1.NADDPONNAM SODD - Alfred Rose
Mutt bor utram, sup bor letram,
Tumche mukar ximptam,
Vozon korunk nam, nam mhunn mezunknam,
Bhor gheun tim guntleant suii sut nastanam.
Manadik Goemkar bhavanim anv uloinam perguntamnim,
Doyall kallzachea bhoinnanim, Ballkam Devachim amim,
Fullam sarkim utram mhojim, Nitoll xitoll chintnachim,
Aikotoch tim, Ontoskornachim daram ugodttelim, tim utram aikoteleachim.
Devan amkam ek maap dilam,
Hea sonvsarant ami yetanam,
Tench map bhor sanglam sukh bhogxii sodam,
Korxi nadponnam rodxii golloun dukham.
Dusreak dukhoun duddu korxi, xirapamnim kottexii,
Thoddoch temp sukhan jiexi, nanv nasleli pidden morxi,
Mortanam girestuch morxi, bend laun kaxavan nidxi,
Angach sanddun girestkai vexii pun birmot te luttichi,innocent bhurgeancher ghalxi.
Grestkai tum kor, za monis vhodd,
Sonvsarant nanv tujem dovor,
Bhoro tum vavr kor, ikmotin duddu kor,
Peleachoi mog kor, fuddarak vat ugtti dhor,
Duddu yetanam te bhitor, khoxen nachxi tum pott bhor,
Punn duddu portonk lagot tor, sang magir senhor, niall kor,
Duddvamcher devchar bosla vhodd, gopchup bhitor sorta chor,
Man zoddxi vhodd ubot ghoddie bhitor dekun NADDPONNAM SODD,
Sodanch sukh bhogtoloi tor.
2.NARIEL PANNI - H.Britton & Rita Rose
RR: Irmao mozo ghutt sanglear raag tuka yetolo,
Sozmotam tum bhau mozo mandun ghetolo,
HB: Tum apurbaiechi bhoinn moji ani anv tuzo bhav eklo
Vaitt borem tarear ghalia ani sang ghutt tujea monatlo
RR: Jivitan anven poilech pavtt mog kela eka choleacho
Benkan accountant assa non catholic Keralacho
HB: Kitem bhoini anv aikotam respet rakh tujea pai-maimcho
Itle Goenkar asson ekloi tuka mevlonam Goencho
RR: Goenkar soro pieon bailank ghaltat mar,
Kazar zaun toddeach tempan, bond sukhachem daar
HB: Lojechem daar ugoddtolem, gomtoch ghov mun tuzo keralkar
Dekhun kunyad maka zavo to nizacho Goenkar
RR: Swomi lagim kazar zalear sukhan jietelim hanv,
Kazar zaunche adim taka, korum yeta Christanv,
HB Christanv taka korxi tum, bodli korun tachem nanv,
Pun bodli korunk zaunchonam, zolmancho tacho ganv.
RR: Vochot team offisanim, Keralkar bore zoddtat,
Dekhunuch Goenchim cheddvam, tancho sangat korta,
HB: Duddvank bullon kazar zata bhurgeancho fuddar konn chinta
Daddy keralite mhunn dusri bhurgim tankam chavoita
RR: Ginneanar uzvadd ailo, irmao tujea uttranim,
Goenkar asat ozaranim, naka maka dusro anim,
HB: Goenchi dhuv Goenchi rani, Goencho put Goencho dhoni,
Goenchi feni astana, kiteak zai Keralachi nariel panni.
3.NATALAMCHI BHETT - Alfred Rose
Natalam yetat, Natalam vetat, natalam khoxechim,
Fulamnim ghalun dennim pattoitanv khorea mogachim,
Uzvadd ailo mhunn neketram pettoitaum uzvaddachim,
Khunnam dakoitanv khorea moipassachim.
Natalam Natalam, vaddoita khuxealkai,
Natalam natalam kherit daddoskai,
Kalliz mojem khoxen bhorlem hai, polloun tumchi vorti lhanvikai,
Natalamchea natalam oxinch cholonk zai.
