Songs of Joe Rose

KAXINTLO PAIM - Joe Rose 

Aikat mogall bhavanim, sangtam tumkam anv hi khobor khori,
Eke maink aslo ek cheddo, gharacho mhunnon divo, apurbai kori,
Pottak miriyeo ghalun, bhuk apli marun, ti taka vaddi,
Put kednam vhoddlo zatolo ani apleak postolo, chintun dis sari,

Deva lagim magon, konnaicheim rinn kaddun, iskolak ghatlo
Bogor eun poixe magi, vaitt amigank asle bagi, tankam khavoitalo
Main poixe nam mhuttlear, to khontt mari kullnnear, maincher chavotalo
Maim dukan dis sari, korun dukancheo zori, koxtt mainche put chintinaslo

Iskolachi guttli marun, xekim iskol soddun, zalo movali
Rat zatoch maim kaddi khonti, boso umrear gheun pontti, vatt ti poitali
Vaitt mhunno nasli putak, xinnonasli Devak, fugasanv bhogtali
Put lokot ghara iei, maink sonvo ghaii, marun bhattli

Ek dis pion ghara eun, maink khontt marunk, paim ukol’lo
Tednanch vogot tacho pavon, kallzacho atak zavn, thuimsoruch somplo
Ak’kea ganvank perganv poddlo, tachea moddear lok bhorlolo ojeaplo
Ganvche aile xapai, zaite getle upai, tacho ek paim kaxin vochonaslo

Thoddeanim paim damun dhorlo, dor ghevn bandlo, ekdom taktin
Punn bandlolo dor tunttlo, paim voiruch sorlo, bhitor uronk kottin
Mainchea kallzak toplo bhalo, kortubancho ailo ugddas motin
Roddon mhuttlem “mojea puta,anv bhogxitam tuka”tednanch panvom denvlo kaxin

Main zolom tuka dila, dudhan tuka ximpla, hem visronaka
Podvecho tuka mevot dhog punn mevchonam maincho mog, tika dukoinaka
Pion monan ailear dhar, hath tuzo vonttir mar, maincher uklinaka
Tednanch Dev ghaltolo bessanv, hea moddeachem lisanv, mogall bhavanim
tuka-mhaka
Tednanch Dev ghaltolo bessanv, hea moddeachem lisanv, mogall bhavanim
tuka toxench mhaka.

SOGLLEM ZALAM DAKHTULEM - Joe Rose

Adlea tempar kazarank sontri vhoddli astali,
Novro fuddem okol fatlean lojen choltali,
Atam adinch fuddem Polychea khakek handbag Lily,
Dekunch hi sontri atam zalea daktuli,

Adim lancer kontra dans nachon sokauchim vaztalim sath,
Oklek novreak chavon chavon pasar kori akhi rath,
Antam nimnno dans kednam zatolo okol-novro poita vatt,
Don kroket ani tin dans kazar kobar sata-sat.

Hea modern sonvsaran sogllem dakhtem zait veta,
Adle dadle xembor vorsam sukhan sari puta,
Antam ek bhurgem zata mhunnsor te kens dove zata,
Dusrea bautizamank paicho carrom board toyar khotta

Adim kekicho kuddke kedde asle antam khoim re meupache,
Ani Cold drinksache glass vhoddle sopnant poupache,
Antam kekiche vanttat particulam jiberuch re kheupache,
Cold drinksache glass distat ventoz kaddpache,

Inocent adlo lok novro oklek loztalo,
Kazar zatoch don tin mhoineani mog tho zatlo,
Antancheo zoddeo adinch fuddem kortat ghottalo
Sogllem dakhtem zalam honey moon zainam daktulo

Adim lok kazarak duddu ani bhangaracho ghalit ayor,
Te adle present antamchem presentank zainam sor,
Antam dusre disa present magir ugtte korun poit tor,
Bailean box vhoddlem bitor ghaltat dudacho mameor.

SUN ANI MAIM - Joe Rose

Aikat kannim xemain sangleli, ghorkarn maim ani sun asleli,
Apurbaichi sun dekun apli maim sunek uklun dovortali,
Maimcho mog ti sun kortali, borem utor tika ditali,
Maim-suneacho mogak poddonk ver, ghott tozvit kortalo Lucifer.

Xittacho buddkolo vautanam suneacho athantlo sutto,
Maim sapsup kortanam, sunen addlolo arxoch futto,
Eka-mekak tim xinno naslim sukhan dukhan gheit vantto,
Tankam naddunk zainam mhunn luciferak topo kantto.

Teach ganvan ek matari ravo, aplea kamank ticho adar zavo,
Dekun lucifer kott ghalun dhovo, ratcho vochon tea matarek mevo,
Koslea kamani ti tak pavo, uzo lainastnam kortalo ghavo,
Maim-sunechea mogak ghatlear ver mhunnta tapot ditolo lucifer

Maimchea mathean sun poita,ganvchi matari passar zata,
Kuxin suneak apoita kanan thond galun luan sangta,
Kitem sanglem bai gho tuka, maim sunek vincharta,
Sun soth sangta matari vinchari bath kandlear tandu zata.

