Tuesday, March 27, 2012

Songs of Alfred Rose - E-F

Updated 26th June 2019 (F)

1.EK DIS EKUCH PAUTT - Rita Rose
(One day at a time Jesus)

Ek dis ekuch pautt Mogall Jezu,..hmmmmmmmm

Anv ghor sonvsari, anv ek ostori
Kurpa tum di anvem jieonk tuka zai toxem
Rosto tum dakoi, vatt cholonk xikoi
Tuji kurpa di tum maka sodanch sodankal

Ek dis ekuch pautt Mogall Jezu,
Itlench anv aiz magtam,
Di maka boll korunk anvem tuka zai toxem,
Kalcho dis ghelo mogall Jezu,
Faleam goddie mevcho nam,
Dekhun Dhonia aizcho dis sarunk kurpa di maka.

Tum asloi tedna, amchea sonvsarant,
Voir than tum poi teach sonvsarant aiz kitem ghoddta
Choreo ani krimi nirudukai vaddta
Dekun Dhonia ek dis jieonk Kurpa di maka

Ek dis ekuch pautt Mogall Jezu,
Itlench aiz anv magtam,
Di maka boll korunk anvem tuka zai toxem,
Kalcho dis gelo mogall Jezu,
Faleam goddie mevcho nam,
Dekhun Dhonia aizcho dis sarunk kurpa di maka.

2.EKSUREM JIVIT- Alfred Rose

Aslem tedna mojea dolleam mukar,
Sorga porim diso maka sonvsar
Khorem tem moga zatam anv kumsar..}
Tuzo mog sodanch urlo kallzar.....}2

Eksurem hem kalliz mojem, roddta tuka dis ratrichem, }
Sodanch dollear yeta rupnem tujem....................}X2

Thoddoch teomp tum mojea gopan aslem,
Atam sandun dolleam bhair tum gelem,
Mojem kalliz tumvem chorun velem.....}
Tuzo ugddas dovrun kodsorlem.........}X2

Eksurem hem kalliz mojem, roddta tuka dis ratrichem,..}
sodanch dollear yeta rupnnem tujem....................}X2

Sundor sobau tuzo neketracho,
Modur tallo tuzo sanvorecho,
Tuzo anso maka bhangaracho......}
Sopnan ieun dakoi rupkar tuzo...}X2

Eksurem hem kalliz mojem, roddta tuka dis ratrichem,..
Sodanch dollear yeta rupnem tujem...................}X2

3.EKUCH ROGOTAlfred Rose  

Ekuch rogot amchem ekuch rogot, soimban ami veglle veglle,
Ekuch rogot amchem ekuch rogot, kalljidar ami soglle,
Amcho ekvott polloun thodde bou, martat ujeache inglle,
Tosle inglle amcher poddonam, punn uddon vetat zaun kanvlle.

Oxem mhunnot sezarche dog bhau, khuxeal aslo tancho sobau,
Eka mekacho korit sambau, hem polloun kurnatteank poddlet zau,
Bhavancho mozbut ekvottacho, ganvank zalolo bobau,
Tancho ekvott toddchea pasot tanchea monan rigoilo dubau,

Dhaktea bhavan vhoddlea bhavak sanglem, gharache koria vantte,
Vhodlea bhavan vhodlo vantto maglo, vantteani poddle kantte,
Dogui, dogam advogadank meulet, axek fut'tokoch fantte,
Dogui advogad khoxen murgottlet, pageran poddlet mhunn xeutte.

Dogui advogad ixtt ghuttache, dogui duddvamche axeche,
Pagern poddtoch xeutte taje, nagounk te sodtat poixe bhavanche,
Eklo advogad vhodle bhavak sangta, donui vantte anv ditolom tuje,
Chitt hi voron dusre advogadak dhi, vande koria tujea bhavache.

Ohhh vhoddlo bhav aplea ixttak meuta, sang ixtta kitem koria,
Ixtt tancho tanchem karbar chinta, chitt ugtti korun vachia,
Chitt ugti kortoch tankam gomta, magir uchamboll chintnacho doria
Chittir boroilam hea dog bokdde meuleat, tancheo katti ami kaddia,

Oxem zait mhunn dogui bhav nokot, zogddonk sodi lokot lokot
Bhavponn tachem vetem aslem sukot, punn dolle ugtte zale poddtoch vokot
Lokacheam sangnneamcher pationchem nhoim, lok bhavank zaitench sangot
Thondar ulounchem, monan nhoi dorchem, bhavanchem ekuch rogot.

