Friday, August 18, 2017

Songs of Chris Perry

Chris Perrys Songs
Born Nov 25, 1928  - Died Jan 25, 2002
Also titled as Patxai Konkani Git-Songitacho,
One of the greatest musicians of the time, has composed many hit songs
and he was the one who introduced 'Lorna' to the Konkani stage.
Chris Perry’s valuable lyrics with his original soul-touching music and Lorna’s inimitable voice created a revolution in Konkani singing and these songs are still heard by many Konkani lovers.
Albums: Carnival in Goa, Disco Konkani 82, From Dubai With Love, Cu cu ru cu cu, Poilo Kiss, Legends, Do re mi Fa, Meu Amor, Bebdo,

ABGHAT KELO - Singer : Lorna, Lyrics Chris Perry

Sonvsarantle dis kaddlet roddon,
Bhurgeachponnar sukh gelem uddon,
Kitem anvem kelem re mogan poddon
Chintunk naslelem ailem ghodon,
Jiv anvem ghetlo doriant buddon,
Kitem anvem kelem re mogan poddon.

Kednach chintunk naslem, maka ghoddot mhunn oslem,
Fottkirea mog tuzo korun anvem sasnak anv foslem,
Kalliz tujem koslem, mojem sukh tunven laslem,
Dusreak korinkai fottkirponn tunvem maka kelaim toslem.

Mhunnoi maka tum mojea sukha,
Tujea bogor konn dusrem naka,
Kazar tum zaloi re sanddun maka,
Ugdass mozo tum visro naka,
Visorlim mhunn anv sozmonaka,
Azun anv rautam re fondant tuka,

Mog kelo re zhaddani, ami boson maddani,
Mogacheo chitteo daddleo re maka boroun karddani,
Sanglem maka baddani, tuka nadlo mhunn naddani,
Azun pasun mog tuzo assa re bhoron haddani,

Fonddant ravon ho martam ulo,
Koso zait tum ingrat zalo,
Kallzak mojea toploi re dukhacho bhalo,
Kiteak mhunnon ho abghat kelo,
Kazar zata mhunn borvanso dilo,
Sontos mojea kallzacho re dusrean velo,

Utor tunven moddlem ani dusreachem ghor ghoddlem
Kazar zaloi tum mhunn aikon dukhani anv roddlem
Sogllem anvem soddlem, matui chintunk nam fuddlem
Mogak tujea lagon anvem fonddant ieunchem poddlem.

ADEUS - Singer: Lorna Lyrics: Chris Perry

Uloilelim utram monantuch uron
Udkache porim to mog mozo gelo varon
Tetir zalim tednam, sonvsar ossoch soron
Tuzo mog kallzant mojea astolo boron

Kainch uloinastanam tum koddsorloi
Adeus passun korunk tum vissorloi
Nirmoll kallzak mojea tumven toplei kantte
Kiteak mhunnon Deva amche kele vantte.

Poilo mog khoro tor, tum danvon ye
Sogllem bogxitelim, yeun vengen ghe
Porvanam visorlear, oshinch dukam golloun
Morom passun tuji, rautelim vatt polloun

AIK RE KHOBREKARA - Singer: Lorna, Lyrics: Chris Perry

Devache kaide sodanch pallunk ami zaye
Pelleachi khoim dusmankai kori naye
Borea ghorachea kednach foddche nhoim noye
Antun gomta tache futtleat mhunn doye

Amche moddem heo vostu choddxeo ghoddta
Choddti val choddonk pavona rokdich moddta
Aikon osli khobor kalliz mojem roddta
Goemkar akach lagon sokla poddta

Borea bhaxen aikat hi ghodleli ghoddnim,
Konnak mista moji nirdukai chodli,
Dukest ghoddnim hi gelea vorsa ghoddli
Anv melem mhunn sogleak khobor poddli

Chintlear hem dista maka ek umannem
Anv melem mhunn fokot takach sanglem konnem
Kiteak osli khobor ghatli zait tannem
Dev bhogsum taka, tho gineanan unnem

Devan sanglam ek dis ujeacho yetolo varo
Sogllo sonvsar khoim zatalo churo
Aik re khobramkara tum zai nakai bhero
Sonvsarant tum ekloch urlear puro.

Kednach katorchi nhoi re, bori val thi choddti
Devachea mukar duimchi poddteli zoddti
Dusreachem padd galpachem hem borem noi noddti
Chodd borem bik mag, chodd borem bik mag, chodd borem bik mag athant gheun kotti

AMERIKAK PAUXI - Singer: Lorna Lyrics: Chris Perry

Hello.... How are you?...You love me?

Pollounk distai boro, asai mure goro,
Mozo mog aslear khoro, matxe yeo re aro
Are sogllem ghalun poro, hem kalliz mojem tuka voro

Tuka loz dista....hahahahahaha

Lozonakai sang re maka nanv tujem kitem poi tem
Bienakai duddvam pasot, bhangar assa zaitem,
Despez tuka kaim aschonam, soglem mevtolem aitem,
Aichean mojem kalliz voron, ord'deak tujea lai tem.

Dant dakoitai arxe, dolle tuje garxe
Kiteak kortai tirxe, voitai dista merxe,
Tumi kens dovrun te vorxe, pollunk distat burxe

Tuka rag ailo......hahahha

Utor maka dhi re mozo asa zalear mogu,
Thond kiteak kaiem kelam aila mista ragu,
Moje osli okol mevonk zaiem tuka bagu,
Kiteak re martai bestech bailam bhaxen lagu.

Borea bhaxen rauxi, bangarache laddu khauxi,
Dusri okol gauxi, maka sandun pouxi,
Arey kazar mojea lagim zauxi, Amerikak pauxi.

Yetai.......hahahahah

Don moje lagim motor assa, tantun ami bonvchim,
Gharant ami randchim nhoim re, hotelanim jeuchim,
Swimming poolant udki marun, udok ami nauchim,
Anga ami rauchim nhoim re, moonant vocon rauchim.

