RR:Maim-paiger anv eklich choli,
Bara vorsanim zolmoleli,
Apurbaien vaddoileli,
Moipasan surngaileli
BA passun xinkleli
Dha zannam modem bonvlelim
Sonvsaracho poi tho surngar pollounk,
Madriponnak veng marleli....x2
Paichem kalliz bod'dounk laglem,
Maimchea tonddar dukh ubellem
Anvem mhunntlem dukham ghoddoinakai ghe maim,
Tench maka nirmilelem.....x2}
Maim xinn korunk lagli Dhonia,
Noxibvont mhunn tunvem kelleim,
Bara vorsanim dhonia,
Ek ful kirlailem,
Sobitaien kantoilem,
Ottra vorsamchem tem zainam fuddem
apounnem daddun apoilem...x2
Anvem mhunntlem xinnonakai,
Dukhi zaun roddonakai,
Devan dil'lem, Devan velem mhunnon ghe maim
Kallzan rigoi khuxealkai....x2}
RR:Pai mhunno AR:'Aik mogachea bai,
Madr zaunk anv tuka addainam,
Madriponn khor apounnem bai,
Sonvsari ass soddunk zainam,
Madriponn eok sakrifis bai,
Sukhachem painnem sozmonk favonam,
Tem painnem vibaddun porot euxi, maim-pai tuka jivim meuchimnam,
Madriponn soddun tum porot euxi, maim-pai tuka jivim meuchimnam.
RR:Anvem mhunntlem mag pai mag,
Jesu lagim mojea pasot mag,
Moje khoxen konventan vetam mogachea pai,
Ghorabeak ghalchimnam dag...x2}
2.MALTECHO GHUTT – Alfred Rose
Ti roddtali, dukham ghoddun roddtali,
Bik magtali, malti gheun bik magtali,
Ti bonvtali, ganv-ganvanim bonvtali,
Ti nindtali, malti kuxik gheun nindtali.
Vincharlear tika sango nasli ti kaim,
Gosgoxitt roddo jivi dukhamchi baim,
Tichem tem dukh polletoch, kalliz voddo tiche thaim,
Dubau nastanam ti zaunk zai, konnachi punn maim.
Ek kotti gheun, kedinch bikek bonvlinam
Malti apli, tinnem kedinch soddlinam,
Ti roddtali, malten jevonn ghetanam,
Te maltecho ghutt konnak tinnem sanglonam.
Ek dis ti bikek goribanger geli,
Tannem tiche maltin baji addun ghali,
Baji malten ghaltokoch malti ti viron geli,
Hem polloun ti ostori imtteani roddonk lagli.
Lok ekttoulo, tichem tem roddnem aikon,
Gabronakat, tinnem takam sanglem roddon,
Anv roddonk nam, malti moji geli mhunn viron,
Te maltecho ghutt tinnem antam dilo sangon.
Devan tanger Anjea porim ek cheddun dil'lem
Ghov ticho somplo jivit kalluki zalem,
Cheddvachea potan tumbor zalo, operassanv korchem poddlem,
Otra vorsamchem cheddum operasanv kortanam melem.
To tumor gheun tinnem tachi malti keli,
Dhuvecho ugddas malti gheun bikek bonvli,
Ti bhaji tor tiche dhuven kheleli,
To tumor jirorn tichi dhuv aiz vanchli asteli.
Chintat ixttani valor baje torkarecho,
Amkam sonvoim vapor korunk nusteam masamcho,
Devan sogllem munxeank rochlam samball korunk munxeancho,
Baji khait zalear meuta adhar zaitench oktamcho.
3.MANDOVI – Alfred Rose
Mandovi, Mandovi, I was strolling down Mandovi,
There I met a country girl, crying crying in a misery,
She was such a lovely maid, but she had no dowry,
That is how, I made a vow, and found my gal in Mandovi.
Chorus
Gloria, Oh Gloria, I love you,
Gloria, oh Gloria, I want you,
Gloria, its glory to be with you,
Mandovi on a sunny day,there I brushed your tears away,
Now I know you are feeling gay, Gloria, Gloria.
haha ha ha ha repeat Chorus..Gloria, oh Gloria
Pretty one, pretty one, she's not like that city one,
Country girl, full of pearls, angel underneath the sun,
Pure in words, pure in deeds, purity my heart has won,
Oh so lovely, one and only, first and last my only one.
Gloria, Oh Gloria, I love you,
Gloria, ha Gloria, I want you,
Gloria, its glory to be with you,
Mandovi on a sunny day,there I brushed your tears away,
Now I know you are feeling gay, Gloria, Gloria.
MANDOVI (KONKANI) - Alfred Rose & Cornell Brothers
Mandovi, Mandovi, thond varem Mandovichem,
Thoim sobit cheddum deklem,
Perturbar zaun roddtalem
Ankvar babdem urlelem
Tea dothik vilaptalem
Kalliz mojem churchurlem
Kazarachem utor dilem.
Chorus:
Gloria, Oh Gloria tum mojem,
Gloria, hai Gloria mogachem,
Gloria, amrut mojea kallzachem
Xitoll vortoulo tho suria
Tosoch Mandovicho doria
Sukhi amchem jivit koria
Gloria..Gloria ah ha ha Gloria……repeat Chorus..Gloria oh Gloria
Sobit ful, sobit ful, polloun taka zalom gul
Kaddun he zomnichi dull
Devan rochlem munxeakull
Pollounk diso ek bull bull
Dolle math tache azul
Chintlam motin, moji pottin korunk anv assa kobul
Repeat Chorus...Gloria…aha.
4.MAREKAR OBSOEG - Alfred Rose
Kurla maka ek urgent, khobor asli,
Porot Bomboi etanam, gaddi chukli,
Gaddi chukli dekun, boreak poddli,
Nam tor hi kudd moji ulpon veti asli.
Aiz anv tumchea fuddean, ubo aschonam,
Avaz mozo tumchea, kanar poddtonam,
Ujean ulpoleleank, kitem zait bhoglemnam,
Thodde dusre ghaddie pondak melet jiv salvar kortanam.
Eklo khuim poilech pavtt kamank vetalo,
Eklo aple bhoinniche mudiek vetalo,
Eklo paik hospitalan, topasunk vortalo,
Kotta churchureancho tancho xevott zalo.
Ekleak kamank vochonk uxir zaleli,
Aiz vochonakai mhunn bail tachi porat'tali,
Pag katrit mhunn bhirantin, tannem gaddi dhorli,
Ujean ulpon kudd tachi vollkonk mellonasli.