4.EROPKAR - Alfred Rose=AR, Luiza De Saliganv=LS, Bab Peter=BP

LS:Amchea sezreak assa ek cholo inglez xiklolo,
Eropak vochon tho saiba zala fuglolo,
Xallent vetanam tacher mozo aslolo dollo,
Antam vollkilear zap dinam saib zala voddlo

AR:Agho het melea vattentlem,sutt hem mellem kelem,
Khoimchem tum vaddeantlem,cheddum tum konnalem

LS:Avoi avoi avoi avoi avoi kitem tor eropkar,
Zaunk sodta savkar, tujea oslea savkar mojea fatlean zatat pikar.

LS:Dolleank moje pollenakai, martelim mati,
Kitem tor ho eropkar fulon ravlo xati,
Mijax tuji puro kor Rajaram xeti
Konn ti nokloi anv mojea bapachi beti

AR: Agho chol go konnui tum zanv, konnachi bixead nam
Ganvti cheddvamchi anv porva nam korinam,
LS: Puro puro puro puro eropkar tum voddlo
AR: are va
LS: Gorea choleank bullo,
AR: Lagim yeta
LS: Sang tor maka kiteak tannim Goeam tuka dadlo
Dialouge.....
AR:Hem Goem daddlo? polle tum maka vochonk dita vo nam
LS:Nam dinvchem nam
AR:Dinvchem nam? kitem kortelem
LS:Kitem kortelim, Bapak apoitelim
AR:Apoi pollumya
LS: bapa bapa

BP: konn, kitem zalem, konn rajaram eropkar arey tum kit sozmola
tum magel choliek lognachem utor dita ani eropak veta
Tum kit vhoddlo zal mhunn sozmola re
Hem kashmircho coat and kalsanv galun kit sozmot tum

AR: Hi tugeli choli kaka, punn tuje bhaxen disonam
BP: Mojea bhaxen disonam ?
AR:Matho tori disonam
BP:ti tagel ayi bhaxen zalea
AR: Ayi bhaxen zalea?, Moji chuk zali
BP:Chuk zal mhunnta
BP:tumgel prem zomtolo mugo atam
LS: voi bapa
Sarkem zal mugo
LS: voi bapa
Votam ham.....Hamm

LS:Prem tugelo kortalim anv xallent astanam,
Kalliz mojem roddlem tum eropak vetanam,
AR:Prem magelo kortalem mhunn maka gomlemnam,
LS:Dekhun mista athant mojea ghatlelim kanknnam

AR:Agho kanknnam tim funkeachim nhoim khorea premachim,
Bhailean bhangarachim, bitorlean rupeachim,
LS:Sambau tuka marin chora, divlant voron vegim, Parmeshwarak sangin,
AR:Divlant vortai borench zalem, korunk lauya lagin,
Both: korunk lauya lagin, korunk lauya lagin.

5.EVERGREEN HERO - Alfred Rose=AR, Rita Rose:RR

RR:Oh Ching ching ching ching korun anv nachtam,
Paiank paizonnam ghalun nachtam,
Etat titleo modi anv kortam,
Ghovak mhojea anv osoch sotaitam.

AR:Anvem lungi ghal mhunn sanglear ghalpachi nhoi,
Punjabi dress ghal mhunnlear tum ghalpachi nhoi,
Kouchechim kanknnam ghal sanglear ghalpachi nhoi,
Fashion ailea mhunn kanknnam koxim ghalun bonvta poi.

RR:Tempa pormonnem mudar zaunk zai,
AR:Ghovachem kednaim pun aikonk zai,
Kazar zatoch kanknnam ghalunk zai,
Adlea Goemchea istilink mhunnoi aag lai.

RR: Oh baba poi gharan bitor roddta, (AR: Baba roddta?)
Duddak lagon patixer zata, (AR: Patixer zata kiteak?)
Duddache dhobe tum khuim addta,
Fokot don-don soreacho battleo gheun eta.
AR:Duddache dhobe kabar zatoch shopani,
Magir dukh kaddchem poddta amchea bhurgeani,
Aplem duddh diun dis sarle adlea avoiani,
Tumven bond kelai Devan dil'li milk coloni. (RR:Kitem mhunnlem?)