Bath kandlear tandu zata,konnui sangatolo gho puta,
Oslo vinchar kela mhunn tuka, fott maka marinaka,
Maim sunek kestanv lagun hika, lucifer tapot dita taka,
Mhunnta matare tum infern euxi zalear makai naddunk pauxi.

Poiat bhavani kitem ghoddta, boreak ghorabeak kidd poddta,
Maim-sunachem kestanv vaddta, bhavam modem vegllezar vozta.
Lokachea sangneank kan dampta toch ghorabo sukh bhogta.
Vaitt zaunk ugot naka borem zauncheak vell lagta,
Vaitt zaunk ugot naka borem zauncheak vell lagta.

Songs of Alfred Rose - O

1.OH! CHEDDVA - Mahendra Kapoor - Lyrics Alfred Rose

Oh! Cheddva, tum choltai baie alon ani dolon,
Oh! Cheddva, choltanam kiteak poitai maka vollon,
Sokalim ek nestai, donparam ek nestai,
Chintnam tujim ailim maka kollon,
Utramnim bhuloitai, chittinim apoitai,
Pisoulaim distai tum maka bulon,

Amche samkar ravtai, zonelacher bostai,
Maka polloun anstai, dolle moddtai,
Tum sobit ful bagintlem zaunakai vik zomnintlem...x2

Oh! Cheddva, sirvidora lagim pattoitai chitti,
Oh! Cheddva, fuddarar mojea voddunk sodtai mati,
Anv baie kazari, nhoi besto bazari,
Ek gunnest ostorecho poti,
Bail moji bori, khobor gomlear khori,
Nistem koxem korit tuka sutti.

Mojea bailek kenddtai, ti bannxirem mhunntai,
Tum beauty queen torui ankvar nachtai,
Tem bannxirem bai molachem, mojea kallzak vhodd valorachem...x2

Oh! Mhoje boinni, maka tallnent ghalunk tum chintinaka,
Oh! Mhoje boinni, anv patkant poddtolem munn sozmonaka.
Azun asai ankvar, bosonk sodtai sankvar,
Kazari ghorabe vibaddnaka,
Anvdde tuje thontte, jivit tuje kantte
Te kantte konnakui topinaka.

Nitoll dor kurasanv, Dev ghaltolo besanv,
Kiteak viktem ghetai, maldisanv,
Devan bhorlam tuka denneanim,choleank bhuloi boream gunnanim..x2

La la la la la la la la la la la.

2.OJEAPAM - Alfred Rose 

Intro: Mogall ixttani sonvsarant sabar ojeapam ghoddtat,
munis chondrimant paulo, hem zaun assa ek vhoddlem ojeap hea sonvsarant.
Teach porim hea mojea kantaran anv tin ojeapam tumchea kanan saddaitam
zaunk distat khorim sopnam, punn zaun assat khorim ojeapam.

Ojeapam, aikotam ojeapam,
Polletam ojeapam, kagdamcher kitlinch xaptat ojeapam,
Ojeapam, kosolim ojeapam,
Sonvsarant hea zatat, ojeapam.

Gulfache ganvan, ek ojeap ghoddlem,
Atvench zanvar zolmolem, kagdamcher xapon ailem,
Tokli mazrachi, ang sonxea porim aslem,
Hem ojeapachem zanvar poun, vhoddilamchem mon guspolem.

Goeam ek, auchit ghoddni ghoddli,
Mojea amigager, ek tannem sobit kombi posleli,
Vorsak ti, khub tantiam ghaltali,
Kitem sangom auchit milagr zali.

Kombea porim ti, auchit saad ghalunk lagli,
Tokle vhoir xenkrem futtlem, tantiam ghalpachi bond zali,
Tantiam ghaltali kombi, kombo zaun bosli,
Ixttan kitlea zannak sanglem, porza soth mandinam zali.

Europak, ek kazari zoddem,
Dogam bhurgim zatoch, tanchem modem aikat ojeap ghoddlem,
Cheddeachem, soimb mudar zaunk laglem,
Toddeach tempan to cheddo cheddum zalem.

Oslem soth mandunk, amkam chodd kottin lagta,
Punn oslim ojeapam bhavanim sonvsarant zaitinch ghoddta,
Cheddo aslolo, auchit cheddum zaun bonvta,
Magir kazar zatoch, tanger bhurgim pasun zolmota,
Him ojeapam ghoddta, him ojeapam ghoddtaaaaa.

3.OJEAPANCHEM ROGOT - Alfred Rose    

To martir choutea xekddeantlo, Naples mhunntat tea ganvantlo,
Devache kurpen bhagivontponnan jietalo,
Jesuk sodanch vakanddtalo, Sumurt tachi porkonddtalo,
Dekun tacho gomtto katrun jivexim marlolo.

