polleamchem,
Dhaktulea dhakteam dolleamche..aha,
Amurkench anstea thondachem,
Sobitaichea vontamchem,
Dhaktulea cheptea nakachem...aha.
Oh poddlom voi poddlom, chinachea mogan anv poddlom,
Ravlom voi ravlom,sath vorsam passun anv ravlom,
Zalom voi zalom chinacho mogi anv zalom,
Kantte Kulleran adim jeutalom, boddiamanim jeunk atam xiklom.
Chavoit zalear tem chavoita,
Ching chong ching chong ching chong korta,
Nakxeanim fafsuncheak yeta haha,
Ragan tambdem birond zata, bonchudd'de bhaxen polleta,
Beij gheutoch rokdench pigouta aha.
Sandra oh sandra mhunnta anv kazar zatelilm,
Honeymoon-ak mhunnta anv Chinak vetelim,
Porot yetoch konkani bhasui xinktelim,
Sonvsar poitelim, Goeam yetelim, kalche koddien anv jeutelim,
Voi Sandra sandra, sandra oh sandra
2.SANT FRANCIS - Alfred Rose
Onondvont Sant Francis Xaviera,
Adim karvea Goa xarachea,
Patron gorjek sampoddleleanchea,
Aito zai tum magnneak amchea.
Ch
Tuji kudd tea tumbant,
Bom Jezuchea basilikant,
Magtam hanv thir bhavartant,
Adar dhi amchea akantan.
Pest piddecho tum adar amcho,
Adar soglleanim sanddleleancho,
Tum rakhnno Jezuchea xelliancho,
Soglleancho tum aiz bhorvonso,
Ch
Tuji kudd tea tumbant,
Bom Jezuchea basilikant,
Magtam hanv thir bhavartant,
Adar dhi amchea akantan.
3.SAT OSTOREO – Alfred Rose
Sat ostoreo ekttaim zaleo,
Aplea athanin vavronk lagleo,
Oixim rupya gheun fuddem sorleo,
Pun zoitivont aiz zaunk pavleo.
Gharacho despez chodd zata dekhun,
Duddu zoddunk vepar tannim kelo,
Terrescher vochon vaur suru korun,
Poiloch tancho maal vikrek bhair sorlo,
Poilea vorsa sou hozar rupya yetat,
Dusrea vorsak sath hozar rupya zoddtat,
1959 vorsa than tim vavurtat,
Atam vorsak sotor millianv rupya yetat.
Vepar tancho nhoi chodd voddlo,
Punn soglle sonvsarak bhoinnanin sorlo,
Indiek porko duddu zoddlo,
Team ostoreank aiz mann voddlo.
Tim sath zanam aiz zaleant sath hozar,
Poilem kortat sogllem ghorche karbaar,
Urlolo vell korunk bostat vepaar,
Chintlear heo ostoreo kitleo ushyaar,
Sokalim tim thoddem pitt ghara addtat,
Ghorcho vavr zatokoch tem pitt lattunk bostat,
Vhoddli matnam korinan fokott papde kortat,
Tea papde voron tannin aplea offican ditat.
Lijjad papad mhunntlear aiz gazta sonvsar,
Bomboichea ostoreanchem hea vhodd karbar,
Tumchea athanin bhoinani arti asat sabar,
Pun azun pasun korunk nam uzar.
Lonche miscuit balchanv korunk zata,
Toxich ti ruchik mole korunk zata,
Para korun battleanin borunk zata,
Gharant boson ho vavr korunk zata,
Ambechea tempar ambeachea lonchem korunk zai,
Limbeachea tepar limbechea lonchem korunk zai,
Tannin papde keleat tumi hem korunk zai,
Ani Goencheo ostoreo uxear mhunn dakhounk zai
4.SENHORITA - Alfred Rose
Senhorita, Senhorita, tuje bhoinnicho mog maka kotta,
Senhorita, Senhorita, kiteak bestench mojech pattlean lagta,
Kednaim ansta, kednaim nachta,tuka polloun kalliz mojem dukta.
Senhorita, Senhorita tuji bhoinn poi tuka dubavta.
Poddonk sodtai mojea mogan,
Bhoinnink korunk chin'tai chikann,
Korunk sodtai vhoddlem tufan,
Sambau tum poddteleim dukan.
Maka poitai, dolle moddtai, atam dolle moddun koslo faido,
Borem nestai, doddtai moddtai, maka bullounk despez kortai zaito,
Sagvad addtai, present daddtai, to present tujea kallzak tum lai to,
Bhoinnink kendtai, voddvikuch sangtai, pallinai bhoinnponnacho kaido.
Ganvan asat kitle chole,
Tankam tum modd tuje dolle,
Tanchim kallzam bhuloun polle,
Te sarkech mogreche kolle.