Veludache kens, naka vhoddlem bens, assai titlem puro,
Osleam sobdanim Christmas cardanim xinvor kortanv boro,
Boreponn tujem boreponn mojem eok fulamcho turo,
Eka mekak moisspass dakhoumya khoro.
Natalam Natalam anson khellon sarya
Natalam Natalam borem magomya,
Pattlem pattim ghalunk vavromya, fuddlem borem noxib magomya,
Natalamche natalam khoxen ansoya
Cheddea-cheddvanim oslea disanim magnnim keleam borim,
Tea kazareani aplea gharani dennim magleam borim,
Okle-novreanim mog kornaranim chintnam korunk purim,
Ballka Jezuk kallzam bhettoileam khorim.
Natalam natalam ek-mekak korumya bhett,
Natalam natalam mogan konui gheit,
Naka maka duddvanchi Bhett, naka maka kunsvarachi bhett,
Kallzak kalliz korya natalanchi Bhett.
4.NIMANNEM BESANV - Alfred Rose
Sonvsara, fottkirea sonvsara, hai sonvsara, motlobi sonvsara,
Konnank ansoitai, konnank roddoitai, dolle uktte korun poi,
Axen choddfoddli, mortanam roddli, putak axel'li avoi,
Vogot mevlonam, morn ravlenam, marun ailem ek zompoi,
Nimannem besanv diteli mhunn maim,putak tum axen ravloi.
Putachea ugddsan, jiv kampounk laglolo,
Uzvadd bhavartacho, kallzan palounk laglolo,
Sad mornacho, kanaxim ghazounk laglolo,
Kudd kampli, jednam sonvsar maimcho somponk laglolo.
Khoxechi nixea, kallzan gheun axear, maink mellonk gel'loi pixea,
Tufan gheun ailoi, avoik axeloi, churchureanchi hi doxea,
Aikonk urlinam, putak mevlinam, kallzanuch urli axea,
Axen jieli, eksuri meli, put vho astanam khaxea.
Put suskarta - Maim tum maka mevlinam,
Mati pasun maim, moji tuka favo zalinam,
Nimnnea vellar moji, nodor tujer poddlinam,
Hea putachem boreponn pollounk maim tum pavlinam.
Sonvsara, fottkirea sonvsara, hai sonvsara, motlobi sonvsara,
5.NIRDUKAI - Alfred Rose
Apunn tosoch aplo pelo mhunn sonvsarant chintunk zai,
Kiteak bestich uttponn kortai ti noxtti nirdhukai,
Eklo voir sorot zalear dusreak rokdich zata nosai
Ami zath paim tenkta dekun kirlaitat dusmankai.
Hem tiatristanche modem nhoi punn sogleanch modem ghoddta,
Tiatristam modem goddtoch lokak distti poddta,
Zo konn peleak chepun apunn voir soronk sodta,
Khotta to apnnachea fondar apunn mati voddta,
Devan amkam rochleam diun soglleank veglle-vegllem dennem,
Thoddeank ogddem dilam tannem thoddeank dilam unnem,
Torui munis aple ikmotim vavron zatat xannem,
Thodde dusreank cheptat aplem dil zatoch sukhannem.
Tuka Devan dilam tem dusreachean voro nezo,
Tujem tuka mojem maka niall kor utramcho,
Ghoddta zalear vaddoi fuddar uzar korun bezo,
Sorpa bhaxen konnacherui rag kaddnamkai tuzo.
Assat thodd munis apunn pollunk sant distat bhailean,
Bhailean te tuje amig punn nirduki bitorlean,
Aplim kamam zaisor tuka te fulam mautat voilean,
Tujeach dolleani mati uddoun gupit poutat patlean.
Kednanch konnak sukhi korinam noixtti nirdukai,
Kor dusreak je porim tuka dusrean kel'lem zai,
Tuje lagim sudarop korunk nam zalear upai,
Dusreak tori korum di tum taka addainakai.