RR:Mojea duddhacher pavonakai,
To piena tor kitem kor mhunntai,
AR: ohoho loloi Sogllo vell kudduch nettounk bonvtai,
Babak duddh diunk khuimcho vell meutolo bai.

RR:Kazara adim boro aslo,
Mojeo koddi tum kaddi naslo,
Sigretti-Soro pienaslo,
Khuim san tum zalai adim tum sant aslo,
AR: Adim tumvuim aslem bai bhagivont koxem,
Antam antkulleo kaddun distai chinese koxem,
Adim lamb kens aslet,disoi moriadichem,
Antam ath tastai paimm tasta zalam burxem.

RR:Soglleo bailo saloonan vetat,
Bleaching, waxing mhunntat tem kortat,
AR: Haamm bhurgim punn matrim koxim choltat,
Ami daddle kiteli zantte zaum, evergreen hero distat.

1.FAMILICHO EKVOTT Alfred Rose  

Disan dis sonvsar ho bodollta, sudorta, fankarta,
Toxech munxeachem ginean vaddta, chintop vaddta, fuddar choddta,
Sonvsarchem sudarop polloun, zantte amche, chodd ojeapta,
Torui astanam sovostkai nam, sonvsar ho aiz abzouta.

Adlea tempar naslelim gharam, naslim him vhodlim vhodlim xaram,
Purvoz vaur kori gheun poram, khuxeal sarit voram,
Tea tempar tankam xikop naslem, chintop aslem, ginean aslem,
Hea tempar amkam asson soglem, jivit ami sartanv koslem?

Adim bhurgim lahn toxim vhoddlim, malis kitem noko aslim,
Antamchim bhurgim poi eddexim bhurgechponnim soglench xiklim,
Adim avoichea dudha bogor, dusrem dudh tim pienaslim,
Antam avoichem tem dudh naka, dhobeachem dudh pionk xiklim.

Adim avoi astali gharan, bhurgeank ti vaddoitali mogan,
Atam avoi assta offisan, bhurgim dusreache gharan,
Bhurgeank ghara daracho mog nam, avoi bapaichi porvanam,
Dongraileam zaddam porim vaddtat, avoicho moipass nastanam

Eok put avoicher ingrat zait tor, avoi dukham golloitali,
Dudhan puta tuka vaddoila, voi sambaulla ti mhunntali,
Dis ani rath hea kandar marun, tujem vaitt kaddlam mhunn xinntali,
Mojea koixttancho inam puta tujem ingrattpon mhunn roddtali.

Antamchea avoiank oxench ghoddot, tanche tondak tallem zatelem,
Tanchim bhurgim uloitat titlem, tannim sonschem poddtelem,
Margaiek lagon avoiani, team sirvissank, vechem poddta,
Dekhun aiz familicho ekvott, dis an dis unno zata.

La la la la la la la la la la la la

2.FOLDORAI - Alfred Rose 

Dissandis margai, choddon, sukh-sontoss gelo buddon,
Torui Foldorai am'chi veta vaddon,
Kitle zann bekar uron, churchure  diss kaddtat roddon,
Zoddleli zodd gheli mhunn khotten bhoron,

Zoddtannam konnank pollenanv,
Soiream daireank lekinanv,
Vhoddponnan choltanv, Konnachench aikonanv,
Moddtanam matui chintinanv, fudarak nodor marinanv,
Thoddoch teomp vol'len nhoi supan ami dhoronanv
Derepent bekar amim zatoch, soglleach vattanim fottovtanv,
Tednam chintnanim guspotton ulastanv.

Ozaranim tum zoddtai, chintinastannam moddtai,
Gorje bhaileo ixtta khospayeo kortai,
Don diss vhoddponan choltai, tisrea dissa rinnan bhuddtai,
Pun tem rinn farik korun tum visortai,

Duent zatoch kitem kortoloi,
Tednam chintunk poddtoloi,
Adar nam zatoch dukhanim roddtoloi,
Voizager vochonk chin-toloi, pun chintnanich fostoloi,
Upai nam zatoch, sonvsarak tum xirabtoloi,
Duddu tuka konn patieunchonam , konn pavot mhunn axea aschinam
chintnam pavot, pun ath tuje pavchenam.