Chouvis mornam zalim, donuch minutanim,
Kitem bhoglemnam zait, nirbhagi munxeanim,
Ifernan ulpolet dolle bhortat dukhanim,
Maka tunvem salvar keloi, Perpet Sucur Saibinim.
Ugddass tancho etoch, kallzak zata ai,
Konnache melet ghov ani bhav, konnache melet pai,
Soglli gaddi ulpol'li zalear kitem zatem gai,
Dhoniam oslem morn anik konnakuch nirminakai...2
5.MAVODDEA VETOLOM - Alfred Rose, Bab Tony
D: Dhaktto Bhav V:Vhoddlo Bhav
D: Irmanv, Irmanv, Irmanv, puro tuzo sermanv,
V: Thapott marun tujem tondduch foddtolom anv,
D: Kiteak taptai Irmanv, sangtam tem aik Irmanv,
V: Rag maka yeunchea adim tum ghara mar dhanv.
Anv Sirvis korun, poi re xikoitam tuka
Tum him xanneponnam sangonk sodtai maka
D:Sangtolom, sangtolom, sangosor sangtolom
Aikonam zaxii tor anv mavoddea vetolom.
v: Xi,Xi xi kitem pora chin'tai?
Him Chintnam kiteak monan addtai?
D:Maim amchi zanntti zalea, tika konn punn adar zai,
Dekun anv kazar zatam, nam dusro upai.
D:Vokol maka mandli, doth gheunchi sang kitli,
V:Hai Deva, poran hea pirdear keli tokli,
D:Mainkui khobor sangli,tikai khoxi bhogli,
V:Arey ogi rav tuji azun pekonk nam bombli.
Anv ed'dom zalom, chintinam kazarachem,
Vho ed'doso chin'ta mavoddea vochpachem,
D: Ed'doso mhunn nakai, bhurgo sozmonakai
Kuddin lhan punn ginenan uxear visronakai
V:Koslem tum uloitai pixeponn,
Vhoddlo tum za poilem iskol xikon,
D:Tum itlem xikop korun, koslem kelaim xanneponn
Sun addun anv maink moje kortam boreponn
D:Kitem irmaum chin'tai konnak dolle moddtai,
V; ogi rav, kiteak bestinch fokanddam kortai,
D;Konnak vinchun kaddtai, khuimcho zamvuim zatai,
v:Vincharun vincharun kireak bestoch anstai,
Boro mure tum uloitaloi falanim,
Budi tuka xikoileat khuimchea koleanim
D;Kolo anv nhoi kolo, punn gharacho cholo,
Uzo nastanam poiat anvem dunvor kelo
V:Tujeam utrank anv man ditolom
Kazar zaun maink adar addtalom,
D:Rath ani dis chin'talom idea anv kaddtolom
Anv re khuim kazar zatam, anv itlench sodtalom.
6.MITTHAI ANI MITTHAIWALA - Alfred Rose (AR) & Rita Rose (RR)
AR:Tum mhoji mitthai anv tujo mitthaiwala,
Tum mhojem sorbot, anv tuzo ice gola,
RR:Oslea bhulovnneanim xapai mhozo mela.
Both: La la La la la, la la la, …
RR:Zaddancher suknnim poi, zonglant zonvaram poi,
Somdiran nistem poi, mogan jietat,
AR: Dakhoi anv polletam, sang tor anv aikotam,
Amchi kallzam mogache kumpas marta,
Both
Anv/Tum tuji/mhoji mitthai anv/Tum tuji/tujo mitthaiwala,
Anv/Tum tujem/mhojem sorbot, Anv/tum tujim/tuzo ice gola,
Oslea bhulovnneanim xapai mhozo/tuzo mela.
La la La la la, la la la, …
AR:Tum mhojem chan’nem, RR: tum toxem munnonakai (AR: Kiteak)
RR:Chan’neache tonddak burak poddleat visronakai (AR: avois)
Mhojea tonddak burak poddleat sozmonakai (AR: saiba bhogos)
AR:chuk zali, chuk zali, hai, hai, hai
RR:Tum mhozo lakhpoti, anv tuji ponvoti,
AR:Tum mhoji birmotti, visronaka hai,
Tum kallzachi sanvor, RR: tum mogacho kunvor,
Kunvor nuim raza, (RR:Ham) oi mhojea bai,
Both:
Anv/Tum tuji/mhoji mitthai anv/Tum tuji/tujo mitthaiwala
anv/Tum tujem/mhojem sorbot, anv/tum tujim/tuzo ice gola
Oslea bhulovnneanim xapai mhozo/tuzo mela
La la La la la, la la la, …
RR:Tum mhojea kallzak fas ghalun soddinakai,
Tum mhojea mogacho khell khellonakai,
AR:Dasti vinnem rau, anjea tum bhienakai,
Anv tuzo, tum mhojem visronakai.
RR:Ontrollacher tarvam, somdiracher tarvam,
Ami dogam mervam, mogachea xetan,
AR:Moi mogan cholloia, ekvottan ravoia,
Mogachem voddem tanddiea sangatan.
Both:
Anv/Tum tuji/mhoji mitthai anv/Tum tuji/tujo mitthaiwala
anv/Tum tujem/mhojem sorbot, anv/tum tujim/tuzo ice gola
Oslea bhulovnneanim xapai mhozo/tuzo mela
La la La la la, la la la, …
7.MODDLOLO KHURIS - Alfred Rose
Kalliz hem roddta, dukham golloita,
Famil ason nam, kalliz ruddaita,
Arren anv dhorlam vanchon kiteak upkarta?
Jivitan hea aiz sukti ailea aik mojea puta.
Mogan poddon kazar zalolom,
Tegam bhurgeamcho bapui zalolom,
Tanche pasot anv ratiche dis kortalom,
Aiz konnuch nam, anv eksuro zalom.
Eklo put mozo, Londonak gelo,
Thuimch xikop zaun, thuimch kazar zalo,
Dusro Germanak Engineer zaunk gelo,
Toi thuimsoruch kazar zaun bapui zaunk paulo.
Cheddum kazar zaun Canadak gelem,
Thuimsor osson aksident zaun melem,
Tegam bhurgim asson eklem gopant nam zalem,
Kallzak shock zaun Arreychem sinal zalem.
Khattir anv assam, paim alonk zainam,
Kainch kori nezo, ghorkarn nastanam,
Londoncho put auchit, ailo chintinastanam,
Avoik gheun Londonk gelo, gomoi nastanam.
