1.XAPAICHE KENS - Engelbert Rose=ER, Rita Rose=RR, Alfred Rose=AR
RR: Kal sungtam bazlelim, tim konnem velim? aiz bangdde reshad korun dovorlele,
te kalintle nanch zale...Konnem velet kai?
ER: Mummy kitem zalem?
RR: Ahammm atam gomlem.....
RR: Aaha, humhum, tum kuznan nistem chortaloi,
Aaha, humhum, tum pattlean bonche moddtaloi,
ER: Nam Mummy anvem nistem chorunk nam,
Bonche anvem Mummy moddunk nam,
RR: Fotti Sangtai ER:Fotti sangonam,
RR: Tor kailint nistem koxem nam,
ER: Aaha, humhum, tem mazor soukas ailelem
Aaha, humhum, tem nistem chorun danvtalem,
RR: Tem tunch don paiemchem mazor maka koulem,
ER: Mazor maka poun ekdom bielem,
Xempddi tuttosor tem danvonk laglem,
Anvem danvon taka ghott dhorlem,
Ani zonelantlean bhair marlem,
Porot mhunnlem tem choruk ietelem,
Mummyn nistem addlaim tem chortolem,
Amchem nistem tem kiteak khatelem,
Nistem kaddun mojea tondant ghalem.
AR: Aaha, humhum, tum mummyik xapotam sangtai,
ER: Kiteak daddy tum bestoch maka dubavtai,
AR: Aik jitle pautti tum fotti marta,
Eok Eok kens mozo dhovo zata,
Dekun sintidan tum aik puta, fotti tum marinaka,
RR: Daddy ietoch tujea tonddak zata talem,
ER: Mummy, Mummy, RR; Ogo rav tapott poddtelem,
ER: Kens dove koxe zatat tem atam chintchem poddlem.
ER: Fotti marin tor, AR: Kens dove zatele,
Mosti korin tor, AR: Kens dove zatele,
Lisanv korinam tor, Daddyche kens dove zatele,
RR: Put kitlo uxear, kiteak damptai dolle,
ER: Mummy xapaicher nodor marun polle,
Daddy boro zalear, xapaiche kens,
Sogllech koxe dove zale.
AR: Aaha, humhum, xapai bhaxen zaunk chintai,
Aaha, humhum, tum maka fottounk sodtai,
Aaha, humhum, tum mojea kanant ghalunk sodtai....
2.XIDDKAUNNI - Alfred Rose
Uzvea hathan aiz, davea hathak patieonk zainam,
Khorea ixttak pasun, hea tempar patieonk zainam,
Sirvidorank pasun, hea tempar patieonk zainam,
Bhavak ani bhoinnink pasun, aiz patieonk zainam.
Eka sunneank poxit zalear, tem tuji rakonn korta,
Sirvidorank ghor samballunk dilear, to zaite pavtt ghor chorta,
Ghorcheam munxeank jivexim marun, avchit to nattak zata,
Dekun tacho fottu kaddun dovrat, serkar xiddkavnni dita.
Indira Gandhi, porjechea ti mogachi,
Ikmotin sambavtali, sovostkai Indiechi,
Kosli noxtti korni, tichi rakonn korteleanchi,
Ticher far soddun, tika nidoili, ti nid sasnnanchi.
Khobor aikon, gorib-girest roddonk laglint dukhanin,
Indira Gandhi zavn asli, sovostkaiechi rannim,
Vagak martat, toxi tika, marli kitleach faranim,
Fodfoddun ti, kabar zali, ang xirxirta bhavanim.
Indiecho pai mhunnttat, Mahatma Gandhi,
Indiechi maim zali, Indira Gandhi,
Indiecho Prodan Montri, atam Rajiv Gandhi,
Dhoniam ho zago, boreponnim cholovnk, taka kurpa dhi.
Indian xerkaran amkam kitem kelam’ oxem mhunnonk favonam,
‘Ami Indie pasot kitem kelam’ oxem ami kiteak chintinam,
Indiek sonvsari vhodd nasanvam modem, hem voir ubarlear dubav nam,
Tichea mornant rito zal’lo zago,kednanch bhorunk zanvcho nam.
Vaitt korta poi titleim, dolleank disti poddta,
Borem korta tacher, rokddich visor poddta,
‘Tinnem kitem borem kelam’ zaite zann mhunntta,
Orissa, Assam, Punjabak gelear, apxinch disti poddta.
CHOGM-chea membrank visov ghevnk, Goa tinnem vinchun kaddlem,
Novo airport, lamb rund roste korun, Goa tinnem porzollailem
Goa oslem neketr Indiek nam mhunn, tinnem sonvsarak dakoilem,
Indira sovostkaiechem neketr, kotta itlean palovlem,
Indira sovostkaiechem neketr, kotta itlean palovlem.
1.YE JOHNNY YE – Rita Rose
Mogan poddon anv zalim kazar,
Ghorkar mozo kopit assa tarvar,
Apurbaen bej diun hea pollear,
Gelo mhunn, suskarun, zatam bejar
Ye Johnny ye ani gopan maka ghe,
Ye Johnny ye ani gopan maka ghe,
Kopit tum assai tarvacher, nodor ghaltai somdiracher,
Ye Johny ye, begin nodor ghal mojer.
Kazarachem amrut chaklemnam,
Kazar kitem tenvuim gomlemnam,
Begin vexi mhunnonn chintlem nam,
Roddtam anv, ut'tana, bostanam,
Ye Johny ye ani gopant maka ghe,
Ye Johny ye ani gopant maka ghe,
Kopit tum vhoddlea tarvacho,
Kopit tum mojea kallzacho,
Ye Johny ye, uzo paloi mogacho,
Fugar zatam, anv mogan tujea,
Gopant dhorunk, axetam anjea,
Hea kallzahco, tum zaloi rajea,
Begin ye, begin ye, gheun rojea,
Ye johny ye, ani gopan maka ghe,
Ye Johny ye, ani gopan maka ghe
Bail tuji sakramentachi,
Rani anv tuje kallzachi.