6.NIRMONN DEVACHEM - Alfred Rose
Tuje oslem gunest cheddum, mellonk maka ek bhag,
Santa Rita sabinnim lagim bessanvam amcher mag,
Nodor hi moji ti tujer poddon kallzan bitor zali zag,
Bienakai tum mojea sukha tujea jivitar ghalchonam dag.
Tuji moji moji hi bhett zaunk nirmonn Devachem,
Munxea kulla tannem dilam amrut mogachem,
Tacheach adaharn tannya tarum sukhachem,
Boreponnim toddik pavonk dhonia dakhoi sukh jivitachem.
Mannkam motiam diamant passun vhoddponn aplem dakoita,
Tea surya porim kirnam tujim, he dolle moje dipkaita,
Bhagin assat jinsamvar fulam, bhou thoddeancho pormoll yeta,
Tanche modlem tum pormollit ful mojea kallzak daddoskai dita.
Devan tuka nettoilam kherit denneanim,
Bore nokxen kantoilam unch shegunnanim
Suropai chitraunk zainam chaltea utranim,
Ekvottar amchea bessanvam ghal Perpet Succor Saibinimm
7.NIRMONN DEVACHEM - Alfred=A n Rita Rose =R
A: Khuimsor tum vetai, khuimsor tum vetai Annie,
Dolle tum bhortai, dolle bhortai dukhanim,
Kallzak ghe ghottai, gusponakai chintnanim.
R: Dukh mojem vaddta, dukh mojem vaddta Johnny,
Sukh mojem velem, sukh velem dusmananim,
Lok maka kenddta nourean sanddlelem Annie.
A: Khorench heam chintananim bhoinnim aiz abalar zalam kalliz mojem,
Hem noxib bai amchem, hem nirmonn zaun assa rochtelea bapachem,
R: Konn fuddar mozo, ganvan tondd dakoum koxem,
Resperak vochon portounchem poddlem oxem,
A: Fugar zaunakai, ghoddlam Devak zai toxem.
R: Rath dis magtalim Deva lagim ath zoddun,
Kiteakuch mhunnon Dev zalo itlo dharun,
Kalluk denvoilo, dukh amcher dilem daddun
A: Dukh yeta boreak, sukak uzvaddan addun,
Munxeanim soddlear, Dev kedinch dinam soddun,
Satvo sacrament Devanuch dila ghoddun.
A: Argam ditam Devak kazar zaun tannem soddlenam mhunnon tuka,
Uprant fuddar tuzo kitem zato Annie Devak xinnonaka,
R: Kal passun tannem mogan kheloil'lem maka,
Konnem mhunn Deva, konnem buloilo taka,
Amche oslem dukh dusmanak nirminaka.
R: Ravlim respedan, aiz passun nastanam noth,
Chintinastanam kallzar mojea ghalem koth,
Kednam mhunnon Dev uzvaddan addit tem soth,
A: Sothak tea tempar sogllech vatten lagta voth,
Punn chondrim yetoch, soth tem porzollta gheun roth,
Roth mhunnchem tem sukh, voddunk jivitachem zoth.
A: Dhavui nakxeo zoroun pai amcho vavurlo fokot amkanch lagon,
Heam tujeam chintnamnim pai ani maim amchim dogaim gelim bagon,
R: Novro mhunn boro, lokan dilelem sangon,
Ghathkeponn tachem kitlo teomp vochot togon,
A: Chol Annie chol ghara, chol taka borem magon.
8.NITOLL ONTOSKORN - Alfred Rose AR, Rita Rose =RR
AR: Sirvis korta poi toslem cheddum am'chea gharan,n aka mhunta moji maim,
Ekuch moji khoxi ticheoi korta donxi,kitem korchem Sozmonam kaim
RR: Maink tor naka kazar zaunakai, tiche khoxer add vochonakai,
Tum uzvaddacho, eok dhivo gharacho, tichem kalliz duki kornakai.
