Amchea sezreak aslo ek uxear cholo,
Sirvis korchea pasot tho Bahrain gelo,
Bahrain vochon tho ekdom feliz zalo,
Panch vorsanim Goeam ailo.
Novem ghor bandlem duddvanchea dhiran,
Kitle ozar moddunk laglo hor'ran,
Sodanch bonvo ttekxin ou motoran,
Aslo sukhachea baran.
Punn tin vorsanim sirvisecho kaddlo,
Ath paim koullun Bombaim euncho poddlo,
Zodddla titlo poiso khospayeank moddlo,
Bomboi evun dukhanim roddlo.
Goeam gelo pun mevlinam chakri,
Duddu nam zaun zaunk pavlo rinnkari,
Ghor paunner poddon zalo bikari,
Eok kott’techo bikari
Jivitar kednam sukti et somzonam,
Tea vellar kitem ghoddot tem gomonam,
Pausacho purument zor tor korunk nam,
Paus etoch roddon faidonam.
Duddu nam zalear tum konnank naka,
Bahrainkarachem lissanv tuka maka,
Zoddta tantlem samballunk visronaka,
Ek diss upkarot tuka.
2.BAILANCHI RIT – Alfred Rose Lyrics: Neves Oliveira
Todde Gulfak vetat, bail bhurgeank aplea diunk sukh,
Punn bailo chintat ghov Gulfak, roitat mhunn duddvamche rukh,
Dusrim kon mhunntat, ghov aplo abgotir chief cook,
Chintinant tem diunk apleak sukh, ghov kosle kadtat te dukh.
Konn eklo Goeam sutier eun, porto gulfak ghelolo kazar zaun,
Roomant aplea kazarachi party dili ixttank apoun,
Kazarachi, video cassette ailolo gheun,
Party choltanam ti cassette, sogleank dakoili laun.
Te cassetir, ek kazari bail distali,
Konnak ekleak ghott ti dorun, oxi toxi nachtali,
Ti nokre kortali, tenkon tenkon taka bostali,
Kazarak ailelim soglim, tika polloun anstalim.
Te ratik te partiek aslo, ek mogacho amig tacho,
Modench party soddun ghelo jiv boro nam mhunn apleacho,
Sodanche porim, sokalim aplea kamank vocho,
Khotta aksidentak sampodlo, konn sangtolo koso.
Rostean vetanam, kosleo tokler poddleleot ratti,
Fatim fuddem kiteak pounknam, kitem chintalo motin,
Chintalo videor, kitem dekhlelem choltanam partin,
Ti zaun asli bail tachi, videor nachtali te rati.
Bail bhurgeank lagon kitle, ghov sakrifis kortat kazari jivit,
Zor bailanim oxem kelear ghovank kitem bogonam zait,
Respetan ravon, jevat ghovachea koxttamchem xit,
Kazarank ghelear kaimch nezo, pun sambalat kazari bailamchi rit.
3.BAILE MOGA - Alfred Rose
Speech:
Amchea ganvan ek ghorkar ani ek ghorkarn eka mekacho chodd mog kortalim
Itlo mog kortalim, mhojean utranim chitraunk zainam,
Punn rat zatoch, ghorkar ghara etanam, avoi, soglea vaddeak avaz
Ani to poi kitem kantar kortalo, tem anv tumkam ata munnon dakhoitam, aikat am
Ho poi to eta, ailo, paulo X 3
Bhaile moga oh, oh oh, bhaile moga (X 2)
Bhaile dar matxem ugttem kor, soro pielam makam ghe bitor,
Bolkanvan nidonk soddxi tor, makam etolo kulkuleancho zor,
Oh, Bolkavan nidonk soddxi tor, makam chorun vortolo kuxicho mor,
Bhaile, moga, oh, oh oh, bhaile moga.
Bhaile guneanv mhozo koslo, tunven forsan baltimank daddlo,
Ilo ilo getam getam aiz subeiz zalo, lokot lokot ghara euncho poddl. (X 2 )
Oh, Bhaile dar matxem ugttem kor, soro pielam makam ghe bitor,
Bolkanvan nidonk soddxi tor, makam etolo kulkuleancho zor ,
Oh, oh, oh, Bolkanvan nidonk soddxi tor, makam chorun vortolo kuxicho mor,
Bhaile, moga oh, oh oh, bhaile, moga.