Ye Johny ye, vatt polloun assa tuji.
1.ZALET VHODD GORENKAR - Alfred Rose=AR,Jeanette Jones=JJ, Rico Rod =RR
JJ: Anv fulwali, dista mhunn beuti.
Amizad assa maka, mottea-motteam munxeamchi,
Aiz babanim, amchi Diwali,
Dekun nesleam anv hi tambddeli sadi,
Baba lok gheai, cholienk voron diai,
Fulam viktam anv ekdom sovai.
AR: Oh konn hi devi assa mojea samkar,
sodanch hea vellar bosta amchea arkar
JJ: Tum chollo xetticho,
AR: Voi royal katicho, hai hai Sundori ghetam beij athicho.
2nd Vers
RR: Are-re-pora, horam zalim bara,
Chol dada-ayi tuka rautelim ghara.
Laddu mera, sovaiyen vora
Kai gho nari,
JJ: Kai re
AR: Ara-ra-ra-ra
RR: Xettik lavyea pattik, nari ieo go kuxik,
Laddu he khavun polloi kitle ruchik,
AR: Oh polle nari, sorpoli ghe mhaji,
funkott ditam poi deddki naka tuji
RR: Sambav Narann xetti, kaddin tujeo kati,
JJ: Zogoddnakat babanim loz hi moti.
3rd Vers
RR: Polle Nari, khobor hi khori,
Sorpolli addlea tannem adarun chori,
AR: Khobor bori, marin ek sori,
Borborit voddin bandun edi motti dhori,
JJ: Borem to babanim anv vetam ghori,
Poti maka ravtolo, anv kazari,
RR: Kazari? ago rav mugo AR: Aii mageli sorpoli..both crying (dialogue)
AR: OH xenkor atam zalet vhodd gorenkar,
RR: Hai koslo mhunn vo diss ailo marekar,
RR: Mar martolo, mamam, sarkim zalim kamam
AR&RR" Noxib hem amchem Deva Rama Rama
RR: Rama Rama
AR; Rama Rama
RR: Rama Rama, ha ha ha (fade)
2.ZOLMANCHEA DISACHEM KANTAR - Alfred Rose
Dis tujea zolmancho, dis vhodde khoxecho,
Happy Birthday mhunnon ugddas kortanv tuzo,
Sorgar kor Anjeancho, sad ghaltat gaenacho,
Sonvsar chear disancho, anson khellon sarcho,
Fuddar tuzo choddom, ontreg tuje vaddom,
Pest pidda pois poddom, tujem sukh urom.
Rup tujem anjeachem, kalliz chodd mogachem,
Deva Bapan aplem besanv tujer ghalchem,
Zolmancho dis tuzo, Zolmacho dis tuzo,
Anson khellon sodanch sarcho,
Zolmancho dis tuzo.
3.ZONVLLEO BHOINNIM - Alfred Rose
Anv kazar zalom porum, kitem atam korum,
Ghor zanvuim kelo maka, zalom khoxen,
Koxe diss he sarum, buddta mojem tarum,
Jivit sartam lojen.
Bailek dusri bhoinn asli ti xiktali Eropak,
Ti mudans korunk Bomboi aileli thoddea tempak,
Maka koddkoddi suttli Saiba poitoch tichea rupak.
Ti zonvlli bhoinn moje bailechi,Very fast mog korpak,
Pollounk ekuch dista, dogaim ekuch nesta,
Konn bail konn meunnim sangonk agodd lagta,
Choltannam ek dista, anstannam ek dista,
Anv ujean poddlom mista.
Ek diss nesson jhetan, gelom anv offisan,
Thuim than picture-ak geleanv amim sangatan,
Picture zalea uprant, jeunk geleanv hotelan,
Pott bhorteleanv mhunn nettan.
Jevonn zatoch dogaim ghara aileanv anson anson,
Meunnim athan zaddu gheun darar asleli boson,
Zaddu moje tokler marlo, neketram laglim disonk,
Mhunnonk lagli, 'Are meunnim zai, tuji bail ghara asson"
Bobau zalo vhoddlo, sasupai thuim ailo,
Dogaim Zogddonk lagim, anv mhunn ghov tancho,
Sasupai ghuspolo ani maka ghuspailo,
Anv ghov koso zatolom dogancho.
Rooman ekloch vetam, darak khilli ghaltam,
Khattir nidon, unxim gheun anv poxetam,
Pai zaunk anv axetam, punn mojea bhurgeachi maim.
Boltench zai mhunn bietam.
Sasupai mhunnta, lhan astannam oxench ghoddtalem,
Eklean mosti kelear, dusreacher chabuk poddtalem,
Khuimchem Lina, Khuimchem Tina, sangonk agodd lagtalem,
Hem umannem bhavanim mojea noxibak ghuspolem.
Konnem sanglam maka, gomonk zai tor tuka,
Bailecher nixeannim kor bienaka,
Nixeannim khuim korchi hench sozmonam maka,
Hem kazar bhuzlem maka.
Updated 2nd August 2019
1.UKOL ZAUNCHONAM - Alfred Rose
Anv rati boroch thoklolom, nindtolo mhunn khatir poddlom,
Boltench anv sopon sopnelom, Mahatma Gandhik polloun ojeaplom,
Taka polloun khoxi zalom, anv danvon tachexim gelom,
Tacheach tondak pollounk urlom, vichar taka anv korunk laglom.
Saiba zor tuka meulolo, atam zago Prodan montricho,
Sang tum kosso choloitolo, tho karbar Bharat matacho,
To hasonuch mhunnok laglo, karbar zala vankdea rosteacho,
Porje passun konn vavronam munis zala aplinch bolsam borpacho.