Gomto tacho katortoch tannim,
Rogot vhanvonk laglem gosgoxeanim,
Khoxi keli tacheam dusmananim
Dukham golloilim bhavarteanim,
Tachem vhaumlelem rogot ekttaun
Samballun dovorlam ghorcheanim,
Aiz tench rogot bhavam bhoinnanim, bhorlam vizmitanim.

Sant Janarius nanv tachem, To Naples ganv thikann tachem,
Marla teach ganvcho to patron, thuim nanv ghazta tachem,
Tem rogot itleam vorsanchem, rogot tea bhagivontachem,
Samballun dovorlam tem rogot aiz milagrimchem.

Rogtacho pitto voir dovorta, ozaranim lok ekttaim zata,
Sorgar than tacher kurpa denvta, rogot tem porot jivem zata,
Setembr-Dezembr-Maiachea moinean, vorsak tin pavttim oxem ghoddta
Oxem zainam tor lok sozmota, kitem punn vaitt yeta.

Scientistanim topaslam, dolleanim pasun pollelam,
Hem ek sonvsarachem vizmit mhunn boroun dovorlam,
Itleam vorsanchem tem rogot, jivem ani subej zalam,
Hem Koxem zata tem sangonk tanchem mon ghuspolam.

St. Francis Xavier Goeam asa, Santa Rita Espanak assa,
Tancheo rogta masacheo kuddi, azunui hea sonvsaran assa,
St. Anton amcho milagrincho, tachi ojeapanchi jib assa,
St. Janariusachem rogot, Naples ganvan jivem assa.

4.OSLE NOKRE KORUNK ZAI - Alfred Rose=AR, Rita Rose=RR

RR:Nistemvali nistem viktam,
   Bazaran anv sodanch bostam,
   Bangdde tal'le tajim tajim sungttam,}
   Vikun kuch korun choleank anstam...}x2

AR:Sodanch tum maka bazaran anstai,
   Tajem tajem nistem vinktai,
   Dusrea disa tum mijeaxen bostai,
   Kiteak maka bonche moddtai.
RR:Nistem ghetai, maka dolle moddtai,}
   Punn dusream choliank vochon tenktai....}x2

RR:Sokallim bazaran vetam,
   Nistem khoptoch ghara etam,
   Sanjechim anv, borem neson bhonvtam,}
   Businessman meuta zalear poitam.....}x2

AR:Anv businessman, poi maka dollieanim,
   Dusro tuka naka anim,
   Nistem tum add anv bhortam latanim,
   Duddu koria ozaranim.
RR:Nistem nam tor business tujem,}
   Zaunk pavtelem than'da pannim.....}x2

RR:Vareva businessman pora,
   Business gheun voch tujea ghara,
   Moje khustar, business korunk sodtai,}
   Dolleank poinakai vazoin bara.....}x2

AR:Tuje bhaxen kharvi mhunn sozmotai,
   Dolle korun konnank poitai?
   Lagim apoitai,voilean tapoitai.
RR:Tum kiteak maka chavoitai,
   Lagim etai, mojea kapddak dhortai,}
   Punn athak dhorunk kiteak loztai?....}x2
AR:Athak noi, pentak pasun dhortam bai,
   Mog dakouncheak kiteak loztai,
   Matxem anstai ani matxem taptai,
   Osole nach kiteak kortai?
RR:Poilinch mogan poddta tednam,}
   Osole nokre korunk zai.......}x2
 
5.OSOCH FOTTOITAI – Alfred=A, Rita Rose=R

R: Mog tuzo korun, bhagon gelim anv,
   Kazar zatam mhunn sodanch sangtai sermanv,
   Poi tuka lagon, bhogtam fugasanv,
   Jiv mozo ditam somdiran marun danv.

A: Naka naka somdirant jiv dinakai,ath zoddun magtam,
   Ami mogan jieonchea pasot poili practice anv kortam,
   Kazar zatoch tuka sogllem sukh dinvchea pasot vavurtam,
   Ani fuddlea vorsa tuje lagim anv sakrament zoddtam,

R: Osoch fottoitai (A: emm)
R: Dukhan roddoitai (A: emm)
R: Anv nam zatoch dusrea cheddvank apoitai,
A: Kiteak dubavtai kalliz dukhoitai,
   Dusrim cheddvam naka punn tunch maka zai.

R: Padrixim vortam, kumsarui kortam (A:emm)
   Fottoi fottoi makach fottoi dakhoitam,
A: Sangtai tem kortam, kanank anv dortam,
R: Pedeak sangon antanch fondd kaddun purtam.

A: Tokler ath dovrun jurar zatam, anvem fottunk nam tuka,
   Dusrim cheddvam lagim yetat, funkot pasun dilear naka,
   Fuddlea vorsak horan kazar zaunchim, tum kainch bhienaka,
R: Fuddlea vorsak??
A: Nam bai heach vorsak, kannak dorinaka.

A: Anv kazar zatolom, zaitem kortolom,
   Tuka zai tor masaloi anv vanttolom,
   Gharant rautolom, bhurgeank poitolom,
   Tum susegad bos, anvuch jevonn randtolom.


Updated 11th July 2019