1.KALCHI KODDI – Alfred Rose
Lhan astanam anv ankuddtam mhunn thonddien,
Maim maka guttlaitali aple unttien,
Bonvonk voro maka ghoddeanche gaddien,
Maim moji pollounk sobit disot saddien,
Pai borim passoiek vetali zoddien,
Sodanch maka vaddtali kalche koddien.
Kalche koddien xitui borem lagtalem,
Kuddneant jeit zalear vodik ruchtalem,
Kunddnea bogor mojean jeunk zai naslem,
Nistem tonddak launk nam zalear choltalem,
Pai mozo hem polloun maka mhunttalo,
Kazarak puta tujea paus poddtolo,
Uttram aikon, jiv mozo murgottalo.
Hea acharamchi porva korun toddi,
Xitar sodanch getalom kalchi koddi,
Punn chodd korun, tem xitt anv kuddnean kaddi,
Vhoddlo zatoch Bomboi eunk dhorli ghaddi,
Bomboi eun anv kuddachi choddlom xiddi,
Kuddan pavtoch mevlli nam kalchi koddi.
Paichi moji bomboi ek kotri asli,
Sirvis meutoch maink rokdich bomboi adli,
Eetanam don kuddni add mhunn chitt daddli,
Maim yetoch jibechi moji ruch vadli.
Kalchi koddiechi ruch sabar Goemkarank,
Kunddneank xitt jeunk ruch Goemche ganvkarank,
Kalchi koddi ruch addta pez jeunarank,
Pai maka kazar korunk fuddem sorlo,
Open air hallan vhor bitor kadlo,
Poileach nachak, koslo goddghoddo marlo,
Avoi nachtam nachtam koslo saiba paus poddlo,
Kazarak ailolo lok mhunnonk laglo,
Novro mista, sodanch kuddnean jeutalo.
Lok poita ansonk meuta zalear rosto,
Mayachea moineant to paus podlo noxtto,
Pausache disani paus jurul poddto,
Punn anv kunddneant jeutalo mhunnon bobau bexto,
Oslea acharanchi porva thoddi,
Ruch kaddi nezo ek pautt lagot tori ghoddi,
Sogleank ruchta, kalchi samarachi koddi,
2.KALLIZ OSTORECHEM – Rita Rose
Ghorkar to mogacho, kopit tho tarvacho,
Mhunno maka, mannka roddonaka,
Hi Bochuddi addlea, hea pinzrean dovorlea
Mojeo fiuninim poi xikoileat tika,
Mozo ugddass etoch, moje ubau etoch,
Bochudd'dexim vochonk visronaka,
Ti fiunim ghalteli, khuxealui korteli,
Sodanch urber dovortoli tuka.
Bochuddi uddnam marta, sodankal fiunim ghalta,
Teo fiunim ghalun, tuzo ugddass addta,
Kalliz mojem suskarta, tukach moga tem axeta,
Hem bochuddek sangon, sang kiteak upkarta.
Pinzrean bitor assa, ti maka polleta,
Ti uloita tem maka sozmonam,
Ulhas hea kallzache, ulhas te mogache,
Bochuddek sangon kosloch faidonam,
Ugddas tuzo kortam, anv dukham golloitam,
Ti bochuddi maka buzvonn dinam,
Dis rath fiunim galta tuzo ugddas addta,
Ghorkarnichea ubau ti sozmonam.
Maka tum tuje sorxim vor, tuje vinn naka dista ghor,
Maka fugar korta, eksurponnachem dor,
Tunvem toddun kaddleim, ambeachea zaddachem tor,
Mojea kusvean assa, tujea rogtachem por.
Gharan radio vazta, tape recordei vazta,
Punn sang anv konna borim nachtelim,
Sezarcheo ghov bailo aiz zoddienuch bonvta,
Punn sang anv koxim zoddien bonvtelim,
Tarvar than tum ietoch tuje abras ghetoch,
Ti Bochuddi anv soddun ditelim,
Tea nirmoll mogacho tuka montor martelim,
Ani pinzrean bond korun dovortolim,
Koslem hem sukh kazarachem,
Koslem dukh eksurponnachem,
Punn hem chintop mojem, be-ufegachem,
Tarvar tum vochonai zalear, jivit zaumchemnam amchem,
Bhov thodde sozmotat, kalliz ostorechem...x2
3.KALLZACHEM SUKNNEM - Alfred Rose AR, Antonette D'Souza AD
AD: Gopantlo vetai uddon, sang hem koxem ailem ghoddon,
Bhagwan bhagwan diss he kaddche poddlet roddon...X 2 both
AR: Gabronakai Prema tuka soddchonam,
Eropak vetam tujer visor ghalchonam,
AD: Iskolantlo prem Govind anv vissorchinam,
Tuka anv soddchinam, nam mhunn vochonkui diunchinam,
AD: Kalliz toddun koddleim, dukhan maka soddlem,
AR: Erop maka tujeach magnnean tuvenunch Prema zoddleim.
Erop tujeach magnnean zoddleim,
Noketr mollbailem khoxen aslem tunch kiteak itlem roddleim.