Tannem mhunntlem Inglezacher, anvem ek zogddem kelolem,
Toxench lokak chortat tancher, ek khor zogddem korchem poddlem,
Honest munis kon disonam, karbar zala pissudlelem,
Corruption antam chodd zalam, tem nupoit korchem poddtelem.
To mhunnta munxak chornakat, Devan dilelea zomnik chorat,
Zomnichi girestkai chorun, gorib lokachim pottam bhorat,
Be-visvassponn aiz chodd zalam, tachim pallam tumi toddun kaddat,
Kodeli besteoch gorom korinakat, tem ausaiponn dongrar soddat.
Tachim molladik utram, aikon mhaka khorem dislem,
Visvassponn aiz khoimch dissonam, lucheponn aiz soglleak pavlem,
Prisanvant vossonk chodd sompem, oxem tannem mhaka mhunntlem,
Pun visvassponnan vavr korunk, hem sompem nhoi tannem sanglem.
Honestpon zor korpon vochot, sovostkai kedinch aschinam,
Apleponn zor vaddon vochot, lucheponn unnem zaunchenam,
Ausaiponn zor uddon vosot, corruption kednanch zaunchenam,
Mahatma Gandhin sanglam tem zainam tor Indiecho ukol zaunchonam.
2.UPKAR NASLOLO ZALO FOTTKIRO - Alfred Rose
Fottkiro, Fottkiro,
Upkar naslolo poi zalo fottkiro,
Fottkiro, Fottkiro,
Fantear daraxim rinn magonk etalo,
Rinn kaddun, rinn kaddun,
Loka khustar janot neson bhonvtalo,
Sirvis kaim korinaslo,
Xekim konnem teka Abu Dhabi velo.
Don Vorsanim porot ailo Bomboi,
Taxinim bhonvtalo olo-lo-loi,
Hero koso nestalo, cheddvam martalim zompoi,
Inglez uloitalo sangpachi nhoi,
Duddu magot zalear olo-lo-loi,
Duddu anvem ghetleat tor, mhunno axinad kel'lem kagot dakoi.
Talanim, falanim,
Goeam kazar zalo vogot lailo nam,
Cheddvacho maim pai,
Jhetak bul'lim tachi khobor kaddli nam,
Xiklelem cheddum tem,
Taka fottkireacho dubau poddonk nam,
Abu Dhabi tem pautoch,
Taka gomlem novreak ravonk suat nam.
Thuimsorui toh sirvris korinaslo,
Offis begam math gheun bhonvtalo
Rinnanim jietalo, osoch Bomboi ailolo,
Filmstaram porim suttam xiumtalo,
Dorjeank duddu farir korinaslo,
Xiklelea cheddvacho jiv, poieat sukantlo dukhan ghalo.
Kuwaitchea ganvanim,
Kitlim Goemchim cheddvam assat xiklelim,
Pounk distat kai borim,
Tambddim tambddim bhirond peram piklelim
Novre te manager mhunn,
Somzon babddim honran kazar zalelim,
Manager khuimche te waiter,
Thodde bekar mhunn tim chinunk poddlelim.
Arabiak than etat tankam bhulchem nhoim,
Tim tanchim pil'lam akinch giuchim nhoim,
Hero koxe nestat mhunn, te xiknnar mhunn sozmonchem nhoim,
Sogllech officer mhunn chintchem nhoim,
Khobor kaddinastanam ravchem nhoim,
Bhoinnanim chotur ravat, upkar naslelea fottkireank patieunchem nhoim.
V
1.VAITT NODREN POLLENAKA - Alfred Rose
Tum ailaim, konxeak boson maka poitai,
Kazar tum zainam sangonk, kiteak loztai
Maka soiriko ietat teo sang tum kiteak moddtai,
Dolleanim tel ghalun tum maka poitai.
Hanv tuka naka tor sodd mhoji vatt,
Kiteak bexttench bhonvtai fattafatt,
Pai tuzo doth dita ozar satt,
Tea bhair bhessam ani bhatt,
Tuji doth ani bhatt bhens maka naka,
Maka zanvoi za mhunn sangtai maka naka
Mojem ghor ani mai-pai asat tim tuka naka
Tim tuka naka tor kiteak tum zai maka.
Tum mhunntai kazar zatoch bhurgim naka,
Mozo figer piddear zatolo bhurgim naka,
Oxem tuje main chintlelem tor sang tum maka,
Tum ho sonvsar polleunk ienaslem visronaka.
Kitle ghorabe bhurgeank axetat,
Hea ani tea dotorank meutat
Sogllea Santank angovnneo kortat,
Familik uzar kortat,
Kazar zaunche adim poile ghale kaide,
Dekun anvem kaddche poddlet mhoje kaide,
Maka tum pois kor noure bhoinni tuka mellot zaite,
Te tuje kaide pallunk assot aite.
Tum mhunntai mhojem kazar addaitelem,
Igorjent resperadis, Padrik sangtelem,
Oxem korxi tor adinch sangtam lojek poddtelem,
Tujem nanv urlam tem paim khala mostitelem.
Tuje bhaxen asat kitlim zannam,
Ghovache familik lekhinam,
Ghovache ghorcheankui ollkonam,
Aplim ghorchim astanam,
Dekhun aiz mhoje bhoinni sangtam tuka,
Ghovachi famil sodanch vhoddli tuka,
Tum ek bhailem ful tanche bhagent vetai visronaka,
Tankam kednanch vaitt nodren tum pollenaka.
2.VAKANDDNNIM – Alfred Rose
Aslo ek cheddo artinim uxear, fatrachim baulim kori jinsamvar,
Donui ath aplea kori uzar, taka ojeaptalo lok sabar,
Pai bob mari donui ath gheun mathear, "aik puta sangtam zaunakai udar,
Oslim baulim tum korxi zalear, nidchem poddtelem ritea potar.
