Thursday, June 25, 2009

Songs of Jr. Rod



CHEDDUM by Jr Rod

Tum ankvar astanam cheddva, Tujem bangarachem rup,
Tujea ankvarponnank respet man sogott valor ditat khup
Galerint boson tum tanddu vinchtai tujea hatan dorrun sup,
Cheddva sogleank tuji chodd goroz, gharant bakreank launk tup;

Maim paichea gharant tum, astanam tujea jivak tras ghetai,
Sokalim uton poilem tum sarkem kuznant bhitor vetai,
Udok borrun, basnnam ghansun, sogleamk chau korrun ditai,
Tunvem tupan keloleo bakreo khaun, sogott khuxeal borit zatai.

Gharantlo vaur korta mhon tuka ghorchim lagtat mandunk,
Tunvem randlolem jevon jeunk tuka Mai-Pai lagta vankandddunk,
Hem soglem cheddva tum xinkon rautai, mukhar fuddar aplo tandddunk,
Tum kednach upaxim podchemnam, kiteak tum xit koddi zannam randdunk;

Somazant poiat kitem ghoddta, toddim chedvam zalear roddtta,
Ghorabeant cheddum ek zolmot tor, poiat koslo uzvadd haddta,
Ghorantli safai sufai korrunk, bhanvamcho ropui dhumcho poddta,
Mai-Pai bhavank kitlo adhar ,tancho tum kitlo kastig kaddta.

Tujea kuddichea sanddeak kitli dukh tuka susego nam go il’lo,
Tunvem kelole upkar maim-Paik bhavank kallzant rigon urlo,
Cheddva Sonvsarant tunvem zolom gheun, zaitoch tempo kuznant sarlo,
Gharachi sirvis kitli kortai tum favo tuka bhangaracho bil’lo

Voitai thoim abru zoddtai, urlolem magta deva thaim,
Noxibant kazar zaiet tor, don kallzam zata ektai,
Tuzo tum sonsvsar korrunk chintai, rokddich zaun burgeamchi maim
Cheddum mhonche dovlot dadospon, dadleak bangarachi baim.


GOENCHE PUT - Jr. Rod


Munxeachem jivit hea sonvsaran nial'lear
Kelelem tujem urta sonvsar soddun gelear
Vavr soglo disson ieta, sonvsaran tum zalear-melear
Sogleank amkam vachunk mevta khobor potrancher dilear

Chorus
Konnem tuka zolm dila, konn tuka voir kaddunk vavurla
Boroinar-Director mhunn palkar inam vela
Porjen tuka famad kela, dekun London, Gulfak gela
Potrancher vachtoch kovta tum kednam tiatrist zala

Jivit tiatristanchem aiz potrancher tannem haddlem
Konn poilo tiatrist, koxem nanv tannem zoddlem
Potrancher dakoll kelem, tiatristank nanv kedem vhoddlem
Tujea lagim handbill, block nam tem tannim sodun kaddlem

Chorus
Tiatristancho ugddas kelo, Goenkar khorench gineanan xannim
Herald magazinacher fottu ghalun borovp boroilem aiz tannim
Vhodd tankam xebaski favo, borovp kelem aplea hathanim
Chodd korun John Claro, John Kokoi Gomes Goenchea putanim

Semprak tannem nanv dovorlem borea xetachi kaddun pik
Paper-ak tea rong haddla massalo ghalun ambott-tik
Tiatristancho valor dakoila, partik tosso zanv tache artik
Tannem boroilam tem vachtoch kovta borovp mhunn moladik

Chorus
Fr. Anton, Fr. Freddy, Fr. Alvito borem borovpi
Vachpam tanchim vachlear kovta te dis rat pen zorovpi
Veronica, Tomazinho Cardoz, Konknni passot rogot varovpi
Jivit amchem potrancher haddlem assat dekun borovpi.

Lyrics courtesy: Domnic Fernandes

KID-YOUNG-ROD - Jr. Rod
Kid-Young-Rod mhuttlear adim gaztalem nanv
Tanchim kantaram aikonk lok marun ietalo dhanv
Mozo pai sonvsar soddun gelo mhunn bhogtam fugasanv
Aiz tacho ugddas korunk tacho ek vers chorus mhunntam hanv

Bhoinnim zobor mhaka bhogta dukh
Disandis vaddta mhunn dothinche rukh
Itleim tum ibaddit voitai tujem sukh
Punn hantun nam gho tuji koslich chukh

Te dothik lagon tum dukhan navta,
Chintun tuzo fuddar ful koxem bavta,
Ti doth punzavnk tum sirvisek ravta,
Thoddim ankvarponnar maimyeo zavnk pavta

Mojea paiche khambe kantaram mhunnpi Kid-Young zoddidar,
Te kantarancho dunvor kori soddlelea porim far,
Young-hachea fast kantarank xebaski ditalet Goenkar,
Atam aikat Young koxem korta poi tem kantar.