Baltimank tunch makam daddtai, ladaininkui pattoitai,
Vetanam boro uptodate tum nesoitai, ghara etoch bhailean bosoitai . (X 2 )
Bhaile dar matxem ugttem kor, soro pielam makam ghe bitor,
Bolkanvan nidonk soddxi tor, makam etolo kulkuleancho zor, avoi, ha, ha,
Bolkanvan nidonk soddxi tor, makam chorun vortolo kuxicho mor,
Bhaile moga, oh, oh oh, bhaile moga.
Mhunttai maim anv kednam zatelim, bhurgim gopan kednam kheutelim,
Ratche rati bolkavan nidonk laixi zalear, sang go bhurgim koxim zatelim. (X 2)
Bhaile dar matxem ugttem kor, soro pielam makam ghe bitor,
Bolkanvan nidonk soddxi tor, makam etolo kulkuleancho zor,,
Oh, oh, oh, Bolkanvan nidonk soddxi tor, makam chorun vortolo kuxicho mor.
Bhaile moga, oh, oh oh, bhaile moga (X 2).
4.BAMNALI PORI - Alfred Rose= AR, Anthonette D'Souza=AD
AD: Kalliz vhoddleim bandun dori,
Khoim dhanvtai Premank ghalun gori
AR: Bappa gheun bhonvta edi motti dori,
Tum mhunnon Bamnali Pori, Oh tum mhunnon Bamnali pori,
AR: Chondrim mollbar apa-lipa korta,
Tossoch amcho prem zata mista,
AD: Konn melo vochon dadak tujea sangta,
Prem amcho bigddaunk sodta,
BOTH: Chol yea chol yea, dadak sangya X 2
AD: Naka bonglo, naka kottri,
Zai maka tugelea utranchi khatri,
AR: Anv tuzo mantri, tum moji sontri
Gabronakai Savitri, oh oh oh gabronakai Savitri.
AR: Bhagint ful tum fulam modem sobit,
Zoborso nhoi vho prem'amcho gupit,
AD: Dadak tujea gomot prem amcho kapit,
Tum hea kallzacho kopit.
BOTH: Chol yea chol yea, dadak sangya X 2
AD:Kaibori tugelea utranchi ghoddsann,
Dadak tujea assa mat tiksann,
AR: Gharant hem sodanch kortelem dum'xann,
odik bori naka hi mirsang,oh odik bori naka hi mirsang.
AR: Aik mojem sangnnem, oxem ami koria,
Premanchem voddem somdorian soddya,
AD: Hett melea ass diun, doryan mhunntai ghalia,
Khuim pollonk sodtai papia
BOTH: Chol yea chol yea, dadak sangya X 2
5.BEATRICE - Alfred Rose
Kalliz mojem mogan poddlam...x2
Borem poi tem cheddum vinchun kaddlam,
Mogan poddon ham khoxen bhorlam...x2
Dekun sukhachea somdiran buddlam,
Tachem nanv Beatrice, novro anv tiatrist,
Kai borem nachta twist, bhietam zait mhunn distt,
Jinsanvar korta fiss, mojem Beatrice.
Nachak ghelear bendd aloita,....x2,
Boream nachpeank tem rokddench bhuloita,
Kantar tem korit tor sal gazoita,....x2
Maka sarkoch 'No where' korun uddoita.
Noxib hem ukoddlem, jivit pois dukol'lem,
Sogllem mudar zalem, mojem nessopui sudorlem,
Voklek lagon anvem nachonk xikchem poddlem.
Adim anv bonvtalom pisso koso...x2
Beatrice-an kela maka oso,
Adim anv sarkoch pisso diso,
Adim anv saiba mengo diso,
Mogan poddon poiat zalam sonso.
Nesson bhonvtam kasfis,nam maka khotte viss,
Kortam anv sakrifis, kazarache mezun ravlam diss,
Maka kett korit tor melem Beatrice......x3
6.BEAUTIFUL GOA - Alfred Rose (Lyrics: Gable D'Souza)
Goa Goa beautiful Goa,
Sobit sundor amchem Goa,
Goa Goa bhangarachem Goa,
Udentichem neketr Goa.
Goa bhorlam denneanim,
Aambe ponos maadanim,
Kaazu zaadam ani sobit fulamnim,
Roste ghaaram xettanim,
Igorz Templam porsaanim,
Roma xhar mhunnt'lam zaanaranim..}…repeat
Goa Goa Indiek sobit nanv,
Sonvsarak vhodd istimossanv,
Goa Goa Devan shinvrailam bessanv,
Sovostkai aslo mai des aamcho gaanv.
