RR:Sodanch rostean choltana ho-to maka hansta,
AR:Khuim sang maka dakhoi,
RR:Rostean choltana makam fuinni ghalta,
AR:Chol tujea dogaim putank bitor vochon apoi,
RR:Naka, naka, naka, bexttim zogddim korinakam,
AR:Ragan toklek marli zompoi,
RR:Vochonakam, to zogddonk eta poi.
RR:Zogddonkaim mhojea ghova, konnuim pun pavat re Deva,
AR Tannem kiteak fiunni ghaleat sang, tachem moddem patoitam mollba tava,
RR:Ho hanvem novo vistid ghala,
AR:Taka ek katro ghala Deva,
Tumi meuta thoim katre ghaltat, kednaim te angasor,
angasor, angasor, angasor,tuzo kosloch guneanv nam mhojea bhava.
RR:Bhurgim astanam sogleo fashioni korunk zai,
AR:Konnem naka munttlea bai,
RR:Katre ghalear kiteak bobatt martai,
AR:Cheddeank chavoitai ani makam zogddonk daddtai,
RR:Zogddonakai zogddonakai, Zogddim korinakaim,
AR:Tor kitem kor munttai,
Oslem ghalun konnank faraunk sodtai.
RR:Tuka faraila to puro, tum mhozo novro kaiboro,
AR:Mosko atam chodd marog zala, makam poi lailai titloch puro,
RR:Tum mhozo ghov ekdom boro, fashioni munnchem ek soro,
AR:Hem sogllem zanno astanam tum anga katre ghaltai,
kalsanvank kope martai,buluzam sokla ghaltai,
Cheddeancho tum korteleim churo.
RR:Tum sangtai tem anv aikotam, mhojeim tuvem aikonk zai,
AR: Sang anv aikotam bai,
RR:Rostean choltanam, cheddvank tum poinakaim,
AR:Tum maka dolle dampun choll munn sangtai,
RR:Toxem nuim tem toxem,
AR:Koxem koxem koxem, kiteak he lag kortai,
RR:Lok aikota, kiteak bobatt martai.
RR:Ami dansak vetanv atam, thoim cheddvank pollenakaim sangtam,
AR:Thoimsor pavtoch anv dolle damptam, Tujea hatakuch dhorun choltam,
RR:Atam anv khoxi zalim atam, tum sangtai titlem aum aikotam,
AR:Thuim chedde astele tanche laguim tum ulounchenam
RR: ok,
AR:nach’chenam
RR:ok
AR:Anv nachtolom , kaim munnchenam
RR:kitem,
AR:Anv hanstolo, tum hanschenam
RR: oh my god,
AR:Devak modem tum addchenam,
RR: Kaide cancel,
AR: Anv aikonam,
RR:Paieam poddtam,
AR:Upkaronam, dadleponn bailechea hatan anv soddchonam.
2.DEV BOREM KORUM - By Alfred Rose AR & Rita Rose = RR
RR: Hem sogleak gazta, lok gozali korta, anvem soddlo mhunn tuka,
To doudiro konn, anv foddin tachem tondd, amchem kiteak poddlam taka,
AR: Lokachean amcheo khobro korum ieta, tankam zai tor sorgar amkam pavom ieta,
Tankam naka ifernan ulpaum ieta, ami palkailim noketram Rita,
RR: Konem doudirean lailo zait ho uzo,
Sogleak fankarla atam paloum nezo,
AR:Tem nhoimchem tondd anik munxeachem tondd konachenuch bond kori nezo,
Kitle ghorabe ulpoleat lagon khobrancho uzo.
RR:Anv ghovak soddun, Londonak ghelim mhunn, lok mhuntat anv hangach astanam,
Anv ghor sambautam, bhurgeank xikoitam. Dusreamchim ghoram moddinam,
AR: Hench tunvem kellem thodeank naka, Mogan ami bhonvleleim thodeank naka,
Bhurgeank mogan vadoilim thodeank naka, tum visor tanchi porva kornaka.
RR: Tum visor mhunntai, pun mojean visronezo,
Tum meloi mhunnon, gazlo ganv Kalkatacho,
AR: Anv moronk nam bai, azun jivo asam korucheank xinvor kantaramcho,
Borem magpeanchea magneanim, Devan jiv rakla mozo.