AD: Gopantllo vetai uddon, sang hem koxem ailem ghoddon,
Bhagwan bhagwan diss he kaddche poddlet roddon.... X 2 both
AR:Lharanchea kumpassar amizad zoddun,
Bappak lagon pavlenaum ekvott korunk,
AD:Chintlenam kalliz, uddoixi mhunnon toddun,
Parvea porim uddun, rokhdoch ye tum Erop soddun.
AD: Motianchem korun ximpnnem,
Loknnanchem ghaltai dampnnem,
AR: Bosson khoddpar, polloun mollbar, nialltolom, hem rupnnem,
Prema nialltolom tujem rupnnem,
Sobit korachem pak tum morachem ,
kallzachem tum hea suknnem,
AD: Gopantllo vetai uddon, sang hem koxem ailem ghoddon,
Bhagwan bhagwan diss he kaddche poddlet roddon X 2 both
AR: Naka, Naka Prema oxem roddnaka,
Permeshver, rokhdoch tujea fuddean addtolo maka,
AD:Permeshvora boro korun samball aka,
Eropi zaunaka , Goemkar mhunn sangonk loznaka,
AD:Kitlem sang anvem korchem, eksurponn koxem sarchem,
AR:Zoddem dogainchem , voddem mogachem
Devachea atin soddchem
Vhoi choi Devachea atin soddchem,
Dotor anv zatoch , porton anv etoch, login am'chem dhorchem,
AD: Gopantllo vetai uddon, sang hem koxem ailem ghoddon,
Bhagwan bhagwan diss he kaddche poddlet roddon.... X 2 both
4.KAMPALA - Alfred Rose
Uzvadd koxem ailem, uzvadd koxem gelem,
Niz ostorechem niallop dakhoilem,
Sobit ful abolem dolleamcher niroulem,
Zoglaunem marun hem kalliz alloilem.
Kampala, kampala, kampala
Thuim mevlem maka ek Cindrella,
Roxroxit dalia, eklench sorga talla,
Mevlem Kampala, Kampala, Kampala….}X2
Tondar kellon anso, anjea porim diso,
Tachea uzvaddan anv dipkoulom koso,
Mogan mojea lasso, soglloch zalam pixo,
Uttram tachi godd godd, movamcho xinso,
Kampala, kampala, kampala
Thuim mevlem maka ek Cindrella
Roxroxit dalia, eklench sorga talla,
Mevlem Kampala, Kampala, Kampala….}2
5.KAN KONNACHE? - Alfred Rose
Eka sobit ghorabean, Devan bhurgo dilolo,
Pollounk sobit distalo, ghorabo soboitalo,
Mennache baule porim, Devanuch kantoilolo,
Fokot kan tache vhodle asle, ho eok defet taka aslo.
Iskolan tho boro xiktalo, punn bhurge taka chavoitalet,
Soglleach vattani tho uxear aslo, punn kann tache vhodle mhunn kendtalet,
Innocent dukham polloun, bapaik balle bostalet,
Pondra vorsanim ekuch foll dil'lem Devan, avoik choddfodde bhogtalet.
Duddu asleat lakhanim, topaslo dotoranim,
Dusre kan ghalche poddlet, sanglem vhoddleam voizanim,
Munxeache kan bazarant, mellonam bhav-bhoinnanim,
Torui kagdamcher anus ghalun, avaz kelo tea potranim,
Auchit konn eok fuddem soron, kan aple bhettoileat taka,
Bhurgo vhoddlo zatoch vinchartalo,"Sang maim he kan konne dileat maka?"
Maim putak sozmaitali, "hem puta poddonk na tuka,
Tum kendneantlo suntlo itlench puta puro, anik vinchar korinka".
Auchit maim duvent zali, anturnar ti xevtoli,
Nimnnim zap kornastanam, hospitalant ti sompli,
Avoi sompli ti polloun, putachea kallzak dukh zali,
Maim mhunn putan avoi veng martoch, ghuttachi battli futli.
Pallou tichea matear aslolo, putan veng martoch to koddsorlo,
Donui kan tiche katrun kaddleleat, ho ghutt ticho anga ugto zalo,
Putak keddneantlo soddunk, tinnem sacrifis kelolo,
Ho assa bhav-bhoinnani avoicho mog, konnakuch sor nam zatolo..x2}
6.KANTEANCHEM DENNEM – Alfred & Rita Rose
RR: Kazar anv zalim punn gharan matui suseg nam,
Ailo dis zogddim ekui diss boro vochonam,
AR: Tujeach tonddan magon ghetlaim konnachoch guneav nam,
Kazar zaunchea adim tunven kiteak chintlemnam.
RR: Marr mojean sonxinezo maka maimchea ghara vor,
Hea vellar kalliz tujem kori nakai nibor,
AR: Maimchea ghara velear sang bhoinim koslem tuka vor,
Vaitt zanv borem sottevon tuka ghovachem ghor.
RR: Mogan anv poddon kazar zalim dothi vinnem,
Ghov atam kendta dothik lagon marta annem,
AR: Mogui korun doth dinvchem mhunn sang basailam konnem,
Tunven magon ghetlai tuka kantteanchem dennem
RR: Chintun kazari jivit kalzak bhogta fugassanv,
Zalem tem zalem irrmao mozoch zalo guneav,
AR: Sogllem kabar zata igorchechea ghattik zatoch tanv,
Faleam tumi ek zaun vaitt zatolo to anv.