Girest tuje dongor
Toxech mittache aagor
Khaadini bhonvtat - kastache mongor
Dorean masleche tigor
Aagboti ubteo soddun nanghor
Gaadyeo planena assa dudh sagor
Goa Goa sodanch tum amkam zai,
Konkani bhaas amchi mai,
Goa Goa asteli sovostkai,
Assosor Saant Francis Goencho pai.
Matien asa bhangar,
Doriyant aasa bhangar,
Aatan gomtyan Goenkaranchea bhangar,
Khellanui uxar xinkpanui uxar,
Nachonk vazounk kantar mhunonk uxar.
Goa Goa beautiful Goa
Sobit sundor amchem Goa
Goa Goa bhangarache Goa
Udentichem neketr Goa…..3 x
7.BELA BELA - Alfred Rose
Calangute, vhoi Calangute, anv gelolom jetan,
Mozo ghutt, kallzacho ghutt, buddounk sintimentan,
Vatten choltannam nettan, moji nodor geli xetan,
Deklo eok cholo, kantar kortalo, tamborin gheun atan,
Bela-Bela, minha Bela,
Sobit tum bhagintlea fula,
Bela-Bela, mojea Bela,
Dhavon heo gopan, poi tujea mogan, kallzak veddo ghala.
Kalliz mojem murgottlem, Belachem nanv aikon,
Sintiment anv kaddtalom, fokot Belak lagon,
Soglloch anv khoxen bhoron, sarko ghara gelom dhanvon,
Up-to-date nesson, zonelar bosson, sad vho ghalo ravon.
Bela-Bela, minha Bela,
Mogacho bhorvanso dila,
Bela-Bela, mojea Bela,
Tujeam utranim, tujeam chintnanim, kallzan ghontter kela.
Tallo mozo aikon uttlo sogllo amcho ganv,
Bhirantin zonel bond korun, bitor ravlom anv,
Motin kortalom tessanv, pattlea darantlean marunk danv,
Pattlean poi zalear Belacho papa raula voddunk kanv.
'Bela-Bela, tuka zai Bela',
'Naka' mhunnlem 'Guneav saiba zala'
Bela-Bela, anga ye Bela'
Dogaimchem kazar, atanch kortam, chol padri sorxim chola'.
8.BESSANV NASTANNAM KAZAR - Alfred Rose
Main-pain vadoun maka xikop dilem,
Mogan anv poddtoch, tannim kitem kelem,
Kazar zainakai mhunn, zaitench sanglem,
Kazar zaxi tor, ghor tuka bond zalem.
Cheddvak koxem soddtolom,
Kalliz koxem dukoitolom,
Itlim vorsam taka gheun bhonvlolom,
Ubot koxem ghaltolem,
Main Pain bessanv aplem dilemnam,
Kazar anv zalom, ghorchim nastannam.
Thoddeam disanim anv ghara gelom,
Kallim tondam poun dukhi anv zalom,
Mojeach gharan anv, eok dusman koso zalom,
Bhau Bhoinnam anslim, matxe khoxi zalom.
Devan amger bab dilo,
Bhoinnik gheun bhau pollounk ailo,
Putak mojea, to ghara vortalo,
Bailekui kednaim tho gheun vetalo,
Bhurgeak lagon maim-pai mudar zalim,
Doxim zal'lim kallzam porot ektaim zalim.
Pai main ghorabeachem nattok kelem,
Sezarchea lokak tondd korun dilem,
Bessanv dinastannam mojem kazar zal'lem,
Rogot tem rogot, porot ek zalem.
Oxem aiz zaitinch zannam kortat,
Bhurgeak aplea tim dukhan ghaltat,
Bessanv aplem tim addaitat,
Porot sogllim magir ekttaim zatat,
Lokan tanche modem poddchemnhoi,
Pai maimnim chintchem, nattok korchemnhoi.
9.BHOGOS MAKA - Singer -Delfine, Lyrics: Alfred Rose
Sodanch tum mhunnoi maka soddchonam,
Anvuim mhunntalim tuka soddchinam,
Jurament dilolo visorchinam,
Nam anv visorchinam.