RR: Chitti boroitat, voi bhulounk sodtat, tanchi anv porva korinam,
Ghova thaim mojem, mon vitaunk sodtat, tosleank anv lagim dourinam,
AR: Kurnateank chitti borounk vell lagonam,
pozdeo chitti dadtat nanv ghalnastanam,
Dusremcheo bailo zai apli astanam, aplem kalsanv khuim paulam pollenam,
BOTH: Khobro korteleank Dev borem korum mhunntanv
Khobro soth mandteleank Dev borem korum mhunntanv
AR: Amim famad asleanv, khobro korun odhik famad zaleanv
mhunn upkar mandtanv
BOTH: Sotmandunk nam tankaim , Dev borem korum mhunntanv x 2
3.DEV NIDONK NAM – Alfred Rose
Ugddapem korun tujem khorem kalliz tuka dakoi,
Topasunk zainam zalear tujea kociensak apoi,
Khorench tum fottounk sodtai Rochnnarak, punn tho fottounam mhunnon tum nokoi,
Vaitt kortubam adarnakai, bori dekh peleak xikoi.
Krimi adarlear kednanch bogsonk nam,
Punn choriechem konnank pochonk nam,
Gharant tanchea dolldirponn, kedinch suseg mhunnon dissonk nam,
Gorban cholteleank, vhoddponn mellonk nam,
Zoddleli zodd athin uronk nam,
Hea vorvim gomon ieta bhavanim,Rochnnar Dev nidonk nam.
Chovxilean nodor marlear, nakeamcher dista teo raxi,
Nakeamcher ube ravon te bhagoita apli khoxi,
Nam tankam mannsugecho vavr-dondo, punn tim kartam ani sott’tte rexi,
Pott boronam zatoch thoddunk pavtat duddvamcheo kaxi.
Boll assomsor ti tanchi urmottkai,
Nam Devachi bhirant nam sosnnikai,
Xevott tancho ekuch, punzavnk zata titli girestkai,
Osleam duddvanim uronk nam ghottai,
Mathieche duddu mathient vochonk zai,
Hem goddonk guneavkari zait konn, toch fokot tancho maim-pai.
Munxeakullak rochun osso rostea bhair uddounk nam Devan,
Dev munxeak samballta, taka zo cholot aplean nanvan,
Boson asson voir tea kurpeache tronar, nodor ghalta eka eka ganvan,
Dukhi zata poitoch bhavak topun marlolo bhavan.
Devache khastintlo konn suttonk nam,
Farikponn dinastanam uronk nam,
Devachea ghuttacho thav aiz pasun konnakuch mellonk nam,
Bhavartan chol'leleankui soddunk nam, sovostkai dinastannam ravonk nam,
Hea vorvim gomon ieta bhavanim Rochnnar Dev nidonk nam.
4.DEVAK DIUMEA ARGAM - Rita Rose
CH
Anj boddve vazoitat orgam,
Devak amim diumea argam,
Ek zalim separad kallzam,
Nastanam kantteachim durgam.
Borem noxib amchem, naslet amche mukar,
Te dusman marekar, korunk amkam kabar,
Jivitachem voddem, sukhachea somdirar,
Ufeta dorieachea laharar.
Repeat CH...Anj boddve vazoitat orgam...
Xekim amim zaleanv kazar,
Sodanch anv kortalim rozar,
Ekvott zalo sobemazar,
Atam Koria amcho sonvsar,
Neketram etelim, he vengen kheutelim,
Mogak axetelim, moipasan vaddtelim,
Kallzam him anstelim, mogan sontostelim,
Tum pai ani anv maim zatelim.
Repeat Anj boddve vazoitat orgam
5.DHONIA! BHOGOS MAKA – Alfred Rose
Bhagint vareak boslelem,
Pollounk eok anj koxem distalem,
Veludachem kensachem aslem,
Taka polloun kalliz dadoslem.
Maka polloun tem lozonk laglem,
Chotroilelea porim tem utlem,
Choltoch tem kalliz mojem dukhlem,
Eka paim-an tem thontem aslem.
Dhonia bhogos maka! zaite pautt xinntam tuka,
Itlem tunvem dilaim torui, maka sonvsar dista naka,
Tea cheddvak sogllench dilaim, fokot eka paim-an tontem kelam taka,
Maka don paim dileai torui, kednaim anv okman kortam tuka.
Thoinch ek cheddo mittai vinktalo,
Suadik tallean kantar kortalo,
Sogllea lokak to apoitalo,
Bhagin ietealenk dipkaitolo,
Amurkoch anso khelloitalo,
Tonddar tachea uzvadd distalo,
Anvem lagim vochon voddkilo,
Anv kuddo oxem mhunnonk laglo.