BABY I LOVE YOU SO - U:Usha A: Archie
Lyrics n Music Chris Perry, Album: From Usha With Love

A:Oh Baby, I love you so,
U:Oh No No, please let me go...x2} 
U:Tujea mogan lasotam, 
Oi! Gopant dorunk axetam, 
Oi! Ratcho nidant sopnetam, 
Tum mhunn uxem poxetam. 
U: Nam Nam tuka meuchinam, 
Oi, tuka lagim gheuchinam, 
Oi, kednaim zapui diuchinam, 
Davea doean ponvchinam. 

Oh Baby, I love you so, (both) 
Oh No No, please let me go..x2} 

U: Doriant re assa tho masso, 
Oi, tachem moll korta pisso, 
Oi toslo mure ho sonso, 
Haka sozmaum koso, 
A: Ragar bai tum zainaka, 
(U:Hai) toxem tum mhunno naka, 
(U:Hai) Kallzak yea dukoi naka, 
Tujich axea go mhaka. 

Oh Baby, I love you so, (both) 
Oh No No, please let me go...x2} 

U: Konank dolle re moddta, 
Aa...tokleak raag re adta, 
Aa, kiteak anvde kaddta, 
Tuka konn re poddta, 
A:Kiteak ragar zata bai, 
(U:Hai) mhojea kallzak zata hai, 
(U:Kitem) Sang go kitem tuka zai, 
Duddvankar go mhozo pai. 

Oh Baby, I love you so, (both) 
Oh No No, please let me go,...x2}

BOA NOITE - Singer Usha, Lyrics: Chris Perry
Album: Meu Amor

Boa Noite meu amor,
I was so happy dancing with you, I really mean it,
Boa Noite meu amor,
I was so lucky to hold you tight, the whole night through,
The night was a lovely night,
You said you loved me but we will part within a day,
Now everything is over, we may not see each other forever,
If you love me I wish you boa noite meu amor.

Boa noite meu amor,
Khoxen anv bhorlim, urben anv nachlim, pott boromsor,
Boa noite,meu amor
Ugddas vechonam, aizchea raticho anv moromsor,
Ti rath, koxechi rath, mogan uloilim, anv tujea vengen assomsor,
Ekech rathicho mog, kednaim meuchim noxib assot tor,
Antam vetam mhunnon adeus, Boa nuite meu amor,

Boa Noite meu Amor.

BUKUL ANI UNDIR  – Singer: Lulu Fortes , Lyrics : Chris Perry
 Album:Chris Perry – Poilo Kiss

Chorus:
Kuddtallecho bukul motto ass re dharunu,
Moddgonvchea undrache bailek voili re chorunu,
Undir babddo roddta mathear ath dorunu,
Mhunnta bukul mellot taka martolo faranu.

Bomgom babddea undir mamak zali vhodli dukh,
Dusre vatten bhurgim roddtai laglea mhunnon bhuk,
Xirap ghalta bukul morom mhunn poddon vhoddlo rukh,
Kuddtallechea buklan amchem pirdear kelem sukh.

Repeat Chorus
Kuddtallecho bukul motto ass re dharunu,…….

Kuddtallecho bukul portun Moddgonvam eilo,
Pois ravon undrak dekhon ek denkso re gailo,
Undir buklak bion babddo golent re danvlo,
Buklache xempdek ghans marlo and bukul re poulo.

Bukul undir mamacher dovrun raulo rag,
Mhunnta tachea kortubamchem ditolo anv pag,
Ratcho eun goli bhair ravlo korinastanam zap,
Punn xaneam undran suri tapon tachea xempdek dilo dag.

Repeat Chorus….
Kuddtallecho bukul motto ass re dharunu,……..

Mianv-mianv korun buklan sarko kuddtalle marlo danv,
Mhunnta ek dis punn tea undrak xikoita lissanv,
Taka jivoch khainam tor tumi mojem kaddun udoiat nanv,
To chobkeak meulear eka gansak khatalo re anv.

Soglle ratri bukul undrache gollie bhair boslo,
Bhurgeank gheun undir bitor ogich re aslo,
Buklak khobor nam undir mam ikmotin koslo,
Foska kaddi pettoun buklacho dollo re laslo.

Repeat Chorus:
Kuddtallecho bukul motto ass re dharunu,
Moddgonvchea undrache bailek voili re chorunu,
Undir babddo roddta mathear ath dorunu,
Mhunnta bukul mellot taka martolo faranu.

CALANGUTE - Singer: Lorna Lyrics Chris Perry

Khuxealponn diunk, jivak purem,
Mudans korunk zai, zalear borem,
Maiyachea mhoineant, lokachem bhirem,
Kongottche praier, thonddgar varem.

Ch: Lok thoimsor anson, khellon udtta,
Sukhnim doriachea lharar bhuddta,
Kharvi sokallchi ramponn voddta,
Bhurgim matiechim ghoram ghoddta.

Kitlem sobit tum, Goa amchem,
Noketr vortouta, touristamchem
Satisfasanv tum, Goemkaramchem
Sonvsarak famad nanv kongottchem

Repeat Ch...Lok thoimsor anson....ah ah ah

Bhailea ganvcho lok, pollunk yeta,
Polloun Calangute, khoxi zata,
Vhoddlo abru man, tuka dita,
Khuxealborit zaun, ghara veta.

Repeat Ch: Lok thoimsor anson....ah ah ah

DIS MUINEM VORSAM - Singer: Usha, Lyrics:Chris Perry
Album: From Usha With Love

Dis muinem soron vorsam tim danvlim,
Tujeruch pation raulim,
Chintlelim chintnam mojim tim baulim,
Kitem anv bhogunk paulim.

Utram tujim monantuch gouta,
Rupkar tuzo dolleaxim kheuta,
Nirmoll tujea kallzak anvem diun dukh,
Mojench pissudlem re sukh.

Ru ru ru, ru ru ru, ru ru ru ru ru ru
Ru ru ru, ru ru ru, ru ru ru ru ru ru

Utram tujim monantuch gouta,
Rupkar tuzo dolleamxim kheuta,
Nirmoll tujea kallzak anvem diun dukh
Mojench pissudlem re sukh.