Punn toch jurament anvem raklonam,
Dusreak anv bhul'lim tujem chintlemnam,
Tujea mogachi porva kelinam,
Nam porva kelinam.
Tujea kallzak toplo balo,
Dusreacho mog anvem kelo,
Punn to bolteach borim aiz pollon ghelo.
Porot tujea kallzan tum ghe maka,
Tujeach amigan fottoilem maka
Niz mogacho valor gomlo maka,
Bhogos bhogos maka.
Zaitem nistem asa tea bazaran,
Zaitim suknnim asat tea ghonteran,
Zaitim fulam asat hea sonvsaran
Vhoi hea sonvsaran,
Tuje oslem ful nam khuimcheach gharan
Tujea amigan dhorlem pageran,
Sampddailem tea kalluki bhuienran
Kalluki bhuieran.
Konnak tuvem kainch sanglenaim,
Mojer xirabui soddlenaim,
Ek vaitt utor moje voir uloinaim,
Atam moje dolle uktte zale,
Porot mojer te mogache dolle
Mojem kalliz ukttem korun polle
Uktem korun Polle.
10.BHURGEANCHO KANEOR – Alfred Rose
Anv kazar zalom porum, punn hea vorsa zalom pai,
Ekech pavttim poi dogam zannam, baba anim bai,
Maim mhunnta putager ailo xamaim anim xapai
Eklem roddlear dusrem bobou marta hai hai
Guneanv konnancho, guneanv Devacho,
Kiteak Dhoniam, ekech pavtt diloi kaneor dogamcho...X2}
Tim zaleleak gharan suseog nam, dissui bhor goddbodd,
Bail mhunnta apunn eklich aplea pai mainchi kunvor,
Bhurgeank konnanchim nanvam ghaltai, tim chintun dovor,
Aploi xapai-xamaim ailean mhunnta bhitor.
Maim mhunnta ek, anim bail mhunnta ek,
Doullun doullun mojem kelem Baltimanchem kek........X2}
Main anim bailen dogainim tonchun maka khelo,
Sonsunk nezo zatoch ho kauz padri mukar velo,
Bailen sanglem, mainui sanglem, padri ghuspolo,
Khuimcheai Santachem nanv ghal mhunnon sango laglo.
Maim mhunnta hum ani bail mhunnta tum,
Tantun bhurgim roddonk lagtat umge-umge-um....X2}
Dista maka patkam mojim zalean mista choddam,
Dekun Devan hi khast daddlea diun dogam poram,
Nanvank lagon gharan poieat koslim zoddam moddam,
Bhirant dista chintun mojim zait mhunn addam.
Nakan khuris kaddtam, kanank mojea dhortam,
Anik sonsot naka Saiba, paimyeam tujea poddtam....X2}
11.BHURGEAPONNAR - H.Britton-Alfred Rose n Rita Rose
Astanam ami bhurgim lhan, xikop gheunk vetam iskolan,
Xikop dita abru mann, dadosponn bhogta kalzan than,
Pun amchea bhurgem vidaan, disbor astam khellanchea nadaan,
Tor atam pasun dor athan, pai maim xikop ditat, sonsun apli bhukh tan.
Bhurgeponnar, astanv ami nennar,
Bhurgeponnar, tokler asonam baar,
Bhurgeponnar, hanson khelon dis te sar,
Tea vellar ami chintinam kitem zait to fuddar.
Xikop nastanam astanv, sirvis sodunk tum bonvtai,
Xikop tuka vichartoch, adlem jivit nialltai,
Xikop ghorjechem mhunntai, tea vellar tum xinkonk vavurtai,
Chintun chintun fugar zatai, aso nam upai, tukach tu xinntai.
Bhurgem jivit, zaun asta pormollit,
Bhurgem jivit, zaun asta sobit geet,
Bhurghem jivit, porot amkan konn tem diit,
Kortaum ami voddli jit, hem zaun vhodli rith
Disan dis xinkop vaddta, bezo uzar korcho poddta,
Xinkpacho mog asot tor, koslem xinkop toklen rigta
Zaitim zanam kazar zata, tori xinkop chalu dovorta,
Toddim xinkonk axeta, adhar nam zata, Pai maink tim xinntat
Xikop nam tor, jivit bhurgeamcho khell,
Xikop nam tor, jivit innocent jail,
Xikop nam tor, vochot thoimsor zatanv fail,
Dekun xinkop korum-ya ogddai nastanam vell..x2}
12.BIKUNN MARTELE – Alfred Rose (AR) & M. Boyer (MB)
AR:Hanv Benddant kantar kortam,
MB:Tem anv zannam,
AR:English kantaram munttam,
MB:Tem anv zannam,
MB:Tum Englezin kantar mhunttai, tum ceylovachim kantar munttai,
tum hamprianchim kantaram munttai, hem sogllem anv zannam,
AR:Kantaram mhunnon, man mhaka meuta,
MB:Pun mhojea dolleanxim man tuzo denvta,
Dusre bhassanim kantar tum muntta, Konknnin kantar mhunnunk kiteak lozta.