Dhonia bhogos maka! zaite pautt xinntam tuka,
Sogllo sonvsar hea dolleanim polletam, torui jivit dista naka,
Tea bhurgeak dolle diunk naim, punn to argam ditam tuka,
Maka donui dolle dillai torui kednaim chukon anv okman kortam tuka.
Tea fuddem ek bhurgem kheutalem,
Garxuleam dolleamchem aslelem,
Apleach bitor khoxen anstalem,
Dusream bhurgeam xim vochonaslem,
Sorgar than denvlam xem distalem,
Anvem apurbaien ukollem,
How do you do anvem vincharlem,
Donui kanani bherem aslem.
Dhonia Bhogos maka, don kan dileai maka,
Don dolle dileai maka, don paim dilei maka,
Kann-dolle ani paim nastanam, ti rochnam vakanddta tuka,
Sogllim dennim maka asson kednaim chukon anv okman kortam tuka.
Dhoniaaaa......Dhoniaaaaa...Bhogos Maka.
6.DIANA - Alfred Rose
Ektaim zateleanv dogaim chintinastanam,
Mogan ami asleanv mhunn konnank gomonk nam,
Papak mhojea kaim ek kollonk nam,
Hem Devanuch kelam, munxean korunk nam,
Hi khobor aikon khoxi zatelem, Dianaaaaaaa...repeat Ektaim
Devan tuka rupan bhorunk nam,
Punn gineanan unnem korunk nam,
Anik Diana chodd teomp uronk nam,
Kallzam ek zatelim bhieunchi goroz nam.
Dukh ietoch amcher tem sogllem sonsunk zai,
Soiream-daiream, sezareank bhorim ravunk zai,
Hem tor tum korunk kobul assai
Dar mhojem ugttem, lozonakai,
Utrancho monant ugdass dor, Diana bai.
Devan tuka rupan bhorunk nam,
Punn gineanan unnem korunk nam,
Anik Diana chodd teomp uronk nam,
Kallzam ek zatelim bhieunchi goroz nam.
7.DIR ADHAR BHORVANSO – Rita Rose
Tunch mozo dir adhar borvonso,
Tujea vinnem sonvsar dukhacho,
Tunch mozo dir adhar borvonso,
Tuje vinnem sonvsar dukhacho.
Tunch mojem khuxalponn,
Tunch mojem dadosponn,
Sonvsarant nam maka dusro khonn.
Tunch mozo dir adhar borvonso,
Tujea vinnem sonvsar dukhacho,
Ass moji bagonam,
Bukh maka lagonam,
Tuje vinn dusro konn maka nam.
Tunch mozo dir adhar borvonso,
Tujea vinnem sonvsar dukhacho,
Tunch mozo dir adhar borvonso,
Tujea vinnem sonvsar dukhacho.
8.DIZGRASS – Alfred Rose=AR & Rita Rose=RR
RR: Hai! Roddtam roddtam tuka, mojea jivitachea sukha,
Both:Geloi, Geloi, geloi, dukhan galun maka...x2
AR : Roddonakai, roddon kosloch faidonam,
Permeshvarak zai tor amkam mellonam,
RR: Parmeshvaran kiteak kakut kelinam,
Sukh maka dilenam, bhava foll mojem raklenam.
RR: Kalliz hem mojem roddta, dolleancher kalluk addta,
AR: Noxib hem amchem, noxib dogaimchem,
Roddon kiteak upkarta, bhoinnim roddon kiteak upkarta,
Permishvoruch aiz kadiecho dongor, dongrachi kaddi korta,
Permishvoruch aiz kadiecho dongor, dongrachi kaddi korta.
AR: Nov vorsanim Devan bhurgo dilolo,
20 disanim tacho ugddass kelo,
RR: Kusvean mojea nov moinem sambaulo,
Ghorkar khoxi zalo, mhunno gharan uzvadd ailo,
Konnache dolle futtlet, konnache xirab bhuzlet,
AR:Rav bhoin'nim sambav, osolo dubav kiteak sang monan riglet,
bhoinnim konnem monan rigoilet,
Bhurgem nam mhunnon, nov vorsan passun, kosole diss tunvem sonslet...X2
AR: Jiv diunk sodi, jiv diunk tuka dinvchonam,
Fulto fuddar padd korunk meuchonam,
RR: Sodd maka sodd, sukh ani maka nam,
Konn maka kendchonam, konnakuch anv zhodd zanvchinam,
Sonvsar aiz mozo somplo, respedui mozo ublo,
Bhav: Jiv dixi zalear, poi tuzo ghorkar, dusri ghorkarn addtolo,
Voi voi dusri ghorkarn addtolo,
Apurbaiechi eklich mogachi bhoinn maka konn ditolo,
Apurbaiechi eklich mogachi bhoinn maka konn ditolo,
RR: Hai! Roddtam roddtam tuka, mojea jivitachea sukha,
Both:Geloi, Geloi, geloi, dukhan galun maka...x2
9.DOGUI BIKARI - Alfred Rose & Bab Tony
Aikat sangtam dogui ami bikari,
Ankwar nhoi punn dogui ami kazari,
Anga thoimsor bonvtam, bik magtam, bekar nam,sirviss kortam serkari.