AR: Sirvis korta tem cheddum gharan thikchenam,
Kiteak sirvis kortai tuzo pai astannam,
RR: Mojea xivai paik konnunch adar ditonam,
Tuje oslo bhav maka aslo zalear anv sirvisek kednanch vetinam.
AR: Zantte moje maink atam zai dista sangat,vavr korunk tichea sangatan,
Tuje lagim kazar zalear mhunnta gharan tuka anv gheunchinam kontan
RR: Hem sogllem assa am'chea atan, tika galchi nhoi sintimentan
Pattim sorchinam, anv kedinch lozchinam, maim borim Vavr kortelim xetan.
AR: Oxench mhunntat tumim ath marisor atir,
Kazar zatoch, gharache korunk pavtat tir,
RR: Vodik borem atanch maka kor dispidir,
Tum chin'tai poi toslim, sogllinch cheddvan nhoi,
Matso uzvadd add tuje montir.
AR: Hem sogllem anvem tuka besttem mhunntelem, pollunnchea passot tujem mon,
Khoxen kalliz buddlem, atam maka gom'lem nitoll mhunn tujem ontoskorn,
RR: khoxechem kirn dolleanim zoukon, dadhoslin anv him utram aikon,
Tum porzollachem, neketr zan'vaiechem, tuje maim-paiche dekik lagon
AR: Sambavteleim tor chavi moje dharachi,
Kobul korunk tuka sangatin fuddarachi
RR: Bhass anv ditam, zatellim, ghorkarn visvaxi,
Ti offisantli sirvis soddun anv kortelim chakri tujea gharachi.
9.NIZ KONKNNI BHAS - Alfred Rose
Goenkar ami soglle baba Goenche Goenkar,
Bhattkar, munddkar toxech vhoddle savkar,
Goyem soddun Bomboi yevn thodde zalet Bomboikar,
Torui astannam soglle ami Goenche ganvkar.
Thoddeank assat te zonn, tankam mhunttat zonnkar,
Thoddeank assat xetam, tankam mhunttat xetkar,
Thoddea zannank assat bhattam, tankam mhunttat bhattkar,
Bhattkar, xetkar, zonnkar punn soglle Goenche Goenkar.
Hindu, Kristanv soglle uloitanv amchi bhas Konkani,
Nhoi ek sarki punn vegllea ritinim,
Hindu uloitat bhas nettoilea Marati utranim,
Amche bhaxen Portugez utram asat ozaranim.
Punn puri Konknni bhas, uloitat zait khuimsor,
Nhoi padri, nhoi potram, nhoi tiatristam bhitor,
Nizachi Goenchi Konknni bhas tumkam aikonk zai tor,
Team Kunnbi ani Gavddeanche bhaxecher kan dovor.
Oh! Kunnbi ani Gavddeanchim utram ekdom gostachim,
Punn amkam matxim guspavun ghalpachim,
Utram tim nhoi Marati vo Portugez kastachim,
Zannar mhunnttat tim utram mhunn niz Konknne bhaxechim.
Aikonk nam tim utram, tanche lagim mevta,
Ami tim visorleanv, te azun uloita,
Goenchem nizachem nesop, tanchea angar dista,
Kunnbi ani Gavddi amchi sanskrutai sambavta.
10.NORSICHEM FUGASANV - Antonette (lyrics - Alfred Rose)
Anv sirvis kortam norsichi, ek sirviss vhodde gorjechi,
Maka polletoch unnim zata pidda duentichi,
Zanv choleam toxi cholianchi mansuggi anv kortam tanchi,
Dekun vhodd xabaski meuta maka head sisterichi.
Sokalim than tem sanj passun anvem vavr korunk zai,
Konnak thermometer ghal injection mar koslem pasiens kaddunk zai,
Kosle kosle saiba munis yetat tankam tratar korunk zai,
Bhirantin kalliz ukollem zalear tondar anso khellounk zai.