Senhorita, Senhorita, tuje bhoinnicho mog maka kotta,
Senhorita, Senhorita, kiteak bestench mojech pattlean lagta,
Kednaim ansta, kednaim nachta,tuka polloun kalliz mojem dukta.
Senhorita, Senhorita tuji bhoinn poi tuka dubavta.
Senhorita, Senhorita, pai-maimchem nanv samball Rita.
5.SHOPPING NAKA - Alfred Rose (AR) & Rita Rose (RR)
RR:Chol-ia, chol-ia, chol-ia, shoppingak vor maka,
Christmas lagim eta, vistid zai maka,
AR:Ozar passun dilear, maka shopping tem naka,
Vostu soglleo gheun coolie korta maka.
RR:Anv tuji bail tum nhozo ghov,
Shoppingak tum exi bessanv ghaltolo Dev,
AR:Ako dis votan shopping korun zalom mov,
Veta titleaim shoppanim mhuntta, "KAPDDA SASTA DEU"
RR:Kiteak bobau martai list anvem kelam,
Kitem kitem zai tem antun boroilam,
AR:Adim tunvem listam keleaim sogllim bondolam,
Listam konxeak marun meuta tem gheun ailam.
RR:Tum dadlo zaun shopping korun thoktai,
Anv kednanch thokonam tum kiteak bietai,
AR:Colaba than markettan chollon shopping kortai,
Missak chollon hea mhunttlear, paim dukle mhunn roddtai.
RR:Poi tuje moche sogllech zaleat pirddear,
Dusre tuka gheuia, style zalea mudar,
AR:Gelea vorsa bailek moche gheunk ghel’lom shopar,
Xembor par dakhoilet, salesmen zalet bejar.
AR:Kitle moche poilet pun ekui ghetlonam,
Kitleo vostu poitat, pun kitlinch vanponnam,
Shoppanim bhair bitor bair bitor sorta, kitench tika mandonam,
Anv tika kosso mandlom mhunnon ekloch Dev zannam.
6.SOGLLEANCHI IZOT KADDCHI NHOI – Alfred Rose
Anv kuwait astannam, ek bail maka meuli,
Ti fugar zatali, dukhanim roddtali,
Sat vorsam zalim, ti sirvis kortali
Kednaim guneanv nastanam, tancho marui khatali.
Panch bhurgeamchi khuim ti maim,
Ghovak tichea poddonk naslem kaim,
Tannem soro pion sonvsar kelolo dukachi baim,
Munxeaponn mhunntat tem matui naslem tache thaim,
Bhurgim roddot bhuk laglea maim,
Konnenunch adar dilolonam kaim,
Kuwait vetoch feliz zatoch lok mhunnonk laglo,
Kuwait mouza marta panch bhurgeamchi maim.
Kuwait igorje lagim ek cheddum aslelem,
Sogleak ghuspotalem, chitt borounk sodtalem,
Maka polletoch danvon lagim ailem,
Maink chitt moje boroi adar magonk laglem.
Pain tachea dolle danklelet,
Dhakte dhakte bhav tache aslet,
Pain zoddlole poixe mainche duensak kobar zalet,
Attve vitte kaddit konnuch adar dinasalet,
Kuwait vochon bhavank xikoilet,
Maimche alaval unnem zalet,
Torui kurnatti munis taka mhuunonk laglet,
Poi cheddvan mouza marun duddu kelet.
Gulf vetokoch, soglleank disti podta,
Punn kiteak vetat zait, hem sodun konn kadta,
Nirbhagi ghorabeank, sang konn adar dita,
Punn hi add nasleli jib, zai toxi katorta.
Gulfak vochon kitleam bailanim,
Uzvadd adla apleam gharanim,
Barkaien aikoxeat zalear zonn ekleachi dukest kannim,
Kalliz futton dolle bhoronk pavot dukanim,
Punn gulfak vochon zaiteam bailanim,
Nanv apleam ogddailam bhoinnanim
Punn thoddeank lagon sogleank ekech tagden zokchinhoi,
Sogleamchi izot kaddchi nhoi bhavanim
7.SONVSAR OSTOREANCHO - Alfred Rose
Sonvsar ostoreancho, sonvsar ostoreancho,
Teomp to etolo sonvsar zatolo sonvsar ostoreancho.
Eropachea ganvanim dekhlam anvem dolleanim,
Veta titlea don'dheanim, khand marla bailanim,
Bus conductor ostori, bus choloita ostori,
Kosloi vavr to zaum korunk toyar assa ostori.
Oh Sonvsar ostoreancho, sonvsar ostoreancho,
Teomp to etolo sonvsar zatolo sonvsar ostoreancho.
