Sunday, May 26, 2013

Songs of Anthony Mendes



ANTHONY MENDES
Born; 28 Dec 1920  
Died: 21 March 1964

EVER BRIGHT - Anthony Mendes

Te mogache gunn kosle mhunnon konn re parkitai,
Kai bore sant munis derefent mogan guspotai,
Hea tempar iskolanuch mogachem re lissanv xiktai,
Magir zun zatoch taka sun addunk avoi-bapui roddtai.

Igorjen passun chintnamim mogak addtai,
Padri sermao sangtanam bailean adrak bountai,
Noure korar voir vodlean ladhain mhunntai,
Oklo sokla poddte manual dovrun bitor murgottai.

Korezem suru zal tedus thoddim dukhamnim roddlim,
Tenge dans bond zale mhunn dusre anik idea kaddtalim,
Igorent passak vetat mhunn backbay distalim,
Nimnnea sukrar dis passun loving kortalim.

Moidonar passak chedde-cheddumcher mari chonne
Metric passara zal'le xikon ekdomuch bonde
Cheddvam vincharit chone kone marlet te muno avem nu tanem
Konnem thuim dekhnom ghalo silence zalem zaun te mone.

Mog chintnamim asa sodanch to munxeak roddoita,
Tuka sukoin sukoin hospitalan khatir nidoita
Devak bion mog kortat te sukhan jietat,
Te kazar zatoch rokdinch temkam bhurgim sotaita.

Mog bura sura furra gupit to mottoch vaitt,
Kednam tuka gomchemnam sontesanv to lait,
Odik borem quick kazar to mog re ekdom tight,
Ghov-bailamchem loving ekdom forte, tem shining ever bright.


HORRAD TARVOTTI Anthony Mendes n Star of Arrosim

Sirvis amchi khotti, punn zodd amchi motti,
Tumkam konnakuch ami marinam fotti,
Zoddtanv xemborancheo notti, dokheak lagtoch botti,
kiteak Goemkar ami horrad tarvotti.

Somdiran ravon sonvsarchi poitanv todd,
Chintit zalear tarvotteachem jivit perig chodd,
Khuxeal ami jietam kiteak amche rogtachi keleam ti zodd,
Dekun tarvotteank bhaile terank respet vhodd.

Ami tarvotti khore, bonvtanv soglea terak,
Bail bhurgeank soddun Goa xarak,
Kitle bhav mele zait, te gelea tea gherrak,
Torui tarvotti bieonam moronk vorak.

Astoch agbott somdirachea pottar distat lahram,
Vorsam moine kabar zainam fokot meztat voram,
Ganv ghara sintiment kaddtat maim-bhoinn bail ani lahn poram,
Devachea kurpen sukhi asat tarvotteamchim gharam.

Amchi tokli sanvronam, zatoch sanjechi ratr,
Chintam korit amchi somdir gheit maka ghath
Bom viaj Saibini sambau amchea jivitachi vatt,
Tarvachea kamank goemkarank konn ditolo nam ath.

Thodde mhunntat tarvotti addtat duddvamche dau,
Chintit tarvotteamchem jvit jivak poddtat zau,
Kitle amche bhav pollounk paule zait te somdirancho thau,
Tunch amcho eklo kopit sandloleank tunch othmeank tanche pav.



LOVING - Anthony Mendes

Bomboi eka cheddvan maka fatt korun dhorlo,
Come on sukdea loving mhunnon boroch chiddilo,
Anv tem loving koslem noko zaun muzo vontt taka dilo,
Arey kitem sangchem bhava mojem chivon chivon chion Chivon vont suzoilo.

Tem loving baba mejik korta forte dista.
Avoi gopan bostoch gormi kelear thondai meuta,
Kitem re fat-a-fat vontank mar bosta,
Ani chodd teomp loving korta temkam khonkhli sutton, ghottai tutton khoroz marta.