AR:Konknni kantaram bendant koxim munttele?
Dansank kazarank ietat te hansonk lagtele,
MB:Tim English kantaram bond zalear, sang kitem tumi kortele?
Magir bendanim kantaram mhunttat titlei bikunn martele.
AR:Konknni kantarancher nachonk zainam,
MB:Tor tuka kantorist mhunnocheak zainam,
Dusrea bhassanim mhunnunk tor avgoddai nam,
tor amche konkannin ti aschinam.
AR:Bombay poi benddam assat,
MB:Are Goyekaranchim
AR:Goyantui benddam assat,
MB:Are Goyenkaranchim
Amche Goyekar tea benddanim, pun English kantaram tonddanim,
tim mhunttanam tanchi tonddam dista mohekaranchim.
MB:Konknni kantorist Konknnik lobdoleat,
recordam passun tem kaddunk pavleat
Goyekaram modem chodd famad zaleat,
Pun ami beuxeleat ani burxeleat
AR:Tum kitem mhunnonk sodtai?
MB:Hanv zaitem mhunnonk sodtam
AR:Lokak tor Konknni kantaram mhunntlear, loka lagim nachonk zata?
MB:Are tum poilo kitem sozmotai, tum sozmotai English kantaram mhunntlear,
lok English bhaxen nachta mhunnon? Piso
AR:Definitely, lok nachta Foxtrot? Chachacha? Hustle, bus stop
MB: Are foxtrot-ak Konkani nanv nam re?
AR:nanv assa?
MB:Do you know the name of the foxtrot in Konkani?
AR: what is it?)
MB:The name of foxtrot in Konkani is Antonio Joao Fernandes,
AR: Are va, ani chachacha
MB:the chachacha is Pedro Caitan Rodrigues,
AR: Ani Bus Stop)
MB: Doming Inas Piedade Poscotto, you don’t know anything
AR: Anv tor ek kantar munnot, in English, I will sing in English, the same song I want you to sing in Konkani, I challenge you,
MB: you challenge me?
AR: how many thousands?
MB: not thousand, in rupees
AR: Alright
AR:Stop the world and let me off, I am tired of going round and round,
I’ll play the game of love and lots, so stop the world and let me off,
Can you sing this?
MB: Oh yes, this is the easiest song I can sing.
MB:Sonvsar dor hanv asa bhitor, tuka zai tor mog mhozo kor,
Bie nakai hanv asso sor, sonvsar dor hanv assa bitor,
Ah, Hem atam voch ani bhair tum aik mhojem ani bhoje kha,
AR:achha, Anv atam ek difficult kantar munttolom, very diffcult, you will be lost
AR:Ramaya, ho, ho, ho, ramaya abundu ramaya, vitana dobila,
ho, ho, ho Ramaya, ha, ha, ha ramaya, abundu ramaya, ento bala
(you can sing this? Tujean munnonk zata?)
MB:Oh yes, If I sing this ramaya, you remember,
that your face will become small like durgantli popaya
AR:mhunn pouea
MB:you want to hear
oh, Ramaya, ho, ho, ho ramaya, choll ha pudding poddlam,
choll ami ghara hea
ha, ha, ha Ramaya sang kitem korum-ia,
Konknni kantaram banddant ami mhunnum-ia
MB:Konknni kantaram mhunttoloi,
AR:Hoi anv mhunttolom,
MB:Ghorchim utram tum ghoddtoloi?
AR:Hoi hanv ghoddtolom
MB:Pottar mutt tujea martolom, oklam tuji foddtolom,
tonddar mutt marun konknni utram bhair kaddtolom
Both:
Ramaya, ha, ha, ha, ramaya,
atam pudding poddlam, choll atam ghara hea
Ha, ha, ha Ramaya, sang kitem korum-ia,
Konknni kantaram bandant ami mhunnum-ia,
Konknni kantaram bandant ami mhunnum-ia.
