Old is Gold

JIVIT MUNXEACHEM - Ansoo Rodrigues

Soglleankuch ass tea duddvanchi,sonvsarant ami assosor,
Munxea lagim duddu chodd zatoch, mhunnta Devakui aponn vhodd,
Porvanam zalear tum duddvamkar, Devachoi il'lo ugddas kor,
Sang ixtta mortokoch duddu te vortoloi khoimsor.

Kiteak upkarta sonvsarant, girestkai asson itki,
Othmo tuzo pirdear korxi tor zaunxi tum patki,
Sonvsar ho fottkirem fokandd, kiteak kudd hi amchi ghatki.
Kudd mattoun koslo faido nam, khata zomnichi mati.

Sabar vorsam fattim Jesun, sonvsarant joitivont zalo,
Amkam gulamponnantle soddunk Devan taka nirmilo,
Amche pasun to vavurlo, xevottak tannem aplo jiv dilo
Heo don apleo kobar korum sorgimchem raj ukddunk gelo.

Sonvsarant polkem jivit amchem kha taka zaun bole,
Kosiens bitor mellem dovrun athin ditanv folle,
Goribank bhava tum sogott di punn doth duddvank lagot kolle
Mortoch ami kainch voronam fokot to kaixanv gheun chol'le

FOTTKIREA SONVSARAK - Ansoo Rodrigues

Kortam kantar ho ulhas soddun,
Gelo mog mozo geloi sanddun
Roddtam roddtam hem odruxtt chintun,
Chintunk naslem hem oxem goddot mhunn....x2}

Yipi ye, Yipi ai yipi ye Yipi ai,
Kiteak moga mojem kalliz dukhoitai,
Yipi ye, Yipi ai, yipi ye Yipi ai,
Fottkea sonvsarak bulovnakai...X2}

Sodanch mezar poi fottu tuzo,
Poddtoch nodor kallzak pet'ta uzo,
Uklun beij ghetam anv fotvacho,
Maka visor punn mojean nezo...X2}

Yipi ye, Yipi ai, yipi ye Yipi ai,
Kitem mhunnon mojim dukham golloitai,
Yipi ye, Yipi ai, yipi ye Yipi ai,
Fottkirea sonvsarak bulovnakai.

DAMU ani LAXMI - Ansoo Rodrigues=AR & Johnny Silvester=JS

AR:Sang re mojea damu, khoimosor re tum bonvtai,
Pois pois tum ravon, kalliz hem dukoitai,
JS:Kiteak gho Loximia ragar fugar zatai,
Poisuch ravon mog tosoch korunk zai.

AR:Anv dadak sangtelim, tuka poti kortelim,
Sodanch anv gopan, tujeach ravtelim,
JS:Anv ayeek sangtolom, tuka potin kortolom,
Tujeach mogan anv, sodanch bonvtolom.

JS:Sang go tum Loximea, login kedna zanv-ia
Soglleank lognachem, amontronu dinv-ia
AR:Ragar tum zainaka Dada Puneak gela,
Dada mozo ietoch rokdench login dovr-ia

AR:Anv fullank vetelim, zaitinch fullam addtelem,
Golleant anv guntun, tujeach ghaltelim,
JS:Anv zatrek vetolom, thoimsor ujeant danvtolom,
Mogachea Loximea ladu ek addtolom.

30th May 2020

Hits of 70's n 80's

JURAMENT - Singer Antonette, Lyrics M.Boyer

Kalliz hem tukach re bhettoilem,
Mog utor kallzacher nettoilem
Don kallzam bandpachem dor tuntoilem,
Innocent kallzak hea fottoilem.

Vachun tujeo donui chitti,
Kallzak dukh hea bogli motti,
Jurament diun fottoilem maka praier kongotti...X2}

Paloili vath mojea jivitachi,
Sun korunk maim tuji zainam raji,
Gulfant vortam mhunno sangatinn zatoch tuji,
Punn axea kallzan bitor urli moji.

Jurament dilo dogainim,
Aiz anv eklinch roddtam dukanim,
Moga tuka pisso kelo gulfantlea libranim...X2}

Goeam eun kazar tum zatolo, 
Bailek gheun kongotti vetolo,
Jurar zaleanv tea khursaxim tum pautolo,
Tednam tuka ugddas mozo ietolo.

Churchure mhoje kelenam,
Koslench anvem sukh dekhlemnam,
Chittir boroilam tem maka Ponnje dokhear kiteak sanglemnam...X2}
Chittir boroilam tem maka Ponnje dokhear kiteak sanglemnam....

MAR KHAVA Singer Antonette Lyrics : Robin Vaz

Ankwar bhoinnando ankvar rava,
Tokler bhar nastanam bhonva,
Soirik ailear rokdinch pova,
Kazar zaumche suater madhreo zava.

Ankvar ravxi khuxealponn bhogxi,
Kazar zauxi fugar zaun morxi,
Chintnamcho bhar mathear gheuxi,
Ghor dar naka mhunnon pouxi,
Benkant assot tor duddvamcheo raxi,
Tednanch kazar zalear assot khoxi.

Ankvarponn mhunnchem ek bhangar,
Kosloi bor nam angar,
Ghov ghara dina pagar,
Voilean maka korta mangar.

Dogam tegam bhurgim zatoch jivak zata avoi,
Eklem mhunnta mummy iskolak voron maka pavoi,
Dusrem mhunnta udik nanvoi,
Tisrem mhunnta khandar ghalun khevoi,
Porot mhunnta khandavelem denvoi,
Kazar naka kazar buzlem avoi.