RR: Koslem hem noxib jivit ek dukhache tollem,
Pai maichea utor kiteak aikolem nam anven,
AR: Zannom astanam somdiran udki marli tunvem,
Atam upai nam dovi folir poddlem kaem.
RR: Kai borim sukhi asli anv pai maimchea gharan,
Sukh mojea chorun velem tea noxtte denvcharan.
AR: Ghovak tujea devchar mhunonk Leena kitem karaan.
Voshimbor tuka anv ubem korinam daraan.
7.KAZAR MOJEM ZALEM - Rita Rose
Kazar mojem zalem,
Vojem pasun dilem,
Atam tum zaloi mozo, anv zalim tujim,
Chintlolem sogllem zalem.............}x2
Amim mog kelolo,
Jurament dilolo,
Xekim diss to udelo,
Aiz amcho ekvott zalo...}x2
Athak marlo atu,
Kallzar xaplo fottu,
Atam tum mozo Santu, anv tujem Ritu,
Vanchlear puro pouncheak natu........}x2
Tuka anv soddchinam,
Nodre bhair dhorchinam,
Bahrain zoddunk daddchinam,
Tarvar vochonk diunchinam....}x2
8.KAZAR ZAINAM – Alfred & Rita Rose
Padri: Christopher ani Gloria, tumi aiz Altara mukhar aileant satvo
sakrament zoddche pasot, Ani anv Pr. Agnel, tumchea donui familicho ixtt, tumchem resper
kortam. Lognacho ekvott zoddunk tumchi khoxi dekun, eka mekacho uzvo ath dhorat ani Deva mukhar
ani tache Povitr sobhe mukhar tumchi koblat ucharat.Christopher, tum Gloriak tuji potinn mhunn mandun ghetai?
Chris: Vhoi anv mandun ghetam
Padri : Sukhant toxem dukhant, piddent toxem bolaikent, tika visvaxi rautoloi?
Ani tujea sogllea jivitant ticho mog kortoloi? Ani tika manan lekhtoloi mhunn bhass ditai?
Chris: Vhoi anv bhas ditam
Padri : Gloria tum Christopherak tuzo poti mhunn mandun ghetai?
Gloria : Nammm, anv tache lagim kazar zainam..anv tache lagim kazar zainam
Padri : Kitem? Kazar zainaim? Kazar zaumche pasot tum aiz tachea sangatak
Altara mukhar ailaim..Novean chintun tuzo zabab di..
Gloria : Nammm..anv tache lagim kazar zainam...anv tache lagim kazar zainam..zainam
Chris: Kazarak lokak tunvem kovit daddloi,
Altara mukar tuvem mhaka addloi,
Punn soglleam ujir kazar zainam mhunn, sangon kikont keloi,
Dha zannam modem mhaka lojen ghaloi,
Mojea maim-paichea kallzak doko diloi,
Oxem korun sang Gloria koslo innam zoddloi?,
Gloria: Guneanv bogos, guneanv bogos maka,
Novro mozo, assa sangtam tuka,
Tuzo tosoch, mozo fuddar pidear zal'lo maka naka.
Bhogxi maka anvem dukhoila zalear tuka...x2}
C: Koslem hem kortub tujea maim-paichem,
Vibaddunk sukh mojea sonvsarachem,
Oxem korunk sang kitem anvem, pirdear kellam zait tumchem,
Ekuch utor sanglelem tor tujem, sert kortonam mojea kazarachem,
Pun padri mukar kazar zainam mhunn sangonk hem kortub zobor nhoim tujem.
G: Jit kornakai mhunnonk laglim maim-pai,
Jiv diteleanv, magir roddonakai,
Tujea mogiak sodd, ami kazar kortaum thuim tunvem zaunk zai,
Resperadis padrik sangchem poddlem naslo upai..x2}
C: Itlo teomp respedan anv ravlolom,
Khuimcheach cheddva borobor bonvo naslom,
Punn kosloch mozo guneanv nastanam, lojechea chiklan podd'lom,
Loka modem koso atam anv bonvtolom, amigank koxem tondd hem dakoitolom,
Oxem goddlam mhunn konnak xinntolom, vo tujea maim-paik xiraptolom.
Both: Kitlim cheddvam, aiz roddtat dukanim,
Forsan kazar, keleam tanchea maim-painim,
Aplinch fulam, pisddun udoileam kitlea avoi-bapainim,
Bogxi maka /tuka, mojem jivit bhorlem kantteanim...x2}
9.KAZAR ZAUNCHEA ADIM - Alfred Rose=AR, Rita Rose+RR
RR: Poi tum kazar zaunchea adim, tuka konn vollkonaslo,
Moje lagim kazar zatoch, up-to-date nesonk xiklo,
AR:Hea kazari jivitant, sozmut asonk zai oslo,
Nam tor amcho sonvsar, disto sarkoch devchar,kazar zaun faido koslo.
RR:Aiz tum makach lagon, soglleak famad zalai,punn tuje von famad zaleam anv,
Tuje borim anvem kantar kelem mhunntoch,makach lagon tuka meuta nanv,
AR:Him utram tujim aikotoch, moje kallzak bhogta fugasanv,
Hem makach sanglaim tem puro,lokak sangxi tor, tuka anstolo ganv.