Mhaka tuka, tuka mhaka soglleank amkam thoddo teomp ravpachem,
Devan soglleank amkam ginean dilam bore baxen uzar kelear borem sukh gavpachem,
Varear bonvchea ganzilanchem kam bhavanim fokot eka-teka kunsam lavpachem,
Ganvan bore baxen ravot ani bore baxen cholot, ganvan sogllem borem zavpachem

Neich ghoddun haddlea kannim, ghoiruman bhosla tho vannim,

moskar uddki marun fulam chinvun ros pita chani
Adim Black Line puddo dhanim, atam zalo cheallisanim,
hi khobor soglle zannam Delhik noko asli rannim
This world is very funny tell me why you’re laughing sonny,
adim hanv uddean cheese khatalom, atam chopati with honey
Thoddeach tempan Goyeam fuim bond zavpachi fenni,
fenni bond kelear rendrank pensanv dilear puro tennim
Amerikak tirip martam, vhoddlem rocket magon haddtam,
soglleam rendrank tentun bhortam magir chondriman voir roitam
Tentun kavote kirlavn kaddtam, magir bhattieo chalu kortam,
Goyeam soro bond zait tumkam zavo titlo daddtam

Khorench Young Menezes-ak azunui favo vhodd maan
Tannem fast kantaram mhunnon dakoilem tiatristank
Tosoch Kid Boxer oparinchea kantaranim azun asa tann
Dekun Kiddacheo opari atam aikat sintidan

Mim kevrila ala vota Goela, kai fine zaga mure dhandela
Thonddu dukhachi mannsa bogaila, ar’re xethkari gaborte bhattkarla
Va very good night, bhattkar light, xethkari xeth korun raddtta mhunnche kai re, atam tras dite vaitt, atam tumich boga saib, dita bolun pian vazta savkarachi wife

Mi Goela dete vote maddachi, avxila bore mhunntat kazunchi
Bomboila gete vote dobbeachi, punn baiko bolte guttan iete tonddachi
Hadnaim fuk, baiko marte bukh, jasti zali tor ti sangte bhair zavn zop
Ar re darucha rop, mhunnchem jivitacha fog, mister telling to drink me komblleacho sop


Lyrics courtesy: Domnic Fernandes

TIATRISTJR. Rod
Adlea tempar zaite Goemkar bhav tiatrist zale,
Tennim temchea tempar stejicher zaitech Tiatr kele,
Tanchea borea vavrak porjen addun stejir inam dile,
Tantle azun thodd assat pun thodde ho sonvsar soddun gele.

Tantlo ek mozo pai amkam sou zannak sandun gelo,
Ami lahnuch astanam amkam gomoi nastanam kallzak hea doko dilo,
Palkacher pai tumven bar gheun vavr kelo,
Punn putachea sangatak palkacher nachonk pai re tum nam zalo.

Mojea paichea phatlean kitle tiatrist bhav gele moron,
Punn tannem boro vavr dakhoilo ek-ek palkacher voir soron
Tencho ugddas kelear aiz dolleanim dukham yeta bhoron
Dhonia borea ostadank tumven tujexim dovorleat voron.

E.Almeida, Miss Julie, Alexin de candolim,
Andrew, Jao Inas Miss Marekin him tin tikam kosslon gelim,
Effie, Champion Peter, Cecilia him nanch zalim,
Anthony Mendes, Anthony Desa him tikam tumven velim.

He melet khore pun tanchem akhea sonvsarak gazta nanv,
Tencho ugddas korun roddtat lok Goemcho tosoch bhailo ganv,
Punn 1978 vorsak san chodd dukhi zalom anv,
Nimnno Sonvsar Sudorlo Tiatr nachon melo mhunn Souza Ferrao.