Pai anvddetalo, sodanch chintalo, putak koruncheak dotor,
Put vavurtalo, baulim kortalo. kantoun jinsache fator,
Lok ojeaptalo, dipkoun urtalo marlelea porim montor,
Taka lok vakanddtalo, punn pai kenddtalo, putak dukh zatali bitor.
Bapain putak kainch unnem kelem nam, zaitem xikop diunk pattim sorlonam,
Punn putak kednach vakanddlonam, tachea vavrak valor dilonam,
Putache artik urba mevlinam, punn putan matui porva kelinam,
Vavr korinastanam ravlonam, baulim korpachim bond kelimnam.
Ek dis tea putan, tapon tea votan, Saibinnichi imaj keli,
Sobit pintarun imaji pondak apli nixeannim ghali,
Imaji gheun athan, to gelo xetan, matien ti imaji purli,
Teach xetan vavr kortanam, nangor ghaltanam, paik tachea imaj meuli.
Imaj polloun pai ekdom ojeaplo, ti ghara addun vakanddunk laglo,
Poi puta hi imaj kortolo, khoroch zaunk zai eok artist vhodlo,
Tujeo imaji paiemcho dul'lo, pai mhunnon putan bapaik vengoilo,
Imaji pondak nixanNim polloun, pain putache vengen jiv soddlo.
Avoi-bapainim apnnacheam bhurgeank diunk zai appreciassanv,
Dusreank vakanddtat apnnacheank kenddtat, bhurgim bhogtat fugassanv,
Zor tor vakanddnim nam, urba kirlonam, chepon veta vokassanv,
Hich istor pai putachi, istor vakanddnnechi, maim-paik ek borem lissanv.
3.VIDEO ANI FOTTU - Alfred Rose
Ixttagher mojea bhurgem zolmolem,
Tanchea jivitant neketr udelem,
Itlim Vorsam angounneo korun,
Santachim Novenam korun bhurgem maglelem Devan dilem.
Padrixim vochon Baltim tharailem,
Baltim vhodd sacrament Padrin sanglem,
Eok novo otmo amche modem, dadosponn amkam hem kedem,
Devosanv sarkench korunk zaiem.
Baltimachi ceromen vhodd Devosponnachi,
Padrin duty korta fottu kaddpachi,
Hem polleun modon poili sarki korta saddi appnnachi,
Podon Chinta sanjechea funsanvachi.
Sezariak amchea kazar aslelem,
Igorjent koddok resper dovorlolem,
Dog zann fottu kaddpi tea bhair video ani kitleoch lighti
Filmachem shooting cholta distalem,
Thuim misacher sintind vochonaslem,
Padrichem mon misar lagonaslem,
Fottu kaddpi soglloch bobau,video kaddpi soglloch nachta,
Padrin resper korunk addailem.
Video kaddp nisorlo, noureacher poddlo,
Nouro oklek gheun padricher xevtollo,
Padrin sankistanvank dhorlo,sankistanvuim gaborlo,
Tovui hal'lo ani mhoje bailecher poddlo.
Video film kaddlear borem dubav nam,
Ugddas semprak urta sogott zannam,
Buniad aplea kazarachi, goroz kor devosanvachi,
Igorjent osle nach sobonam.
Thodde Padri video kaddunk dinam,
Amkam rag ieta, ami chintinam,
Thodde Padri omke shooting kor mhunn amkam sangtat,
Misachem devosanv piddear korunk zainam.
Baltimak vo Kazarak toxench poilea Komuneanv
Video kaddit semprak ugddas urtolo,
Punn Igorjentlem devosanv chint diun korunk zai
Dev aplem kurpechem bessanv ghaltolo.
4.VILMA - Alfred Rose
Vilma, Vilma, Vilma tujem nanv,
Vilma, Vilma, Vilma tujem nanv,
Vilma, cheddeanim tujim kaddlim filma,
Oxem mhunn, sangtalem maka Thelma,
Vilma, ghott asat tujim alma,
Mhunnxi 'Hai koslea, mojea zolma,
Tum zolman, bore familichem Vilma,
Bietai! Anv astannam ghott rav Vilma.
Daddyk anvem sanglelem, kainch bienakai,
Gunnanim tum bhorlelem, porva kornakai,
Oh Kannim, sangonam mogachi kannim,
Dolleanim, pollunk nam mojea dolleanim,
Zaitench, aikolam hea kannamim.
Daddyk, tujea anvem dilelem utor,
Punn tujer, tujeoch ixttinim martat fator,
Anjuna, bonvtai khuim tum Vagator,
Dotor, tuka meuleat khuim te dotor,
Gheun motor, bonvtat khuim tuka gheun motor,
Torui anv, mandinam hem tanchem utor.
Dolleanim poilea bogor soth anv mandchonam,
Soth kosak lailea bogor, utor moddchonam,
Oh Mudi, anvem ghaleli tuka mudi,
Punn uprant, vaddleo tujeo amizadi
Sozmonam, gheunk teo konnacheo budi.
Gathki, tujexim anv zanvchonam gathki,
Patki, kainch nezo zalem tor patki,
Parki, anv nhoim tujem noxib parki,
Adim, moje lagim nasli ek deddki,
Punn atam, duddvanim borlea moddki,
Goeam, etam khobor kaddunk sarki.
Muscat than anv ietolom, soth tem poitolom,
Anv tuka naka zalear, kuxin sortolom,
Oh Vilma, cheddeanim tujim kaddlim filma,
Oxem mhunn, chitt boroita maka Thelma,
Anv etam soth kosak launk etam Vilma.