Puta anv kainch mhunnonam tumven oxem kelem,
Rosita moje ghorkarni tum koxem gelem?
Dukhan toxem sukhan sodanch rautelem mhunn bhassailelem,
Modlolea khursacho churo korun gelem.
8.MOG DAKOI - Alfred Rose
Eok tiatr zatolo zalear, tacho eok anus ghaltat,
Anus to distti poddtoch, lok tiatrak etat,
Tosich ek vost khopteli zalear, ticho advertise kortat,
Oxem korinam tor vostu khoponam, vepari luskon zatat.
Tosoch bhavanim tin letramcho mog, kallzanim gupit dovrun faidonam,
To mog korneanim dakounk zai, tednam distat tachim kirnam
Tech porim kazari jivitantlo mog, sov moineanuch jemenk favonam,
To mog jivo dovrunk zai, gupit mog upkaronam.
Bapui bhurgeamcho mog korta, tankam zai titlem addun dita,
Bhurgim tachim borea gunnachim zatoch, kallzan gupit murgotta,
Aplea bhurgeank math vakandinam, sezarcheam bhurgeank vakanddta,
Bhurgim tachim ghara etoch tanchim khunn'nam kaddta.
Sciens-in full marks tunvem addunk naim, Georgraphyn first prize kiteak jikonk naim,
Hea pauttim lissanvacher mon tujem tunvem dovrunk naim,
Atamche ezamin tum tisro ailai, sang maka kiteak poilo eunk naim,
Lokachim bhassnam pasun gansunk, tum atam upkarchonaim.
Bapui sanjecho ghara yeta, sunneam mazrank poxeta,
Rogtachim bhurgim konxeak bosleant, bapaiche mogak axeta,
Ghov aplea bailecho mog korta, punn mog tika dakoinam khotta,
Moji bail anv mog korta mhunn zano, oxem to ghov sozmota.
Ugdass dhorat ek vost khopo nezo, ticho anus porgott korninastanam,
Toxench ghantik ghantt mhunnonk nezo, ti ghantt vazoinastanam,
Toxench ek kantar kantar mhunno nezo, kantoristan tem kantar korinastanam,
Tossoch mogak mog mhunnonk nezo dusreak dakoinastanam,
Tossoch mogak mog mhunnonk nezo dusreak dakoinastanam,
9.MOG MOZO KORTAI? Singer:Delhine lyrics :Alfred Rose
Mog mozo kortai, mog mozo kortai,
Mog mozo kortai, kor.
Tum sodanch mojea pattlean etai kiteak?
Tum fiunnim ghaltai, fiunnim ghaltai kiteak?
Dolle moddtai, dolle moddtai, dolle moddtai kiteak?
Tum nokre, nokre, nokre kortai kiteak?
Anv tuka zai, tor sang maka,
Mog kallzannuch dovrinaka,
Papa soirik korunk sodta maka,
Magir Santam bhoktank bestench xinnonaka.
Tum mog mozo kortai, mog mozo kortai kor tor,
Maka vengen dhorunk sodtai, vengen dhorunk sodtai dhor tor,
Chirddun murhddun jiv dadhoxi kor,
Punn sang kazar zaun toyar assai tor?
Chodd vell korxi, fottoutoli,
Avxi zaxi, tum fostoloi,
Tonddan bottam ghalunkuch urtoloi,
Mogan piso zaun magir roste meztoloi.
Mog mozo kortai, mog mozo kortai,
Mog mozo kortai korrrrrrrrrrrrrrrrrrrr.
10.MOG TUZO - Alfred Rose
Mog maka tuzo, mog maka, mog maka tuzo maka
Mog maka tuzo, mog maka, mog maka tuzo.
Tuzo mog maka dissak xembor pautt mhunnonk zai,
Tujea mogan kalliz lasta mhunnonk zai,
Tunch maka zai, sodanch tum maka zai,
Tuji goroz maka tujich goroz,
Tuzo mog maka, dissak xembor pautt mhunnonk zai.
Mog maka tuzo, mog maka, mog maka tuzo
Tum ek diamont, nazuk diamont voi tum,
Tum pollunk distai sorgailea anjea porim,
Him mojim utram valorachim, kallzan mogachim fulam fultelim,
Tuzo mog maka, dissak xembor pautt mhunnonk zai,
Ho mog dhorn ghetolo, kallzant rigtolo,
Amchea jivitan uzvadd ditolo,
Ghov-bailek, bhav-bhoinnik maink ani paik,
Bhurgeam ballank, soglleank mog to zai,
Moga vinnem amchean jieonk zainam,
Sukhnneank zanvarank passun jieonk zainam,
Tuzo mog maka, dissak xembor pautt mhunnonk zai,
Moga vinnem konnem jioenk zainam,
Ek punn goddi amchean sarunk zainam,
Tuzo mog maka disak xembor pautt mhunnonk zai.
Tuzo mog maka,(mog maka) tuzo mog maka, (mog maka)
Tuzo mog maka dissak xembor pautt mhunnonk zai,
Mog maka tuzo, mog maka, mog maka tuzo maka
Mog maka tuzo, mog maka, mog maka tuzo.
Tuzo Mog maka!
11.MOGACHE VANTTE - Alfred Rose=AR & Carmen Rose=CR
AR:Kitem tum sang maim, kitem tum sang maim tujem anv aikonam,
Pai assa tarvar choloita monvar, kazar anv zanvchonam,
CR:Aik puta ek utor,fuddarar mar nodor
Kazar tum zaunk fuddem sor, tem sambautelem tujem ghor
CR:Kiteak puta kallzak ghaltai kantte,
Axealeam pollounk tujea sukhache fantte,
AR:Jivitak maim assat zaite darvontte,
Kazar zatoch mojea mogache zatele vantte.
AR:Jose Anton poi kai boro aslo avoichea mogacho,
Kazar zatoch maimk konxeak marun akhoch zalo bailecho
CR:Put mozo nhoim toso, bodoltolo koso,
Assa maka borvonso AR:Punn maim makai toch lagot vosso.
CR:Nam nam put mozo oxem korcho nam,
Rogtak anv mojea boro ollkon zannam,
AR:Putamcher maim chodd ass dovrunk favonam,
Kitleo dhuvo maim-paik poitat put zoddkar astanam.
