ROSARY FERNS - DIED 12 JAN 2011Born 16th August 1962
Rosary Ferns, hails from Colva, Goa and has released 14 Konkani Albums:
1. Chuck Konnachi in February 1990.
2. Bogxinche Devan in February 1992.
3. Atam Kiteak Roddtai? In September 1993.
4. Gulfantle Koixtt in 1994.
5. Devachea Hathan in 1995.
6. Pirachit in 1997.
7. Khast Devachi in 1998.
8. Dinar 2000.
9. Padre Pio in 2001.
10. Tem Bhurgeponn in 2002.
11. Matharponn in 2004.
12. Raag in 2005.
13. Mog Visvas Sosnnikai.
14.Dinaracho Valor.
Additionally, he has produced 3 VCDs ‘Kanvllo Roddlo Lozen’ ‘Mogan Tujea Lasota’ and Thank you Kuwait.
MOGAN LASOTAM - Veam Bond n Rosary Ferns
U can watch the Mando here:
http://www.youtube.com/watch?v=z9ndH_eV3aE&feature=related
Moga mogan tujea lasotam,
Uddtam bostanam sopnam sopnetam
Ulounk tujea lagim anv lojetam......................
Mog tuzo kortam khoxem sangonk chintitam...}2
Moga mog tuzo kortam gupitu
Mog tuzo rigla re mojea kallzantu
Ek pautt dhi maka tujem utoru
Sodanch tujem rautolem ditam soputu...repeat Moga
Ganvchea festak tuka poilolo,
Fulam laun mojeaxim ailolo
Hath mozo kuddik tujea tenklolo........
Teach vellar mog tuzo kallzant riglolo...}2
Moga mog tuzo kortam gupitu
Mog tuzo rigla re mojea kallzantu
Ek pautt dhi maka tujem utoru
Sodanch tujem rautolem ditam soputu...repeat Moga
Igorjen magnem kortam Devaku
Gopant mojea add mhunn mojea Franskaku
Mevona tor ghatt zato mojea kallzaku.....
Konnuch naka ankvar rautolem sasnaku..}2
Moga mog tuzo kortam gupitu
Mog tuzo rigla re mojea kallzantu
Ek pautt dhi maka tujem utoru
Sodanch tujem rautolem ditam soputu.....repeat Moga
VAURADDI - Rosary Ferns
Sonvsarant tujem oslem nam mhunntat goa xar,
Tantun ravteleank Devan dennim favo keleat sabar,
Tim dennim gheun ek-eklo choloiyi aple karbar
Disan dis bodlop zaun Goem soglem zalam mudar
Atam vetam thoim dista machinan kam kelelem,
Adim tem gham voron kam kelem tea vaurdeani
Tanche kaman tankam soglo adar dilo,
Mina foddun xetam rovun tanche bailanim
Atam botin doryant nustem marun addta, adim jiv riskar ghalun nustem marlem kharveani
Tannem doryan marun addlelem nustem,Amkam ghara lagim addun dilem nusteakarnnim
Adim bhirant asli kaido pallo pulisanim,
Duventichi seva keli tea dotoranim
Sotak zuzon kaido raklo tea advogadanim
Amchem devosanv sambaullem tea padrinim
Adlem dudh pion zanttim zaitim vorsam jiele,tem dudh dilelem mhunnon tea dudhkarani
Antam bhurgim socalim posrear vochon addta, adim undde ghara lagim addun dile poderanim
Adim vokod koxe pion mozbut asle, to niz soro kaddlolo mhunnon tea rendreani
Amchea kazarank sovai almari korun dileo, amchea tea adlea thoveani
Adim kazarank tiatrank ghoddghodd festacho,
Ugddas vechonam tea adlea muzgamcho,
Aiz passun dorzo voir dovorla konknni bhaxecho,
Antun mukhi ath amchea tiatristancho.
Khorench Goem atam adlem kaim disnoam, Veta thoim dista evun bhaile bhorlele
Ami Goem soddun gulfan evun ravle, Moje bhaxen hea dinarank bhulele
Ami maipaichea sangtak xetan kam kori,Antam dista tench kam tea ghantianim kelelem
Hea fuddem Goeam oxench atam cholot tor, fuddle pilgek amchem daiz koxem pollunk melltolem.
MATTARPONN - Singer/Lyrics Rosary Ferns
Munis zolman ietoch jieta, poilench tem bhurgeponn,
Vhodd zatoch tho kazarui zata, ietoch tacher daddleponn,
Noxiban kazar zaun bhurgim zatoch, jivitan tachea dadosponn,
Sukhan jivit sartoch, xevtak ieta, voi oddrixi mattarponn.
Bhurgeponnar poi uddnam marun, dis sarle sukhache,
Main-pain poi amkam sukhan vadoile, bhurge mhunnon aple mogache,
Vhodd zatoch zababdari ti poddtoch, disti poddta dag koxttanche,
Bhurgeponn somptanam dukh tem zata, dis ietat mhunn mattarponnache.
Lhan astanam avoi-bapui bhurgeank, hatak dhorun choloita,
Ek pautt hath-paim mozbut zatoch, toch munis ho sonvsar aloita,
Duddu zatoch vhoddponan tum boron,aplem bhurgeponn visorta,
Visornakat amkam tem mattarponn, porot bhurgeponnar pavoita.
Zolman ailo munis moronk zai, hantun kosloch dubav nam,
Noxiban tum vanchon urot tor, tem mattarponn konnak choukonam,
Dubau nam bhurgeponnar sarlelem, jivit mattarponnar meuchem nam,
Jivitan tujea kitench vattunk zait punn mattarponn vattunk zaumchem nam.
Mattarponn amkam zaite pautt, ghov-bailek eksuri korta
Tench mattarponn amkam zaitech pautt, poiat bicheannear nidoita
Tench mattarpon amkam zaitech pautt, poiat bikecho rosto dakoita
Bhurgim maim-paim zanttim zalim mhunntoch, tankam azilant pavoita.
Jivitan sodanch Devak argam di, tuka mattarponn favo zait tor,
Thoddeank bhurgeachponnar Dev apoun vorta, tuka dorla acher niall kor,
Vaitt kortumbachem farikponn meuta, mattarponnar kednai ugddas dor,
Mattarponn amchea jivtantacho fanto, favo zata noxiban assot tor.
updated 05/02/2018