13.BIZLECHO PAVOR – Alfred Rose -A n Rita Rose R
A:Bauli dista mennachi, nodor tujeam dolleanchi, bizlecho pavor
Sobai tujeam poleanchi, sobitai aboleanchi
R:Tunch Mozo kunvor
Nodor tujeam dolleanchi, bizli mojea kallzachi mogacho dunvor
A: Dunvor bhorla dolleanim, mog rigoila kallzanim, tunch moji sanvor
R: Tuje vinnem ravom nezo, eksurponnui sonxi nezo
A: Tum bai mojem anvuim tuzo
Both: Gopan dhorun paloi mogacho uzo!
Bauli dista mennachi, nodor tujea dolleanchi, bizlecho pavor
Sobai tujeam poleamchi, sobitai aboleanchi
Tunch Mozo kunvor
A: Suknnim uddtat zomeanim, bagi bhorleat fulanim
R: Ful tum mogachem
A: Xegunnachi tum ranni
R: Tum hea kallzacho dhoni, neketr sorginchem
A: Ah! Sorgar maka pavoitai, gopant dorun khevoitai, mannik kallzachem
R: Kalliz tukach bhettoilam, mogan neketr pettoilam
A: Sukh fuddarachem
R: Tuje vinnem ravom nezo, eksurponnui sonxi nezo
A: Tum bai mojem anvuim tuzo
Both: Gopan dhorun paloi mogacho uzo!
Bauli dista mennachi, nodor tujeam dolleanchi, bizlecho pavor
Sobai tujeam poleamchi, sobitai aboleanchi
Tunch Mozo kunvor
R: Sambau maka fottoixi, dukhan maka buddoixi
A: Nam buddovcho nam
R: Rupem maka dakhoixi, bangar mhunnon fottoixi
A: Toxem korcho nam
A: Ah Mog kallzan rigla bitor, yet pasun khoimchoch dotor,
kaddunk zanvcho nam, bandlear passun dhoranim
marlear pasun taranim
Both: Tuka soddcho/soddchim nam
R: Tuje vinnem ravom nezo, eksurponnui sonsi nezo
A: Tu bai mojem hanvui tuzo
Both: Gopan dhorun paloi mogacho uzo!
A:Bauli dista mennachi, nodor tujeam dolleanchi, bizlecho pavor
Sobai tujeam poleamchi, sobitai aboleanchi
R:Tunch Mozo kunvor.
14A.BOLDUNK GHODDCHEMNAM – Alfred Rose
Ho sonvsar ghoddla zait konnem?, vortouta sompem umannem,
Hea sonvsarachem sukhanem, munxeachea athan dilam tannem,
Bodoltea temp pormonnem, munis samke zaleat xannem,
Hem sudaropachem dennem, yeunk nam Devache podve vinnem.
Scientist chintele, eka eka fuddem vaurtele,
Thodde ghoddtele, punn thodde lasun gobor kortele,
Sonvsara bhaili porikxa, korun zoit voronk sodtele,
Punn rochtele Bapaik zai zalear,jerul chondriman pautele.
Adlim vhoddilam mhunntalim, ontrollar tarvam bonvtelim,
Him utram nennar distalim, punn zanvaiechim vortoutalim,
Dolleanim ami pollelim, tarvam munxeani ghoddlelim,
Hea poros vhoddlim ojeapam, sonvsarant disti poddtelim.
Zannvai munxeachi voi dis an dis vaddon veteli,
Podvi Devachi nam zait tor dul mati zateli,
Devak mandta tem korit tor, Devachi podvi meutoli,
Punn munxeak jito korunk chintit tor, Devachi podvi sompteli.
Aple, ikmotin borem kelea bogor rauchenam,
Apunn ghoddtele, apunnuch moddunk vogot korchenam,
Apnnem poi kaide ghoddleat te, boldunk vogot lauchenam
Punn sonvsar portilo passun tor, dha mandament boldunk ghoddchenam.
14B.BOLDUNK GHODDCHEMNAM – Alfred Rose
Ho sonvsar ghoddla zait konnem?, khorench ek sompem umannem,
Hea sonvsarachem sukhannem, munxeachea athan dilam tannem,
Bodoltea temp pormonnem, ginean amchem zalam xannem,
Hem sudaropachem dennem, yeunk nam Devache podve vinnem.