Ami bik magtanv ghenastanam kotti,
Ami bik magtanv bollsan asson notti,
Ghala re diya re ami marnam fotti,
Amkam bik ghalxeat tor, kakut dakoixeat motti.
Ami vetanv-vetanv poi tea ganvani,
Lok sozmota ami sangtanv mhunn kanni,
Duddu amkam ditat, vostu amkam ditat, bortat amkam nespani.
Amkam bik naka re bik naka duddvamchi,
Amkam bik naka re borea angostramchi,
Tumi mhunntelet vost tumkam zai khoimchi,
Amkam bik naka re tumche don-doulotichi.
Darar marit zalear dar ugoddtolem,
Khallteponnan magot zalear meutelem,
Amkam zai poi tem zaiteach zannak sanglem, konnach lagim nam astelem.
Amkam bik ghala re doyall-ponnachi,
Amkam bik ghala re bhav-bhavponnachi,
Amkam bik ghala re sovostkaiechi,
Amkam bik ghala re tumchea khorea mogachi.
10.DOIALL JEZU - Alfred Rose
Sorgar than tum sonvsarant ailoi,Devacho put,tum munis zaloi,
Sorga sonvsaracho Raza tum, toruipunn goribponnan tum, gorvanchea ghotteant zolmoloi,
Amche modekat tum jieloi,Amche pasot tum khursar meloi,
Amkam sorginche daizi korun, tin disani Kuddi othmea soit sorgar gheloi.
Mogal Jezu doiall Jezu,
Amkam patkeant tuje lagim ulounk xikoi,
Ami patki, ami ghatki, ami oskot kurpechi gottai dakoi....X2}
Jezu tunch amcho bhorvanso,Jezu tunch amcho alaxiro,
Soitan kanant amchea xempddi ghalta,dolleant amchea panam bandta,Soitan khoroch dolldiro,
Soitanchea chopkeak sampddot tor,Amcho semprak zatolo churo,
Povitr Atmea tum amkam sambau,Tuje vengent amkam sambau,Tunch amcho adar khoro.
Mogal Jezu doiall Jezu,
Amkam patkeant tuje lagim ulounk xikoi,
Ami patki, ami ghatki, ami oskot kurpechi gottai dakoi....X2}
11.DON ARXE - Alfred Rose
Ek dis papan maka appnaxim apoilo,
Zonelak arso asa poi to dakoilo,
Arxeant tuka kitem dista vinchar kelo,
Ho vinchar tannem korum maka sarkoch guspailo.
"Sang mojea puta, hoi mojea puta,
Hea arxeant barik polleun sang kitem tuka distti poddta?"
Hanvem taka sanglem "Motor gaddio dista,
Tosoch zaito lok gorib zanv girest rostean pasar zata,"
Papa khoxi zalo, amurkoch hanslo,
Tuka bori chotrai asa mojea mogachea puta,
Xikop tujem borem, dakoita xikpachem mon asa,
Atam maka gomlem tujem ginean koxem cholta.
Tea upratn papan maka bitor apoilo,
Kobbordant arso asa poi to dakoilo,
Atam tuka kitem dista vinchar kelo,
Arxean mozo rupkar dista hanvem zobab dilo.
Sarko uloiloi, sarko uloiloi,
Oxem mhunnon tannem moje pattir khuxen hat marlo,
He donui arxe poi veglle veglle
Hea donui arxe modem sang vegllochar asa koslo?
Ek arxeantlean poilear bhair sogllem dista,dusreantlean poilear
tuka fokot tunch disti poddlo.
Hem kitem dakoita, sang mogall mojea puta,
Vinchar korun mozo papa vhoddlean hanslo,
Vincharancho maka matui meulonam thav,
Ginean toklen bitor korunk laglem bobau,
Jibu mhunnonk lagli kitem uloitai sambau,
Zabab nam zatoch papak khui mista moddlo dubav.