Kazar zalelim mogan podon,
Kazar koslem tem ailem kodon,
soglle dant passun gelem godon,
Dis an dis pengtank ieta voddon.

Ghov rati jugar khevta,
Kitlim sonstelim tiva,
Rat-dis gharant zogddim korta bilkul suseg nam jiva,
Koslem hem kazar bhava, antam ulo korta Dhonia Deva,
Ankvar cheddvamdo ankvaruch rava,
Kazari bailo ghovacho mar khava.

DONT WORRY BE HAPPY - Singer Antonette, Lyrics Neves Oliveira

Ghorkar tuzo soro pieta,
Soro pion tuka tras dita,
Dont worry, be Happy,
Deva lagim mag Rita, goddie tho boro zanv ieta,
Dont Worry, be Happy.

Bail tuji tuka soddun gelear,
Bhurgeank tujea eksurim kelear,
Dont worry, be Happy,
Zoxi aplea paianim gelea, teach paiani ieteli faleam,
Dont worry, be Happy.

Cheddvan tuka utor dilam,
Kuwaitkara thaim kazar zalam,
Dont worry, be Happy
Cheddeak duddvank bhul'lam Mila,tum kiteak soro piela
Dont worry be Happy

Mateak tujea mallun fullam,
Cheddeak dusrem cheddum meulam,
Dont worry, be Happy,
Chintinakai visor Bela, kiteak tumven jiv diunk kela,
Dont worry, be Happy.

Dothik lagom golloita dukham,
Ghovachi maim annem marta tukam, 
Dont worry, be Happy,
Ailam tem dukh tum roddo naka, Dev tujim pustolo dukham,
Dont worry be Happy.

Put tuka golloita dukhan,
Baileak aple nanoita sukhan,
Dont worry, be Happy,
Put pai zatolo thodeach tempan,meutolem kelelea mapan
Dont worry be Happy

ha ha ha ha ha ha Dont worry, 
Ha ha ha ha be Happy!

Mohamed Rafi & Lorna

Mohamed Rafi & Lorna

MARIA  Mohd Rafi=MH, Lorna=L

Lyrics; Chris Perry

L:La la la la la la la la 

MH: Maria Kitlem sobit tum Maria.

Maria, khorench ojeap voddlem,

Voi tem maka ghoddlem Maria,

Maria, poilech nodrek poddlem,

Kalliz mogan buddlem Maria,

To suria, porzolta ontrollar,

Tosoch anso tujea mukamollar,

Tujea viret sonvsarant hea kaim nam,

Tujea bogor mojean ravonk zainam,

Maria, kitlem sobit tum Maria.

L: La la la riu

Ra ra ra riu

Repeat 

ha ha Maria,khorench ojeap voddlem,....

NOXIBAK RODDTAM - Mohd Rafi

Lyrics; Chris Perry

Kantar Korun, dis mhoje sartam,

Chintun moga noxibak roddtam.

Kallzant than mog kelo,

Jurament dilo,

Abghat tunvem kelo,

Kallzak toploi balo,

Mollbailea netekrar,

Zalelim jurar

Zanvchim nhoi mhunn ami,

Kednanch separar.

Fottkiro Mog Kori,

Ghott maka vengent dori,

Antam roddtam anv dukhamcheo zori,

Kitlem kalliz nibor,

Aikon khobor,

sanddloi mhunnon maka, zalem zobor...x2}

BOM JESUCHEA KONVENTAN (Mando) Mohd Rafi & Lorna

CH: ahhh ahhhhhh

Bom Jesuchea konventan,

Utor dilem juramentan,..x2}

Ragachi torsad gheun athan,

Modench ubo raulo soitan.

Both:

Mog amcho bhettlo,

Kallzak uzo pettlo,

Tujea papan abghat ghetlo..X2}

Uzvadd ghatlo neketrani,

Uloilim mogall utrani,...x2}

Kallzam bandlim tin letrani,

Zaddar buroun go fatrani.

Both:

Mog amcho bhettlo

Kallzak uzo pettlo

Tujea papan abghat ghetlo..X2}

Mogan kallzak pettla uzo,

Konnaichean to palounk nezo...x2}

Dolleanim rupkar khellta tuzo,

Visorleim tum ugddas mozo.

Both:

Mog amcho bhettlo

Kallzak uzo pettlo

Tujea papan abghat ghetlo..X2}

KOMBEA SADARI - (Dulpod) Mohd Rafi & Chorus

Lyrics; Chris Perry

Combea sadari, tollea bandari

Bakra-bab goroita sontri laun khandari...x2

Nanv tachem Bosteanv Eriku,

Gozaleo sangot Mariku,

Goranti galun dariku,

Nistem to katt-ga bariku.

CH

Combea sadari, tollea bandari

Bakra-bab goroita sontri laun khandari...x2

Bakralo cholo, mott mure kolo,

Rozalin mauxecho mure chinvtalo polo...x2

Nanv tachem Bosteanv Eriku,

Gozaleo sangot Mariku,

Goranti galun dariku,

Nistem to katt-ga bariku.

CH

Bakralo cholo, mott mure kolo,

Rozalin mauxecho mure chinvtalo polo...x2

Bakra babalem, mottem mure gelem

Rozalin Mauxechem mazor chorun velem...x2

Nanv tachem Bosteanv Eriku,

Gozaleo sangot Mariku,

Goranti galun dariku,

Nistem to katt-ga bariku.

CH

Bakra babalem, mottem mure gelem

Rozalin Mauxechem mazor chorun velem...x2

he he fuloi fuloi, ha ha fuloi fuloi.

25th May 2020