Ru ru ru, ru ru ru, ru ru ru ru ru ru
Ru ru ru, ru ru ru, ru ru ru ru ru ru
tu ru ru tu ru ru ru

FROM DUBAI WITH LOVE - Singer: Chris Perry 

1928 voros novembrachi ponchvis tarik,
Dukh mojea kallzak bhogta sogllem chintoch barik,
Maim moji khoim khoxtoutali, ulo mari Jezu Mari,
Pai khoim fugar zatalo, tenkonar mari.

Main maka zolm dilo, pai khoim khoxi zalo,
Lokak apoun addun pain dis celebrate kelo,
Khoxen khoim tho nachtalo,soglloch murgottalo,
Punn khotta anv lahnuch astanam Devan taka velo.

Sonvsarant daddunk maka, Devan vinchun kaddlo ganv,
Sobit to vortouta, Salcette Goa Margao,
Chris Perry mhunnon maka, tannem favo kelem nanv,
Kednanch Saiba tuka, visorchonam anv.

Sonvsarant anv yeit mhunn, chintlelem zait konnem,
Khorench hem vortouta ek Devachem Dennem,
Kainch maka falt korunk nam,zaitench dilem tannem,
Punn ek dis vechem poddtelem, tachem yetoch apounnem.

Sodamkal mog maka, amchea Goa Xaracho,
Tosoch mogall mojea, sogllea Goemkarancho,
Lahnuch tho ganv amcho, mannkulo tho Indiecho,
Punn kuddko bhangaracho akhea sonvsarcho.

Goemcho ugddas yetoch, kallzan than suskartam,
Sirvisek lagon antam, eksurem jivit sartam,
Viva re Goemkar! Tuka ulo martam!
From Dubai with love mhunnon mojem kantar kabar kortam.

God Bless you all!

GHEUN NACHOTAM 
Lyrics: Chris Perry,
Singers: Mendes Bros ( Felix-Xavier-Derrick-Theresa )
Legend: Pai=P,  Dhuv= Dn Nouro= N, Dusro Nouro=DN

D: Kiteak aikonam, begin maka kazar zai,
   Kanar dorinam, kiteak pattim sort ga pai,
P: Ago bextench fugar tum, kiteak zat go mujea bai,
   Kazar korunk tuka, vis vorsam pun zaunk zai.

CH  
D: Kazarachi maka ailea muga tanu,
   Kiteacheruch mojem, lagonam ga monu,
   Voduvea korachem, hem zaunk zai pannu,
   Kazar korunk tuka bai, azun asa tum lhanu.
Uloup:
D: Pai, oh pai – ho mughe nouro
P: Kitem ! ho nouro tugelo ? Boro asa mure baba ?
N: Oiiii
D: Mughe offisant asot pai to.
P: Tum teghe offisant asot musta ?
N: Oiiii
    
D: Pai ho mozo nouro, offisant kamank asota,
   Antamche nachui to, ekdom boro nachota,
P: Ago poi go to lok soglo, polloun taka ansota
   Khuimcho re ho nouro, mickey mouse polleunk disota
   
CH
D; Kiteim kortai tem kor, pun to maka zaieo,
   To naka go tuka, bai tum moje borim yeo,
N: Hayeo (hello) oklechea pai, tum ass mhunnga boyo,
   Avoi ghe moje maim, ho khuimcho chonchoro.

Uloup:
D: Pai pai ho mughe dusro nouro
P: Kitem ! ho tughe dusro nouro ?
D: Oi, boro paklo disota nhu ?
P: Boro asa mure baba ?
DN:Kitem ? amim kitlim zanam ? Amim teg zann bhau anik dog zan bhoinneo,
   ek asa tarvar ek asa offisant, tik tok tik tok longhand typing korta
P: Ago teko anvem kitem vincharlam anik to kitem sangota,
D: Pai, to amghe bhas bori nenno.
P: Ham, tum amghe bhas bori nenno musta ?
DN: Kitem anv konnacho cheddo ? anv Piedadicho, Marequinacho, Abolinacho, Terezinacho, Poskinacho, Potinecho, Clementinacho cheddo
    
P: Sang re noure maka, khuimsor re tujem ghoro ?
DN: Kosso asai kaim mhunntai, oi oi ekdom asa boro,
D: Inglezuch to uloita, konkanim korinam care-o
P; Eklo chonchoro anik dusro mure bhero.

CH
DN: Hello mojea Dolly, tuk anv moje borim vortam,
N: Tum ie mojea boyim, tuka anv bhangyean bhortam
P: Konuch naka tuka, tuka anv jitench katortam
N:Katorchea adim sasupai, teka anv gheun nachotam

GOA - Singer: Jean Samion Lyrics: Chris Perry
Album Chris Perry & Braz - Legends

Jivitan mhojea kednanch Goem anv pavonk naslim,
Lahnuchponni than Cannadach aslim,
Poilech pautti Goeam anv paulim,
Sopnan assam xim dislim, khorench chintunk nam monan chintnam oslim.

Chorus...
Oh Goa, - Goa Goa
Sweet little goa - Goa Goa
Oh Goa - Goa Goa
Wonderful Goa - Goa Goa
You have such beautiful sceneries, lovely mountains n trees greenery,
Oh Goa - Goa Goa
I love you Goa.

Lahn astanam maim-pai apurbai mhoji kortalim,
Nakar ek naslim, mago tem ditalim,
Punn ek utor monan ghaltalim, oxem mhunnon sangtalim,
Goemkara lagim kazar zau mhunntalim.