Vilma, Vilma, Vilma tujem nanv,
Vilma, Vilma, Vilma tujem nanv,
Vilma, Vilma, Vilma tujem nanv
5.VIVA LA GOA - Alfred Rose
I'm an Espanhol come to see your Goa,
Oh yes your Goa is very very good,
I saw Panjim, I saw Margao, I saw Vasco
And at Mapuca, I tasted real Goan food,
Your ladies are so pretty and so witty,
And fenni has now brought me in the mood.
Chorus
La la la la la la la la la la,
Oh Viva la Goa,
La la la la la la la la la la,
Oh Viva la Goa,
La la la la la la la la la la,
Oh Viva la Goa,
La la la la la la la la la la,
Your Goa's really good
Senhor Caitan Silva took me to see Colva,
He says in Colva theres not a single thief,
Then he took me to see beautiful Calangute,
Where all the hippies, are like Adam and Eve,
People think I'm bullfighting torero,
They are teaching me to drink Goemcho Soro.
Repeat Chorus ...La la la la la la la la la la,
Oh Viva la Goa....
All your people in Goa speak konkani,
Oh your konkani is very very nice,
And your folk dances are many many many,
And your mando-dulpod are really full of spice,
Two good konkani words now I do know
When I'll get angry I'll say 'Tuje maimcho Ghov',....
Repeat Chorus
La la la la la la la la la la,
Oh Viva la Goa.....
Updated 2nd August 2019
1.TEG FOLER ARTIMCHE - Alfred Rose
Nodor marlear ixtta, sonvsar ojeap dista, borem kortea munxeak dovorta uklun,
Lissaum tachem podvem zaumchea adim borem, vetat hea vordeak ath dovrun,
Chintun kalliz roddta, ugddas maka asta tegamcho je gelet sonvsar ho soddun
Tannim dolle dankle, bhurgech ponnim somple, boro vavr sonvsark dovrun.
Tegaim zannachim arth bhavanim vortouli vegli,
Ek-eklo aple artin uxearki dakhoi bogli,
Tankam xabaski ditali Goemkar porza sogli,
Khotta tanchi arth sompon fondant dampli.
Caridade Damacian, Aldoncho tho ganvan, vhoddlo patlaudar amche maim bhaxecho,
Tokli apli zoroun, teo romanxi boroun, khuxeal kori jiv vachpeancho,
Utram tachim choddam, vachpeak lagot koddam, dekun aiz pasun ugddas kortat tacho,
Boroinar vakandtat, sogott taka mhunntat, pai romansi boroinaramcho.
Dusro vortouta to famad musician Joe Perry,
Aplea saudik vazpan somestank khuxeal dovri,
Tannem vazoinastanam nam ek instrument tori,
Tachea monan vanvom solfamcheo zori.
Voi tisro bhavanim, zoukoutat chintnamnim, fankivont minguel rod
amchem khuxealponn
Chodd man taka favo kallzak galun gavo, bhurgeach ponnim gelo sompon
Ugddass vocho nezo, visor poddo nezo, he tegui amkam ditalet khuxealponn
Khorench pollunk gelear, ojeap nhoim hem chintlear, Jivit munxeachem ek sopon
He asat bhavanim teg vhodle foler artiche,
Aloitale khambe akhea kallzache kortiche,
khorench te vortoulet arxe christaum smurtiche,
Devan tankam diumche zage sorgimche.
2.TELEPHONE KORUN FOTTOITAI – Alfred Rose & Rita Rose
RR: Hello Hello
AR: Hello
RR: Hello Darling
AR: Koxem Assai
RR: Nam anv ulounchinam, tuje borim yeunchinam,
Kal etam mhunn tuvem sanglelem, anik anv aikochinam,
AR: Tum bulbul anv tujem maina, kiteak bai eunk zainam,
RR: Tum telefon korun fottoitai anv kazarui zaunchinam.
AR: Zainakai, zainakai, kazar zainam zainakai,
Sezarchem Filomen moji korta apurbai,
Ami kazar zatanv, amkam poun roddonakai,
RR: Tuji porva thoddi, kazar maka korta pai,
Tuje oslo chearsovis novro maka kiteak zai.
RR: Sodanch telephone kortai, picture-ak vortam mhunntai,
Picture bicture kaim ek nam oxench maka fottoitai,
Anink Telephone kortai, guneanv zalo mhunntai,
Maka fottoun Filomenank dansak cinemak vortai.
AR: Elona, Elona kiteak taptai Elona,
Tujea moga bogor mojem kalliz alonam,
Tuzoch mog hea kallzan dholta, dusro dholonam,
RR: Atam tuje nokre mojea fuddeam cholonam,
Tuka mevlam babream vonttanchem Filu manam.
RR: Filomenank mevtelim, tum koslo sangtelim,
Tache lagim koso kazar zatai to poitelim,
Tujim temam khevtelim, tuka budd xikoitelim,
Aiz than maka telephone korxi, pulisek sangtelim
RR: Kitem tor, kitem tor, cheddvak atam choddlo zor,
Fotti sangon, koddko mhunon, tum kortai dunvor,
Azun passun tunch mojea kallzachi kunvor,
Kiteak maka chavoitai, kalliz dukoita tor,
AR: Sangtam sokla mev maka, atam telephone bond kor.
3.TERSACHEM DEVOSSANV – Alfred Rose
Vhodd vhodd munis vavurtat sonvsarak diunk sovostkai,
Hi sovostkai dische suater tich uchambollai,
Devache munnyari fuddem sorleat gheun eok upai,
Rozar magnnem vorvim zoddunk luskonn zal'li girestkai
Vochot thoim cholta vavr vaddounk Devosanv tersachem,
Favo korunk munxeakullak dennem Dev kurpechem,
Jedna hea tempar sonvsarant, cholta zuz kuddi-othmeanchem,
Hem zuz upraslam unnem zaun Devossanv gorjechem.