Ath paim tuje assosor, fuddarak samballun dovor,
Kitem kortoloi ath-paim mottve zait tor,
Khospayeank tum pois dovor, poileo gorjecheoch vostu kor,
khospayeank bulon, fuddarar ghalxi visor,

Atanch samballun dovorxi,
Fuddarak Khuxeal zaxi,
Ixtta mojea sodanch rinnam mekllo urxi,
Dignidad tuji samballxi, abru- manui tum zoddxi,
Punn im'tto zaxi, Devachi khast magon ghexi,
Im'tto  ixtta kedinch zauncho nhoi, upaxim ravon benkam bhorchim nhoi,
Tech porim choddui foldorai  korchi nhoi.

3.FOLL GOEMCHE MATIECHEM Alfred Rose

Neketram modem neketr porzollachem,
Sonvsarak dakoita mannik mhunn Indiechem,
Padr Agnela porim uzvaddachem,
Vhoddponn dakoita Goa Xarachem,
Kortalo mol munxeachea Otmeachem,
Fankraitalo utor Jezu Christachem,
Somestank dakoilem, kallzidarponn apnnachem,
Voi tem ek foll amche Goemche matichem

Indiek tosoch Ceilanvak assa tacho avaz,
Kalljidar, teach porim toklen to aslo uxear,
Sonvsarachea chearui konnxean assa tacho ghaz,
Voi Voi toch to Veneravel Padr Jose Vaz.

Amchea Goa maim dhesant zolmolo,
Ponchvis vorsamcho astanam Padri zalo,
Kanara mhunntat thuimsor pattoilo,
Thuim Oratoriani Padrincho zomo ghoddlo,
Thuim than Ceilanvank vochonk bhair sorlo,
Eka durboll vavreadeacho bheos ghetlo,
Serkar Ceilanvancho khoroch ek khampero,
Thuimsor Christanvak persigir kortalo.

Ceylonak vavurlo porva korinastanam,
Pulisek dislona tancheach fudden astanam,
Bhavart jivo kelo jivak bienastanam,
Bhoktiponnan somplo Ceilavank astanam.

Somplo dekun ek bhagivont padri,
Sabar ganvantleo eunk lagleot romari,
Kori dekun jinsamvar milagri,
Romak hi khobor pattoili rokdi,
Punn vodilamchi zali na khatri,
Dekun hi khobor apxinch pondak dampli,
Tachea milagrinchi fank zatokoch ogli,
Oddezxim vorsanim ti porot ustoli.

Eka bhoktivontak sant mhunn porgott'tolet tor
Don vhodleam milgrinchi goroz vortouta vhodd
Soth mhunn koutoch ditat Santiponnacho valor
Dhonia oslem vhoddponn Padr Jose Vaz ak favo kor

4.FOOTBALL-ACHO KHEV - Alfred Rose 

Sogllech vatten amcher eta dukov,
Fuddar Goemkarancho zata mista pokov,
Ghott zanvche suater, frak zata jivitacho sankov,
Jivit amchem zalam eok footballacho khev.

Bomboi aileanv ami ghor-dar amchem soddun,
Kitle bhav pois gelet, fuddar aplo korunk,
Bahrain, Kuwait, Arabiak gelet zoddunk,
Tankaim to serkar khoim porte dita daddun.

Bomboi mellonasli dekun sirvis,
Porkea ganvan gelet, familik ghalunk niss,
Thonddien gormen sirvis keli kaddun marekar diss,
Goeam gharam bandlim zatelet mhunn feliz.

Thoimsor than Bomboi eun te kortelet kitem?
Disandis margaien bolos zata ritem,
Torui amim jietanv, khorpun amchem matem,
Urtaum mista douvunk, don fatranchem dantem.

Bomboi aslo tednam Ingelez serkar,
Anglo Indiank sirviso mellot sabar,
Nanvam boldun, Anglo Indian zaleat thodde Goemkar,
Punn atam diss tancher aileat chodd marekar.

Nanvank lagon tor amkam sirviss mellonam,
Pottak lagon amkam anik dusro upainam,
Nanvam boldunchim poddot tor kainch porvanam,
Amcho dhorom mat kednanch boldunk favonam.

5.FOTTOUN GELEMAlfred Rose (love story tune)

Dukham sanvronam,
Nirmoll kallzak ghavo zala to pekonam,
Tuje osoli Devi dusri mevchinam,
Rochnnaran kazar kiteak favo kelemnam, vhoi kelemnam.
Anstem rup tujem,nialltoch kallzak pet'ta akttem ujeachem,
Tunch mozo fuddar dissoi neketr Sorginchem,
Sozmotalom tunch mhunn amrut jivitachem.
Khuimsor gelem, khuimsor gelem,
Kazarachea dissa, aksident zaun, choddfoddeanim melem,
Kallzak balo topun gelem, kalliz toddun velem,
Zogllaunnem koxem, jivitan ailem,
Ekach minutan, tum nattak zalem, fottoun gelem.

