Monday, September 8, 2008

Mandos - 1

Mandos with English translation are available in
Konkani songs with English translation. (updated 8/6/2010)

1. ABOLIM

Ek dis bhagint anv gelolim,
Thoimchim addunk don tin abolim,
Tim ghevun, ghara anv voitalim,
Vatter eka cholean magon ghetlim

Abolim anv sodanch addtolim
Tukach ditolim,
Tumghe ghara konn asai re fullam malltholim


Abolim ditanam dhukanim anv roddlim
Maka mallunk zai mhunn addlolim
Kazarache atte-vitte kaddtalim,
Tednam ankwar anv aslolim.

Abolim anv sodanch addtolim
Tukach ditolim,
Tumghe ghara konn asai re fullam malltholim.


Deva tujea lagim magtam
Feliz côr mhunn tum maka atam
Kazarache anvdde vite kadtam
Dukãchim dukam golloun rod´tam.

Abolim anv sodanch addtolim
Tukach ditolim,
Tumghe ghara konn asai re fulam malltholim


2.ABBEY - Betty Naz

Kitlem sobit Abbey tujem nanv
Borea gunnacho mhunn gazta ganv
Dekunuch mogan tujea podleam anv....}
Fuddem zatam poi tem zanv..................}2

Maim anv zaina kazaru,.zaina kazaru,
Abbeychea bogoru.......}2


Natalamchea festak tho meulolo,
Mojea lagim mogan tho uloilo,
Ekuch dollo moddun anvem taka buloilo.....}
Monan mojea tho gelolo,............................}2

Repeat ch. Maim anv zaina Kazaru

3. ADEUS KORCHEA VELLAR
(The last number played for weddings)

Balo, boslo mojea kallzar,
Kallzam, doxim zaunchea vellar,
Naka dislo soglo sonvsar,
Moga Adeus korchea vellar

Anik kaim ek moje lagim naslem,
Otmo ani kalliz tukach dilem,
Chintnam ubon gelim varear
Gupit ekloch zalom fugar
Dukam denvlim mojea pollear
Moga adeus korche vellar

Kalliz zalem mojem thondgar,
Tuka dektoch dolleam mukar
Roddlom chintun mogacho bar,
Moga adeus korchea vellar,

Mollbailem tem channem tor uloit tem
Dakoll korta tem kitem anv korta tem
Kalluk ailo mojea dollear
Sopon koxem dislo sonvsar
Chintnam motin riglim sabar,
Moga Adeus korchea vellar,

4. ADEUS KORCHO VELLU PAULO
Adeus korcho vellu paulo,
Ai mojem kalliz re fapsota
Dispedir korchea vellar …….}
Ho sonvsar naka-so disota…}…2

Vochu re voch re roddum naka
Devu feliz kortolo tuka.


Sogleam am’gamko sanddunum
Vetai tum dispott’to zoddunko
Tuj felicidad choicheako
Otrekanim rabtam mu re hanvum

Vochu re voch re roddum naka
Devu feliz kortolo tuka.

Forsan adeus tuka kortam
Fugar zaun, dukam re golloitam
Zaite martir hanv bogitam
Ankvarponn tukach re bhetoitam.

Vochu re voch re roddum naka,
Devu feliz kortolo tuka.

5. ANGVONN AMI KELOLI DOGAINIM

Angvonn ami keleli re dogainim,
Gopan dhorun roddlim ami dukanim
Kallzam amchim ghantailelim chintnanim }
Guspoll amchi keli moga amchea gorcheanim } 2

Khoxi kazarachi, nirddukai ghorcheanchi........
Moga bhirmot futtom amchea dukhamchi..........}2

Amchim chintnam varear ublimnam,
Rogtachim dukham ghoddun konnem puslimnam,
Papa-Mamak segred amcho gomlonam, }
Devan amche churchure matui kelenam, } 2

Khoxi kazarachi, nirdukai ghorcheanchi,….}
Moga bhirmot futtom amchea dukhamchi }2


Siole Sant Antonichea mazar,
Bhas ami dileli zauncheak kazar,
Sonvsarak korun ami nomoskar, }
Xirap ghalun doriachea larar soddtaum suskar }..2

Khoxi kazarachi, nirdukai ghorcheanchi,…. }
Moga bhirmot futtom amchea dukhamchi }2