Hospitalan zalo bobau, sogott korunk lagle gozal,
Ki duenticho motte zaleat mhunn alaval,
Sisterich magnneak diun pall gelim tacho korunk samball,
Polloun kalliz churchurlem rogtache zaleleat vall.
Injeksanv marun bandage bandun kuxik boslim anv,
Deva lagim magtalim, fugar zatalim, Kortalim orrasanv,
Don/tin moineani taka boro kelo maka tachem istimossanv,
Utor uloinastanam tho gelo mhunnon bhogtam fugasanv.
Sodunk gelear tho mellonam, nodrek passun to disonam,
Amchea hospitalan koso pavlo Devuch zanannam,
Kalliz hem mojem ravonam, koso mellot to sozmonam,
Noxiban mojea assot tor meutolo anv zannam.
Ho tho konn eklo, janot nesla tho tacheach bhaxen dista,
Che tho dusro zaunk zai, kosli hi pissai anv sopnetam mista,
Poiat gha saiba maka polloun tho amurkoch ansta,
Dhorat taka to poi pollonk sodta matso rav senhor Costa/mesta.
11.NOVEA VORSACHE NICHEV - Alfred Rose
Novea vorsa anv forin soro pioumchonam,
Forin blade-inim khadd hem mojem kaddchonam,
Forin lugttanchem nesop anik neschonam,
Forin ghoddialam athak ghalchonam.
Black-antlem gheunchonam,
Governank anv kenddchonam,
Smuggler-ank mat soddchonam,
Pulisen dilea bogor anv ravchonam.
Sogllea rosteamchim nanvam atam xiktolom,
Disak ek zhadd khuimsor tori anv ghaltolom,
Mojem asa titleim goribak vanttolom,
Dev ditolo mhunn patieon ravtolom.
Social worker zanvcheak anvem kela nichev,
Jugar khevchonam naka to kardancho khev,
Nitoll zatolom sap korun monantlo mev,
Oxem kelear besanv ghaltolo Dev.
Zanvarank marchonam,
Peleak anv okman korchonam,
Vhoddponnam sangchonam,
Soro bond zait tor vas pasun gheunchonam.
Gaddien goddi mhunn anv dakonvchonam mutti,
Roste sarke nam mhunn anv korchonam jiti,
Vostu marog zatat mhunn marchonam xitti,
Desa pasot pettoitolom vati.
Ministranchim magnnim anv dortolom kanar,
Ragak kednanch sothea divchonam mojea tonddar,
Doganch bhurgim puro, tisrem naka khandar,
Nennarak xikovn kortolom zannar.
He nichev, hea vorsak,
Ghott mojea monant asa,
Adle nichev, adlea vorsak,
Kel'let punn vanvon gelet fasa-fasa,
Vorsachea vorsa anv osle nichev kortam,
Pondra dis zata mhunnosor te visortam,
Hea vorsa nichev kel'le samballunk sodtam,
Mojea pasot magat hanv ath zoddtam,
Mojea pasot Deva lagim magat, magtam.
12. NOVEM VOROS - Singer Delphine Lyrics Alfred Rose
Novem voros eta dhanvon,
Pornem voros veta povon
Sobai tachi geli denvon,
Kotta kotta veta povon
Kalluk zalo konnancho kon beij gheta,
Kitle chedde chedvam oslea vellakuch rauta,
Mog kornaram chedde cheddvank vengoita,
To matro poeat cheddum mhunn sozmon kodelik beij dita.
Repeat Novem voros.....
Happy New Year, Happy New Year
Cheddum mhunnta "You are my dear"
Cheddo sangta 'Darling come near"
Konn pieta rum, konn pieta beer.