Kitem zata tem zanv mhunnon anvem cheddvak utor dilem.
Tednam chorieam amcheam Iraniager loving choltalem,
Konnem doxim launean vochon baba paik mojea sanglem
Pai envche evun roth gheun fatafat amchem baba loving suzoilom

Tem loving baba mejik korta forte dista,
Avoi kitloi mar poddlo zalear thondai meuta,
Mogan burxeleat temkam kitemm cholta,
Ani aka dor taka sodd, korta techeo resperadis fojenteo zata.

Tea cheddvacho mista bottato also anv re khoim zannam,
To khoim Goem aslo amchem loving choltalem tednam,
Tannem envche ievun bootpalis kelim mujim kansulam,
Arey subsubo anv te gairen loulom tem second hand mhunnon re baba konn zannam

Tim cheddvam mista soglleankuch gorounk sodtai,
Ani chedde noko zaun popot koxe fostai
Tea mogan amkam sogleank bombil korun sodlai,
Ani avoi-bapui mogar add ielo zalear rokdi toyari poddon danvtai. 

MEST DE SAL - Anthony Mendes

Anv rojea kaddun mudans korunk Goeam gelolo,
Konnem kazara maka apoun voron mest de sal kelo,
Kednanch baba anv mc zaunk nam bion zor eilo,
Nouro bitor sorxini aiz anvem dans komes kelo.

Noureache toklek choddon rag ievun dhorlo baba moje golleak
Anvem sanglem this mistake no me voson dhor tum bendvaleak,
Tannem ek slaping dili maka ani uklun bhair marlo konxeak
Athintli cigret usdon vochon uz petlo oklechea filheak.

Everybody mhunnta to bott khoimcho sampoddlo
Nourean sanglem anv third colass bomboikar mhunn adlo,
Mojem mest de sal ponn kaddlem  sodache maknar bosoilo
Sod kaddtanam batli futton pare sorpak dukhoilo

Naginn  mista lagim asli tinnem fos korun funk soddli
Okleachi maim standing there tinnem tondar ath dorun bob marli
Nagin mhunnon aikonam fuddem soglle soire matou kaddi
Anv ekloch urlom bion re muzgachea dollant keli ghutli

Noureachea bhoinnin maka dolantlo bhair kaddlo,
Ani allon-dollon kazari vo ankwar gai vincharlo,
Taka ankvar mhunn gomonam fuddem maka ghott vengent dhorlo,
Arey vengentuch astanam muzgan yeun dhol ghollent ghailo

Maka ghott dorun vodun voron novrea xim baba ubo kelo,
Noureachea dolleank choinam fuddem maka ekxem pach zor choddlo,
Tea muzgan nourea lagim vochon aple dollacho pres maglo,
Nourean sanglem ''eu pagou use'  hem aikon zor normal zalo.

MOGACHEM SCIENS - Anthony Mendes

Baba mogan anv poddon, gelom anv koddon,
Kaim somzonam khoim vechem uddon,
Kens  moje zoddon lojek anv sampddon,
Bhurgeamchem mojea jivit gelem kosdonn
Giran mustokan papi kortuban voi mogan poddchem nhoi zanna zaun.

Kazari baileche mogan baba poddcho  nhoi,
Tuka kitloi fuloilear tum fulocho nhoi,
Dusreachea sakramentacho vibadd korcho nhoi,
Tanchea bhurgea ballancho xirap khaumcho nhoi.

Baba mogachem sciens , take zai paciens,
Ghoddton zatelem mellem zalear konsiens,
Cheddvank alloilear lens, mog addta duens,
Magir vhoddilanchem gheunk bonvonk zai lisens,
Mog lakhpoti kednaim ponvoti tujem sap korun uddoitolo bens.