Vhoddleo lorry choloitat, cinema tiketti viktat,
Seati passun dakhoitat, pagui borem ghetat
Kenteenanim ostoreo, hotelanim ostoreo,
Waiter ani barmaid passun assat ostoreo.
Sonvsar ostoreancho, sonvsar ostoreancho,
Teomp to yetolo sonvsar zatolo sonvsar ostoreancho.
Indiek osolem zaunk nam, zatelem math dubav nam,
Aikat him mojim utram, nhoi fottkirim chitram,
Bomboi poi offisani, cheddvank sirvisek dhortat
Daddle xiknar punn bekar gharam sambautat
Oh Sonvsar ostoreancho, sonvsar ostoreancho,
Teomp to yetolo sonvsar zatolo sonvsar ostoreancho.
Cheddo eok kazar zait tor, vokol koxi assa vinchartat,
Bhurgem konnager zait tor, maim koxi assa vinchartat
Eok ghov zor morot zalear, sonvsaran kitem kortat
Tannem bailek kitem dovorlam gai mhunn vinchartat....
Oh Sonvsar ostoreancho, sonvsar ostoreancho,
Teomp to yetolo sonvsar zatolo sonvsar ostoreancho.
Teomp yetolo sonvsar zatolo sonvsar ostoreancho.
8.SOPNAN DISTOLOM – Alfred Rose=AR & Rita Rose=RR
RR: Roddon roddon goilloitam dukham,
Eksurponn dileim makam,
Gathki mornan giraslo tukam,
Randdponn aiz dileim makam.
AR: Sorgar anv assam Anjea
Ankantak pavtam anv tujea,
Sasnnanchi ghetlea rojea,
Bhurgeank tum samball mojea.
RR: Koslem kazar mojem novlanchem,
Sukh fokot panch vorsanchem,
Eksurponn pounk zainam bhurgeanchem,
Moddlem verem tarvachem.
RR:Eksurponnan koxe dis sarum,
Konnank anv ulo marum,
Bhurgim roddtat anv kitem korum,
Sang mozo jiv diun morum.
AR: Kurpa magon daddtolom,
Sodanch sopnan anv distolom,
Deva lagim magtolom,
Jivit tujem sukhi kortolom.
RR: Bhurgeank polloun bhogtam fugasanv,
Jiv naslelim zaleam anv,
Dimbler ravon kortam orasanv
Dhonia tuji khoxi zanv...x2
9.SOROP GARSULEAM DOLLEAMCHO – Alfred Rose
Ek famil mudansak geleli,
Gharachi chavi sezareanger dhorleli,
Att disanim yeta mhunn khobor sangleli,
Punn sorpan tanchi kat kaddli.
Ek dis auchit, ek kobott gheun dog kuli ailet,
Familin tem viktem ghetlam mhunn te sangonk laglet,
Chavi gheun kobott gharan te dovrun gelet,
Punn dusrea disa chukh zali mhunn sangon,
Tench khobott voronk aileat.
Ti famil mudans korun aili,
Gharan bitor sortoch soglich thottakli,
Gharan kainch naslem ghor zalelem khali,
Hi chori konnem adarli.
Tea kobottan ek sorop aslo garsuleam dolleamcho,
Kobott gharan bitor dovortoch bhair sorlo ratcho,
Vostu chorun kobottan galun apunn riglo porto,
Te kuli yetoch tem kobott vortoch,
Dubau poddlonam tancho.
To sorop auchit Goeam pavlo,
Ratricheo thuim choreo korunk laglo,
Darar marun konnachea gharan guslo,
Pistol dakhoun bailek benkddaunk laglo.
Gharan konnuch naslo mhunntoch bail bieli,
Chol soro add, chol nistem bhaz tika formaili,
Nistem bazun tel galun kail chulir dovorli,
Tem tel taptoch kail dolleamcher martoch,
Garsuleanchi vixtt ulpaili.
Samballat bhoinnanim tumchim gharam,
Konnakui ukttim korinakat dharam,
Sorpanim bhorleat vadde toxinch xaram,
Te mass khavun dovortat addam.
Zanv vaddeanim zanv xaramanim sorop chodd zaleat,
Flatanim eun chorieo korun jiv gheun geleat,
Garsule te tankam ratchem dista chotrai dhorat,
Tumche dadle gharan nam zatoch bhoinnani,
Tumim samballun ravat.
10.SUI, SUTH ANI KATOR - Alfred Rose
Adanv Even ti kudd dampli zaddachea pananim,
Tech porim adleanim tea zanvarachi chamdeanim,
Ami zoddtam xemboranim, vorak moddtat ozaranim,
He kuddik surngaitam jinsam torimcheam luggtanim.