Repeat Chorus...
Oh Goa, Goa Goa....x2

Zolmolim Canada punn nizachim anv Goemkar,
vhoddvik zaiti Goemchi, sangot maka sabar,
Aikon chintnam zai naslim kabar, jivakui naslo thar,
Kednam Kai pollounk distalem Goa xar,

Repeat Chorus...
Oh Goa, Goa Goa....x2

HAPPPY NEW YEAR MOG - by Usha Mangeskar=UM, N Ambar Kumar =AK
Lyrics n Music: Chris Perry - (Noman Noman Tuka Goa)

Vell to raticho, bara horancho
Lokacho bobav avaz muzgacho

UM: Meulo tum novea vorsachea dansak
Hath lailo tokhlek hanvem bandlelea lansak
Mog to farovlolo re fasak
Givlo taka ami ekach ghansak
Chorus
Both: Dis to khoxecho, thirty first-acho
Lokacho bobau avaz muzgancho
Vell to raticho, bara horancho
Happy New Year mog choltalo amcho

Dis to khoxecho, thirty first-acho
Lokacho bobav avaz muzgancho
Vell to raticho, bara horancho
Happy New Year mog choltalo amcho

UM: Novea vorsacho kollo fultalo
Lokui khoxechea painnear dholtalo
Chondrim uzvadd aplo ghaltalo
Tednam mog re amcho choltalo

Chorus
Both: Dis to khoxecho, thirty first-acho
Lokacho bobav avaz muzgacho
Vell to raticho, bara horancho
Happy New Year mog choltalo amcho

Dis to khoxecho, thirty first-acho
Lokacho bobav avaz muzgancho
Vell to raticho, bara horancho
Happy New Year mog choltalo amcho

AD: Soglli rat nachlim ami mogachea bharar
Mog tuzo tenklolo mojea kallzachea darar
Justuch sokauchea re chear horar
Tednam dogaim ami zalelim jurar

Chorus
AK: Dis to khoxecho, thirty first-acho
Lokacho bobav avaz muzgancho
Vell to raticho, bara horancho
Happy New Year mog choltalo amcho

Dis to khoxecho, thirty first-acho
Happy New Year mog choltalo amcho

JOHNNY JOHNNY Singer: Yvonne Gonsalves Lyrics: Chris Perry
Album: Chris Perry & Braz Gonsalves 'The Legends'
Choral singers: CS

Johnny Johnny, Johnny Johnny Johnny Johnny,you are my destiny,
Tell me that you aways need me, say you never ever leave me,
La la la la la la la la, I am so happy with you,
This will be my lucky day, I found somonebody new.

Johnny Johnny, (CS: oh Johnny Johnny)
poiloch Goemchea Saibachea festak maka tum meulolo, (CS:voi meulolo)
Johnny Johnny, (CS: oh Johnny Johnny)
mis kabar zatanch fuddlea darvontear ubo raulolo, (CS: ubo raulolo)
Johnny Johnny,(CS: oh Johnny Johnny)
happy feast mhunnon tumven pollo mhozo chinvlolo (CS: Pollo Chinvlolo)
Johnny Johnny, (CS: oh Johnny Johnny) tujea mogacho anvdo kallzant mhojea denvlolo

Oh anv noko zalim kitem zalem maka,
Kalliz bitor zaunk laglem paka paka paka,
Khorench anv kallzant than sangtam tuka,
I love you Johnny maka dusro konn naka,....}x2
la la la la la la
la la la la la la la la

Johnny Johnny, (CS: oh Johnny Johnny)
mhojea hatak dorun tumven ferint maka bonvdailem, (CS: voi bonvdailem)
Johnny Johnny, (CS: oh Johnny Johnny)
gaint wheelar boson maka voir soklak tumven gunvdailem (VS: voi gunvdailem)
Johnny Johnny, (CS: oh Johnny Johnny)
maka mogan ghott dorun kallzak mhojea tumven thondailem (CS: voi thondailem)
Johnny Johnny,(CS: oh Johnny Johnny) anv khoxen bhorlem mhojem dukh tumven pois danvdailem.

Oh Festachea misak te gornad vazo,
Kai borem suadik tem muzgui vazo,
Aikon tem jiv murgottalo mhuzo,
Kallzantui mogacho petlolo uzo,
la la la la la la
la la la la la la la la

Johnny Johnny, (CS: oh Johnny Johnny)
goodbye korun gelo mhunnon fuddlea vorsak meuchem, (CS: meuchem meuchem)
Johnny Johnny, (CS: oh Johnny Johnny)
ami nicheu koria vorsa vorsa festak ieunchem, (CS:ieunchem ieunchem)
Johnny Johnny, (CS: oh Johnny Johnny)
ami dezbranche tin tarker kazar zaunchem, (CS: kazar zaunchem)
Johnny Johnny, (CS: oh Johnny Johnny)vhoddlea Goem ghor bandun sodankal kuxeal rauchem

Oh urben bhorlolo dis to festacho,
Goenchea Saibak mevonk ieta lok sogllea ganvcho,
Kai boro muino tho dezembracho,
Visronk nezo tin tarker mog zalolo amcho....}x2

la la la la la la
la la la la la a

KALLIZ VELEM CHORUN - Singer: Annette Lyrics: Chris Perry
From Chris Perry's Album 'Carnival in Goa'

Kallzak mhojea tumven chavoilelem,
Mogachea udkan maka navoilelem,
Kazar mhojea lagim zata mhunn ravoilelem,
Konn antam vorot ful tem bavoilelem,

Chorus
Mog mhozo korun, kalliz vhelem chorun,
Dis antam kaddtam dolle dukhanim bhorun,
Kitlo tum dharun, patok hem adarun,
Gelo tum kallzak mhojea balo marun....}x2

La la la la la la....
La la la la la la...

Khoxeachea lharar maka choloitatlo,
Mogachea painear maka dolloitalo
Mogall utranim uloitalo,
Fottkirea monan mista bulloitalo.

Repeat Chorus
Mog mhozo korun, kalliz vhelem chorun.....}x2

La la la la
la la la la la

Fottiro tumven dakoilo moipass,
Kazar zata mhunn dileli bhass,
Tujeach mogachi keleli ass,
Gelo tum gomteak galun dukhacho fass.

Repeat Chorus
Mog mhozo korun, kalliz vhelem chorun.....}2

KALLZACHEM SUKH - Shailendra Singh
Music: M.Alphonso : Lyrics: Chris Perry (Album: Noman Noman Tuka Goa)

Deva mukhar jurar tum zalem,
Separar zanv chim nhoim mhunnon utor dilem,
Kitem anvem vaitt tuka kelem,
Kallzachem sukh mojem tunvem chorun velem.

Sonvsarant hea, zaitench maka mevot,
Jevunk naslear konnui maka pavot,
Ozaranim tim cheddvam fattlean mojea iet danvon,
Punn kirlolo mog kallzant mojea, vechonam bavon,

Kallizan than mog kelo tuzo,
Konn palloit kallzak mojea pettlolo uzo,
Chintun sogllem, sonsunk hem nezo,
Tujea vinnem, kitem antam fuddar mozo.