6. BANNAVLE MONTIR - Betty Naz

Abrilache ponchvis aitara sanjer,
Boson aslim bannavle anv doryache deger,
Okosmot nodor moga moji poddli tujer,
Tednam moga davon ailim, yeun tuje kuxik boslim
Noko koslo mogacho bar ailo mojer

Hath mojea dovrun moga athir
Mhunntlem Devan rochlam tuka mojea khatir
Mog amcho osoch urom, khoro ami korya retir…...}
Jurament diumya vochon Banaule montir………….}2


Xittol varem ghetat boson chollyeo cholle
Kai boro mog kortat polleak tenkon polle
Amchi moga poili bhett veller banaule
Dogaim ami mog kortanam mogachi ub ghetana
Sogleamche amcher moga asle dolle

Repeat..Hath mojea dorun moga athir..


Ghara vecho moga amcho zalo vogot
Doryache lharacher moga ufetali bot
Tedna ami ekamekak chittkon aslim ghott
Veller soglim ektaim zaun, moga amche fudden eun
Banaulle mog korunk borem mhunno sogott

Ch Hath mojea dorun moga athin


7. BAR NIDECHO
Gupit ami podleanv mhunn mogantu,
Sogott zanot boball amchea ganvantu,
Atam bodolxi mhunn mojer aila akantu,...}
Kallzan rigon khontu, }...2

Moga yeo modhyanicho,
Papacho bhar nidecho,
Johnny tum sodanch guttacho,
Ani sungar fudarcho,….repeat.


Bhangarchi mudi ghatlea bottaku,
Mottem kankon korunk lailam shettiku
Pain tujea chitti bond keleo sangon padriku,...}
Kikonti mojea kallzaku, }...2

Moga yeo modhyanicho,
Papacho bhar nidecho,
Johnny tum sodanch guttacho,
Ani surngar fudarcho,….repeat again.


Vhodle Goeam saibak ugoddtanam,
Sangatan chol'lim/bonvlim pursaum choltanam,
Rodon jurar zaleaum ami umav ghetanam,...}
Hem ekloch goemcho saib zanam, }...2

Moga yeo modhyanicho,
Papacho bhar nidecho,
Johnny tum sodanch guttacho,
Ani sungar fudarcho,….repeat again


8. CHONDRIMA PORIM RUPKAR GO TUZO

Chondrima porim rupkar go tuzo,.....}
To mojean chintun kobar korinezo.....}2
Maka ugddas yeta tuzo jiu fugar zata muzo.
Mojean rabnezo eksuro.....}..2

Ai ai Flori,
Maka amizad tuji.
Malun xiumteamchi panti,
Beij diun kor maka dadoxi.


Molba porim delicado tuji chall,...}
Ti anv sodanch korim niall......}2
Xiumtim abolim gunttun, moddem jasmin galun,...}
Falleam jello dadtam mallunk.....}2

Ai ai Flori,
Maka amizad tuji.
Mallun xiumteamchi panti,
Beij diun kor maka dadoxi
.

Cheddvam bhitor tum bemfeito cheddum,
Flori eklench tum mojea mogachem.
Dusman passun entrar zalear, revoltanim marun far,
Dolfar assam go anv toyar.

Ai ai Flori,
Maka amizad tuji.
Mallun xiumteamchi panti,
Beij diun kor maka dadoxi.


9. DORYACHEA LHARARI
Doryachea lharari,
Chondrimachea uzvaddari,
Hea mojea kensanchea fantieri,
Jurar zatam Deva mukari......x2}

Yeo re moga, choi re mhaka,
Mogache dolle lai re mhaka...X2}


Anju tum re arkanju,
Kerobim adoradu
Ho amcho ekuch mhum re Pacto”,
Juramentu zaum dhi re sagradu.

Yeo re moga, choi re mhaka...
Mogache dolle lai re mhaka...X2}


Ratchim nident hanv sopnetam,
Utton abras diuncheak vetam,
Zagim zaun re fottoutam,
He martiru tukach re bhettoitam.