RR:Amim dogaim rostean choltoch, chedde makach polletat,
Mojea jhetak te polletoch, murgotton khoxen anstat,
AR:Tujea jhetak ansonam, tujeam nokreank te anstat,
Tum nestai tem polloun, tum sirkusant assai, mhunn te sozmotat.
RR:Anv famad zaleam mhunn tuka nosai zalea,tuka dista anv zaleam pixim,
Chedde chitti daddtat, te maka anvddetat, nokom kazar anv zalim koxim,
AR:Him mai paiger astat tednam,astat sarkinch santam koxim,
Ghovager pavtoch varem bhoron,poiat ghovak nachouncheak sodtat koxim.
RR:Ghovak mojea nosai zata, chedde bultat mhunn maka.
Anv idea ditam dekun, aiz vhodd man meuta tuka,
AR:Eka mekak adar diunk, kazar zal'leanv visronaka,
Anv kazar zaunchea adim, mista tuzo xapai, idea ditalo maka.
RR:Tum kiteak chavoutai, mojea xapaik kenddtai, anvem tuka kitench mhunnonk nam,
Eka xirlea bhaxen, bestoch tambdo zatai,anvem tuka okman korunk nam,
AR:Tum tujench trumpet vazoitai,hem maka matui mandonk nam,
Tum vaztai tea kumpasar nachonk,baile moje anvem kapodd ghalunk nam.
10.KAZARI BAILECHO MOG - Engelbert Rose
Aikat sangtam mog maka mazrancho,
Tosoch maka mog dakte sunneacho,
Mog maka daktule cheddvamcho,
Tosoch mog maka kazari bailecho.
Kazari bail maka ghott dhorta,
Vengent aple chiddita murdita,
You are my darling sweet heart mhunnta,
Ani vontache kitle moje kiss gheta.
Tumi maka mhunntelet what is this,
Kazari bailecho tum ghetai kiss,
Kazari bailek bullai shi shi,
I know she is not M I S S miss.
Poixe tiche lagim assat plenty,
Tika poitoch vazonk lagta ghanty,
Tumi mhunntele give me your aunty,
I like aunty but not four twenty,
Borem borem jevon khavoita,
Borem borem nesop nesoita,
Kapdam mojim kaddun nanoita,
Ani aplea kuxik lipoita,
Paiem poddta dont tell my father,
But if you tell him I dont bother,
Tumi mhunntale give me your mother,
She is not my mother but ......
Paiem poddta dont tell my father
But if you tell him I dont bother
Tumi mhunntale give me your mother
She is not my mother but ..
She is not my mother but ...
She is not my mother but....grandmother
11.KAZARI BHOINNINK LAGON - Alfred Rose =AR, Antonette Mendes AM
AR:Kiteak Lira tondd hem duki tujem,
Koslem matear gheun tum bhonvtai vojem,
AM:Kiteak mhunnon Devan rochlem maka futtkea noxibachem,
Manank lagon tondd sokol ghalchem poddlem mojem.
AM:Main anim pain mojea manank kazar kel'lem ked'dea horan,
Nanv tannem ogddailem, ghov tacho assa tea bhailea terran,
Taka lagon konn kobul zainam paim dovrunk amchea daran,
AR:Kaiborem tum cheddum ankvar uronk mista hench tem karann.
AM:Odik borem anv convetan vetam,
Urlolem hem vid Devak bhettoitam,
AR:Jivar ubgoilam mhunn convetan vachonakai aik sangtam,
To convent Devachem apounnem assa poi tankam.
AR:Devachem apounnem assa tannem conventan vachonk zai,
Novro mellonam mhunn conventan tum vachonk chintinakai,
Kitleam bhoinnanim aiz bhokti madrichem nanv vibaddlam bai,
Ankvaruch mel'lear borem, pun sagrad madriponn ogddainakaim.
AM:-Sang tor atam anvem kitem korchem,
Nak hem adoun moji jiv diun morchem ?
AR:Oxem korxi tor odikuch nanv vibaddteleim tum ghorchem,
Aik sangtam cheddum mhunn tum mojech boroborchem,
AM:Kosloch mozo guneanv nastannam anv hem, bhogtam fugansanv,
Riti mannsugen vaddoillem diun favo tem educasanv ,
AR:Kazari bhoinnink lagon, anvkar bhoinnimchem,pirdear zalem nanv
Bienakai chol bai tuje lagim kazar zatam anv.
12.KELLIWALI ANI SANTRAWALLA - Rita Rose=RR Alfred Rose=AR
RR: Hanv kelliwali kellim vinktam,
sodanch Mhapxeam bazarant anv bostam,
Giraik zatoch anv khuxen astam,
Ankwar cholle etoch bestinch loztam.
AR: Hanv santrawala santram vinktam,
sodanch Mhapxeam bazaran anv bostam,
Santram khoptoch hanv khoxen astam,
Cheddvam ietoch hanv ekdom nachtam..