Sonvsarant hea zaitench maka mevot,
Jevunk naslear konnui maka pavot,
Ozaranim tim cheddvam fattlean mojea iet danvon,
Punn kirlolo mog, kallzant mojea, vechonam bavon.

KANTARAM KORTAM - Singer: Lorna, Lyrics: Chris Perry

Mateak fulam mojea mavu naka, sangon di gopan
Sogleamcheam patlen danvom naka, borot tujim mapam
Thodd'dokam korun, dusreache xiddi toddun, kiteak kortai papam

Bhangar mottiem tujim maka naka, mog mozo korinam tor
Poi re matso eun paka paka, kalliz zata bitor
Roddoita maka, portun khoxi kortai taka, mogak lavun kator

Adim mog ami kortalim, dogaim korun kantaram,
Soglim rat ami nachtalim amchim vazoun gitaram,
Ugddass kor tujea utramcho dukani anv bhortam
Uzvadd gheun neketramcho, akhi rat sartam
Vell passar korunk, urlele dis sarunk, kantaram kortam

xaba laba lui dui ruba xaba rub dui dui ruba....tui rab tui rab

Adim mog ami kortalim, dogaim korun kantaram,
Soglim rat ami nachtalim amchim vazoun gitaram,
Ugddass kor tujea utramcho dukani anv bhortam
Uzvadd gheun neketramcho, akhi rat sartam
Vell passar korunk, urlele dis sarunk, kantaram kortam....3

KAZAR ZALO - Singer: Platilda, Lyrics: Chris Perry

Turup turup turup turup

Chintelem kallzan anv tujea bitor soronk
Iskol xinktanam maka tum ailo re voronk,
Kazar zaunk vorsam re mojim naslim boronk
Ganvant bonvpachem maka thond nam uronk

Oklek pollounk mhunnon tum amger ailo
Anv mandlim mhunn tuka tum moje maink sangon gelo
Kiteak mhunnon tunvem maka ho ghat kelo
Maka angach dovrun bolteach lagim kazar zalo

Mudi galunk passun tunvem dileli tarik
Ganvant amchea bobau zalo moji zali mhunn soirik
Anik maka kazar uronk nam chintlear barik
Borem aslolem kodden maka ghatlem dukhamche zorik

Soirik modli mhunnon noth urlem maka
Innocent idadir goddunk lailo dukham
Sonvsari sukh ani kazar maka nakam
Eksurponn sartelim anv borem magon tukam

Kallzacher sodanch urtolo ghavo tazo
Zaitem oklamchea gharak mista osoch lailo uzo
Atam tum khuxeal bhonvxi re ghat gheun mozo
Tukai oslench bhogtelem konnem ghat ghetelar tuzo

Maim roddot dhuve pirdear zaunkpak nanv
Guneanv bogos maka bai gunveakari anv
Punn novrean ghat kela mhunnon mandinam ganv
Boslem thoim poiat xelleam angar futtleat fuganv

KAZARACHEM FORMONN -  Singer : Dulcie  Lyrics : Chris Perry
Album: Chris Perrys 'Carnival in Goa'

Noxiban nirmilelem,
Kazarchem formonn amkam formailelem,
Sottve ratrik boroilelem, 
Tum maka mevonk mista,Devan tharailelem.

Aiz igorjent jurant dilo, dogainim bookar boroilo,
Fuddarcho sangati kelo,
Sanddchinam tuka morosor,
Mog tuzo anv kortelim sounsarant assosor.

Mogachi rompi roitelim,
Ekvottachea zaddak follam zatelim,
Anv taka mogan jiketlem,
Bessamvam amcher galunk Deva thaim magtelim.

Main-pain apurbai mhoji, aiz than potinn zalim re tuji,
Vaitt borem sossunk astelim raji,
Poiloch dance ami nachom-ia,
Kazarak ailolea lokak ami dakoum-ia

KU KU RU KU - Singer - Tony Carr, lyrics:Chris Perry 

Sonvsar ho fottkiro mhunnon, oxem maka dislam,
Cheddvamchea mogan poddon, zaite pautti foslam,
Anik maka mog naka mhunnon, ugich antam boslam,
Vell mozo sarunk, mog tho korunk, sukhnnem poslam.

Chorus
Magir tem kantar korta,
Kuk ru ku ku, Kuk ru ku ku, Kuk ru ku ku,
Ku ku ku, Kuk ru ku ku, Kuk ru ku ku, Kuk ru ku ku
Ku ku ku ku ku ku ru ku ku ku ru ku ku ku ru
Ku ku ku ru ku ku ku ru ku ku ku ru ku ku ku ru ku ru ku ku

Kai borem sukhnnem re, vell mozo sarta,
Sokallim utton tem poilem, kanatarm korta,
Kallzachem dukh pois korunk urben maka bhorta,
Ku ku ru ku korun, fuineom ghalun ulo marta.

Chorus...Magir tem kantar korta

Zaitea cheddvamnim re maka jurament passun dila
Kazar zatam mhunnon fottoun gelem, fottkirem tem Bela
Anik maka konnuch naka, jiv bejar zala,
Soglleank soddun, sukhnneak dhorun, tacho mog kela.

Chorus...Magir tem Kantar Korta

LISBOA - Singer: Lorna Lyrics: Chris Perry

La ra ra ra riu, la ra ra ra riu la ra ra ra, la ra ra ahhhhh ahhhhh

Sodanch chintalim vetelim mhunnon re Lisboa,
Novro assa thoimsor, anv assa re Goa,
Chintlelem chintop purem zalear puro re Deva,
Khoxi zatelim, polloun tem Lisboa.

Despez zalear zanv, thoimsor anv vetelim,
Novreak meutoch anv, kazarui zatelim,
Lisboacho ganv, khoxen anv poitelim
Poitoch Lisboa, viva re Goa, ghara yetelim

Repeat Sodanch chintalim.......