Scientist chintele, eka eka fuddem vaurtele,
Thodde ghoddtele, punn thodde lasun gobor kortele,
Sonvsari bhaili porikxa, korun zoit voronk sodtele,
Punn rochtelea Bapaik zai zalear, jerul chondriman pautele.
Amchim vhoddilam mhunntalim, ontrollar tarvam bonvtelim,
Him utram nennar distalim, punn zanvaiechim ti aslim,
Dolleanim ami pollelim, tarvam munxeani ghoddlelim,
Hea poros vhoddlim ojeapam, fuddarak disti poddtelim.
Zannvai munxeachi disan dis vaddon veteli,
Podvi munxeachi nam zait tor dul mati zateli,
Devak mandta tem korxi tor, Devachi podvi meuteli,
Punn munxeak jito korunk chintxi tor, Devachi podvi sompteli.
Noveo noveo idea kaddun, jivit odik sukhi korunk
Paus nam thoim pikavoll korunk, vavurtat addecho paus ghalunk
Aiz munxakull vaddta dekhun, scientist bejar zalea chintun
Pun jevonn khann unnem zait munn, sodtat addeche tandu korunk
Aple, ikmotin, borem kelea bogor rauchenam,
Apunn bandtele, apunnuch moddunk vogot korchenam,
Apnnem poi kaide ghoddleat te, boldunk vogot lauchenam
Punn sonvsar portilo passun tor, dha mandament boldunk ghoddchenam.
15.BOMBOICHI BIRMOTI - Rita Rose
Kitench kelear anv aikochimnam,
Konnachemench anv kanar dhorchimnam,
Kazar zalea bogor rauchimnam.
Anv cheddum choltam fitti fitti fitti,
Mhunntat maka Bomboichi birmotti,
Chedde maka mogacheo daddtat chitti,
Punn konnakuch anv foddinam mitti.
Ansonk maka yeta chintun,
Guneanv mozo koslo antun,
Anv vatten choltanam, matare passun poitat maka kunttun.
Maka poitoch matare zatat pixe,
Tondd ukoddtat zal'lea porim sonxe,
Rostean choltanam besttech martat anxe,
Dolle moddtat oxe oxe oxe.
Ho to anik makach poita,
Kitem baba tuka zata,
Pollounk boro dista, amurkoch ansta, tovui mataro puta.
Anv cheddum baba borea respedachem,
Vhoi Taj Mahalantlea vhoddlea mestachem,
Pai bhaxen anv randunk zannam gostachem,
Sozomxeat anv mhunn bonder festachem.
Anv kazar zatam very soon,
Novro mozo bhurgo nhoi zun,
Roddonakat chintun,kazar zatoch, amcho chondrimant honeymoon.
16.BOREM JIVIT JIYE - Alfred Rose =AR n Rita Rose = RR
AR: Deva Bapan sonvsar rochun monxakuch bhettoil’lo,
RR: Adanv bapan utor tem moddlem, apol marun kalliz hem foddlem,
Toxench tacheam heam chintnank lagon Devan infern ghoddlem,
Magir Raj Devan aplem oddlem, tantunt gelem sukh amche modlem,
Torui Jezu Krist sonvsarant ieun aplea mogan zoddlem
CH: Both
Monxa borem jivit jie, ekleach Devak tum bhie,
To tuka udok dita poi titlench tum pie,
Avoichea hatant poddtoch nie, somoz tuje palovtat mhunn dive,
Dekhun sangtam dublleanchea rogtant ximpche nhoi muie....X2}
AR: Sorgar zata toxem sonvsarant zaunk monxak nam ontoskorn’n,
RR:Devan monxak dilam konsiens, sonvsar choloi mhunn gheun pasiens,
Nachon, uddon ani lokank fottoun mhunnchem nhoi aplem bens,
Samson mhunno boll aplem he kens, taka lagun bandche poddlet lens,
Koxe bhaxen ho sonvsar monxak kortolo parabens
(Repeat Chorus....Monxa borem jivit jie…)
AR: Kakut Devachi monxak rauta monis moro pasun,
RR:Monxa rochla tuka Dev Bapan, ghoddun aplea sarko ek mapan,
Tor kiteak tum tachem borem lipoitai dukhachea kapan,
Tujem konsiens bhizoi sopan, golloinakai sonvsari gopant,
Zachea bollan tum dublleanchem rogot piutoloi kopant.