AR: hammm kelliwali kelliwali kellim tujim dhi,
Punn poixe hanv dinvchonam,
RR: Santram tujim di ani kellim mhojim ghe,
Tuje poixe anv ghenvchinam,
AR: Mhojim santram hanv dinvchonam,
Kellim velea bogor rauchonam,
Mhojea zagear boslaim tachem baddem maka di,
baddem ghetlea bogor soddchonam.....Repeat AR: Mhojim santram
RR: Ho zago nhoim tujea dadacho, (AR: ham)
Ho zago amchea serkaracho, (AR: borem assa mure hem)
ho serkar amcho sogleancho, (AR: va re va)
mhunntoch zago sogleamcho amcho.
AR:Chavoi nakai tum bezo mhozo,
Ho zago mista tuje ayicho, (RR: voi mugele ayicho)
Ho zago mhojea bapacho, (RR:Kitem)
Vorsam zalim kortam dondo amcho.
RR: Voilean mojea angar ietai,
Dadagiri nachonk sodtai, bobat anv martelim,
Mhapxea bazaran vepar kortat poi titlim mhojea adarak ietelim (AR:ha ha ha ha)
AR: Tujea adarak ietelim, (RR: ietelinch)
Tuje nokre tim poitelim,
Tum ek pissoulelem sunnem, maka chabonk sodta mhunn (RR; Polle ayik sangtelim
Tuka soddun polloun vetelim,....Repeat AR: Tujea adarak
AR: Him kellim tujim kallim kallim,
Him santram mhojim gorim gorim,
Mollbailea neketram porim,
Giraikak tim lagta borim,
RR: Him sontram tujim ambott ambott,
Tujem pot dista gaumchem gumott,
Mhojea osleank tem koxem zomot,
AR: Tuje polle tambde tambde tambot
RR: Ham tambot mhunntai, Ar ambott mhunntai
RR: Tambot mhunntai.Ar ambott mhunntai
Kiteak moddtai dolle,
Dolle tum moddtai,
Maka faraunk tum sodtai, tuje dolle zatole kalle
AR: Tunvem mateak mauleai kolle,
Mhojea kallzan ful'let kolle,
zogddim korun prem jiklom,
veginch laginn zatolom,
Santramvalo kitlo uxear polle.
13.KHORO DOTOR – Alfred Rose
Dotor assat jinsam torimche, todde duventichea mogache,
Gorib mhunn kovlear duddu nam ghevpache,apnachea bollsantle duddu moddpache,
Todde dotor bolteach chintnache, duventik odik duvent korpache,
Udok galun injeksanvam diupache, noko aslealeank fottoupache,
Anv bhurgo astanam, Dhobitalao dotor Lima aslo,
Konn duvent tache sorxim ailear, to taka mhunntalo,
Tunvem bhairi gheunk naim zalear bairi gheun ie, oxem to taka sangtalo,
Tich bhairi voktan firon diunk zatali, punn to toxem kori naslo.
Ani ek Goeam aslo dotor, muzg rebekist toscoh eok kantor,
Gorib-grestamcho kori naslo ontor, aple bolaikecher to gali visor,
Ek dis putak tache ailo zor, ekloch put mog tacho kori khor,
Zoran baztalo putachi fodafodd, teach vellar konn sorlo bitor,
To munis danvon ailo, ani paiem tachea poddlo,
Mojea putan dolle portileat, dukham goddun roddlo,
Aplea putak thoim soddun, tea munxeachea putak boro korunk dotor danvon gelo,
Tea munxeachea putacho jiv vattoulo, punn ghara dotoracho put somplo.
Dotor Ernest borges voiz Uscoicho, kenser specilist to Indiecho,
Kenser tannem kaddlo kitlea lokacho, jiv tannem vattailo kitlea zannacho,
Samball kelo nam aplea jivitacho, vell taka naslo aplea jevnnacho,
Kensar duensan ghat ghetlo tacho, ho dotor pelechem chintpacho.
Assa ani ek dotor, dotor Borgechesacho pattlaudar,
Dotor LG Dsouza mhunntlear lok vollkata sabar,
Porjechi seva koxi korta ti gomta tachea hospitlan gelear,
Toxich konknni bhas ulounk patti soronam, ho dotor bhav amcho Goemkar
14.KHORO IXTT – Alfred Rose
Sobemazar kortam eok vinchar,
Bhavanim barkaien dorat kanar,
Apunn apnnank vho sonvsar, sangtat te zannar,
Somestank khuim Dev nitidar,
Kon kon kon assot kon,
Niall korun, barik chintun dit maka sangon,
Kon, konn oh-oh konn,
Nitoll dhorun uktem mon, dit sarkem sangon,
Konn zait tuzo ixtt khoro, khorea kallzacho,
Konn maka zabab dit acho.
Ixtt para ixtt nhoi sogllech sarke,
Thodde motlobi thodde kuske,
Tujem bolos poitele, tujech zatele,
He ixtt nhoi, punn dusman tuje.
Ixtt, ixtt, ixtt khoro,
Nhoi o-to, tum boro mhunn vengoita to,
Ixtt, Ixtt, ixtt khoro,
Nhoi o-to galun soro bebdo korta to
Aik sangtam ixtt khoro, tujea kallzacho,
Tuka bori bud dita poi to.