Yeo re moga, choi re mhaka...
Mogache dolle lai re mhaka...X2}


10. DOTHI MAGON - Antonette
Kalliz khoxen bhorlem mojem,
Sasnank zatelim anv tujem
Zaun anv cheddum goribachem, utor dilem kazarachem,
Bessanv poddom re tujer Devachem

Dothi magon cheddeanim, noureanim tanchea ghorcheanim
Konn feliz zaunk nam dothichea duddvanim
Dukham math goddoilim gorib cheddvanim….}X2


Sukhan maka adlem tuvem dukhantlem,
Vinchun kadlem ful kantteantlem,
Konnacheanui vhoronk yeta duddu bhangar sonvsarantlem,
Konnachean vhoronk nezo noxibantlem.

Dotti magon cheddeani, noureani tanchea ghorcheani
Konn feliz zaunk nam dotichea duddvani
Dukham math godoilim gorib cheddvani….}x2


Soirim khoxen mojim bortelim,
Toddech tempam sacrament zoddtelim,
Dothi vinem vortai maka upkaran tujea urtelim,
Morro passun mog tuzo anv kortelim

Dotti magon cheddeani, noureani tanchea ghorcheani
Konn feliz zaunk nam dotichea duddvani
Dukham math godoilim gorib cheddvani….{X2


11. FUDDARACHO RAZA - Lourdes & Vin Paul

Bombaim than Goeam anv vetanam, chedde soglle kori mojim fokandam.
Punn anv konna ekachi, porva korina, mozo Jimmi astanam...

Jimmi Jimmi moga, kalliz rauta tuka,
Tunch mujea fudaracho Raza,
Jimmi Jimmi moga, kalliz rauta tuka
Tunch mujea fudaracho Raza

Att vaztam dokhear paulolim ami, Nov vorank voronk ailolo Jimmi
Tea cheddeank lagon mojer chavolo Jimmi, pavomsor maddanim

Jimmi Jimmi moga, kalliz rauta tuka,
Tunch mujea fudaracho Raza
Jimmi Jimmi moga, kalliz rauta tuka
Tunch mujea fudaracho Raza


Agxe kaddun tari, doko tollea bandari
Tinga bakragelo cholo rebek vajita kombia saddari
Tinga bakragelo cholo rebek vajita kombia saddari

Galun tambdem buluzu, disot kitulem sobit
Vavr voichea disot sungott

Bore mhunn tuje ghunnu
Maim korunk sodta sunu
Bore korn rav chotraiennu, konnui vorot chorunu
Bore korn rav chotraiennu, konnui vorot chorunu

Agxe kaddun tari, voi tollea bandari
Tinga bakragelo cholo rebek vajita kombia saddari
Tinga bakragelo cholo rebek vajita kombia saddari

12.GATH KELO - Platilda
Chintelem kallzan anv tujea bitor soronk,
Iskol xinktanam maka ailoi re voronk
Kazar zaunk orsam re mojim naslim boronk
Ganvan bonvpachem maka thond nam re uronk

Voklek pollounk mhunon tum amger ailo,
Anv mandlim mhunn tuka, tum moje maink sangon gelo
Kiteak mhunnon tunvem maka ho gath kelo
Maka angach dovrun bolteach lagim kazar zalo

Mudi ghalunk passun tunvem dileli tarik,
Ganvan amche bobau zalo moji zali mhunn soirik,
Ani maka kazar uronk na chintlear barik,
Bore aslole kodden maka ghatlem dukhamche zorik

Voklek pollounk mhunon tum amger ailo,
Anv mandlim mhunn tuka tum moje maink sangon gelo
Kiteak mhunnon tunvem maka ho gath kelo
Maka angach dovrun bolteach lagim kazar zalo

13.GUPIT MOG BHURGEAPONNAILO

Gupit mog bhurgeaponnailo,
Devan amkam nirmilolo,
Atam zalom hanv eklo,
Ekvott zaun tuzo, Mog doxim zalo,
Uggdas yeta moga tujea utramcho....2

Bhurgeaponnailea sukha, ekloch dovorloi maka,
Koxem puttvolem tuka, sanddcheak maka.....}2


Kazar zaumche adim moga,
Don tin chitti boroil’leo tuka
Chitti vachumchea vellar,
Roddunku eta, kalliz fapsota
Anik sonvsar naka so dista.