Pisso zalam anv, chintunk naslelea mornan giraslem tuka,
Kazarachea dissa, tunvem fottoiloi maka,
Makai vor, sonvsaran anink dovrinaka, tunch vor maka.

6.FUDDARACHO KUNVOR - Rita Rose

Ahhhh ahhhhh ahhhhh ahhhhhh

Sodanch amger tum etaloi,
Moje kuxik eun bostaloi,
Kannio sangtaloi, khuxeal dovortaloi,
Kazar zatam mhunn sangtaloi,
Sodanch present addun ditaloi,
Gulfak tum gheloi, chitti borounk visorloi.

Disak ek punn chitt boroitolo, mhunn geloloi sangon,
Punn kitem ghoddlem tum gulfak pavon,
Thuimchem jevonn tuka ruchonam,gelai mista bavon,
Moje vengen moga he tum danvon.

Rpt....Sodanch amger tum etaloi....

Dusro ganv pochonam tor, Goeam eunk toyari kor,
Tukach anv ravtam, tunch mozo amor,
Tujexim eunk zal'lem tor, antanch uddon etim zaun eok mor,
Tunch mozo kunvor, fuddaracho kunvor.

Bori sirvis soddun ghel'loi mhunn, tum sintid zaunaka,
Tum porot he pattim soronaka,
Lokache lojen tum mortoloi, oxem chintinaka
Anv asam tum konnak bienaka.

Rpt....Sodanch amger tum etaloi....

7.FUDDARCHE DIVE - Engelbert Rose   

Anv eok bhurgo lhan, aiz asam tumche modem,
Tumchea dhiran kantar korunk sorlam fuddem,
Tumchea forsan, aiz pasun tandttam mojem voddem,
Toxench iskolan xikop kortam borem.

Tiatranim nachtam, punn mojem xikop soddchonam,
Adar diteleancher kednanch bodmas zaunchonam,
Tumchea fuddean kednanch xati fuloun ravchonam,
Tumchi xabaski visorchonam.

Mogall bhurgeanim, iskolan Inglez xikat,
Tumchea gharanim, konkani bhaxek rakat,
Da zannam modem konknni ulounk lozonakat,
Anim Goa Maimcher ingrat zaunakat.

Tallo asa tannam konknnin kantar korunk zai,
Borounk eta tannim, konknnim boroup korunk zai,
Ulounk eta tannam, konknnim uloup korunk zai,
Oxe Goemche put mhunn dakounk zai.

Amim bhurge khorech fuddarche diye,
Amcheruch asa, atam soglleanche doye,
Dusreachem aikon gineanank marchenhoim khiye,
Amche Maimchea kallzak ghalchenhoim ghaye.

Tumchea fuddean ravon tumcho upkar attoitam,
Anste tumche rupkar, mojea kallzan kantoitam,
Utranchi sozmonnim kaddteleat mhunn sozmotam,

Anim kantar mojem sompoitam.

Updated 26th June 2019

Monday, March 26, 2012

Songs of Luis Martins

01. MOGACHEM MARI - Luis Martins (LM) & Lourdes Colaco (LC)

LC:Kitlo sobit pollounk dista ho sonvsar zaka nettoila sabar ronganim,
Suria chondrim kupam neketram ontrollar tanche sangtan jietat ami,
LM:Tanche von vhodd moladik vost asa mojea kallzan ani ti tunch sangatin moji
Diamantik ani bhangar kitlem porean dilear tunch maka zai mojea mogachem mari.

Both: Devan rochleleo heo rochneo ami,
Survatak sonvsarant doxim aslim,
Estolan bandun padrin ekttaim kelim,
Antam ami sasnachea sasnak ek zalim.

LC:Pormollit fullam ful'lelim assat baginim kai borim mog kortat ekamekacho,
Ani ti vareavoili mozath sukh bogtat ontrollar, tosoch varean sogott ekvott tancho
LM:Tankam kuxin dovrun mari matxe yeo aro, tum pormoll vortouta mojea jivacho,
Sukhan dukhan astolom tujea sangatan choll pettonvya divo jivitacho.