Boreak sangta to sodanch khotto,
Punn ixtta zanno za toch ixtt tuzo,
Tuka mosko laita to, amig fottkiro,
Sintidan ugddass dor acho,
Chint, chint. chint ixtta,
Ginean asson, xikop xikon, kuddo zaunaka,
Aik,aik, aik ixtta,
Goroz korta, kopol dampta, akantak pavta,
Vaitt khotteo korneom tujea zo tonddar marta,
Voch tuzo ixtt vortouta.
15.KHOTTA KUWAIT - Alfred Rose
Khoxem ghoddlem chintunk zainam, kiteak ghoddlem sangonk zainam,
Sopnan passun sonvsarant konnench hem chintunk nam,
Him munxeachem motlobponnam, zuzareanchim nennarponnam,
Tem vorixtt zadd umtton poddot mhunn, konnench chintlemnam.
Kuwait ek zadd, bhangarchim follam aslelem,
Khotta khotta, umtton poddlem,
Thuimsor vochon, kitlea zannanim noxib kelelem,
Auchit kalluk, sogllem somplem.
Eok Kuwaitkar Bomboi ailo, Juneachea moineant kazar zalo,
Julaiche ektisver porot to kuwait gelo,
Don disanim thuim goddbodd zalo, bailek tache doko boslo,
Ti anturnar, ani tacho pai kallzacho atak zaun melo.
Khotta Kuwait, lok birantin dis sartalo,
Jordan Aman Basra, babdo pollon vetalo,
Jevna khannak, babddo vollvolltalo,
Udkak passun khuim oroneant, pattiser zatalo.
Tantlo eklo vimanan boson, Bomboichea airportar khuim pavlo,
Aplea gorcheank apunn aila mhunn telephon korunk sodtalo,
Bolsant tachea ek poiso naslo, don rupia maglear konnuch dinaslo,
Xekim eka kulean taka adaar ditoch, to susegad zalo.
Duddu tache lagim, aslelet lakhanim,
Sogllem soddun, ieumcho podlo meklea athanim,
Kuwaitche ganvak lagon zuz suru zaun nissonton zalam bhav bhoinanim,
Punn tunvem sovostkai keli Perpet Succor Saibinim.
16.KITEM KORUM......? Rita Rose
Poilo ailo Johnny, tannem borench nachoilem,
Magir ailo Tommy, tannem guitar xikoilem,
Bonny ailo, Ronny ailo, tannim ghunvllailem,
Sunny-in ani Benny-in mottoranim bhonvddailem.
Ha ha ha ha, kitem korum,
Konnak mhunnon lagim dhorum,
Anvem bandlam mogachem tarum,
Ilteam zannak koxim tarvar anv bhorum....}x2
Peter ailo meter gheun, to boroch anstalo,
Michael ailo cycle gheun, to khoxen nachtalo,
Alfi ailo kulfi gheun, to kannim sangtalo,
Maxi ailo taxi gheun, soglloch murgottalo,
Ha ha ha ha, kitem korum,
Konnank mhunnon mudi ghalum,
Anv nhoi baba, fulgoddem cheddum,
Voch mhunn sanglear aikonam...kitem...}x2
17.KOCHREACHEA DOBEAN - Engelbert Rose=S (son) n Alfred Rose=F (Father) x
S:Daddy khuim than tunmvem addlai maka,
F:Arey kochreachea dobean ghal'lo tuka,
S:Daddy fotti maka marinaka,
Mummyn sonvsarant addla maka,
F:Kochreacho dobean tum asloi osso,
Pollounk disoi dovo dovo sonso,
S:Daddy sozomonakai anv ek pisso,
Anv zannam anv zolomolo koso.
S:Anj boddveani maka mallhear dhorlo,
Mallhear than maka sokla uddoilo,
Voir than anv mummychea pottan poddlo,
Tor sang kochreacho dobo khuim pavlo.
S:Daddy kiteak tum mojer chavotai,
F:Lhanuch astanam tum xaneaponnam sangtai
S:Churchure bestoch sintiment kortai
Ani rogot voir voir choddoitai
F:Saiba bhogos tum subej uloitai
S:Subej ulounk tum maka xikoitai
Daddy fotti marinakai mhunntai,
Tor sang tum koso fotti martai
F:Puro kor tim tujim xepaiponnam,
Xepai bhaxen sangtai xanneponnam,
S:Anv tacho natu mhunn sogott zanaam,
Xapai bhaxen anv kiteak zauchonam.
18.KOMNIDADIN SOBONAM - Alfred Rose
Amche maim-bhaxek aiz passun konnem jivi dovorlea bhavanim,
Voi team padrinim, toxich potrani, teach porim tiatristanim,
Tika mannkam-motiani surngarn dovorlea gorib Goemkaranim,
Thodde xinknnar toxech girest sozmotat ti kochro mhunn konkanim.
Te mhunntat amchi bhass amkam jeunk dinam, voilean gorje bailim zatat rinnam,
Kitle xiknaranim girest oxem mhunntoch goribank kitem bhogchemnam,
He munis amche maim-bhaxek lekinam, torui Goemkar mhunn kortat vhoddponnam,
Amche maim bhaxek kikont kortele, amche komnidadin sobonam.