Zor toe ek famil teors korit sodanch ekttaim ravon,
Te familicher Devachem bessanv eta denvon,
Bhurgeam-ballamcho bhavart kedinch vhochonam bavon,
Ghottai tankam mevta akantak Saibinn Maim pavon.
Hem tersachem Devossanv Goemkarank nhoi novidade,
Hem devossanv korun, sukh bhogi adli komnidade,
Famil ekttaim korun rozar, khuxeal asli Goemchi cidade,
Dekununch tanchem bessanv ghali Santizm Trinidade.
Adlea tempar Goeam saad aikotoch Aimorecho,
Vhoddlim-dhakttim-zanttim-nenntim aplea ghara vocho,
Dimbi ghalun, ath zoddun, korit xinvor magnneacho,
Punn Bomboi, hem dissonam zaunk, sangat guneav konnacho.
Zor amkam zai, amchea ghorabear Devachem bessanv,
Tech porim, amcheam bhurgeamcheam othmeachem salvassanv,
Zor tor amkam zai sovostkai, tor aiz thanuch koria tessanv,
Sodankal korunk ekvottan tersachem Devossanv.
4.TICHER NACHONK XIKOITA - Engelbert & Rita Rose
E:Mummy mummy, tum sang mummy,
Maka iskolak kiteak daddat tumi,
R:Sonvsarant tum upkarchonaim
Poi koso varear bhonvta sezarcho Tommy,
E:Maka gharan xikoi mummy
Anv gharan astoch khuxeal astat tumi,
R:Naka baba, gharan naka,
Lahn astanam iskolak vochonk zai ami.
E:Ti aritmetic kitli agodd maka sozmonam
Ti hindi ani Maratti poi toklen vochonam
Ti history Geography kiteak xikoitat Dev zannam
Ti hockey ani football xikonk vogot lagonam,
R:Oxem mhunnxi tum sonvsaran,
Moche passun polish korunk upkarchonam,
Khoro valor tea xikpacho
Baba tum lahn astanam tuka gomchonam.
E:Daddy mozo vhoddlo dotor,
R:Xikonaim zalear tum zatoloi fator,
E:Daddy maka xikoitalo,
Magir kator gheun pottam kator kator
R:Are pixea, mojea puta
Kator kator kitem kombio botkam kator,
E:Mummy moje tum kainch nokoi,
Kitem zata tem amchea iskola bitor.
E:Ti teacher xikoita, punn bhurge tika chavoita,
To principal kannio sangon amkam ansoita,
Ti music teacher pian vazoun soglleank nachoita
To science master rocket korun moonan pavoita.
R;Are chora, fotti martai,
Tuka iskolak daddchinam mhunn sozmotai,
E:Kiteak mummy kanank dhortai.
Paimyeam poddtam mummmy, daddik sangonakai.
5.TICKET COLLECTOR - Alfred Rose
Suttli Saiba suttli, sirvis moji suttli,
Arey noxibachi pottli, chirputt marinastanam futtli,
Railwayin ticket, collectorachi sirvis bori asli,
Futtli Saiba, futtli, jeunnachi boxi futtli.
Sodanch time-ar anv astalom, sirvisui sarki kortalom,
Mojem uniform ghaltalom, ticket nasleleank dhortalom,
Gorib zait tor polletalom, tanche churchure kortalom,
Konn gupit duddu diit zalear, tankam pulisen vortalom,
Ek diss aslom Dadar, thuimsor meulo Father,
Tache pattlean cholo, ek cheddum and her mother,
Anvem mhunnlem, 'Ticket please' tannem mhunnlem dont you bother'
Anv vochon fuddean ravlom, mhunnlem 'anv bai ticket collector'
Tannem sanglem tikett sanddli, maim jhetan bhair cholonk lagli
Anvem tika thoinch addaili, ani bhitor voch mhunn sangli,
Cheddvan ghott maka veng marli, tache main ek kinvonch soddli,
Anv cheddvanco Romeo mhunnon, lokan marun patt hi foddli.
Pulisen maka dhorlo, anv mhunn roadside Romeo,
cheddvache maim mhunnlem, 'Vho Romeo dhorta komeo'
Pattui foddli, tokli foddli, foddleot donui dimbio,
Sirvisechoi kaddlo, atam anv bekar roaming Romeo.
Kal tem porot meulam maka, mhunnta 'Ragar tum zaunaka'
'Tuka veng marleli poi ti, rath diss bejar korta maka'
Anvem mhunnlem 'lofdde naka, anik lagim soronaka,
Anv bai bekar roaming Romeo, ghatkeo komeo maka naka.
6.TIN KALLZAM - Rita Rose
Hospitalan, nursichi sirvis kortalim,
Dotorache mogan anv buchkoutalim,
Ektaim kam kortalim, takach axetalim.
Potin tachi zauncheak anv sodanch chintalim.
Dotorui to, mozo mog kortalo,
Uxear titlo, gunnanim bhorlolo,
Kazar zauncheak ami nicheu kelolo,
Papan mojea, uzo pettoilo.
Papan maka kazar kelelem forsan,
Don mhoineanim kouli kazarachi koddsann,
Ghov soro pieta, jiv mozo kosmeta,
Azunui chakonk nam, kazarachi ghoddsan,
Tukach moga anv azun axetam,
Fottu tuzo, vengen gheun poxetam,
Ratche rati, tujinch sopnam sopnetam,
Gopan tuka ghott dhorunk anvddetam.
Kitem korum kitem korum sozmonam,
Ghovacho mog mojea kallzan rigonam,
Bhurgeaponnailo mog, kallzantlo vochonam,
Dotor ankvar ravla, kazar zainastanam.
Papa tujim, chintnam xarti kelim,
Tukai sukh nam, tin kallzam dukoilim,
Tornim follam, voir zaddaruch sukoilim,
Fuddarachim neketram paloilim.