Sodanch sangtan bonvtelim ami,
Kuxin sorchimnam eka porvota porim,
Goddiek denvchar gallunk ailear tallnim
Dusream porim zanvchim nhoim ami pixim.

LC:Kaiborim zaddam ani follam ditam amkam sukh toxech tea porvotamcher aslole rukh
Dongran zonvaram ani nusteam somdirant bhagoita amchea pottachi tan buk
LM:Kitlim dadoxim astolim ami sonvsarant Mari zori korinam zalear kosli chukh
Ekvottak mhunntele amche sukhacho ghorabo, bhurgim zatelim mukutt

Rochnara kurpechem di amkam boll,
Ekvott amcho zaunk diunka poll,
Tumch favo kor amkam koxtamchem foll,
Sonvsarant aschem nam dukhachem moll.
02. KUPANTLO CHONDRIM - Luis Martins &; Agnes Artunes AA

AA: Rat vortouta modianichi, ontroll petla neketranim
LM; Kallzam assat amchim dukhim, zatat dekun doxim

AA:Kitem mojem zatelem moga
Tuje vinnem sonvsar naka,
Sukh mojem tujer assa, tujea sangatan vor maka

AA: Koxim poddlim dogaim,iskol xinktanana sangatan
LM: Fatlean bonvon amcho dusman doxim kelim nettan

LM: Soput diun tukam sangtam moro porian kedinch soddchonam
Fuddar amcho surgar kortam
Sukhan tuzo sangath zoddtam

AA: Ath zoddun assa tujim, dolle bhorleat dukhanim
LM: Dogaim ektaim zatelim, dhonia aik amchim magnim

LM: Adeus sorgimchea neketra, ani mojea fuddarachea sukha
AA: Chondrim kupantlo bhair sorta, toch khobor ditolo tuka

Both: Adeus sorgimchea neketra ani mojea fuddarachea sukha
Chondrim kupantlo bhair sorta, toch khobor ditolo tuka

la la la la la la, la la la la

03. ANVDDE - Luis Martins (LM) & Lourdes Colaco (LC)


LM: Rathchi rath nid poddonam chintun tujem,
Dolleam mukhar disson yeta tujem rupnnem
AF:Ontrolla chondrim xivraita sobit chandnem
Utram aikon uchamboll zalam kallizmojem

Kiteak mhunnon sonvsar korta amkam doxi
Devak naka chintnam purim korunk amchim,
AF:Mogar amchea dusman zalim soglim gorchim
Punn goddchemnam kallzam korunk veglim amchim

LM:Dukhi ho sogllo sonvsar tum nastanam
Mogar amchea ghorchim uprastat hi tufanam,
AF:Neketram tim bikbiktat punn bienam,
Nirmoll mog kor Dev amkam kedinch visorchonam

LM:Kallim kupam koddsortelim amche velim,
Tujea xivai kalllzak mojea konn na anik
AF:Moro porian tujeach kuxik anv astelim
Dhonia veginch ektaim kallzam axelelim
Dhonia veginch ektaim kallzam axelelim
Dhonia veginch ektaim kallzam axelelim
updated 26/3/2012

Friday, March 23, 2012

Remmie Colaco



Remmie Colaco, senior tiatrist passed away today in hospital in Goa.
Here are the lyrics of the song 'GOEMKAR' a song which has message for
all Goemkars!

GOEMKAR - Remmie Colaco
This song was sung for the tiatr "Gharachem Sukh"

Ami Goemkar uxear mhunn amkam sonvsar vakanddta,
We Goans are smart and that is why the world envys us
Amchem ganvchem nanv ghetoch bhailo lok chodd sontosta,
When they take the name of our state, people outside are happy
Ami Goemkar fidalg mhunn amchi voddvik uloita,
We Goans are FIDALG,
Amchem fidalgponn polloun amkam bailo lok fottoita,
Seeing our fidagponn outsiders cheat us