Nodor marun ami pollen zalear Eropeanacheam bhurgeamcher,
Kitli apurbai dista pollounk, ingliz kheuleli tanche vonttacher,
Punn dusre bhaxechem varem matui lagonam tancheam chintnamcher
Tedna chintanam tanchim bhurgechponnim voddonk pautat tancheach maim-bhaxecher
Thodde maim pai bhurgeank lhanponim vaddoitat inglezin vhodde khoxen,
Konkani mhunntleli matui dakoinam Dev zannam kosole axen,
Magir bhurgim vaddon zatoch vhoddlim, tanchim chintnam zatat dusrech bhaxen,
Goeam pautoch xemai-xepai lagim ulounk zainam tokli bhagoitat lojen.
Amchea bhurgeancher sompleli assa fuddarachi rundai lambai,
Punn tankam chodd kidd lagot fuim urlea eka borea gharachi sobai
Dekun lahnponnich tankam vaddounk zai diun maim bhaxechi apurbai
Tedna bhurgim amchim zaunk pautelim amche komnidadichi boddai.
Kitle kauz aiz assat dolleam mukar, thodde avoi-bapui zaun Goemkar,
Mhunntat bhurgeank amcheam konkanim sozmonam, kedi vhodd loz hi chintlear,
Anv mhunnonam ingliz xikounchi nhuim, punn amchea bhaxek ghalchi nhoi kallukar,
Amche maim bhaxek veng marun voir kaddia amchem mankulem Goa xar.
19.KONKANI PALK DUKHAM GOLLOITA - Alfred Rose
Gharar Ghaloi kalluk, am'cher poddlo Kalluk,
Geloi Anthony Mendes palkacher ghalun kalluk,
Sonvsar dista kalluk,uzvadd asson kalluk,
Khorench mun'xeachem jivit chintlear bhirankull kalluk
Kotta somplo, tuka roddlo, lok ozaramnin,
Ansoitaloi, khelloitaloi, mogall utramnin,
Bhurgeank tujea, polloun Mendes, dukham bhorlim amcheam dolleamnim
Konkanim palk aiz roddta tuka dukamnim.
Xinn Koria Konnancher, Xinn Koria Devacher,
Nam axea nam, porot disxi mhunn tea palkacher,
Odrustt ailem tujer, odrustt noxibacher,
Auchituch geloi, ghaye ghalun soglleam kallzancher,
Tache oslo, anink dusro sodlear mevchonam,
Kunvor amcho, foler tumcho anink dischonam,
Arhtivont to, onodvnt to, anink amkam to ansouncho-nam
Sasnnank nidlo, uttonk gelear kedinch uttchonam.
Orteam xegunnancho, moipaxi utrancho,
Fokot challis anim tin vorsanche idadicho,
Porzoll amchea palkacho, soglleanchea mogacho,
Aiz lhan toso vhodd roddta , ugddassuch kaddun tacho.
Poilench picture kaddlem amim tem “Am'chem Noxib,
Konnank lagon fankarlem zaite tem “Am'chem Noxib”
Goemkaram modem Mendes Zolmonk, hemvui zalear am'chem noxib
Burgechponnim Devan taka voronk hem am'chem noxib.
Konkani Picture Fankarlem aiz, vhoi tukach lagon,
Palkacherui sob etali, vhoi tukach lagon,
Saibinn Maim-xim, vetam mhunnon, nimnnem am'kam tum geloi sangon.
Tichech lagim, bhurgeank tujeam, dhadd borem magon,
19.KORIT THO BHOGIT - Alfred Rose
Azilan anv gelolom, zantteank mhunnlem anv bhett kortolom,
Tankam thuim polletoch soglloch anv dukhi zalom,
Thuim ek ostori asli, tika polloun soglloch thottaklom,
Ti eka unch gharachi, tika anv vollkotalom.
Aikon tichi kanni dolle bhorleat dukhanim,
Kalliz hem churchurlem dukham poun tichea dolleanim,
Tichi istor aikat mogall bhav bhoinnanim,
Sangtam anv thoddeach utranim.
Ghov ticho khuim somplolo, tednam put kusvean aslolo,
Anga thuimsor vavr korun, putak tinnem sambaulolo,
Favo titlem xikop diun, putak tinnem officer kelo,
Offisan mogan poddon, put ticho kazar zalo.
Donuch mhoine zatoch, tika kuxin keleli,
Sunen tika marli, putachea tonddak chavi zali,
Axea tichi sompli, dukhanim ti roddli,
Put ani sun ason azilant pauli.
Roddonuch tinnem sanglem, anveim puta oxench kelelem,
Moje sasumaichem kalliz, anvem chodd dukoilolem,
Ti mojea ghovachi maim, koslench sukh tika diunk naslem,
Bhixeannem passun tichem anvem rostear uddoilolem.
Dekun tinnem mhunntlem puta mojea anv konnak xinnonam,
Tornem rogot kuddin astanam, khallteponn anvem ghetlemnam,
Maka tench favo zait, mhunn kedinch anvem chintlemnam,
Hem tumi chintat bhoinnanim ani kitench sangonam...x2
20.KORTUBAM DOGAIMCHIM - Alfred Rose
Zaite pautti ami anga aikotam, kantaram cheddvam voir ghoddlelim,
Dakoun tanchim tim vankddim kortubam, tankam khalteponnan ghalelim,
Hem aikotoch thoddeam cheddeachim kallzam, distat khuxalkaien bhorlelim,
Punn cheddeank nakat aplim kortubam, ami dakoll kelelim.