Ugddass korit tor tancho  amkam niallun yetat ubau,
Bore partist mele ho sonvsar soddun gele mhun roddo  kitle Goemkar bhav,
Radio-potram bob mari, kallzak ghalun gelet mhunn ghav,
Ami poddleat zanvak Dhonia tiatrist bhavank sorgimchem sukh kor tum fav.

PUT GOEAM NAIM - Jr. Rod

Adim khuxeal asle ami sogott Goemkar,
Punn antam mathear gheun ami bonvtam chintnamcho bhar,
Kai borem goemkaranim bhorlelem amchem goa xar,
Punn atam Goemkar unnem zaun bhorleat keralkar.

Oh maim oh moje maim,
Ho vinchar aiz anv kortam tuje thaim,
Kiteak keralan bhorun dovorlea ghe Goemchi baim,
Tujea gopant aslele put kiteak Goeam naim.


Tujea khas putank maim tumvenuch tople bale,
Teach pasot kitle put goem soddun bhair gele,
Tuje putank gopant dhorche boldeak keralank tunvem lagim kele,
Kiteak ghe maim tujea putank dusreank dile.

Oh maim, putank tunvem vinkun,
Ani Goem kiteak bhorleat ghe bikunn,
Tujea khas putancher tujeach athin ghalun unn,
Tuje put astanam tum baileank khavoita chun.


Kitle put maim tuje bhailea ganvant tras kaddta,
Ti sirvis korun kitlech duddu zoddta,
Aplea zoddichea khustar Goem euchea vellar zaito vepar gheun addata,
Punn customar pautoch putamchem padd poddta.

Oh maim kosloi upai kadd,
customache munis motteach zaleat nadd,
Baile ganvant assa tea putank begin Goeam add,

Ani anda tanda pani Kerlache keralak dhadd

KUDDI BHOINN' sung by Jr. Rod and Felcy  Lyrics: Rom Tony

Bhavartacher cholo sonsot Goenchi,
Amkam bhirant asli khorench amchea paichi,
Tache kurpen cholo sonsot Goa mainchi,
Atam portem zalam nodor marun poixi,
Lok denvla vatt mellon noinchi,
Krimeo, chorieo sonsot korta khuimchi,
Rogtan bhorlea mathi amchea Goenchi,
Dekun khobor sangtat poi aikat Margaonchi.

Ch
Adlea tempar Rochnar Bapak bhie,
Bhavart, bhorvanso, mog tin vostuncher jie,
Atam urpottem zalam nodor marun poie,
Soirim, pai, bhoinn-bhav konnank patie naie,
Pattim ek khobor aikon kallzak poddtat gaie,
Eka bhavan aple bhoinninche kaddlet doie.....X2}

Devan munxeak dolle dileat povpak,
Nak ungonk, tond dilam jevpak,
Mog kela fuddar boro ievpak,
Bhavacho kaido bhoinninchea boreak pavpak,
Tim poir aslelim khuim kazar zavpak,
Techo novro khuim ietalo teka mevpak,
Hem bhav-uniechean zainam zalem povpak,
Tim toiear zalim novreacho jiv gevpak.

Ch
Hi khobor vokol ghevn novreager geli,
Taka marcho plan assa mhunn khobor dhili,
Hi khobor sangtannam bhav-unien aikoli,
Bhavan khuslavn aple bhoinnink ghora veli,
Ragan dollean ghalun khuim loknnanchi bhali,
Ani dolle kaddun bhoinnink kuddi keli..............x2}

Margao hospitalan ghaltoch teka,
Dotor mhunno khustar dissonk ieka,
Lok ailolo roddo poitoch tuka,
Mhunno ‘dusmanank passun hem nirminaka',
Novro roddo mhunnon ‘mojea suka,
Bhavan kuddem kelem lagon mhaka',
Atam kuddeak tum novrea sanddinaka,
Vaitt boro fuddar tumcho raka.