Poi tea arxeantlean bhair sogllem dista
To kela nitoll ani nivoll,fokot pouncheako
Pun takach bhailean rupnnem laixi tor
Baileam kainch disonam fokot rupkar dista tuzo,
Teach porim girestkai chodd zali mhunntoch,
Munxeak dista valor aplo ani aple familicho,
Te gorib disonam porje vontti zoukonam
Oso zaunk diunakai puta Sonvsar tuzo.
12.DON VOLLE - Alfred Rose
Altoddi than poltoddi, anv vochoncheak sodtalom,
Chintnam him monan dhorun anv voddean boslolom,
Voddean konnuch naslolo, anv thoi ekloch aslolom,
Thanel’leche don volle polloun anv ojeaplom.
Eka volleacher, boroilem vaur kor,
Dusrea volleacher boroilem aslem rozar kor,
Maka ansonk ailem, hem boroup koslem tor,
Thaneleak vicharlem tea boroupacho valor.
Oh anvem mhunntlem thanel’lea, boroilaim tunvem kitem,
Vaur kor ani rozar kor tum sangonk sodtai kitem,
Vaur anvem kelo zalier, zaddounk zatelem zaitem,
Rozar kelear pott mojem jaunk pautelem mottem,
Thanelo uxear tannem ghoddbodd kelo,
Rozar kor boroilem tem to volo thanpacho bond kelo,
Vaur kor boroilam, tho volo thannuk laglo,
Voddem dhorieantuch gunvonk laglem zalo ghotalo.
Thanelean maka sanglem, fokot vaur korxi zalear,
Jivitachea somdirant tum gunvonkuch urtoloi,
Toxench to mhunnonk laglo, fokot rozar korxi tor,
Thoddik pauchonai tum modench bhovon astoloi.
Vaur kor rozar kor, don volle mollache,
He dhonui volle munxeakullache gorjeche,
Dhonui athanim dhorun, ami thanpache,
Ani jivitachi thoddik ami paupache.
13.DON’T WORRY BE HAPPY - Alfred Rose (Lyrics Titta Pretto)
Goa tum amchem Goemkaranchem,
Girestkaien bhorlelem, neketr Indiechem,
Goa tum amchem apurbaiechem, bailea lokak faidechem,
Antam zalaim lokachem.
Bailo lok Goem ieun veta, soglem marog zalam mhunntat torui,
Dont worry be happy,
Baile munis Goeant dondho korta, ami Goemkar tanche tondd poitat torui,
Dont worry be happy.
Goa tum amchem Goemkaranchem,
Girestkaien bhorlelem, neketr Indiechem,
Oh Oh Goa tum amchem apurbaiechem, bailea lokak faidechem,
Antam zalaim lokachem,
Golden Goa tuka mhunntat, punn patlean nanv pirdear kortat torui,
Dont worry be happy,
Soro pion pott bhor jeutat, ani soro marog kela mhunntat torui,
Dont worry be happy,
Goa tum amchem Goemkaranchem,
Sukh-dadasponn sogllemchem, mankulem Goa amchem,
Mogachea Goa tum amchem Goemkaranchem,
Duddvank lagon zalaim tum dusrea lokachem.
Goemkar borem nanv zoddunk, fattim soronant kitloi duddu moddunk,
Mhunnta dont worry yeah be happy
Christmas new year paskam kortat, foggoteam porim duddu moddtat torui
Dont worry be happy,
Kitleo konkani kessetti ietat, marog passun zalear ghetat,
Mhunntat dont worry be happy
Goa bailo lok zaito Goem ieta, zage amche sovai gheta,
Ho amcho guneav puta.
Oh oh goa sobai tuji pirdear zait veta,
Ami tankam zage vinkta, magir chintun roddta,
Dont worry oh oh be happy, dont worry be happy dont worry be happy,
Dont worry be happy!
14.DONA PAUL – Alfred Rose
Dona Paul, Dona Paul, Dona Paul,
Kaiboro sobit ganv to Dona Paul,
Ponje dokhear kelo mog, Dona Paul zalo fog,
Dona Paul, Dona Paul, Dona Paul.
Moi mogan khelloilo,
Dona Paul aplea gharan apoilo,
Mosko panv khavoilo,
Derepent sarnnicho muddo dakoilo.
Tem cheddum mista aslem auttem,
Mojea noxiban poddlem khauttem,
Dolle dampun marli danv, fuddem zata poi tem zanv..
Bailean saiba nattok kelem mottem.