MEU AMOR - Singer: Usha, Lyrics  n Music: Chris Perry 
Album: Meu Amor

La la la la la la la la la,
La la la la la la la la la,

Meu Amor, ai minha dor 
Quanto centi por teu amor

Novro mozo Purtagalak than bombaim ietolo,
Ieun to meu amor mhunn maka gopant ghetolo,
Ekuch suman bor astolo, mojea lagim kazar to zatolo,
Honeymoonak maka Goem gheun vetolo

Somara dis dogaim Moddgonvam bonvonk ami yeuchem,
Bonvon zatoch dogaim Longinaguer vochon jeuchem,
Munglara dis vasco vochon khuxealborit ami bonvchem,
Budhvara Ponje Mandovi hotelant re ravchem.

Brestaradis vhoddlea Goemchea saibak visit dinvchem,
Sukrarak mhapxeam bazarant zaiem tem ami ghevchem,
Sonvara calangute boson doryachem udok naumchem,
Aitark kaim naka fokot gharantuch re ravchem.

Lahnuchponnim than tachem maka chodd istimossanv,
Konnuch sonvsarant nam toch vortouta meu korasanv,
Kalliz takach bhettoitelim, konnakuch anv dinvchimnam attensanv,
Toch maka xikoitolo re Mogachem lissanv.

Repeat Somara dis dogaim Moddgonvam...
Ai minha dor 
Quantu centi por teu amor. 

MIRA MIRA - sung by Seby F Music by Chris Perry Chorus:

Mira Mira, Mira Mira.....2
Meuta mhunn sanglelem Mhapxeam sukrara,
Atam voram zaun gelim gho bara
Khoim pavlem, mhojem Mira

Nustem farouta khuim tansak
Lagtoch goreache ghansak
Anv poir Ponnje gelolom dansak
Thoim faroulom mogachea fasak

Chorus:
Mira Mira, Mira Mira.....2
Meuta mhunn sanglelem Mhapxeam sukrara,
Atam voram zaun gelim gho bara
Khoim pavlem, Mhojem Mira

Tambdea korachem neslelem
Eklench kuxik tem boslelem
Kuch korun maka hanslelem
Tednam kalliz hem mogan tachea laslelem.

Chorus:
Mira Mira, Mira Mira.....2
Meuta mhunn sanglelem Mhapxean sukrara,
Atam voram zaun gelim gho bara
Khuim pavlem, Mhojem Mira

Muzgamnim vazop pettoilem,
Nachonk taka anvem uttoilem
Kallzak mojea hea fottoilem
Ani mogachem dhor tunvem tunttoilem

Chorus:
Mira Mira, Mira Mira.....2
Meuta mhunn sanglelem Mhapxean sukrara,
Atam voram zaun gelim gho bara
Khuim pavlem, Mhojem Mira

I Love you mojea Mira
I’ll wait for you oh oh Mira 

MOGACHO AMRUT - Seby Ferns

Mog Korunk, xikoilolo, noko aslo koso korcho to tuvench gho dakoilolo,
Vontak vont tenkoilolo, Mogacho amrut tunvem mojea kallzak rokoilolo,
Kallzant mog, pikoilolo, Konn atam vorot gho to, tunven sukoilolo,
Konakuch segred to meuchonam, dotora lagim kurar zauchonam,
Konn antam pekoit ghav to kallzak dukoilolo.

Noxibant nam tor,  tuka  kaim ek  meuchemnam,
Chintlelem kamui  tujem, zauchemnam,
Nirmonn Devachem, fokot to devuch zannam,
Thachem vinnem kain amchem cholchenam.

Mog Korunk, xikoilolo, noko aslo koso korcho to tuvench gho dakoilolo,
Vontak vont tenkoilolo, Mogacho amrut tunvem mojea kallzak rokoilolo,
Kallzant mog, pikoilolo, Konn atam vorot gho to, tunven sukoilolo,
Konakuch segred to meuchonam, dotora lagim kurar zauchonam,
Konn antam pekoit ghav to kallzak dukoilolo.

NOKETR UDENTICHEMLyrics Chris Perry Singer Hema Sardesai

Kaiboro ganv re amcho sobitaiecho,
Ojeap zaun polloun veta lok sounsaracho,
Ekvott tor aslolo zalear Goemkarancho,
Konnaichean ath dorunk zainam aslolo amcho.

Kitlem sobit Goa amchem, meuchemnam dusrem xar khoimchem,
Sobitaien tem bhorlelem, tik vortouta diamantichem ,
Dennem amkam tem Devachem, sodanch veng marun rauchem,
Goemkar ami assot ghott, tem zaunk nezo re konnachem.

Kitle bau-boinno amcheo ximpoddlea sonvsarak,
Bond korun ap-aplim gharam konn nam zaun adarak,
Zaite zann sirvisso gheun assat bhailea terrak,
Konnaichean visronk zaumchem nam aplea Goa-xarak

Kitlem sobit Goa amchem, meuchemnam dusrem xar khoimchem,
Sounsarcho lok vakandta, Goa noketr mhunn udentichem,
Dennem amkam tem Devachem, sodanch veng marun rauchem,
Assosor amcho Goincho Saib, tem zaunk nozo re konnachem

Ietokoch moino re tho abril-mayacho,
Khoxen jiv bhorta sogllea Goemkarancho,
Bhurgim khoxi temp vortouta ambe-ponnsamcho,
Holiday gazoita zantte pivon kolso urrakacho,

Kitlem sobit Goa amchem, meuchemnam dusrem xar khoimchem,
Sobitaien tem bhorlelem, tik vortouta diamantichem, (ani sogleamchem tem mogachem)
Dennem amkam tem Devachem, sodanch veng marun rauchem,
Goemkar ami assot ghott tem zaunk nezo re konnachem.
Kitlem sobit Goa amchem, meuchemnam dusrem xar khoimchem,
Sounsarcho lok vakandta, Goa noketr mhunn udentichem,
Dennem amkam tem Devachem, sodanch veng marun rauchem,
Assosor amcho Goincho Saib, tem zaunk nezo re konnache,
Assosor amcho Goincho Saib, tem zaunk nezo re konnache.

NOXIBAK RODDTAM - Singer: Lorna, Lyrics Chris Perry

Kantar korun, dis moje sartam,
Chintun mogaaaaaaa, noxibak roddtam.