Punn sangat chinta zait konn, munxean uzar kelem mon,
Tin athyaram voi ghoddleant sogleank mellonk sompepon,
Aiz nesop amchem sudorlam him athyaram asson,
Niallit tanchem vhoddponn, dolleank yetelem dison,
Kitle zan man bhogtat tea athyarank lagon,
Heam athyaramcher vomplam dorjeponn.
Him bolladik uzar kortat aiz sogllea ganvanim,
Tanchea udexim man zoddla zaitea Goemkaranim,
Him athyaram uzar korun vhodd nanv dovorlam thoddeanim,
Bandun passun dovorlea Bomboi Goemkaranchi colonim.
Ti sui suth ani kator, ekvottan dakoita pavor,
Kator katorta, sui xinvta suth galun bitor,
Eok eok dorji dakoita aple arthicho valor,
Ti sui suth ani kator nesoita amkam angbor,
Punn teo noixtteo modi sonvsarache bitor,
Xinvta toch tho dorji gheun sui suth kator.
Parxeanim Hindwanim ekvottachi buinad galun,
Aple commnidadik bildingam dovrleant bandun,
Adle girest mhunntat tannim ti girestai ektaim korun,
Fokot vavurleat apleak tim pollkim voram zoddunk.
Grant road Bombaim poixi tor, dadosta pollunk dolle bhor,
Somplelea AR Diasak Goemkaracnho mog chodd,
Poili Goemkaranchi colony tannem bandli Grant Road,
Dublo punn zaunk paulo vhodd, nennar xikop naslem tor,
Ugddas tacho urlo ho sonvsar sompo sor,
Vavurlo gheun fokot ti sui suth ani kator.
11.SUKH SUKH SUKH AILEM LOTTON – Alfred Rose
Ah!Sukh, sukh sukh ailem lotton,
Dukh, dukh dukh gelem uddon,
Poddlear passun dukhonam, marlear pasun lagonam,
Odhruxtt aiz than gelem sutton.
Oh! Pas zalom anv pas zalom,
Xekim BA pas zalom,
Sirvis atam kortolom,
vhodlo officer zatolom
La la
Sukh, sukh sukh ailem lotton,
Dukh, dukh dukh gelem uddon,
Poddlear passun dukhonam, marlear pasun lagonam,
Odhruxtt aiz tan gelem sutton.
Hoi! Maim khoxenuch bhorteli,
Vengen maka dhorteli,
Xezareank apoiteli, Devak argam diteli,
Khoxechim dukham roddteli.
Khoxenuch anv hanstam,
Uddon uddon nachtam,
Gumot toblem vaztam,
Dadosponnan siztam
la la la
Sukh, sukh sukh ailem lotton,
Dukh, dukh dukh gelem uddon,
Poddlear passun dukhonam, marlear pasun lagonam,
Odhruxtt aiz tan gelem sutton.
Ah! Khoxechim vanvtat dukham,
Kallza-kui funttlim pakam,
Sukhnnem koxem uddtam, dadosponnam buddtam,
Noxiban zog-zoglim thikam.
Oh! Pas zalom anv pas zalom,
xekim BA pas zalom,
Sirvis atam kortolom,
vhodlo officer zatolom
La la
Ah!Sukh, sukh sukh ailem lotton
Dukh, dukh dukh gelem uddon
Poddlear passun dukhona, marlear pasun lagona
Odhruxtt aiz tan gelem sutton
12.SUKNNEM SUKNNEM - Delphine
Suknnem Suknnem Suknnem zaun anv uddtam,
Mogan ghontteor korunk axetam,
Ratchim mogachim sopnam sopnetam,
Tum mhunn sozmon uxim poxetam,
He mojea moga, axetam tuka,
Vengen dhor maka, bienaka,
Anv ravtam tuka, tunch mojea sukha,
Danvon he vegim, lozonaka,
Oh...suknnem suknnem zaun anv uddtam......
Pixim pixim sogllinch zaleam pixim,
Mogak lagon zaleam anv oxim,
Mogachech bhuken asam upaxim
Vell lainakai yeo tum mojexim.
Tum kiteak anstai, mijeaxin bostai
Maka poun loztai, lozonakai,
Up-to-date nestai, pounk boro distai,
Mogan tor bhaztai, kiteak ravtai,
He tor....pixim pixim sogllinch zaleam pixim...
(AR: tum Goemkarn nhoi gho - voi
kednam meutelem faleam - voi
veginch meu ham - borem )
Mogan tujea poddtelim setembran,
Kazar amim zaunchem Outumbran,
Honey moonak amim vechem Novembran,
Tegam zateleaum fuddlea Dezembran.
Ha ha ha anstai, tum kiteak anstai,
Amurkoch anstai, ansonakai,
Tum kunvor distai, bitorlean siztai,
Mog mozo kortai, kiteak ravtai,
Ha...mogan tujea poddtelim setembran.
Updated 13th May 2020