Cheddvan bob marli "pav, pavat re",
Ho poi chor, chorun povta dhorat re",
Maka marlo khonttanim, vhoi tea ganvchea putanim,
Anvem mhunntlem maka soddat re.
Phatlean khontt marli konnem,
Cheddvak vincharlem "kitem chorlam annem",
"Mojem kalliz chorlam", mhunntlem tannem,
"Poutalo dinam mhunnon doth dennem".
Dusre pautt pagernt farailo,
Gopan dovrun maka boroch gunvdailo,
Chintlemnam zait mhunn oxem, noxiban mevlem pixem,
Maka gunvdaun khattir uddoilo.
Khatir poddtoch mhunnlem "Saiba pav",
Hem aikon tannem mhunnlem "matxo rav",
Maka suttlo xello gamm, mhunnlem hem korta mojem kam,
Mojea monant tacho riglo dubav.
Khatt asli zonelaxim,
Udki marun pavlom bhair doriaxim,
Doria aslo tanchea ghoraxim,
Dorian pevun paulom Ponjea dokeaxim
reapt Oh Dona Paul, Dona Paul…
15.DON'DHO ZAINAM - Alfred Rose
He bab he, tuji sotri kortam sarki,
Duddvam pasot bienakai, dilear zata deddki,
Kitem sangom noxibacherlaglea mojea koddki,
Tum ek deddki dixi, gharan mojea xitan bhorot moddki.
Paus poddtoch sotreo sarkeo kortam,
Giman magir dusro don'dho dhortam,
Goemkar saiba lozonam, anv soth tem tuka sangtam,
Sotreo sarkeo korun pot hem bhortam.
Anv bhotto nhoi, Engineerponn xiklam khoro,
Ankvar nhoi punn kazari, asa bail ani cheddo,
Sirvis zainam noxibachea gollean poddla khoddo,
Goddta toslo don'dho kortam, dis cholta to boro.
Rupia moddun zaiteoch kaddleot lottri
Lotery khuimchi nidonk nam bori kotri,
Amig mhoje sirvis korun, shopan ghaltat letri,
Anv sarki kortam lokachi sotri,
Engineerponn sotreo sarkeo korun kortam uzar,
Dispotto suttlear puro mhunn sodanch kortam rozar,
Dukorn ghaltolom aslom, anv sangtam sobhemazar,
Punn dukorn ghalunk hea tempar zai zata zaitech ozar.
Christam lagim khuim don'dho zainam,
Hem mhunntat te sonvsar sarko poinam,
Sumurt amkam sangta, peleak dukonk math favonam,
Peleak dukoinam tor don'dho zainam.
he bab he...
16.DOTOR ANI NURSE - Alfred Rose=AR , Rita Rose= RR
RR;Dotor dotor dotor maka kitem zata,
Sambau maka sambau dotor gunvoll ieta,
AR:Rau gho matxem rau gho sisterik polleta,
Avoi ghotalo zata mista.
RR:Rogot poitoch dolleamr ieta sai, kalliz mojem doddodta hai,
AR:Tuka kaim zainam bienakai, choll ek injecsanv maria bai,
RR:Injecsanv titlem marinakai
AR:Anik koslo korum upai? Koslem hem pikasanv,
Bestench hem temtesanv, sang tor maka kitem kor mhunntai?
Aik tuka sangtam anv vhoddlea dotorak sang, maka bejar kornakai.
RR:Vhodlea dotorak sangot tor vaitt zatelem,
Sirvis hi soddun ghara boschem poddtelem,
AR:Tum poilem cheddum modur kaliz aslelem
Tuka nurse konnem za muntlelem.
RR:Duventiche hal pollenezo, dolleantlean bhair sorta uzo,
AR:Jiv abalar kornakai tuzo, dolleancho eok voiz assa mozo,
RR:Tujean kiteak maka poi nezo
AR:Anv dolleamcho voiz bai khoimcho?
Dolleamche voiz vegle, kalzache voiz veglle
Zon ekleak vaur assa apnacho
Dotor anv noi tosslo, dotor anv fokot operesavam korpacho.
RR:Toxem tor hea kallzachem operesanv kor,
Dolleani mojeam polle kon bosla bhitor,
AR:Dolleanim polloun mojei toklek choddlo zor,
Makai gunvoll yeta bai ghott dor.