Kallzan than mog kelo, jurament dilo,
Abghat tunvem kelo, kallzak toplo balo,

Mollbailea neketra, zalelim jurar
Zanvchim nhoim mhunn ami, kednach separar

Fottkiro mog kori, ghott maka vengent dhori,
Atam roddtam, anv dukhamcheo zori.

Kitlem kalliz libor, aikon khobor,
Sanddlem mhunnon maka, zalem zobor.

Repeat Fotkiro mog kori....

PISSO - Singer: Lorna, Lyrics: Chris Perry

Ha ha ha ha ha ha ha ha ha ha ha

Amchea sezreak assa pisso,
Taka vorsam assat visso,
Soddta mogache ullhaso,
Kantar korta oso.

CH: yeo, yeo, moga moga, gopant dorunk axetam tuka......2
La la la la la....ha ha ha ha ha....2
la la la la la ...ha ha ha ha....2

Tache oklechem nanv bella,
Tannem pisso taka kela,
Oklek boltoch gheun gela,
Dekun pisso zala.

Repeat...CH: Yeo, Yeo moga moga gopant dorunk axetam tuka......2

Sangtam bhavuch mhunnon khaxe,
Mogan poddo nakat toxe,
Tumi zait tor pixe,
Kantar korat oxe
Repeat....CH: ...Yeo, Yeo, moga moga.... gopant dorunk axetam tuka......2

PITTI PITTI MOG - Singer: Antonette, Lyrics: Chris Perry

Dista maka anik moga oslem nam mhunnon sukh,
Bhorla kallzant tunvem roila poi to mogacho rukh,
Boroin anvem dovorla, amchea istorin bhorlolo book,
Sozmotam kallzak hea dinvchonam mhunnon tum dukh.

Pitti pitti pitti pitti pitti pitti pitti pitti pitti kalliz hem zata,
Nidlear nid poddonam punn tuzoch ugddas maka ieta,
Ghott vengent mhaka to dhorta chirddun murd’dun mhoje kiss to gheta,
Pitti pitti pitti mog amcho kallizak khuxealkai dita ......

La la la la la la ......................

Chintlear dista maka mog amcho novlanim bhorla,
Oslo novlamcho mog kallzan mojea bitor sorla,
Tutton vochonam zavunk, kallzant ghott taka bandun dhorla,
Kazar zaun fokot ekvott zaupacho ur’lla.

Pitti pitti pitti pitti pitti pitti kalliz hem zata,
Nidlear nid poddonam punn tuzoch ugddas maka ieta,
Ghott vegent mhaka to dhorta chirddun murd’dun moje kiss to gheta
Pitti pitti pitti mog amcho kallizak khuxealkai dita (2)
La la La La La La La ........

RED ROSE - Singer: Lorna, Chris Perry

Ghor mugelem Kuddtore saxtti, Rosalin muj nanvum,
Tambddelem rozu, mhunnit tor sogllo, ollkot maka ganvum,
Walkisher vhoddlea parxeange bongleant, kam kortam hanvum,
Rostean choltana, fatlean re lagta cheddeamchem pursanvum.

Konn maka choklett addun ditai,
Konn maka pickcherak apoitai,
Konn maka bestech zapaitai,
Konn maka poixe dakhoitai.

Zaite amgele Goemkar chedde, fattlean mujea yetai,
Fuimsorui vosonk suseg mak dinaim, jivui muzo hatai
Kazar zata mhunn kitle zann maka, utor pasun ditai
Tesole novre nakai baba te, kontri soro pitai

Aikon hem ghotti motin dhori,
Aichean tum boro nichev kori,
Soreak tea doriant voron mari,
Kazar muko zaichea zai zaleari.

Parxeamge pasun chedde re maka, bexttech moddtai dolle,
Red rose mhunnon apoitai maka, fokann kortai thodde,
I love you mhunnon, kissu re muzo magtai muje kodde,
Dusre mak nakai kazar zato anv fokot Goemkaram kodde.

Parxi maka duddu ditole
Ghoddie tea bangar ghetole
Melear maka kanvlle khatole
Goemkar moje matiek yetole

la la la la, la la la la la la

SAUDICHEM KANTAR - Singer: Lorna, Lyrics: Chris Perry

Devan maka uzvaddachi ponti dili,
Otra vorsam apurbai tuji keli,
Orthant amchea ekuch ful'leli dhali,
Novrean tujea vinchun kaddun vheli....Repeat Devan

Mogan tumi poddon re, kazar tumi zalim re }
Devachem bessanv tumcher poddom re.....} Repeat.. Mogan..

SORGAR RAJEANT - Singer: Lorna, Lyrics; Chris Perry

u u u u u  u u u u u u u u

Nanv tujem bhitor rigoilam, kalzar khantoun,
Utram tujim dovorleant monant guntun,
Churchure moje kelenam, tunvem matpun,
Atam choddfoddtai kiteak tum roddtai mojem chintun?

Chorus
Fugar tum zai naka, bexttoch roddonaka,
Maka kelai to puro re, dusreak ghat korinaka,
Mojea passot uskenaka, Devan bogxilam mhaka,
Sorga rajeant assam re, fokot ravtam tuka.

Khursak utor dilolem, vati pettoun,
Rozar ami kelolem, upkar attoun,
Mudi tunvem ghatleli, sobit nettoun,
Sanddun tum geloi, Kazarui zaloi maka fottoun.

Repeat Ch...Fugar tum zai naka, bexttoch roddonaka

Chintunk naslelem hanvem, zaitench bhoglem,
Dukhounk hea kallzak mhojea, koxem laglem,
Sanddunakai mhunn mhaka, hath zoddun maglem,
Lagon tea mogak, fuddo kelo sorgak, soddun sogllem.

Repeat chorus....Fugar tum zai naka, bexttoch roddonaka

SOPNAN FOTTOILO - Singer: Cyril Ferrao, Lyrics: Chris Perry

Pakte tor asle mhaka, udon tujexim eupacho,
Sodun kaddunk tuka, mojea gopant gheupacho,
Rannant passun aslem tor, tujexim anv ravpacho,
Jevunk  passun naslear, pallo Khav-pacho.

Kitlo sintir zalom, noxibantlem chuklem,
Nirmoll kalliz mhojem, kitlem zaith dukhlem,
Sounsarant anik na konn, tunch sobit ekelem,
Kednach tuka dekonknam, fokot sopnant anvem dekhlem.