AR:Tisrem munis maim gharan yetoch suru zatat kestanvam,
Odik borem ankvaruch raulear kitem tim fuganvsanv,
CR:Gottean astoch puta, xingak xing addovta,
Vaitt borem soglem yeta, voi Devuch tem daddun dita.
CR:Puta fattim ghal tim tujim chintnam,
Maim-pai sodanch sonvsarant aschimnam,
AR:Toxem zalear utor tujem moddinam,
Borem bhurgem mellonk Deva lagim kor pratonam.
12.MOGACHEA LINA – Alfred Rose
Mogan anv poddon, kazar zalolom,
Ghor sonvsar mozo, korunk chin'talom,
Oh chear vorsam pasun, sukhan aslolom,
Dogam cheddvancho, bapui anv zalom,
Auchit mojear, ek zogllaunnem ailem,
Kazari jivit, tufanank sampoddlem,
Pilank soddun suknnem uddon gelem,
Kazar Dhoniam hem koslem.
Bhurgim tim roddtat, mojean pounezo,
Maim khUim gelea vinchartat, kainch mhunnonezo,
Maimponnacho mog, mojean diumnezo,
Tunvem soddleaim mhunn, mojean soddinezo.
Kombi pasun apleam pilank soddinam,
Zanvaram pasun porank pois korinam,
Punn tunvem bhurgeanchi, Lina porva kelinam,
Geleim chintinastanam,
Tim cheddvam vaddtelim, kazarachim zatelim,
Soiriko etoch, kitem kortelim?
Tumche main ghovak soddla kendnneank poddtelim,
Ankvar urtelim Lina, tuka xirabtelim.
Punn anv Lina tujer xirap soddinam,
Vati pettoitam, tuka vaitt magonam,
Ghuneaum ghoddiek vho mozo zait,
Hem fokot Dev Zannam,
Khuxeal Jie Mogachea Lina
Khuxeal Jie Mogachea Lina
13.MOGACHEM FATIMA - Alfred Rose
Tin vorsam anv sirvis kortam Bahrain Manama,
Goeam vepar suru kela zannam papa mama,
Goeam ravon konn sambauta sogllim mojim kama,
Mogachem Fatima.
Fatima osolem cheddum dusrem mellonk kottin,
Antanch Mhapxem antanch Ponnje rokdench pauta Betim,
Vepar mozo tannem vaddoila aplea ikmotin ,
Kortam moji potinn,
aha Fatima...haiiii
Oh gorchem kam korta,fokot dondho mozo poita,
Cheddum zaun vepar mozo eklench tem vaddoita,
Panch vorsamnim Goem ye mhunn chitt maka boroita,
Kallzak faraunk sodta.
Devan mista moji bor kaddun rochlam taka,
Tuka hem koxem gomlem tumi mhunntlelet maka,
Dogaimchim chintnam amchim ekuch sangtam aika,
Lokacheo khobro naka.
Ah fatima eok Tom boy mhunnon chitti maka daddtat,
Vepar mozo ogddaitat mhunn Bahrain khobro sangtat,
Muskam porim uzo assa thuinch bonvadde martat,
Punn apunnuch ulpotat.
Fatima oh fatima tum kainch bienakai,
Vatteilo khobro aikotolo mhunn sozmonakai,
Anv sodanch tuzo toxench tum mojem visro nakai,
Mozo bhavart bigddai nakai.
Fat Fatima Mogachea Fatima, Fatima Fatima
Mogachea Fatima Fatima Fatima.
14.MOGACHEM FUL – Alfred=A & Rita Rose=R
R: Monant anv kitem chintalim ani kitem goddlem,
Utram him talleak xirkolim, tondDank poddlem tallem,
Khoxechim sopnam poitalim, auchituch maka zagem kelem,
Mogachem ful ek mavtalim, varean ubon gelem.
A: Noxibachem neketr mhunntelem, hem koxem goddlem,
Mollbailem toddun kaddunk na, tench yeun podlem,
Sukhan kalliz jietalem, auchitch tantun dukh bhorlem,
Ek suknem khoddpar boslelem, temvuim udon ghelem.
R: Visvas ghat kelo mhunn tuka, maka tum xinnonaka,
Nokoi kallzant bitor mojea, kitem bhogta tem maka,
A: Khoxechea lharak tum udtelem toddoch vell mojea sukha,
Moll yeun tea uchamboll dorian, giraslem tuka.
R: Monant anv kitem chintalim ani kitem ghodlem,
B: Utram him talleak xirkolim, thondank poddlem tallem,
R: Khoxechim sopnam poitalim, auchituch maka zagem kelem,
B:: Mogachem ful ek mavtalim, varean ubon gelem...2
15.MOGACHO DOTOR - Alfred Rose=AR Rita Rose= RR
RR: Up-to-date tum nestai, sodanch vareak bostai,
Maka polloun sang kiteak tum anstai,
Rupan boro distai, punn cheddvam bhaxen loztai,
Tuka pollounk axeta mozo pai.
AR: Anv tumger etolem, tujea paikui mevtolom,
Kiteak moje pattlean bestench khorxetai,
Tumchem ghor poitolom, tumger sukh addtolom,
Devacher patie, Dev sanddchonam bienakai.
RR: Ye tor, atanch tum ye tor,
Tuzo mog hea kallzan goddbodd korta bitor,
Dotor tunch mozo dotor,
Kalliz ukttem kor tum gheun mogachi kator,
AR: Kator, mogachi kator,
Kiteak tum maka mhunntati mogacho dotor,
Mozo mog kortai, mhunn zannam,
Punn anv tuak upkarchonam,
Dekhun antanch moji vatt soddun dhi tor.
RR: Tujem aikochinam, vochomkui dinvchinam,
Kazar zalea bogor, anv ravchinam,
Kuch korun anstaloi, dolle tum moddtaloi
Padrixim velea bogor ravchinam,
AR: Padrixim maka vor, Padr Vigaraxim vor,
Tum vortai thuim etam pattim sorchonam,
Mogak assa goddsan, punn tum mog kortai forsan,
Forsan kortat to mog bai, chodd temp cholchonam.
RR: Sutti, kortelim sutti,
Padrik sangtelim boroitaloi mhunn chitti,
Jiti kortelim jiti,
Kontan tuka kortelim mogacho poti,
AR: Fotti sango heo fotti,
Tujeach boreponnacher marteleim mati,
Padri tujm aikochonam,
Dev tuka sorgar ghenvchonam
Devchar ifernan khoxen martolo mitti.