Ulloup
Nurse: Avoi dotor gunvoll Ieun poddlo, konui tori pavat ghe saibinnim, dotor dotor
ward boy, sister, konui tori pavat ghe saibinnim
RR:Avoi avoi kitem korum anv,
AR:Dotorak zalem fugassanv,
RR:Khoimsor saiba atam marum dhanv,
AR:Padrik sang add mhun sontessanv,
RR:Bogos saiba ho mozo gunneanv
AR:Bogxilem boro zalom anv, cheddum tum lagamchem,
Sukh soddtai mogachem, kiteak suru kel'loi lamb xermanv?
Ekuch utor tujem maka puro aslem, hench noi go sodtalom anv.
17.DOTORANCHO DOTOR – Alfred Rose
Kantorist hea palkacho, lok taka vollkotalo,
Palkar kantaram korun, lokak khuxeal dhortalo,
Thoddim vorsam zalim pasSar, auchit obsoeg ghoddlo,
Palkar kantar kortanam, avaz tacho bond zalo.
Vhoddlea dotoraxim gelea uprant, kuddik tache suntlo xello gamM,
Talleacho cancer zala mhunn, sanglem dotoran,
Kantar korunk zanvchemnam, ulounk passun zanvchem nam,
Devan dilolo avaz, anik aikonk meuchonam.
Cancer boro zanv nezo, Dotoran taka sanglem,
Sangnnem aikona fuddem, hem kalliz tachem roddlem,
Kantaram korun tannem, aplem jivit sarlelem,
Talleacho cancer zaun, sogllem sukh tachem somplem.
Bomboi breach candy mhunnta thoimsor,
Assa eok famad dotor, to dotor boro korta ghott bhavart assot tor,
Taka dotoraxim velo, tallo tacho dakoilo,
Udok ani tel vapddun cancer tacho pigoulo.
Sant Anton ochorieancho, hem tea dotorachem nanv,
Breach candyn eke garagin chollta tachem devossanv,
Koslim koslim duensam kurar korta diun bessanv,
Talleak cancer zalolo kantorist bhavani anv.
Duensantlo tuka boro zaunk zai tor, Sant Antonicher bhavart dor,
Tera Noveana tachim khorea bhavaratan tum kor,
Bhavart kallzan gheun bitor Sant Antonik fuddo kor,
Sant Anton aiz zaun assa, eok dotoramcho dotor,
Hi milagr moje thaim ghoddlea, bhavanim ek milagr vhodd.
18.DUDDU DUDDU DUDDU – Alfred Rose
To soro kaddtat kiteak, zai dekun duddu,
Teo choreo kortat kiteak, zai dekun duddu,
Teo sorti kaddtat kiteak, zai dekun duddu,
Duddu, duddu, duddu, duddu, duddu duddu......
Duddu nam zalear sonvsar koddu,
Duddu nam tujer marlo zaddu,
Duddu nam zalear sonvsar soddu,
Duddu, duddu soglleankuch zai duddu.
Sirvis nam zalear tuka cheddvam mog korinam,
Sirvis nam zalear tuka ixtt lagim dhorchenam,
Sirvis nam zalear tuka konnuch man dinvchonam,
Kaddi pasun ukolchinam, duddu nastanam.
Ha ha ha ha duddu, konnak naka duddu,
sogleankuch zai tea duddu..hha haah dudu.
Baltim kortolo zalear poile zai duddu,
Kazar zatalo zalear poile zai duddu,
Kitench kortolo zalear poile zai duddu,
Dis rat, vavur, fokot korunk duddu.
Dudduvamcher bosla mhunntat denvchar,
Punn duddvamcheruch cholta sonvsar,
Mortoch duddu vorchenam sorgar
Punn mortoch inteor zauchonam duddu naslear.
Bailek mhunntat ghov naka nam zait tor duddu,
Doth nam tor vokol naka nam zait tor duddu,
Amigak Amigak naka nam zait thor duddu,
Duddu aslear sogott tuka mhunnot senheoru.
yeah ha duddu...haha duddu dudu duddu
Vhodil sangtat ho sonvsar mhunon chear disancho,
Sonvsaran sangat pavor cholta zait konnacho,
Soth assa tem fott korunk pavor zait tho khuimcho,
Duddu, duddu, duddvamkaramcho.
Girestank mhunntat nid podonam,
Duddvamkarank mhunntat suseog nam,
Duddu nastanam kainch ek ghoddonam,
Dekun, duddu denvchar mhunnon faido nam.
To soro kaddtat kiteak, zai dekun duddu,
Teo choreo korta kiteak, zai dekun duddu,
Teo sorti kaddtat kiteak, zai dekun duddu,
Duddu aslear sogot tuka mhunnta senheoru.