Zori tori bhav tuzo eok kazari assot,
Tuji uni tujea mogan kitli lasot,
Sodanch pois pois rauchem tea pasot,
Tum irmao-ak sampoddlear uni veteli bazot,

Sonvsar kednaim ek retir,alloitai atir,
Somzonam chabuk kednam poddot fatir,
Baba kor boro retir, sap tum magir,biye nakai moronk martir,
Jivak gheun dhir nicheu kor re thir 
nam tor chochoun khatele tuka bonder kir

Bhavani voir vochonk rosto to lamb lamb, 
Thuim pautoch tum nhoi konnaacho gulam
Voir motor gheun bonv,korunk naka salam 

Dekun otmo palis kor, laun kumsarcho bam

OH BHAVA - Anthony Mendes
Note: (Anthony Mendes sings this song dressed as a female)

Oh Bhava re mojea, vhoddlea bhava,
Kiteak tum maim-paik soddun Bombaim jietai?
Tum Kazar zaleleak sasumaingeruch ravtai,
Hem chintun maim-pai dukhamni roddtai.


Tum bailechoch zalai bhava amkam dukhoitai,
Kiteak mhunnon lokak tea tondd korun ditai,
Tuje churchure distai tuka dim miriam vanttunk laitai,
Hem tuka favo kiteak amkam dukhoitai.


Oh Bhava re mojea modhlea bhava,
Kiteak tum jvit tujem sorean buddoitai,
Tuje bebdikaiek lagon mojeo soiriko moddtai,
Maka bebdeachi bhoinn mhunntai.


Bhava maim ani pai tuje zoddik axetai,
Chintop nam tuka fokot tum tim taverna bhonvtai,
Bhoinik kazar kortolo mhunn lokak sangtai,
Tem fokot ratchem ulovop, punn sokallim visortai.


Pai sangta maka vaurak voch mhunnta,
Punn vatter bhattkaralo bab sotaita,
Borem dista mungo kalling koxem mhunnta,
Hea pasot respeit rakhonk gharach ravchem poddta.


Bhav mozo dakhttulo ekloch boro aslo,
Lokalim gharam xinvon amkam postalo,
Konnale narl paddunk gelo, maddar than sokla apttolo,
Ghottear poddon reddeachem xing topon melo.


Lyrics of this song courtesy - Tiatr Ani Tiatrist Book

TAXI - Anthony Mendes

Ponk Ponk - Taxi.....Ponk Ponk - Taxi

Soglleo componeo bond zaun, bekarponn choddolem,
Hanvem fatt-fuddem poinastannam, taxichem licens kaddlem,
Sogllo dis motor choloin, benddan eichea laglem,
Punn chodd korun giraik taxivaleank mog kornaranchem.

Taxi choloitannam fattlean kitem tum dektoloi,
Gopan eka-mekak dhorun aloi-doloi,
Tea amchea fuddlea arxean, cinema kitem poitoloi,
Saiba tuji kurpa dhi, steering mojem ghott dhorunk, hanv poitam mhunn
tankam gomoi.

Aitarachea dis konkan standar taxi laili,
Fott korun dogam dadleani taxi engage keli,
Anvem meter down korun distuch taxi chalu keli,
Maka fatlean eklean edi motti suri dakoili

Mhunnon tumara pakit gaddi tum choddke jau,
Anvem sanglem tumara bap ko leke aau,
Itlean gaddient bhair soron zali fighting bobau,
Handel mojem bhair kadddun, xitt-koddyecho maka fors ieun,
bhair kaddli tanchi bakri dau.

Ek dis gamen bhorlolo nouro danvon ailo
Ani jeldi Dadar church ke pas jane deu mhunnonk laglo,
Ami Dadar paule dogui danvta bobau thoim zalo
Tache okle lagim khotta boltoch kazar zaun gelo

To kazar zalo to zalo, punn mozo passenger novro heart fail zaun melo
teach barabor mojea meteracho poixe gele, kaim nezo

Taxi choloitannam fattlean kitem tum dektoloi
Gopan Eka-mekak dhorun haloi-doloi
Tea amchea fuddlea arxean, cinema kitem poitoloi
Saiba tuji kurpa dhi, steering mojem ghott dhorunk, hanv poitam mhunn
tankam gomoi. 




updated 29/05/2020