Ch
Bhoinn hospitalan roddo oxi,
Mhunnon ‘bhava tuvem keli re tuji khoxi,
Atam kuddem korun zaloi tum dhadoxi,
Kednaim rag nivllon khobrek moje iexi,
Ani bhoinn mhunnon zap tum mhaka dhixi,...x2}
Bhav mhunn kuddi bhoinn tuka voikoteli koxi,....x3

KUDDI BHOINN part 2 sung by Jr. Rod and Felcy  Lyrics: Rom Tony

Nessop asson nessonam,
Mhunntta ‘nodrek dissonam',
Munxeak tallean voukota, munis zovkota,
Punn nodrek vochonam,
Ghor sanddun khuimsor assonam,
Dolleank vistichi axea nam,
Lagon mogache tainnek, azun kudde bhoinnink,
Dolleanim dissonam,

Ch
Bhavan kaddtoch dolle, bhoinninche vollvolle, kitem borem kelem,
Atam dhas poddlea ganvan, bhoinnink marli bhavan, mhunnot kuddem melem,
Tem moronk nam re kaim, tea novreache thaim, tem kazar zalem
‘Tem kuddem passun zanv, taka postolom hanv' mhunnon novrean ievjilem
Kazarak voros zavn gelem, 
Devan kuddeponn nirmilem
Familicher manddun gher, korinastannam ker
Dogainim zoit velem

Kuddem sokallim uddtta sovnk,
Utton pitt tem lagta movnk,
Chulin ghalun uzo, toiear bhakreo bazo,
Ghovak dita chav ti ghevnk,
Kamancho zatoch vogot ievnk,
Apunn ravta ievsor jevnk,
Khankean dovrun axeta ani poxeta,
Aplea tondd ghovachem povnk.

Ch
Chinelanim vochon ievn, khobor hi aileanv ghevn, ami khud poilam doiean
Kaddun mirsango, olod losunn, addaiear kant'ta churn,fatrir vantta vaiann,
Ek dis choltannam vatt, chukon zalo ghat, nisron poddlem toiean,
Doie asson gele, vistik topun vele, ho poilech pavtt kavz Goyean,
Churchure dissona doiean, munxeak voukota taiean,
Kuddeponn ditoch bhavan, bhonvonk aplea ganvan,
Vatt tem sonspota paimean.

Kazari jivit sartalem, ghovachi apurbai kortalem,
Tem assa maimponnar, kallok ghalta tonddar,
Chintun suskar soddtalem,
Bhurgeak zolman haddtalem, mhunntta ‘koxem disti poddtelem',
Porti nodor ievchinam, bhurgeak povonk mevchenam',
Mhunnon sangon roddtalem.

Chorus
Zatoch bhurgeachi maim, bhurgeak dischenam kaim, sambav korcho ghovan
‘Apunn melear moronv, dolle aslolo uronv,  ghovak aplea samballcho Devan',
Maim-put ravon bhagan, dolle kaddle ragan, ti roddta putachea nanvan
Doie kaddtolo bhav, kortin zuzon zalo sav, lok ojeapta ganvan
Juiz sentens martoch lhan, bhav chear vorsam prezavan,
Sogott lok roddta ganvan, tem sasnnanchem sentens,
Bhoinnink marlem mhunn bhavan.

Updated 29/05/2020

Tuesday, June 9, 2009

Songs of Allen Costa


Real Name: Allen Costa : Singer/Radio Announcer Akashwani Ponje Goa.
Born: 4th March 1931 Died : 8th March 2006
Pic Courtesy: JoeGoaK


ADEUS KORCHEA VELLAR - Lyrics Reginald Fernandes 
Singer: Allen Costa 

Bhalo, boslo mhojea kallzar, 
Kallzam, doxim zanvchea vellar, 
Naka dislo sogllo sonvsar, 
Moga Adeus korchea vellar 

Anik kaim ek mhoje lagim naslem, 
Othmo ani kalliz tukach dilem, 

Chintnam ubon gelim varear 
Gupit ekloch zalom fugar 
Dukam denvlim mhojea pollear 
Moga adeus korchea vellar 

Kalliz zalem mhojem tonddgar, 
Tuka dektoch dolleam mukhar 
Roddlom chintun mogacho bhar, 
Moga adeus korchea vellar, 

Mollbailem tem channem tor uloit tem 
Dakoll korta tem kitem anv bhogta tem 

Kalluk ailo mhojea dollear 
Sopon koxem dislo sonvsar 
Chintnam motin riglim sabar, 
Moga Adeus korchea vellar, 

BHIRANT DISTA - Lyrics - Allen Costa
Singers; Allen Costa n Paul Fernandes

Ubaulele suskar he soddtam varear,
Tujeach ugddasan chintna monant abzoutat sabar,
Di mhaka utor zaunk muzo fuddar,
Kor dadoxi kalliz hem, mujem jivit sarunk sukhar.