Repeat Chorus....Monxa borem jivit jie…)
17.BOTTATEAMCHI BHAJI – Rita Rose
Anv mathear pantli ghe-un vikunk bhonvtam bottate,
Mojea jhetak polloun pattlean mojea lagtat tornatte,
Thodde ede motte motte, thodde barik burantte,
Ani thodde tanche modle Saiba bebdde surantte.
Sodanch anv Mapxeam bazaran vochon bostam,
Bahrainkar mellot zalear kuch korun anstam,
Kuwaitkar mellot zalear bestinch anv loztam,
Anim tanchim bolsam anv ikmotin pustam.
Hai! Kitem sangom tornem rogot dhanvta xiranim,
Teo soiriko darar amche martat ozaranim,
Punn novreamchem hea tempar xirasonn nam bhoinnanim,
Te moddke kheutat ratche rati vochon xaranim.
Konn cheddo korunk sodta amizad moji,
Anv sangtam poi taka tannem zaunk zai raji,
Anv baba randunk noko xit koddi taji,
Fokot randunk zannom bottateanchi bhaji.
Maka boro novro zai Saiba naka to moddkekar,
To janot nhoi tor porvanam, punn naka sorekar,
To gorib zalear cholta, maka naka duddvankar,
Punn vodik korun naka saiba novro dukornkar.
Kazar zatoch anv doddon moddon choltelim,
Anim eok bottateancho posro ghaltelim,
Novro barik zait porvanam anv postelim,
Sakh bhor bottate khavoun motto kortelim,
Ani anvuim magir poi mottim zatelim,
La al al la la la...
18.BUT YOU LOVE ME HUBBY - Alfred=A, Rita Rose=R
A :You're my pretty wife,
With a tongue like a knife,
R:But you love my hubby,
A: To girls when I talk, You look like a hawk,
R:But you love my hubby,
A: I'm not born in June, To dance to your tune,
R:But you love my hubby,
A:When you're in the mood, You're so very good,
R:But you love my hubby,
A: On the dance floor with someone
When I do the soll,
You stay at the corner,
And shoot me in the goal,
I don't know what to do,
With a woman like you,
R:But you love my hubby,
A: An Angel you look, but oh what a crook,
R:But you love my hubby,
A:You talk like a train, and walk like a plane,
R:But you love my hubby,
A: On my wedding day, 'I do' why did I say,
R:Cause you love my hubby,
A:You scratch me with your paw,
When I talk to my mother-in-law
R:Cause I love my hubby,
A: It's a long time we're two, Darling come let's be three
R: Oh no my dear hubby ,I want to be free
A:Oh I dont know what to do,To a woman like you
R: But you love me hubby.....2
19.BUZLET OZAR - Alfred Rose
Konsu mauxen soirik addli, main’k mhoje sap naddli,
Vokol B.A xikleli social worker vhoddli,
Maim mhoji khoxen bhorli, pon’nas hozar doth magli,
Dekhun mista voklek anvem mathear marchi poddli.
Kazar kazar zalom doth gheun pon’nas hozar,
Donuch mhoineamnim Saiba zalom bejar,
Dothik bulon hanv foslom sangtam sobhemazar,
Sodankal hotelailem jevonn amchea mezar.
Ieta teo modi korta, choltana zhoddta-moddta,
Miniskirt ghalun ti soglleam cheddeank bonvaita
Tankam ghara lagim haddta, mhaka tancho ‘waiter’ korta,
Pon’nas hozar doth ghetoch mista oxem ghoddta
Hai baile mhoje mogache baile mhoje,
Kuznant kaim xizon’ kitem jevteleanv sanje,
Oxem hanv mhunntokoch rag toklek choddta tiche,
Ragan mhunnta Goeam vochon mhatare maink add tuje.
Kaddi poddot tor kaddinam, chav pasun korinam,
Don mhoineank att sirvidoram ekui mandonam,
Mhaka matui lekhinam, utor mhojem aikonam,
Pain mhojea doth dilea mhunnta tum mhaka poxinam.
Avoi pon’nas hozar, ghetlet pon’nas hozar,
Sonvsar kortolom mhunn zalolom kazar,
Konsu mauxechem borem zaum mhunn kortam rozar,
Keleli axa zali ga doxea bhuzlet hozar.
Updated 13th May 2020