RR: Mijeas kor tum thoddi, tujich maka voddi,
Mogachi mojea anv ditam khatri,
Zaite asat bonge, punn choddxe polke konge,
Tunch za mojea fuddaracho mantri.
AR: Anv mantri zanvchonam, ani sontri dhorchonam,
Anv novoch tumche Igorjecho padri,
Vhoi tuzo mog maka, soglleanchoch mog maka,
Hem aikon atam bond kor tujea mogachi sontri.
RR: Padri kednanch zavnezo,
Tujea nespak poilear distai Romeo koso,
Sonso, pounk dista sonso,
Tuka poilear mojean padri mhunno nezo.
AR: Bushcoat'ak bil'lo khursacho,
Dakhoita anv mhunnon anv munnieari Devacho,
Dekun cheddvanim aikochem,
Mogan poddchea adim pounchem,
Konn ankvar ani konn padri to Devacho.
16.MOGACHO EDU – Rita Rose
Nidlele mogak, tunvem utoiloi, motoranim bhonvdailoi,
Muskatche gorment, kallzan lipoiloi, Goeam addun fankrailoi,
Chorus:
Kallzak hea kellai jadu, gheun bonvtam tuzo fottu,
Edward tujem nanv, punn mogan tuka mhunntam Edu....}x2
Kongottche praier, Colvache praier, skooterani bhonvdailem,
Ponnje miramar, festank ani dansank vengent maka ghunvdailem
Repeat Chorus...Kallzak
Anv ravtam tuka, tum rautai maka, kitlo teomp oxinch ravmchim,
Ankvarponn anink sounsunk hem zainam, yhe veginch kazar zaumchim.
Repeat chorus...Kallzak
Nanvuch tujem kaddlear, fottu athan ghetlear, kalliz mojem boddouta,
Praier danvtanam, reven loutanam, to adlo ugdass yeta,
Repeat chorus....Kallzak
17.MOGRECHO KOLLO - Rita Rose
Janerachea tea moinean,
Moga tuka kaddlo re vichunu,
Pai Maimchi addkol nasli dekhunu,
Aiz tuka ghetlo re jikunu.
CH
Mautam mhunn te mogrecho kollo,
Kitleamcho re aslolo dollo,
Devanuch favo kelo.
Kalliz tuka hem bhettoilem,
Soglleank taum-tium moga tem zalem,
Noxiban asa tem meutelem,
Moga tem Devan nirmelelem.
Mautam mhunn te mogrecho kollo,
Kitleamcho re aslolo dollo,
Devanuch favo kelo.
Zaitem kori pirajitu,
Maka mellonk boro sangatu,
Kagdar poitalim tuzo fottu,
Tum mhunn ek boreantlo artistu.
Mautam mhunn te mogrecho kollo,
Kitleamcho re aslolo dollo,
Devanuch favo kelo.
18.MOHAMMED RAFI SOMPLO - Alfred Rose
Maria, hem kantar gaztalem, sodamkal vaztalem Maria,
Maria, goemkaran goddlelem musolmanan mhunntlelem Maria
Tho suria, tho suria ontrollar goemkaram modem udelo eok suri
Suria amchea konkni kantaramcho, avaz hindi kantar korteleamcho
Maria, khota aiz somplem Maria
la la la la la la la la, la la la la la la la la,
la la la la la la la la, la la la la la la la la,
Bom Jesu chea re konventan, utor dilem juramentan..
Bom Jesu chea re konventan, utor dilem juramentan
Mohd Rafin kantar kelelem gostan, khotta somplo kallzachea vaittan
Mohd Rafi somplo, khotto babdo somplo, avaz tacho goemche mattien vomplo
Mohd Rafi somplo, khotta babdo somplo, avaz tacho goemche mattien vomplo
Konkni bhaxen kantar korun, Konkni bhaxek man tanem dilo addun
Konkni bhaxen kantar korun, Konkni bhaxek man tanem dilo addun
Konkni utram nittol kaddun, avaz aplo sonvsarant gelo soddun
Mohd Rafi somplo, khotta babdo somplo, avaz tacho goemche matien vomplo
Mohd Rafi somplo, khotta babdo somplo, avaz tacho goemche matien vomplo
Film industry aiz suskarta, muzg-kantorist somplo mhunn dukh bhogta
Film industry aiz suskarta, muzg-kantorist somplo mhunn dukh bhogta
Konkni palkar ravon ixtta ek goemcar kantorist tuca man korta
Mohd Rafi somplo, khotta babdo somplo, avaz tacho goemche matien vomplo
Mohd Rafi somplo, khotta babdo somplo, avaz tacho goemche matien vomplo
19.MOJE MAIM - Alfred Rose
Ek avoi kuznan boson kam kortali,
Ticho put auchit thuimsor bitor sorlo,
SSC korun antam collejik to vetalo,
Tea fuddem xikop korunk to sodtalo.
Putan tichea athan ek kagot dilem
Tem vachun tika xello gham suttlo
Aikat kagdar tea oxem boroilolem,
Aiktoch tumchoi jiv thottaktolo.
Dotorager vochonk, baby vokodd addunk dha rupya,
Tuka adar diunk, nitollkai samballunk panch rupya,
Mojim kapddam duvunk, ani posrear vochonk att rupya,
Mojem lissanv korunk, report boro addunk vis rupya,
Chulir udok taponk, daktte bhavak xikounk tin rupya,
Sofa nitoll korunk, kodeli saf korunk panch rupya,
Tum bazarant vetoch, daktte bhoinnik khellounk nov rupya,
Antam tunvem maka diunk zai soglle mellon satt rupya.
Hem vachun tache avoik kitem boglemnam,
Dolleanim dukham suklim tim vanvlimnam,
Puta pasot tinnem kitem zait kelemnam,
Tichea mogachem moll putak kovlem nam.
Dekun tannem tika hem reced dilem fatt fuddo poinastanam,
Kagdacher dusre vatten tinnem boroilem,
Punn puttak tinnem ek utor mhunntlem nam,
Nov moine hea pottan, tuka sambaulo tachem kainch naka,
Duent aslo tedna, rati foddoileo tachem kainch naka,
Tuka iskolak daddunk, antam collej xikounk tachem kaim naka,
Tuka rith-dekh xikounk, boro rosto dakhounk tachem kaim naka,
Tum lahn aslolo to, edo vhoddlo korunk kainch naka,
Ghara eunk vell zait tor, jeunastanam rautali kainch naka,
Daddy chavot zalear tuji patt getali, tachem kainch naka,
Ixeob korun polle, mojea mogachem pag puta kainch naka.