Bhurgeaponnailea sukha, ekloch dovorloi maka,
Koxem puttvolem tuka, sanddcheak maka.....}2


Eksurponn mhojeru ailem,
Devan mista formailolem,
Dogam pariamchem zhoddem,
Mogan bhonvtalem, kalliz go amchem,
Aiz thaun separaru zalem.

Bhurgeaponnailea sukha, ekloch dovorloi maka,
Koxem puttvolem tuka, sanddcheak maka.....}2


14.ESKOLAK VOCHO

Sangatan iskolak vocho… ….}
Vochon ekach bankar bosso..}..2
Lisaum kortannam ami eka-mekak polloun anso..}
Kainch sozmonam vissorloi kosso………… …….}..2

Rautam moga tuka
Kitem korun vissorloi re maka
Rautam moga tuka
Kitem korun vissorloi re maka

Teo tujeo chiteo re anv vachtam…..}
Ratchim nindent anv sopnetam……}2
Zonel ugttem korun moga tuji vatt anv poitam..}
Zaguim zatokoch fottoutam…………..…………}2

Rautam moga tuka
Kitem korun vissorloi re maka
Rautam moga tuka
Kitem korun vissorloi re maka


Dulpod…

Ami astannam lhanu, oi poddtaum moganu…2
Oi, poddtaum moganu, kednaim bonvtaum raganu…2

Ami astannam lhanu, oi poddtaum moganu…2
Oi, poddtaum moganu, kednaim bonvtaum raganu…2

Ch: Ontrollar nodor mar disti poddta suria…}
Atam ami mogu korum-iea………………}2

Tem cheddum gorelem, oi ekdom borelem…2
Tem noureak gheun mog kortannam, lokan pollelem..2

Tem cheddum gorelem, oi ekdom borelem..2
Tem noureak gheun mog kortannam, lokan pollelem…2

Ch: Ontrollar nodor mar disti poddta suria…}
Atam ami mogu korum-iea………………}2

Moji okol mogachi, ti modur angachi…2
Ti chodd mogachi, ani chodd ragachi…2

Mozo nouro mogacho, to modur angacho…2
Tho chodd mogacho, ani chodd ragacho…2

Ch: Ontrollar nodor mar disti poddta suria…}
Atam ami mogu korum-iea……………}2

15. ISTIMOSSANV ROZACHEM

Thoddoch temp ami bonvleam mogan,
Kazarachem utor dilolem Rozan,
Ekvottacher addkoll addli tichea papan,
Moga tuka paulona go gheunk gopan,

Istimosanv Rozachem, Roza mojea mogachem,
Kazar zaunk lisens na go Papachem .....2


Sobit Roza tujem nanvu,
Saligao bardezant tuzo ganvu
Baie tujea mogak go lagonu,
Kudd moji geli go bagonu

Istimosanv Rozachem, Roza mojea mogachem,
Kazar zaunk lisens na go Papachem .....2


Roza sodanch chintalom-go motinu
Mogachi korunk tuka-go potinu
Ami dogaim vegllim zaun zattinu
Papachem licens mellona-gho hatinu

Istimosanv Rozachem, Roza mojea mogachem,
Kazar zaunk lisens na go Papachem .....2


Sobit tujem bai Roza nanv
Tosoch sobit Saliganv tumch ganv
Polle tujea Papaku lagunumu anv
Sukon gelom motint gheun hem pikasanv

Istimosanv Rozachem, Roza mojea mogachem,
Kazar zaunk lisens na go Papachem .....2

16. JURAMENT DIUN FOTTOILEM

Kalliz hem tukach re bettoilem,
Mog utor kallzacher kantoilem,
Don kalzam bandpachem dhor tunttoilem,
Innocent kallzak hea fottoilem.

Vachun tujeo donui chitti,
Kallzak hea dukh bogli motti,
Jurament diun fottoilem, maka praier Kongotti
.