Margao Ponnje Mhapsa Vasku ganvani,
In cities of Margao Panjim Mapuca Vasco
Biznessachem markit assat bhavani,
Brothers there is a business market
Tachi podh gheunk chintlam keralkarani,
Keralites have tried to take charge of this
Aiz Vasku cho markit sampddailo tanni.
Today Vasco Market is captured by them
Amchem kitem zait konn zanam, ami fuddar chintinam,
We dont know what will happen of us, we dont think of future
Duddu amche lagim ason ami business korinam,
We have money but we dont go for business
Amkam serkar loan dita thovui ami kaddinam,
Our Govt. gives us loan but that also we dont make use,
Ami biznessak vavronam dekun voir ami soronam,
We dont work for business and hence we dont come up
Ami BA Bcom xinkon zale vhoddle,
We grew up learning BA Bcom
Punn technikal kors korunk visorle,
But we forgot to do technical courses
Dekun bhaile enginer antam Goeam pavle,
Thats why the Engineers from other states reached Goa
Ani nizache Goemkar bekar urle/poddle.
And real Goans were left jobless
Ami Goemkar mhunnonk nanv punn ganvchem chintinanv,
We have pride in our name but we dont think of our state
Focot politics kortanv jednam asta tednam elissanv,
We only take part in politics when there are elections
Nodor marun poinam kosso cholta tho amcho ganv,
We do not see how our state is moving on
Hindu tori xanni punn nhoim ami Christanv
Hinuds are smart but not we Christians.
Ek dis marekar temp tho yetolo,
A day will come when things will be terrible
Niz Goemkarancho pavor denvtolo,
True Goans will have no power
Bhailo lok Goa ganv aplo mhunntolo,
People from other states will say Goa is ours
Goemcho chif ministr keralite zatolo,
Goa's chief Minster will be a Keralite
Tedna mojea utramcho ugddass yetolo,
That time you will remember my words.


Born on 19th September 1925, Remmie Colaco enriched the tiatr stage not only by script writing, directing, acting, singing in tiatrs but he has also designed and executed stage setting in the tiatrs produced by him.

Remmie Colaco hails from Bepquegal, Curchorem Goa. He did his primary education in Konkani at the local church school where he also studied music under the guidance of Maestro Diago Rodrigues. This 87 years old versatile actor first started acting when he joined the Jolly Boys Groupe of Sewree who staged their drama ‘Bhagintlo Mog’ where he played the role of a female. He was spotted by Edward Almeida from Dobitalao, a famous tiatrist then. His career began when he was picked up by C.Alvares, J.P.Souzalin, Minguel Rod, Jacinto Vaz, Dioginho D’Melo, John Claro, M.Boyer and others.

As there were no female artistes then, Remmie Colaco used to play the lead roles of a female. Later on he himself started writing and directing his own plays. He has written and directed many tiatrs which have been well appreciated by the tiatr lovers. Some of the popular tiatrs written and directed by him are ‘Satvo Sacrament’, ‘Sukh Tarvotteanchem’, ‘Bhavponnacho Kaido’, ‘Chouto Mandament’, ‘Atam Konn Sukhi’, ‘Don Kallzam’, ‘Kiteak Upkarlem’, ‘Ghorachem Sukh’, ‘Mhozo Kunhead’ and ‘Ostoreancho Mog’.

Some of the tiatrs in which Remmie Colaco has excelled in various roles are ‘Bhagintlo Mog’, ‘Chintna Zalim Sopna’, ‘Kedna Udetolo to Dis’, ‘Saibinicheo Sat Dukhi’, ‘Ekuch Rosto’, ‘Utt Goenkara’ etc.

He was a good singer on the tiatr stage having sung songs in all above mentioned tiatrs besides showcasing his acting talent. He was better known for his songs on moral values. His most famous song ‘Ankvar Moriechem Dukh’ was selected as the best Konkani song at the All India Radio during the Portuguese era.

Remmie Colaco also sung on gramophone records (HMV) some of which are ‘Ankvar Moriechem Dukh’, ‘Maisun’, ‘Borim Follam’, ‘Bhav-Bhav’ and ‘Mog Utor Apurbaiechem’. He also produced an audio cassette namely ‘Ghorachem Sukh’.

He staged his tiatrs in East Africa and in the Gulf countries too. He won many awards for his contribution towards the upliftment of the Konkani language. The Goa Konkani Academy has published two of his plays ‘Ghorachem Sukh’ and ‘Atancho Temp’.

Remmie Colaco was conferred with the following awards:-
·He was felicitated by the Konkani Weekly Cine Times and Konkani Monthly Gulab.
· He was conferred with Goa State Cultural Award in 1991.
· He was also the recipient of the prestigious Dalgado Puroskar by Dalgado Konknni Akademi.
·He was conferred with Lifetime Contribution to Tiatr Stage Award in the year 2010 by Tiatr Academy of Goa.

Our condolences to the family and May his soul rest in Peace