Oxem boroun tache athan tem kagod dilem,
Ani jevonn taka addunk bitor geli,
Jevon vaddoun tinnem mezar tem dovorlem,
Putachi tokli asli bagoileli,
Ek ek utor to tichem vachtalo chotraen ti poitali,
Punn tannem boroilim utram chintun chintun,
Tich avoi bitorlea bitor roddtali.
Putan veng tika marli, anvem chuk adarli, moje maim,
Tunvem boroilam tem, anvem chintunk naslem, moje maim,
Oslem chintop anvem, chintunk favo naslem, moje maim,
Tujea mogan soglem, tunvem farik kelem moje maim.
Teach borabor avoin taka vengen dorlo dukani roddli,
Taka tinem bhogxilo, mogan ani apurbaien taka axelo ani poxelo
Ani mhunntlem mojea puta mojea bhangarache puta, mojea puta!
20.MOJEM KUMSAR – Alfred Rose
Sobemazar anvem tuka, gorje bhair vhodd insult kelo,
Kosoleam kosolea utramnim tuka anvem thoim imxilo,
Ixttam modem lojek ghalo, lojecho krou mathear dilo,
Maka tuzo rag aslolo, tho rag zoitivont kelo.
Dha zanam modem tujem nanv ogddailem, khalteponn tuka dilem,
Ailem poilem sogllem tujem voir kadlem, tunvem hem sogllem sonslem,
Tonddar tujea kausann poitoch, kalliz hem mojem duklem,
Lok ap-aplea ghara vetoch, anvem bhogsonnem maglem.
Tannem mhunnlem "okman kortai, respet mozo tum ogddaitai,
Anim atam ghupit etai, mojem tum bhogsonnem magtai,
Sogllea loka modem maka, eok kochro korun uddoitai",
Anvem mhunnlem, "zalem tem zanv, kaddiecho dongor kortai".
Tho mhunnonk laglo zor tor anvem tujem, sangnnem kanar dovrunk zai,
Tujem aikochea adim tunvem poilem, mojem magnnem aikonk zai,
Loka modem mozo man uboilai, teach lokak tunvem addunk zai,
Tanchem modem ubo ravon tunvem bhogsonnem magonk zai.
Tea lokak khoimsor sodtolom, lokak anv koso addtolom,
Tanche modem ubo ravon, koso bhogsonnem magtolom,
Hem kam anv koxem kortolom, odik anv lojek poddtolom,
Maka thoddo man assa tho, anv luskonn zatolom.
Dekun bhavani anvem nicheu kela, kednanch okman korchonam,
Dha zannam modem dusreacho abru man kednanch anv ubouchonam,
Tujem tor vaitt dislam zalear, ganvant pergaum ghalchonam,
Gupit tukach anv eun sangtolom, sobhe mazar sangchonam,
Man uboil'lo porot meuchonam, hem kednanch anv visorchonam.
21.MOJEM MAGNNEM - Alfred Rose
Chintop bonvadde marta rath dissui bhor,
Matui suseg nam chintop tem zatoch khor,
He khorayen ginean mon vaddonam tor
Faidonam asson ti chintnanchi zor.
Chintnam khorim zatoch bhogta khuxealkai
Khuxealkaiche ubek zai sovostkai,
Sovostkai vossonk nupoit kor dusmankai,
zonn ekleak Maim-Bhass apli vhoddvikai.
Zaite pavttim anv chin'tam moje montin,
Hem chintop ghalta maka vhodde kontin,
Ladainh kantar kortanv ami ritin,
Tor kiteak uzar kortanv zait Latin?
Hem ghoddoeta korar Igorzani
Jedna thoim lok asta jin'sam bhassani
Punn konkani kantar korunk zaunk zai gharani
Bhurgeam-Ballank melloxi somzonnim
Poi tem Devossanv jem bhurgeank somzona
Tem Devosanv bhurgea kallzan rombona,
Punn aiz amche lagim ghoddta astana
Ami zaun fattim soronk favona
Dekun hem magnnem mojem dhorat kanar,
Xinkop na zaun hem ghoddo adea tempar
Jedna xinkop aiz pavlam uncha paundear
Maim-Bhaxen Ladainh korunk zai kantar.
22.MORIADICHI KHUNN- Alfred Rose
Nesop dadlea-ostorechem kossak aiz lavn poilear,
Dadleachem nesop kaiborem,ang dampta coat-kolsanv ghalear,
Xikop vaddon sonvsarachem, gineanar bosla devchar,
Nesop ostorechem ugttem-ugttem zata hea atanchea tempar.
Cheddvam tor saddieo nesot, lok kortat kexttaieo,
Saddieo mhunnttat fokot kazareank, ankvarank kiteak teo khospaieo,
Punjabi dressam nesot, kopolak ghaltat mirieo,
Ankvarank mhunttat tem vistid nesop, poiat kosleo amchea zannvaieo.
Saddi nestoch ek ostori, povnk dista kaibori,
Zanv ti ankvar zanv kazari, dolleank dista ghor-sonvsari,
Kudd tichi nettoilea bori, moriadichi khunn khori,
Saddie osli sonvsarant vost dusri, sodlear mevchinam ektori
Toxench tem Punjabi dress, kudd soglli nettoita,
Goenkar cheddvam nestoch atvench dista, poiat tem kudd koxi soboita,
Tight-fit mat zavnk favonam, sobai kaddun uddoita,
Torui astannam hem Punjabi dress saddie thaim apli man bagoita.
Vistid ghaltoch ek ostori, pollovnk dista jetar,
Khonttanche moche ghalun choltoch, dista choltaxi varear,
Bemoriadik vistidanim, bhorla ho sogllo sonvsar,
Indiek torui ami bore asanv, punn nhoi Eropachea mapar.
Saddie osli sob nam, punn vistid neslar kaim nam,
Noveo modi ietat bulganvk monam, hea fuddem kitem iet tem Dev zannam,
Konnank anv kaim mhunnonam, kitem nes tem sangonam,
Ekuch sangtam saddie oslem moriadichem nesop dusrem mevchemnam.
23.MORNACHO MUKUTT - Alfred Rose
Sonvsarant borem korto konnak naka,
Goribank konnuch, vengoit tor patok taka,
Hea patkachem farikponnn mellonk vell naka,
Hem Itihasuch dakoita chodd pois vochonk naka.