Nidhlolo anv astanam, ojeap hem goddlem oslem,
Zolmank  dekhonknam, sobit cheddum toslem,
Molbar than devon ieun, kuxik tem mojea boslem,
Ekech goddiek  mhojem, Kalliz mogan laslem.

Kalzant mojea mogacho, uzo tanem petoilo,
Sogli rath ulovun, aploi mog betoilo,
Kiss gheunk anv vetalo, maim mhojea mhaka uttoilo,
Utton poilar konnuch na, mhaka sopnan  fotoilo.

32.SOPNAN FOTTOILEM Singer: Hema Sardessai, Lyrics Chris Perry

Pakte tor asle mhaka, udon tujexim eupachim,
Sodun kaddunk tuka, khuxeal anv zaupachim,
Rannant passun aslo tor, tujexinch anv ravpachim
Jevunk  passun naslear, follam Khav-pachim

Kitlim sintir zalim, noxibantlo chuklo,
Kallzcho mhozo gonddo,  kitlo zait dukhlo
Sounsarant sundor na konn, tunch niz to eklo,
Kednach anvem dekonknam, fokot sopnant taka dekhlo,

Nidhlelim anv astanam, soeg ho ghoddlo oslo,
Ghoddot mhunn hi ghoddni  monant dubav naslo,
Mollbar than devon eun, kuxik tum mojea boslo,
Ekech goddiek  mhojo, jivit mogan laslo

Kallzant mojea mogachem, aktem tannem pettoilem,
Soglli rath ulovun, kalliz maka bhettoilem,
Kiss tacho gheunk vetalim, main mhoje mhaka uttoilem,
Utton poilear konnuch na, mhaka sopnan fottoilem.

Jivitan mojea anvem,  konnachoch mog korunk nam,
Nhui mhunnon konnak, utor anvem diunk nam,
Tuzoi mog korunk maka, noxibant favo zaunk nam,
Ekuch pautti dislo tum, porot disonk nam,

Ugddas tacho urtolo, sodanch mhojea motin,
Chintlelem anvem monan, zaunk tachi potin,
Ugddassak taka diunk, kainch naslem athin,
Istor mhoji kabar zali fokot ekech ratin.

SOTTVE RATIKLyrics Chris Perry (Lulu Fortes/Mac/ Irineu)

Sonvsarant zaitim chedde-cheddvam astelim,
Amigam koxim, borobor bonvtelim,
Noxibant favo tim, eka-mekak meutelim,
Devachem ubeube pormonnem kazar zaum pavtelim
                                   
Chorus...
Devan mista Sottve ratrik,  bukar boroilelem,
Kazar ami zaunk amkam formailelem,
Konnachean voronk zainam, noxibant nirmilelem,
Mogan ami sarchem, jivit urlelem.

Altara mukhar, dimber ami astanam,
Kallzam urmotalim padri manual vachtanam,
Khoxen dukham goulim, mudi ti ghaltanam,
Ekvott zalo mhunn soglleank gomlem, teo gantto vaztanam.

Repeat Chorus.....Devan mista sottve ratrik 

Mai-Paichem ghor soddun aiz anv tumger ietam,
Urlelem jivit tukach anv bhettoitam,
Kallzachem dhar ugddun mog tuzo bitor ghetam
Morosor sanddchim nam, mhun tuka, jurament ditam.

Repeat Chorus
Devan mista Sottve ratrik,  bukar boroilelem,
Kazar ami zaunk amkam formailelem,
Konnachean voronk zainam, noxibant nirmilelem,
Mogan ami sarchem, jivit urlelem.

TUM ANI ANV Singer: Usha= U, Archie=A
 Lyrics: Chris Perry 
Album: Meu Amor

hahahahahaha

A:Do you really love me?
U: Ofcourse I do

A:Will you ever leave me?
U:Never

A:Tum maka jurament dita?
U:Kallzan than

A:Tum maka kednanch soddchem nam?
U:Kednamch nam

U:Jurament anv tuka ditam gheun Devachem nanv,
Kallzant mog tuzo bitor ghetam konnui tum zanv,
Porva korchimnam soddunk poddlear ghor ani ganv,
Ektaim rauchim focot tum ani anv.

(Both)
Sodankal ami oxinch mogan bonvchim,
Eka-mekak vengen dorun raumchim,
Magnnim amchim vegim Devak paumchim,
Ek Dis kazar ami zaumchim....x}

U:Fullelem ful kednaim bautelem,
Devan nirmilam tem meutolem,
Vaitt borem sonsun tujem rautelem,
Noxibant assa tem bhogunk pautelem,

(Both)
Sodankal ami oxinch mogan bonvchim,
Eka-mekak vengen dorun raumchim,
Magnim amchim vegin Devak paumchim,
Ek Dis kazar ami zaumchim....x}

TUZO MOG - Singer: Lorna, Lyrics Chris Perry

Ravom yeta mojean jeu nastonam,
Sarum yeta rath nido nastonam,
Punn ravonk zainam mojean tuka, poi nastonam
Ugddas yeta ut'tam bostonam.
Kaliz khoxen boro tum astonam,
Kainch ek naka maka tum nastonam,
Maatui mojean ravonk zainam,
Tho mog, tuzo mog voi tho mog tuzo mog kori nastonam .

Apoi maka anv rokdinch yetelim,
Sang re maka tujexinch rautelim
Mag re hem kalliz focot tukach, ditelim
Visorxii anv chodd dukest zatelim

Ravom yeta konnank poi nastonam,
Dolle bond korun-ugdi nastonam
Maatui mojean ravonk zainam,
Tho mog, tuzo mog, voi tho mog, tuzo mog kori nastonam.

Savlle porim anv tukach tostelim,
Ugddass kor mozo fuddean astelim,
Tum akantak aslear jiv mozo ditelim,
Nodrek tum naslear pixim zatelim
Thondient rautam anv kamboll nastanam
Gormen rautam anv varem nastanam
Maatui mojean ravonk zainam
Tho mog, tuzo mog, voi tho mog, tuzo mog kori nastonam.

Updated 15/05/2020