7.TORNEM ROGOTH – Alfred & Rita Rose
RR: Mojea maim-paik anv man dinvchinam, tanchea dolleank passun anv pounchinam,
AR: Dolle tuje bai futtelet, magir khainch tuka dischemnam,
RR: Tankam kuskuttachi vos meunchinam, mojea kusveachea foll dakouchinam,
AR: Foll tujem kusveanuch morot zalear anv konnak xinnchonam.
AR: Bhoin moji maimger astanam paiyamni choltali,
Ghovager vochonam fuddem toklen cholonk lagli,
Varrear udoili thimppi, tujeach thondar poddteli,
Sorgar nhoi sonvsarantuch tuji zoddti zateli.
RR: Moji zoddti zateli tum mhunntai, mojem ghor mandar korunk tum sodtai,
AR: Kai borea tujea ghovacho kiteak sonvsar piddar kortai,
RR: Vhoddli vhoddli xaneaponn sangtai, tujem aikotelim mhunn sozmotai,
Ritti dekhi sangtai maka , ho zalea porim mozo pai .
AR: Pai amcho tuka lagon tokli sokla galun cholta,
Dhuven aplem naak katorlem mhunn suskaron babdo roddta,
Maim pixi koxi bhonvta, kopol aplem dhadaita,
Tuje tokler denvchar bosla, vegim gelear puro mhunn magta.
RR: Aplo maim-pai Dev mhunnon sozmota, tankam nomoskar kor mhunnon sangta
AR: Deva fatlean sonvsarant maim-pai mhunn, tum hea nokoi mista
RR: Tea matreanchi porva konn korta, tankam hea tepar kitem sozmota
AR: Tuka sounsar kitlo sozmota ti, kortubam tujim sangta.
AR: Suneachi xempdi vankdi, noen gatlear sarki zainam
Tuji xempdi ubi asli vankdi koxi zali dev zanam
Pakte nastana uddtai rogoth tornem astanam
Tujem foll tujem paag ghetelem tum sonvsarant astanam.
8.TUJEA BHURGEAK MOJEM NANV - Alfred & Rita Rose
R: Dongrailean uddon ailo parvo,
Kallzan hea riglo anj boddvo,
Deva jiv vho danvonk laglo, addvo anim tiddvo,
Premm atam zalo mista koddvo.
A: Koddvo zalear taka godd kortam,
Porot kallzan anv bitor sortam,
Adlim kortubam tujim visortam,
R: Nam anv somdiran jiv diun mortam,
A: Adlim kortubam tujim visortam,
R: Nam anv somdiran jiv diun mortam.
R: Khoroch sonvsar fottkiro, premm anvem kel'lo khoro,
Vaitt chintnam addun aro, mojea abrucho kelo churo,
A: khuimsor to assa, tum dakoi maka,
Athak mellot tor, anv addtam taka,
R: To mellon nam faidonam, mozo abru porot mellchonam..x2
R: Don vorsam passun taka ravlim,
Uloi'lim utram khoim pavlim,
Atam gorib mhunn anv mojim khunnam taka koulim,
Dekun tannem dusreak fulam maulim.
A: Maka soddun taka bul'leleim,
Vegim login zaunk ful'leleim,
Borem tem bhangar tunvem soddleleim,
Anim rupem vengen dhorleleleim......}x2
R: Ingrat zalim tuje thaim, konnak anv mhunnonam kaim,
Sonvsar vho dukhachi baim,
Zanvchim assa tachea bhurgeachi maim,
A: Kitem anv aikotam, to khuim poutolo,
Tujech lagim loginn zauncho poddtolo
R: Bomboi toh login zalo, mojem nirmollponn toddun gelo...x2
R: Lojen aiz tokli ghaltam sokla,
Sonvsari porzoll mozo sompla,
Tuzo khoro prem vollkoncheak jiv ho mozo chukla,
Dekhun mozo sonvsar lojek tenkla.
A: Oprad kelai tuka bhogxitam,
Patok kelaim, kallzan lipoitam,
Tujea bhurgeak mojem nanv ditam,
Tuje lagim anv loginn zatam,.....}x2
R: Nam anv loginn zaunchimnam, tuka lojen ghalchimnam,
Tuka anv apuddchinam, moji loz anv tujer thapchimnam.
A: Loz anv damptam, tum bhavart dhor mozo,
Foll dusreachem mhunn lokak dubau poddonezo,
R: Dulobi sozmut tuzo, hea sonvsarant tum Devta mozo...x2
9.TUJEA BHURGEAK SAMBALL - Alfred Rose
Ek ostori dukhanim roddtali,
Sat vorsanchea putak anga-thuim sodtali,
Iskolak vochon mistini lagim vinchartali,
Pixi koxi ti yennem-tennem bhonvtali.
Tin vorsam sodlo punn put ticho mevlonam,
Pulixe lagim pasun kitench ghoddlem nam,
Novenam kelim punn put ghora ailo nam,
Avoichea kallzak kosli dukh zait zali nam!
Ek dis ti vatter fugar zatali,
Aple isttinink aplem odrustt sangtali,
Avaz ticho aikon tika pattlean konnem zab dili,
'Maim mogache maim'mhunnon tika voddkili.
Pattlean vollon ti avoi kitem polleta?
Eok bhurgo bhikari tika distti poddta,
Kurddo ani thontto aslo khotta khotta,
Danvon vengoita mhunnon 'hai mojea puta'.
Tea bhurgeak kuddo kelo zai konnem?
Ath paim moddun taka thontto kelo konnem?
Angak ghaye ghalun taka bhikek dorlo konnem?
Hem umannem aiz passun parkunk nam konnem.
Inocent bhurgeanche te kortat halaval,
Tim zanvaoram passun korchinant osle hal,
Duddvanchi ass poiat kitem korta aiz-kal,
Dekun bhoinnim moje bhurgeak tujea samball.