Ch
Chintinakai pois tum ravonk,
Bhirant dista tuka visronk,
Mog tuzo rautam jikonk,
Bhirant dista, tuka visronk.

Nial team disancho korun ulhastam,
Kazar mujea bogor zainam mhunnoi chollta bonvtannam,
Khoim tum zait asai, ulo anv martam,
Khonti uskeani dis he bollandun tukach rautam.....
Ch
Chintinakai pois tum ravonk,
Bhirant dista tuka visronk,
Mog tuzo rautam jikonk,
Bhirant dista, tuka visronk.


DHOVEM GHOR - Allen Costa
Ch
Dhovem ghor, mujem sal naslelem,
Ekuch dhar ani zonel moddlelem,
Toxich nam ximit, chuno matyen bandlelem,
Nam durgi, sogllem ukttem, tumkam rokddem distelem

Ghor mujem soddun, bonvtam lamb ani lamb,
Tan bukh sonsun, hat paim soddun, kaddtam muzo gam,
Jivak sambautam korun kam ani kam,
Torui ghor-dhar nialltam,kottin kaddun gam.}x2

Repeat Ch
Dhovem ghor, mujem sal naslelem,
Ekuch dhar ani zonel moddlelem,
Toxich nam ximit, chuno matyen bandlelem,
Nam durgi, sogllem ukttem, tumkam rokddem distelem

Soglle ganv bonvon deklo vhodd dobazo,
Sobit gharam, khoxeal horam,kainch chinti nezo,
Sabar noulanim, jiv khoxeal nam muzo,
Mhujem ghor mhaka sontos, nam visrunk nezo.}x2

Repeat Ch
Dhovem ghor, mujem sal naslelem,
Ekuch dhar ani zonel moddlelem,
Toxich nam ximit, chuno matyen bandlelem,
Nam durgi, sogllem ukttem, tumkam rokddem distelem}X2

EKSUREM KALLIZ MOJEM - Allen Costa 
Aslem tednam mhojea dolleam mukhar,
Sorga porim disso maka sonvsar,
Khorem tench moga anv zatam kumsar,
Tuzo mog sasnak urlo kallzar,...}x2

Eksurem hem kalliz mhojem,
Roddta tuka dis-ratrichem,
Sodanch dollear tem rupnnem tujem,
Eksurem hem kalliz mhojem,
Roddta tuka dis ratrichem,
Sodanch dollear tem rupnnem tujem,

Thoddoch teomp tum mhojea gopant aslem,
Antam sandun dolleam bhair tum gelem,
Mhojem kalliz tuvem toddun velem,
Tuzo rupkar dovrun kossoddlem. .....} x 2

Eksurem hem kalliz mhojem,
Roddta tuka dis-ratrichem,
Sodanch dolleant tem rupnnem tujem,
Eksurem hem kalliz mhojem,
Roddta tuka dis-ratrichem,
Sodanch dolleant tem rupnnem tujem.

Sundor sobau tuzo neketramcho,
Modur tallo tuzo sanvorecho,
Khudd ani othmo tukach ubavlo,
Sopnant yeun dakoi rupkar tuzo...} x2

Eksurem hem kalliz mhojem,
Roddta tuka dis-ratrichem,
Sodanch dollear tem rupnnem tujem,
Eksurem hem kalliz mhojem,
Roddta tuka dis-ratrichem,
Sodanch dollear tem rupnnem tujem.

KALLZANT URLEM - Allen Costa

Viz koxem zoklem, thuinch nam zalem,
Tambddem tem angllem, dolleat ailem
Full koxem dislem, kallzant riglem,
Amurkem hanslem, mon hem bul'lem ]x2

Viz koxem zoklem, sobit baulem,
Utor nam dilem,khuim tum gelem,
Sopon hem koslem,, dollear ailem,
Tambddem tem angllem, kallzant urlem }x2

KALANGUTCHE PRAYER - Allen Costa

Kalangutchem, Kalangutchem, Kalangutchem xitoll varem,
Urbeborit jivak amchea, dadosponn tem dita purem,
Sontos bogta, urba haddta, polloun chedde-cheddvamchem bhirem,
Lhana bhurgim toxinch zanttim-nenttim, khoxyalkaien udok nhata kharem.