Palloili vath mojea jivitachi,
Sun korunk maim tuji zaina raji,
Gufant vortam mhunnoi sangatinn zatoch tuji
Punn axea kallzan bitor urli moji

Jurament dil'lo dogainim
Aiz anv eklinch roddtam dukhanim
Moga tuka pisso kello gulfantlea duddvanim


Goem yeun kazar tum zatolo
Bailek gheun congoti tum vetoloi
Jurar zalea khursaxim tum pautolo
Tednam mozo ugddass tuka yetoloi

Koslench sukh anvem chaklenam
Fottoixi mhunnon chintlemnam
Chitti ani jurament, fotti mhunnon gomlemnam


17. JURAMENT

Mhunni assa vhoddilamchi zaun gueleot pinnka
Jurameta kedinch na re sutka,
Anj bokth jagrut kortokuch bai tuka
Guneav bogos magonk tum eunaka,

Kalliz doxim kelem innocent,
Negar koxem gelem derefent,
Maka dilolo jurament…..repeat kalliz


Bhangaran kudd gho tuji nettoixi
Munxeakullak tum sonvsaran fottoixi
Ghorban kuddi tuje rongan buddoixi….}
Azun ankwar urlaim mhunn choddfoddxi…}..2

Kalliz doxim kelem innocent,
Negar koxem gelem derefent,
Maka dilolo jurament…..repeat kalliz


Moga tuka ugdass etoch mozo
Roddonkai chintun fuddar tuzo
Kazar zaun boro sonvsar kor bai tuzo……}
Jurament mojer gheun rosto tanktam mozo..}2

Kalliz doxim kelem innocent,
Negar koxem gelem derefent,
Maka dilolo jurament…..repeat kalliz


18. KAZARACHEM UTOR MAKA DIVNU

Kazarachem utor maka re divnu,
Kalliz mojem ghetlelem re bandhunu,
Derefent dusreachem aikonu,
Maka dilem re soddunu...x2

Dilolem utor re moga, utor-re moga,
Negar geloi sukha...

Rat ani dis kaddtam roddonu,
Moga tujem traisanv re chintunu,
Doryache deger re boisonu,
Ul'lastam anv kallzan thanu....x2

Dilolem utor re moga, utor-re moga,
Negar geloi sukha....

Nimanno dis pautoch kazarak,
Moga tunvem vochonk zai kumsarak,
Borem kumsark kor tujea fuddarak,
Toxench mojem nanv sang tujea Konfesorak..x2

Dilolem utor re moga, utor-re moga,
Negal geloi sukha...

19.KEDINCH CHINTUNK NASLEM
Kedinch chintunk naslem re monant,
Mog tuzo rigot mhunn mojea kallzant,
Sobit rup tujem pollelea uprant,
Auchit podlom tujea mogan.

Yeo Yeo moga
Yeo mojea anjea
Aniku ghe maka
Gopant tujea


Derantulean tum passer zatanam,
Lensan kortaloi sinalam,
Vegim vegim paiank ghalun chinelam,
Bhair soron meji tujim paulam.

Yeo Yeo moga
Yeo mojea anjea
Aniku ghe maka
Gopant tujea


Rat dis ugddas maka yeta tuzo,
Pikasanv toklent sonsunk nezo,
Magumya atam adar Devacho,
Vegim ekovtt zauncheak amcho.

Yeo Yeo moga
Yeo mojea anjea
Aniku ghe maka
Gopant tujea


20. MOGACHO KUNVOR

Mojea ghara samkar tujem ghor
Dekun chitti borun maka kortai zobor
Sezarya chintnam pois kor, fatti sor
Kunvor mozo Ronnie taka dilam utor

Panch panvdde devon, Ronniek yetam mevonk
Mora bhaxen nachon ani danvon
Mogacho kunvor, kallzan mojea ravon
Mog pisso mhunn aila kovon.....Repeat chorus


Sezarya hanv mhunn xiddkaitam tuka
Bestoch mojim sopna poi naka
Samkar ravtai mhunn utor magnaka
Vochon mojea gharache paumde meznaka

Panch panvdde devon, Ronniek yetam mevonk
Mora bhaxen nachon ani danvon
Mogacho kunvor, kallzan mojea ravon
Mog pisso mhunn aila kovon.....repeat chorus


Aiz than bond kor dhaddpacheo chitti
Moga fuddem sezarya korchem nhoi jitti
Devan nirmilolem sottie rati
Noxiban Ronnie mozo zaunk poti

Panch panvdde devon, Ronniek yetam mevonk
Mora bhaxen nachon ani danvon
Mogacho kunvor, kallzan mojea ravon
Mog pisso mhunn aila kovon....repeat chorus