10.TUKA SODDCHINAM – Alfred Rose=AR n Rita Rose=RR
AR: Dukham golloun roddo nakai, anik moji ass korn nakai
RR: Toxem mhunnonakai, kalliz dukoinakai,
Thontto zaloi tori tunch maka zai,
AR: Oslim chintnam chintinakai, sukhi jiv dukhan ghalnakai,
RR: Zor Rochnarak, anv dukhi jiel'lim zai,
Anik nam dusro upai.
AR. Panch vorsam anv mogan lastalom, sangatan anv tujea bonvtalom,
Soglleak voddvik tuji sangtalom sakrament zoddunk axetalom,
Sorgailo anj meula mhunntalom, tuka rannim korunk chintalom,
Resperak anv vochonk motoran boslolom,
Punn aksidentak sampoddlom.
AR:Sonvsarant anv upkaronam, Devan kiteak morn daddlemnam,
RR:Devacher xinn korun, kiteak upkaronam,
Bienakai anjea, anv astanam,
AR:Moddlelea khursak valor nam, tukai konnuch man diuncho nam,
RR:Munxeacho man mellonam tor porvanam, punn Dev amkam soddchonam.
AR: Maim Pai tujim ragan bhortelim, thonteak bul'lam mhunn bob martelim,
Voch tum izoth tuji kaddtelim, melelim maka sambautelim,
RR: Mojim maim pai kakut naslelim, munxechem dukh vollkonaslelim,
Kazar zaun tuka aksident zal'lo zalear sang kitem kortelim aslim,
AR:Horran muddi ghalun bottak, kalliz tujem keleim semprak,
RR:Patt kornakai sothak ,raji za kazarak,
Nam tor jiv ditelim tea somdirak,
AR:Kalliz bettoi dusrea novreak, sukhi zateilem fuddarak,
RR:Mog anvem bhettoilolo fokot ekleak,
Kedinch diunchim nam dusreak.
RR: Padrixm vortelim ravchinam,
AR: Padrik sangtolom kazar zainam,
RR: Oxem sangxi borem zaumchemnam, nak adoun mortelim ravchinam,
AR:Maka aksident zor zatonam, amchem kazar pattim urtem nam,
RR:Mog tuzo kelolo tum boro astannam, antam anv tuka soddchinam.
11.TUM KONKNNOM? Alfred Rose
Goemkar ami gineanan xannem,
Jivit bodoltanv tempa pormonnem,
Dha zannam modem bonvonk sangonk naka konnem,
Hem amchea rogtan assa soimbachem dennem.
Hindu-Christanv-Musolman Goem sabar,
Voi soglle ami Goemche ganvkar,
Bhattkar mundkar, toxech te vhoddle savkar,
Soglleank amkam mhunntat Goemkar,
Goemchea Hinduank ami mhunntanv konknnem,
Bomboichea Hinduank mhunntanv Konknnem,
Dhontir nestat titleankui ami mhunntanv konknnem,
Punn azun nokom konn te nizache konknnem.
Hansonk maka eta sogllem chintun,
Punn guneanv amcho kosloch nam antun,
Dekun aiz chintnam mhojim addeant hanvem guntun,
Tumchea dolleam mukar tim dovortam vantun.
Indiechea mapar udentik pollelear,
Konkan line mhunn kel'lem assa markar,
Tantun etat Goa, Manglore ani Karwar,
Vengurla tea bhair dusre ganv sabar,
Barkaien tumi aikat hem sangnnem,
Hea Ganvchea ganvkarank mhunntat konknnem,
Konkanchea ganvani dekun amchem tikannem,
Zanv Hindu Christanv, ami soglle konknnem.
Konkanchea ganvkaranchi bhass konkani,
Punn Uloup veglle-veglle torinim,
Zaiti pikavoll zata hea amchea ganvanim,
Rochnnaran ganv hea bhorleat kherit denneanim.
Soglle eka-ekvottan vavrom-ia
Goemchem sudarop korun dakhoum-ia
Goribanchea tondar hanso kelloum-ia
Ani eok ghott ek ekvott ubo kor-ia
Dhesak amche bhaxek meuteli ghottai
Vaddoum-ia amche bhaxechi sobai,
Hindu-Christanvcho ekvott soglleanchi boddai,
Tacher attaplea assai Goa xarachi vaddai.
12.TUM MOJEM SUKH – A=Alfred & R=Rita Rose
A: Tum mojem, sukh diunakai dukh,
Tum mozo rukh lagonam bukh,
Tuje vinnem sonvsar soglloch dista kalluk,
Tum mojem ful tum ek bulbul,
Tujea mogan anv zalam gul,
Tuje mukar mannka mojea anv zomnichi dul.
R: Sant pounk distai jivo sant,
A: Tum kirlainakai dant, kuddik suttlo akant
R. Moddd mogachea somdirant
A: Modd zalam tor, maka ghott dhor, jieonchim sukhant
R: Tum mojem, sukh diunakai dukh,
Tum mozo rukh lagonam bukh,
Tuje vinnem sonvsar soglloch dista kalluk,
Tum mojem ful, tum ek bulbul, tujea mogan anv zaleam gul,
Tuje mukar mannka mojea anv zomnichi dul.
Music
R: Sant pounk distai jivo sant,
A: Tum kirlainakai dant, kuddik suttlo akant
R. Moddd mogachea somdirant
A: Modd zalam tor maka ghott dhor, jieonchim sukhant
Both: Tum mojem, sukh diunakai dukh
Tum mozo rukh lagonam bukh
Tuje vinnem sonvsar soglloch dista kalluk
Tum mojem ful tum ek bulbul, tujea mogan anv zalam gul
Tuje mukar mannka mojea anv zomnichi dul.
Updated 13th May 2020