Kustoba ani tho Kistulo, goribank passot vavurtalo,
Kistuleak bailen vikun dilo, far marun taka abhgat kelo,
Kustobachoi estad toch zalo, to Rauji Ranno toscho melo,
Poiat goribam pasot vavurtat tankam koslo mukutt favo zalo.
Mahatma, Gandhi mhunntat 'PAI" Indiecho,
Khoreponninch to niz bapui goribancho,
Pachartalet mhunnon fokir bharatacho,
Punn takai favo zalo mukutt abgathcho.
Abraham Lincoln Amerikak president aslo thoddea tempak,
Vavurtalo porjechea sukhak, Boreponn kori kampri lokak,
Poi John Kennedy-chea jivitak, tovui vavurtalo tosleach rosteak,
Tankam dogaimkui farun marun udoileat te zuztalet dekun sotak.
Amerikak assat kampri lakhani,
Te kampri dekun, kikont keleat zaiteani,
Heram porim sothea mellonk dhesani,
Rogtacho gham varoilo tanchea leaderani.
Martin Luther king leader tancho,vavr kortalo gorib porjecho,
Gandhi porim aslo vavr tacho,jikonk ath zolmanche sothecho,
Zanv to kunvor sovostkaiecho konnem faran jiv kaddlo tacho,
Poiat goribam passot vavurtat tachea mather mukutt abgathacho,
Goribam pasot zaitech rogot varoitele, torui punn gorib sodanch jive urtele.
24.MOTHER TERESA – Alfred Rose
Mother teresa, hem nanv soglleak ghazta,
Mother Teresa, potrancher tem vazta,
Sonvsar tika vakanddta, ojeap zata, dublleam pasot ti vavurta,
Mother Teresa, ojeapam korta.
Vatter poddleleank, konnuch nasleleank, dubleank ti sambauta,
Gaye tanche duvun, xeva tanchi korun, mog tankam dakoita,
Vatter konn toumot zalear, maka telephone kor mhunn sangta
Kidde passun poddleleank ukolta, ani vengen aple dhorta,
Mother Teresa, dublleanchea anjea, Mother Teresa.
Bailea ganvchi ti, punn Indiek ti aili,
Durbollkai polloun, ti ekdom dukhouli,
Eok punn poiso nastanam, kainch nastanam, dublleam pasot vavurtali,
Vavr nirfoll zaunknam mhunn, aiz ti sontosli,
Rostear poddleleam, konnuch nasleleam bhurgeank ti sambauta,
Sonvsarak bonvon, bhik passun magon, duddu ektaim korta,
zolmonk asat team bhurgank, marinakai it porat'ta
Tumkam naka, tor maka diat, ti sobemazar sangta
Mother Teresa, dublleanchea anjea, Mother Teresa.
Tinnem vochon sanglam, thoddeam pulis khateanim,
Toxench tinnem sanglam, thoddeam hospitalanim,
Bhurgeank rostea uddoileam kazareanim, toxenche ankvar avoianim
Tankam soglleank addat, mojea ashramanim,
Punn hea sonvsaran zoddunk voddlo man, nasli tika axea,
Torui sonvsaran dila vhodd inam, hea vhodd vavrak tichea,
Dublleamchi xeva korun, ti Jezuchi korta puja,
Dublleamcheam vonttancher sodanch urlem nanv Mother Teresa
Mother Teresa, dublleanch anjea, Mother Teresa
25.MOTLOBI AUNTY - Alfred Rose=AR, Rita Rose=RR, Antonette Mendes=AM
RR: Konna lagim tum kazar zauncheak sorlai fuddem,
Dusrea disa buddonk pavot kazarachem voddem,
Adinch tuka xiddkaitam zaunvcheak tujem borem,
Sangnnem mhojem aik tum purem...
AR: Aikotam, sangnnem aikotam,
Utram mandun ghetam atanch vochon soirik moddtam,
Devak argam ditam, upkar tuzo mandtam,
Anj bhoddvo mhunn somzotam.
RR: Tache lagim tum kazar, zaxi melloi gollar,
Mhoji dhuv tuka sobhteli sangatam khuinchea-i vellar,
AR: Jurament taka diun, mog kelolo sellar,
RR: jurament tor itlean kabar,
AR:nam, nam, nam......
Julin ghat kela mhunn hanv ghatki zanvchonam,
Jurament hanv visorchonam,
Ankvar hanv ravtolom, kazaraui zanvchonam, dhuvek tuje hat diunchonam..
RR:Hanvem kitem sanglam tem, sanglam tujea boreak,
Ankvar ravon kalluk addttai tum tujea fuddarak,
AR:Urba mhojea kallzachi, aiz than martam thareak,
Jivit hem bhettoitam soreak, hai, hai hai
dialouge
AM:Hai Alfred, Alfred tum maka sodanche zaguer kiteak mevonk yeunk nam darling?
AR: Darling noxtea, doudira,ghatkea, kuxin sor
AM: Kitem kitem aiz tuka oxem kitem zalem tor
AM:Ham ho denvchar tuje toklek bosla mista
RR: Anvem kitem sanglam re, anv kitem sangta tem tumchea boreak
AR: Kitem kitem zalem
AM: Kitem Kitem zalem? Zannai darling hi kal maka meulea ani sangta
aplea cheddea lagim kazar za mhunnta tum khoim bebdo, ani
soglea cheddvank gheun mouza marta
AR: Oxem mhunnta, oxem mhunta
AM: Oi
RR: anvem oxem mhunnonk nam
AR: Ani maka kitem sangtai zannam tuka khoim xembor noureani soddlam
tum khoim sath baimchem udok piyelam tea pasot tuka sodd ani aplea
cheddva lagim kazar za mhunnta
AM: oxem sangta? Aghe budde,
AR: Aghe zodde
RR: Marnaka re baba anv moronk sodi
maka konnem sanglam tumchea modem zogddim zaleantmhunn
AR: Ham
RR:Tea pasot anv tujeo kexi taka sangon
AR: ham
RR:Tacheo kexi tuka sangon anv tumcho ekvott korunk sodtalim re babu
AR: Babu boro lailo maka tunvem ganvti sabu
AR:Kitem mhunntai aunty, petton antam pontti
Dhuvek tujea kor nomoskar,
Kitem kortai poitam aik misses leitanv
dogaim ami zatanv kazar
26.MOZO GHORKAR - Rita Rose
Maka ghorkar mevla saiba, vankddeam donkeancho,
Vankddea nakacho, vankddea tondacho,
Dis-bhor nidpacho, borench jeupacho,
Khuris mojea patkacho.