Ch
Mayachea muineant thoimsor ozarani lok asta,
Ganv-Ganvcho lok mudans korunk thoimsor yeta,
Xitollkayen jiyeta, nachta, uddta, muzgui vazta,
Kongottche prayer sorgar asa so tuka dista...........]X2

Chedde-cheddvam prayer bosun, khoxechim thoim sartat voram,
Lhana bhurgim, hansun-khellun, revenchim thoim bandtatghoram,
Koutik dista, prayer futt'ta, kedim vhoddlim, doryachim lharam,
Mogan khellta, pois pois distat, tim khoxeal mog-kornaram.

Ch
Mayachea muineant thoimsor ozarani lok asta,
Ganv-Ganvcho lok mudans korunk thoimsor yeta,
Xitollkayen jiyeta, nachta, uddta, muzgui vazta,
Kongottche prayer sorgar asa so tuka dista...........]X2
Kongottche prayer sorgar asa so tuka dista

MANDOVICHE DEGER - Allen Costa 

Eksuro bosun te deger, 
Mandoviche Nodicher, 
Rautam nodor ghalunk tujer, 
Vissor poddonam monacher.....}x2 

Ai, Ai, Ai, Ai, Ai, Ai, 
Ai, Ai, Ai, Ai, Ai, Ai, 

Tea disa dekhtoch anvem tuka, 
Kallzak ghantt poddli mujea, 
Kinarer bosun sang anjea, 
Rautalem tum zalear maka....}x2 

Ai, Ai, Ai, Ai, Ai, Ai, 
Ai, Ai, Ai, Ai, Ai, Ai, 

Soimbacher passun anv zuzlom, 
Borvanxean anv sodanch raulom, 
Utrak tujea anv axetalom, 
Suskaruch soddunk urlom....}2 

Ai, Ai, Ai, Ai, Ai, Ai, 
Ai, Ai, Ai, Ai, Ai, Ai, 

Xitoll sundor tuje dolle, 
Kallzak hea bulloitale, 
Chandnea porim lipon raule, 
Anik nam kedinch dekle....}x2 

Ai, Ai, Ai, Ai, Ai, Ai, 
Ai, Ai, Ai, Ai, Ai, Ai, 

Eksuro boson te degecher, 
Denvtat dukham polleamcher, 
Vissor ienam hea chitnamcher, 
Tosoch rupkar dolleamcher....}x2 

Ai, Ai, Ai, Ai, Ai, Ai, 
Ai, Ai, Ai, Ai, Ai, Ai, 
Ai, Ai, Ai, Ai, Ai, Ai,....(fade) 

NEGAR ZALEM SUKHA - Allen Costa 

Kazarachem utor maka diunu,
Kalliz ghatlolem bandunu,...}x 2
Derepent dusreachem aikonu,
Maka diloi go soddunu....}x 2

Dilolem utor go maka, utor go maka,
Negar zalem sukha,
Dilolem utor go maka, utor go maka,
Negar zalem sukha.

Rat ani dis kaddtam khontinu
Moga tujem nixturponn chintunu..}x2
Doryachea deger anv boisonu,
Kallzantk than ulhastam dukhinu,...}x2

Dilolem utor go maka, utor go maka
Negar zalem sukha,
Dilolem utor go maka, utor go maka,
Negar zalem sukha,

Nimanno dis pautoch kazarak,
Mannka tunvem vosonk zai kumsarak,..}x2
Borem kumsar kor tujea fuddarak,
Toxench mojem nanv sang go konfesorak....}x2

Dilolem utor go maka, utor go maka
Negar zalem sukha,
Dilolem utor go maka, utor go maka,
Negar zalem sukha,


UGDDAS KORCHEACHEA VELLAR - Allen Costa

Sokallchea fantear, sukneachem kantar,
Aikolem moga, ugddas yeun tya velar.
Roddlom hanv tuka, dukhichea barar,
Kalliz konsovllem, ugddas yeun tya velar.

Ch
Salan ghoddialar, vaztat voram,
Kalliz somdiran, martat lharam,
Avaz utramcho, sadouta kanar,
Pollovta kallzar, ugddas yeun tya vellar.

Kudd ani othmo, zata  abalar,
Bobauta chintnam, ugddas yeun tya vellar,
Daktulem kalliz, dinam mhaka thar,
Roddoita moga, ugddas yeun tya vellar.

Kalliz somdiran, zalam tufan,
Axeon hanv raulam, gheuncheak gopan,
Dis ani rati, zainam yo kabar,
Zata hanv orar, ugddas yeun tya vellar.



updated 27/10/2013
updated 10/07/2023