Songs of Wilson & Sharon

1.ABSENT MINDED PROFESSOR - Wilson (W) & Sharon (S)

W:Tum vollkichi koxi dista, tuka khoim tori poilea mista,
S:Tujea ugddasak zalam kitem, sogott lok ho tuka ansta,
W:Khorench ugddas maka urona, punn tum Bandrachean ba asta,
S:Arey anv bail tuji mojea ghova, dis rath tujeach gharan asta.

W: Ai Deva pormesvor,
S: Tuje bail bhurgenank visor,
W:Saiba koslem hem fokand mozo ugdddas gela khoimsor,
S:Fokot Alegebra ani Geometry assa tachea toklen bitor,
Collegin xinkoin xinkoin ho ghov mozo, zala absent minded professor.

W: Faleam social tumvem yevunk zai, sang khoimcho visitid ghalta,
S: Tumvem vistid kednam maka xinvlai, anv tor sodanch saddi nesta
Pun anv social tujea yena, voron maka eke vatten soddta,
Magir visron dusrea vatten bailank, bottam laun khoboro sangta.

W: Ago thoim kaukant disonam,
S: Boddiem kelem konn zanam,
W: Puro tujim fokannam, tum ghovak patienam,
S:Ho apnnak ugddas urona mhunnon, tornea cheddvank dolle mhunnta,
Magir tim cheddvam rangan poitokoch, sorry apnnak bail sozmolo mhunnta.

S: Aka vorsam zait alim ponas, torui ho boro uddta,
W:Ago thoim collegint cheddvank poitokoch automatic oxem ghoddta,
S:Tor tujea ugddask kitem zalam ghai,
W:Collegin boro ugddas urta, punn ghara yeun tujem thond poitokoch,

mozo ugddass padda poddta

W: Kazara adim anv boro,
S: Konnak sango naka puro,
W: Adim ugddas maka uro,
S: Arey bondollam konnak foddta,
Amche resperachea disak passun, poi ho koslim falam korta
Hanv nesson toyar Dabulan igorjent, ho maka St. Xavieran sodta

02. SCIENTIST -Lyrics by Wilmix Wilson Mazarello
Album No. 1 ' Konkani Originals' by Wilmix-Sharon

Europak ek vhodlo scientist rautalo,
Subez xinkonk mhunon to Israelak ghelo
Thuim zomni bhitor kitem meuta tem, tachem xinkop to kortalo
Taka meulam tem aikon sounsar ojeap zalo
Taka meulim khuim zomnir haddam eka munxeachim
Tim haddam khuim sumar don ozar vorsanchim
Tis ani tin vorsam asleleam unxeachim
Tachea donui hath paieanim burak asle ani boric khunna aslim baleanchim,
To mhunon dubau nastanam him addam zaunk zai focot jezi christanchim

Rokddich khobor hi gazli radio ani t.v.cher
Scientist tacho photu xaplo sogott potrancher
To mhuno kon sangta Jezu jivont zala tachim haddam assant zomnicher
To itlo famad mhunttoch konnuch dubavonk nam tacher
Hi khobor aikon soglo christaum sounsar al’lo
Padri bispani aplo dhorm passun soddlo
Madri convent soddun gara voicho rosto dhorlo
Missionar goribank vavurtale, tanni thuimchea thuim goribak soddlo, kaluch
Jezu aplo Deu mhunno to munis aiz Devak visorlo

Amcho Dhorm khoro assonk Jezuchem jivontponn
Hem zainaaslem tor tachi porva korinaslo konn
Tor hem soglem kainch nhu zaunk paulem voi tea scientistak lagun
Pun to morche vogtar aik kitem gel’lo sangun
Sanglem tannem aplo nimnno vogot aila mhun
Soglem jivit bhor apun naum zoddunk sodhi mhun
Naum apnnem zhoddlem pun munxeakuddak naddun
Him addam nhoi Jezu Christachim pun ti hanvench dhovorlelim thuim addun
Hem nimnne kumsar mojem zatam hanv Devan bogxilear puro mhun,

Hi khobor aikona fuddem suskar soddlo sounsaran,
Kitle padri bisp portun bhitor sorle dhorman
Madri konventan geleo missionar porot goribanchea Kaman
Apli chuk vollkoli mhun onbhavarti munxean
Khori khobor hi hanven kaim goddunk nam
Igorz maten chint kitem kaim bhogunk nam
Koslem hem jivit zorui Jezu jivont zaunk nam
Ami munxeank sanglem rokddench manlem pun
Devan sanglelem madunk nam,
ami patki munis Devak sandtele pun Devan amkam sanddunk nam.

03.PAUSACHO DIS - Sharon

Dusre disa Igorjechem fest assa mhunn,
Main maka kumsar zaunk mhunn dhaddlelem,
Kumsar zaun anv ghara yetanam,
Amchi bhett zauncheak nirmilelem.

Pausacho dis aslo, gosgoshancho pauss koslo,
Sontri moje thaim asli ,tednach tum dislo,
Kedinch anvem chintunk nam, vogot yeit mhunn oslo,
Sontren tuka ghetokoch mozo jiv sontoslo.

Vatter tunvem mojem nanv vincharun,
Khoimsor rauta tem vincharlelem,
Punn anvem tujem nanv vincharunk nam,
Mhunnon tuka goddiek vaitt distelem.

Chorus...Pausacho dis aslo...

Orddi vatt amchi cholon zatokoch,
Tunvem mojea khandar ath dovorlolo,
Poilech pautt maka oxem ghoddlelem,
Sonvsar sorguch koso dislolo.

Pausacho dis aslo, gosgoshancho pauss koslo
Sontri moje thaim asli ,tednach tum dislo
Kedinch anvem chintunk nam, vogot yeit mhunn oslo
Sontren tuka ghetokoch mozo jiv sontoslo.

Gharant tujea pautoch bitor vetanam,
Anik ek pautt voddon tunvem poilem maka,
Dogaimnim mogacho anvddo gil'lo,
Tea disak than anv rautam tuka.

04. SOIRE ANI GORIBSANN - Sharon

Pai mozo sirvis kori, maim ghor sambautali,
Pai duddu zoddtalo, maim despez kortali,
Paichi zodd vhodli nhoim, thoddech dis pautali,
Maim kednaim amkam vaddun, apunn upaxi rautali.

Aiz moje lagim, kitlech duddu assa,
Ozaranim duddu mojean, moddum yeta eka dissa,
Punn ugddas yeta maka, mojea bhurgeaponnailo.
Soiro ek passun naslo, amkam adhar ditolo.

Maim-pai ani tegam bhurgim, amchi famil osli,
Kednam oslo vell yetalo , gharan ek domdi nasli,
Favo titlem nesop naslem, loz ami sonslea kosli,
Birankull ek sopon koxem, amchi doxea asli.

Festachea dissak, sezari missak vosso,
Ami vossonk axetalim, punn nessonk kapdam nasso,
Dusreamger soirim yetalim, amchea soireank loz disso
Vaddeantlea festa disak, ami gharantuch bosso.

Duddu aslear soglle tuje, nam tor tum konnak naka,
Hi mhunni tumi aikon zannam, punn ghoddon ailam maka,
Kitlinch tuka soirim assot, konn pavonam tuka,
Goribank adar eklo Dev, taka mat vissor naka

Hea soireamchem nattok, fokot don disanchem,
Tum duddvamkar zalear, tumger birem soireamchem,
Duddu tuje kobar zait tor, nanvuch visortat tujem,
Bikari soiro konnak zai, tum tanchea matear vojem,
Bikari soiro konnak zai, tum tanchea matear vojem.

updated 24/3/2012