01. HOTEL DE JAKIN - Young Menezes
Heka xitt koddi vadd, teka temprad ghal,
Heka tantim zata mal, teka dudyachi chal,
Hennem duddu diunk nam kal, teka merrak add,
Fattim aila poi taka portun dadd.
Tumi susegad jeiat, ani zayem zalear gheya,
Biryani moji bori sogllem meuta sodanch jeunk yeya,
Soro zavo titlo piya, punn duddu poile diya,
Hotelar hea amchea jeunchea von funkott pollunk meuta tiatr.
Ao kaka ao, tum torkari khao,
Ho goemkar bhav, teka xitt ani dau,
Isko biryani lao, tuzo kiteak bobau
Temkam jeun vosondi mure tum matxe fattim rau.
Arey koslo re ho mosko, sanglear aikona noixtto,
Hemkam sogleank bitor voron jeunk di re bukeleat kiteak vell ho besto,
Rupkar tuzo ansto, vincharunk bietam re matso,
Arey zata poi tem zanv, agho tum amgeruch rav tuka funkott ditam nasto.
Gabruk kaddtam ani Goem dhaddtam,
Bakri latt'tam giraikak khub vaddtam,
Dusro mest addtamam mojem dis sartam,
Hotel de jakin mhunn board martam.
Hem ghe pag tujem rupya satt, ani nodrek disonakaim math,
Antanche atam tum tujem bixeneam bandun dovor ghara vospachi vath,
Chol voch vegim zali rath, nam tor marun kaddin kath,
Arey hotel de jakinachem randop ruchichem, amkam konnuch ditolo nam ath.
2. PARKI - Young Menezes (P) n (1-Daddlo, 2-Cheddum, 3-Daddlo, 4-Musolman)
1-Agha parkea
P: Oh
1-Maka konnem sanglam tum noxib parkitai mhunn
P: Voi
1-Tea passot anv tujexim ailam maka matxe parkun sang poiya
kitea passun anv osso zalam tho
P:Ath dakoi pollya
P:Noxib sangon tum roddtoloi, fuddarak vaitt tum kortoloi,
Ani toddeach disani meunechea tum mogan poddtoloi,
Bailechem bhangar chortoloi, lojek lagon ghor soddtoloi,
Tujem noxib pissodlam ga ujean koddon mortoloi.
2-Agha parkea
P:Kitem
2-Maka sang saiba anv borem nam, maka ek tori soirik zainam
P:Janeranache poiler 1948 vorsan tuje mathear ek konvlo boslolo
2-Voi saiba ani don pakkam uddoilelim
P-Dekunuch 1949 vorsant tujeo sogle sorik moddlea
P:Tuzo bhav soirik tuka kortolo, pai kazar korunk sodtalo,
Tea novrea lagim tum kazar zaxi tho rokdoch mortolo,
Tuzo fuddar boro choddtolo, sortekar mogan poddtolo,
Tacho bore bhaxen sambau kor, Dev tuka sorgar vortolo.
3-Aga parkea
P:Kitem
3-sang maka anv noko kitem zatam tem
Anv noko anv zomnir choltam, kupani choltam, doryan bonvta vo ganvan bonvta tho
hemhench kitem moji tokli gunvlelea bhaxen zata.
P:dakoi poiya tuzo ath
P:Tum noxib kantteanim purtai ani khotteam gunnanim vaddtai,
Naka zalelem sangon lokachem bailank tum naddtai,
Paiche tum duddu kaddtai, ani cheddvank tum dansank addtai
Hem kumsaran tum sangonaim padrink fotti martai
4-Arey parkea
P:Oh
4-Dekho apna kismat mein kya hai vo, meriko kuch patta nahim lagta
P:Patta nahim lagta?
4-Ah ham
P:Acha jera batau tumara ath
4-Dekho
P:Dekho ham bolta sacha, takdeer tumara bahoot acha,
Sath baras hogay shadi ko tumko ghera ho gaya bacha,
Aurat ka jaban pata lekin Bhurgeanchem takdeer kacha,
Bhurgeank haji moola bej do, khuda banayega acha.
3.DIS ANI RAT – Young Menezes
Chintlear ojeap, punn nhoi milagr, chintlear chintnam pavonam,
Disacho eta, ratcho veta, konnager to ravonam,
Soglleam thaim to mogall, konnacher chavonam,
Purvoz chintun zalet kabar, azun sumar mevonam.
Ch:
Adlea zannarachim chintnam chintun zaleam datt,
Antam Scientist chintat vochun diunk taka hat,
Vhoddlea xiknnaramni sodhun kaddlem tachem chart,
Punn azun konnakuch vochunk mellonam vatt,
Podven bhoron poiat vhotta tachem tatt,
Zolmola to aicho dis poriam bhavonam tachi khat,
Poiat Devachi artt, kednach korinam ghat,
Konn sangot khuim to lipta, etokuch rat?
Savronam ikmot, tokleant dongor bhor ras zalea chintnanchi,
Ratchi ieta, disachi veta, poiat milagr ojeapanchi,
Dongramni nidhon, kabar zali ikmot profetanchi,
Nodrek dista, vatt nam vochunk, podvi rochnarachi.
Ch.:
Ojeap zatoloi tum, tujeach bhitor chintoch,
Zolom ticho zantto, punn bhurgi dista poitoch,
Hem mhojem humannem meutolem tuka sodhtoch,
Ghor tichem lokhlokhta, uzvadd soglleak pett’toch
Khonti kabar zatat, nodor tichear martoch,
Uske piglonn veta ti sangatan astoch
Dukh aslear nam zata, tichem chintunk bostoch
Konn sangot khuim ti lipta, dis to vhoir sortoch?
04. GOOD NIGHT - Sung By: Young Menezes & Cruz Noronha
Lyrics: Young Menezes Music: Cruz Noronha
Girl: Hello my dear today you look so very fine
Why are not talking simply changing your mind
Boy: Ago osli let fet Inglez maka xikonk nam mojea pain
Hanv ration addunk voitam gho thuim voddli zateli line.
Chorus.
Girl: What are you talking like a mad, today you look so very sad,
Boy: Yes aiz anvem bhairi ghetlea my stomach feeling bad
Girl: Kens tuje pingle beauty set, dolle tuje azun pole red,
Whats your name? (Boy) U W alkhuns XYZ.
2nd. Verse
Girl: I love you dear because you very good nice looking,
But next one tell me Bombay where are you working?
Boy: Bhatien dukor loitanvam baking chourisam fort ruchic making,
Inglez tuji Bomboi eunk kottin, de Portuguse very best cooking.
Chorus;
Girl: Come darling come catch my hand, feeling very hot take this fan,
Boy: O que esta corrasaum abalar tenkoi nakai bend,
Girl: Tell me married getting when, everybody laughing man,
Boy: Peticoat vhoir kadlo khala disti podtta ren.
3rd. Verse
Girl: Come darling come my heart running,
I love you mog tuzo kortam mhun sangonakai Johnynk,
Boy: Ok keep quiet next time don’t talk hem tuka nimanem warning,
Sokauchem vatter meulear eka mekak fokot mhunnchem Good Morning.
Chorus:
Girl: You are my sweetheart don’t make fight,
Come darling come catch me tight
Boy: Loz bextti lok lok polleta atam pallounk lauia light,
Girl: Kallok zalo kon atam maka pait
Boy: Samball gho vattek ghotalo zait,
Vogot zalo ghara voitam tuje amizadik good night.
Lyrics courtesy: Peter Mendes
Updated 4/11/2014