Roddtalim uddtam-bostanam,
Zoddkar mozo bhav asatam,
Kazar zalim doth nastanam,
Goeam bhatt bhensam astanam,
Maim pai mojim derepent melim Devager gelim anv lhanuch astanam.
To vankddea boncheacho pun vankddem uloinam,
Vankddem chintinam, vankddo cholonam,
Vankddem pollenam, vankddem sangonam,
Vankddo sozmut dhorinam.
Susegad niden bhormeta,
Goro-goro korn goreta,
Soglli rat nident sopneta,utton kendnaim ubo zata,
Pisso koso kantaram korta, nachoncheak sodta makai nachon dista.
Voi kosloi to zanv pun to mogall soimbacho,
Mogall utramcho doyall kallzacho,
Ukttea monacho, hanstea tonddacho,
Pottlo assa duddvamcho.
Sodanch bonvtam motoranim,
Sinalim kortam dolleanim
Dollo dorla ankvaranim, mitti marlea kazareanim,
Anv tumkam konnak meuchim nam re ghovak soddchim nam re bhorlear bhangarnim.
27.MUMMY VENGENT MAKA DHOR - Schubert n Rita Rose
Legend: S= Schubert (son) R=Rita Rose (Mother)
S:Mummy maka vengen tuje dhor,
Ghopan dhorun jiv dadhoxi kor,
Bangaracho dongor diloi tor,
Tujea mogak zauchonam sor.
R: Baba mojea zatokuch tum vhodd,
Sonvsar ho lagtolo tuka ghodd,
Kazar zaun bail mellot tor khor,
Tuje mummycher ghalxi visor.
S: Nam mummy anv toxem korchonam,
Tujea mogar visor ghalchonam,
Vengen dhorun dudh maka dilaim,
Mummy kednach anv visorcho nam.
R: Utram aikon dukham sanvronam,
Daddy kitlo khoxi zatonam,
Tuzo daddy Devager gelo,
Tum eka moinecho astanam.
Both: Mummy/Baba maka vengen tuje dhor,
Ghopan dhorun jiv dadoxi kor,
Bangaracho dongor diloi tor,
Tujea mogak zaumchonam sor.
S:Mummy atam iskolak vetam,
Khorea mogan anv lissanv kortam,
Examink sodanch poilo yetam,
Mojea daddchem nanv sambautam.
R:Utram aikon dadhoxi zatam
Fuddar boro zaunk anv anvdetam
Tujea daddich bhaxen tum zalai,
Mhunn Devak anv argam ditam
S:Kiteak mummy dukham golloitai,
Tum roddtai ani makai roddoitai,
Devaxim vochon daddy addtam,
Anv astanam tum bienakai.
R:Naka baba toxem mhunnnakai,
Daddyxim vochonk chintinakai,
Tunvuim daddyxim vexi zalear,
Maka sonvsar ani kiteak zai.
Both: Mummy/Baba maka vengen tuje dhor,
Gopan dhorun jiv dadoxi kor,
Bhangaracho dongor diloi tor,
Tujea mogak zauchonam sor.
28.MUNGLURKAR VO GOEMKAR – Alfred Rose
Maim moji Goemkar, pai mozo Munglurkar,
Kitem sangom gharan amchea, bhasabhass zata marekar,
Maim mhunnta put "Goemkar", pai mhunnta "put Munglurkar",
Hem umannem parkun sangat maka, anv Munglurkar vo Goemkar?
Pai Goemcho ghor-zanvoim mhunntoch anv, Goemkar zalom,
Paicho ganv Manglore mhunntoch anv, Munglurcho zalom,
Bhass moji Goemkaranchi, tor anv Goemkar zalom,
Avoi pai-maimchi zogddim polloun anv ordo pisso zalom.
Maka lagon khotta, gharan guspott zata,
Goeam anv vochot zalear mhunntat, "ho poi munglurkar yeta",
Munglurant anv gelear sogott makach poita,
Tondar borem, pun fatt kortoch mhunntat "tho goemkar re puta"
Maim moji adlea tempali ekui aikonam,
Pai mozo aplench gheun assa sanglear sozmonam,
"Goemkaram modem bonvxi" mhunnta 'dombddi meuchinam",
Maim mhunnta "Munglur kazar zaxi gharan gheuchinam.
Soglloch zalom bejar, ekdom zalom ragar,
Ek dis maimk ani paik anvem, ubim kelim moje mukar,
Anv nhoim mhunntlem Goemkar, nhoim mhunntlem Munglurkar,
Goemkar nhoim, Munglurkar nhoim punn nizacho Konkannkar.
Utram mojim aikon maim-paicheo sompleo uzoti,
Goemkar-Munglurkar, karwarkar konkonchi mati,
Tea bhair Mallvonkar Vengurlekar mandche nhoim ganvcheo zati
Ekvottan pettoumia konknnim bhaxecheo vati.
29.MUSIC VOKOT - Alfred Rose
Music Nastanam, sonvsar sobonam,
Music Nastanam, kantar sobonam,
Music nastanam, jivitak foll mellonam,
Music nastanam kitench ghoddonam.
Sukhnim sukhnim ontrollar kantar kortat,
Nistim nistim doryant kantar kortat,
Muskam ganjil sogllim kantar kortat,
Tor ami munis kiteak pattim sortat.
Sangatan ami kantar korya ...korya korya
Soglleank ami khuxeal dorya....dorya dorya
Sintiment amche pois korya....korya korya
Sangatan ami kantar korya....korya korya
Music Nastanam, sonvsar sobonam,
Music Nastanam, kantar sobonam,
Music nastanam, jivitak foll mellonam,
Music nastanam kitench ghoddonam.
Sonvsaran veglleo-veglleo bhasso assat,
Jinsavar okxarani teo boroitat
Music soglea sonvsaran ekech bhaxen boroitat,
Music international bhass mhunn dakoitat
Music vokod sintimentachem
Music jivit munxeakullachem
Music munxeak sodanch gorjechem
Music vhoddponn sogllea sonvsarachem
Sangatan ami kantar korya ...korya korya
Soglleank ami khuxeal dorya....dorya dorya
Sintiment amche pois korya....korya korya
Sangatan ami kantar korya....korya korya
Music Nastanam, sonvsar sobonam,
Music Nastanam, kantar sobonam,
Music nastanam, jivitak foll mellonam,
Music nastanam kitench ghoddonam.