Happy New Year soglleank tumkam mhunntam anv,
Cheddvam konnak asat tanger chedde zanv,
Ankvarancher Rochnaran ghalchem besanv,
Somestanchea gharanim sovostkaien marchi dhan
Repeat...Happy New year
13.NOVREANCHO BALCHEANV – Rita Rose
Kazar, kazar za mhunn maka maim korta bejear,
Pai mhunnta bai bienaka, doth ditam ozar,
Amchea vaddea bhair mhunnta mat zaunakai kazar,
Punn novro gagyo saiba sangtam sobemazar
(To Gagio kitem mhunnta zannoi)
Fa-fa-farancis nanv mojem,
Sadtam bo-bo-borem nistem tajem,
Toiear jikonk ka-ka-kalliz tujem,
Taka poun rogot suklem mojem.
Gagio Saiba pollounk disso Judev tonnancho,
Pai mhunnta to bhattkar mhunnon vhodda manacho,
Maim mhunnta to bhurgo mhunnon boream gunnancho,
Dusro ailo ximbro novro mojea patkacho.
(Anstoloi ou roddtoloi, tannem suru kelem)
Tim Sorginchim violam, vaztelim,
Kallzam amchim khoxen walse nachtelim,
Naka mhunnlem anv ximbrim zatelim
Ekach moinean fonddan vetelim.
Tisro novro ailo Saiba vhoddlea pottacho,
Gigantt koso Gorila disso Africacho,
Taka polloun, Saiba jiv kamponk laglo mozo,
Chouto novro pounk diso pai sotra zannancho.
(To Saiba lolo, tannem mhunnlem)
Tuje yagim anv kazal zatoyom,
Yani koxi tuka bhonvyeatoyom,
Honey moonank chonyiman vortoyom,
Ponchvis bhulgeancho pai zatoyom
14.NOURO MAKA ZAI - Rita Rose
Ha ha nouro maka zai,
Goro goro disonk zai,
Befeit rupan. gulgullit tonddan,
Babream vonttancho asonk zai.
Ragan kitench taka mhunnchinam,
Dusream cheddvank pollounk dinvchinam,
Khorea mogan moipassan anv khelloitelim,
Vengen ghott dhortelim soddchinam.
To vanddtolo mosalo,
Anv kortelim buddkulo,
Voros zata mhunnosor saiba,
Amger babulo zatolo.
Magir anv bestinch anv loztelim,
Sogllo vell babak gheun bostelim,
Mojea novreak anv sirvisek daddchimnam,
Moje paiem damunk laitelim.
Ha ha novro maka zai,
Goro goro disonk zai,
Befeit rupan, gulgulit tondan,
Babream vontacho asonk zai.
15.NOXIB ANI GINEAN - Alfred Rose
Noxib ani gineannam modem zalam ek kestanv,
Noxib mhuntta, vhoddlim mhunnon anv,
Ginean noxibak sangta, tuka nam koslench razanv,
"Tuje poros maka vhoddlem nanv".
Ginean noxiba vinnem zaun assa bestoch dunvor,
Noxibacho gineanna vireit cholonam pavor,
Vhodd kitem noxib vo ginean? korinakat favor,
Dogaimchi goroz munxeak zaunk vhoddlo kunvor.
Ginean tuka zaitem assot kiteak upkaronam,
Zor tor tuka, borem noxib nam,
Ginean vaprun zaitench kortai, pun torui faidonam,
Gineanacho foll mellonam.
Toxich tumger noxiban gireastkai assot zaiti,
Ti uzar korounk ginean-motich goroz vorti,
Ginean nam zait girestkaiechi boddai ti bexti,
Dogaim assot vaddot sonvsaracheo arti
Ginean-moti noxib zaun assat Devalim dennim,
Munxeak dil’lean, vegl’lea voznannim,
Ginean vapddun noxib korounk zai, soglea munxeannim,
Hea uttranchi, kitem sozmonnim.
Sonvsar vaddtolo tor goroz ghou ani bailechi,
Pontti pet’teli tor goroz tel ani suttachi,
Toxich munxeak goroz ginean ani noxibachi,
Dogaimchi goroz zata ekach voznachi.
Updated 11th July 2019