19.DUDHSAGAR - Alfred Rose
Vanvta nhoi ga saiba tonddantlean dudh vanvta,
Ghosghoxeanim vanvon tem dolleanim add pauta,
Adlea vhoddilanim kainch korunk nam mhunn gomta,
Amchea gharant astanam,ibadd tacho zata.
Mull tachem khoim assa somzonam,
Vanvon khoim veta disonam,
Tan-buk nivta taka poitanam,
Itlim vorsam konnench upeog kaddlonam.
Ghor mojem dhaktulem punn chouxilean dongor,
Team dongramchi girestkai minacho xinvor,
Tea bhair Vaicho(laginch) dhoko agbhoti ghaltat nangor,
Tonddantlean dudh vanvta taka mhunnta Dudhsagor.
Ti Dudsagor girestkai amchi,
Disan dis zata volorachi,
Mellot tor ghottai Serkarachi,
Dudhsagor zateli zhor bhangarachi.
Tea dudachem tondd ek zomin hansteli,
Tea dudache urben hi biz nasteli,
Pikavoll passun disan dis oggli zateli,
Bizle vorvim Goemchim shopam odik vaddteli.
Goa tum ghor amchem dhakttem,
Punn mog amchem udok na sukchem,
Tem min tujem bhair veta vinktem.
Tem dudsagor tujea mogachem agttem...x2
20.DUKOR ANI LEITAO - Alfred Rose =AR, Rita Rose=RR
RR: Ye ye ye ye, ye ye ye,Ye ye ye ye
khoim gelo kai dukurlo
Dhon tapon dovorlam, eddonk gela astolo
Ye ye ye ye,Ye ye ye ye.
RR: Ye ye ye ye khuim ghelo zait ho dukurlo.
Guddantui nam, prosanui nam, xetan ghela astolo
Ye Ye ye ye jiu mozo annem kabar kelo,
Sezarchea loitanvk borim bonvon pirdear zalo,
AR:Ye ye ye ye ye, loitanv khuim gelem,
hem poi dukram patlean danvta, ye ye ago ye go
ye go
AR: Ye Ye ye ye khuim mhunn mojem loitanv ghelem,
Ponas rupia diun taka mhapxeam than anvem addlelem,
Ye ye ye ye ye em poi dhanvta soddlelem,
Sezarchea eka dukrak lagon, loitanv pirdear zalem.
RR: Sezarchea dukracho guneav tum korinakai,
AR: Toxench tunvuim mojea loitanvak kenddinakai,
RR: Tuje duknink tum sambau AR: Tujea dukrak tunvuim sambau,
AR: To loitanvam pattlean dhanvta tor, taka kapaum korunk zai.
RR: Vodik borem marun sorpotel kortelim,
AR: Naka baie, chourisam kor, vodik ruchik lagtelim,
RR: Loitanv tujem porsan et zalear dhortelim.
AR: Sambav baie, tem toxem asa, poram zatelim,
RR: Poram zatoch, tantlim tunvem maka diunk zai don,
AR: Anv zatam podon ani tuka kortam modon,
RR: Mhojea dukrak lagon tumger poram zatat, kortai vhoddlem tondd,
AR: Tujeach dukrak lagon zatat mhunn sang govai dita konn.
RR: Aik sangtam tum fokannam mojim korinakai,
Tuzo maim-pai, mozo maim pai dusman mhunn visronakai,
AR: Tim dusman tor, ami kiteak dusman zaunk zai?
RR: O poi mozo dukar anim tujem loitanv dhanvta
AR: Tankam kazar korunk zai.
AR: Kombo ani kombo mog kortat porsan bonvon,
Sunnem ani Kolgem mog kortat pattlean danvon,
Dukor ani loitanv mog kortat, dogaim ekach chiklan lovon,
Tor tum ani anv
RR: Shut up you fool!
AR Mog koria bolkavan ravon.
AR: Kombo ani kombo mog kortat porsan bonvon,
Sunnem ani Kolgem mog kortat pattlean danvon,
Dukor ani loitanv mog kortat, dogaim ekach chiklan lovon,
Tor tum ani anv
RR: Shut up you fool!
AR Mog korchem bolkavan ravon.
AR; Ye ye ye RR Ye ye ye ye AR: Ye ye ye
RR: him poi amchim dogaim danvtat..
AR; Danvtat? tim mog kortat,ami kiteak ravomia..
RR; Ami mog koria? maka loz dista.
AR; Poili poili loz dista...magir...haha haha
RR: ha ha ha ha ha....