Je porim sobit ful fulta, pormoll soglleak zata, to addaunk zainam,
Punn ek cheddum chukon poddot, ganvan khobro zatat, lipon uronam,
Cheddean kitem kelear cholta, kortub tachem konnak gomonam,
Dekun cheddvakuch xiddkaitat, cheddeak konn xiddkainam.
Hem soglem aikotoch amkam disonk zai, cheddvamach mhunnon vhodd guneavkari,
Guneavkar konn, ami sogllem chintunk zai voi to dadlo vo ti ostori,
Dogaimchim kortubam tagden zokunk zai, tedna ti nith zaun ieta khori,
Ekleachinch kortubam zokun poitai, punn hi nitt nhuim puri.
Ek cheddum cheddeak buloita, punn taka dukoita, porva korinam,
Haka dor taka sodd korta, zaitich mouza marta, fuddar pollenam,
Tosoch cheddo hakai naddta, takai naddta, punn kazar zainam,
Him kortubam tagden zoklear kainch difference dischemnam.
Amchem povitr puran amkam xikoita, Even khUim Adanv Bapak naddlo,
Ostorek lagon itihas dakoita, Razan pasun aplo throne soddlo,
Amchea Goeam aslo famad Kustoba, takai ostore vorvim dhorlo,
Hem soglem vachtoch dadleank dison ieta inocent koso daddlo.
Sonvsarchi sonvi zalea, fokot dakounk kortubam ostoreamchim,
Punn kortubam ekttaim korun, ekech tagden zokun poilear soglleamchim,
Zanv ti dadlea ostorechim vo cheddeachim vo cheddvamchim,
Zatelim ekach voznachim kortubam dogaimchim.
21.KOSLO OKMAN - Alfred Rose
Oh..Bomboi mozo ek ixtt aslo, benkan kam kortalo,
Don vorsanim sirvis korun officer to zalo,
Kitle zanacho vavr, to eklo addpitalo,
Uxearki polloun vhodilanim taka Londonak pattoilo.
Ganv ganvche ezamik boslet, punn poilo ailo Goemkar,
Soglle ekdom ojeap zaleat, Goemkar itlo uxear,
Benkan aslelea ixttani, khoxen soddlo suskar,
Tachea manak ek party diunk tache amig sorlet mukhar.
Party choltanam sogleanim kantar korunk chintlem,
Ap-apnache bhaxen kantar, korchem mhunn tharailem,
Kantar korteleanim ap-aplea bhassanim kantar kelem,
Amchea Goemakarak force kortoch tanim ek English kantar kelem.
Ajir asleleat thottakun vinchar korit taka,
Tuje bhaxen kantar korunk, kiteak zainam tuka,
Tannem sanglem moje bhaxechi, vollok chodd nam maka,
Then you must be bastard mhunn tannim okman kelo taka.
Inglez bhaxen bastard mhunnchem bapui naslolo,
Okmachem utor aikon Goemkar lojen bhorlo,
Sogllem tho xiklolo, vhodd munis zalolo,
Punn apnache maim paiche bhaxen, ulounk to noko aslo.
Bomboi ietoch avoi-bapaik bobatt marli ragan,
Sogllem tumi maka xikoilo, punn anvem torui boglo okman,
Maim bhass ulounk maka xikonk nam, sangat kitem karann,
Ho munis azun jivo assa hem sangnnem nhuim ek fokandd.
22.KUWAIT ANV PAVLIM - Rita Rose
Kuwait anv pavlim, airportar denvlim,
Novreak polloun anv khoxi zalim,
Motoran bhonvlim, thodde dis ravlim,
Horan kazar zalim.
Kazarak aslim zaitim mortoram, lok korit kantaram
Kherit netoil'lim hallachim daram, muzg vajoit guitaram,
Aiz passun anv vaddon aileam sukhan
Bomboi avoi bapaichea ghopan,
Novro mozo sirvis korta benkan,
Duddu ghalta sakan.
Tachea sakak anvem kelo burak,
Jetan neson bonvonk laglim vareak,
Zaite zann sampddaunk sodit pagerak,
Punn ghov aslo adarak.
Bazaran bhonvtoch ath ghalun athan sogott poitat nettan,
Ghovak soddun anv choltalim nettan, pattlean laglo pathan,
Bolsantle dakoilet zaite Dinar,
He mhun anso khelloilo tondar,
Ath tannem mojea dovorlo khandar,
Anvem mocho marlo sonddar,
Thoim bobau zalo, sogott ekttoulo,
Ghov khoim aslo to danvon ailo,
Maka polloun to soglloch gaborlo,
Ragan ulounk laglo.
'Tum motvem nestai, figurxem distai, choltanam bhendd moddtai,
Tondui pintartai, konnakui anstai, magir bobo martai?"
Guneanv konnacho, guneanv vho mozo,
Guneanv anv korinam dusreacho,
Bhoinnanim soddia polko dobazo,
Resped rakia amcho.
Updated 29th May 2020
