MOGACHEA MARI - Luis Martins=LM, Lourdes Colaco=LC
LC:Kitlo sobit pollounk dista ho sonvsar taka nettoila sabar ronganim,
Suria chondrim kupam neketram ontrollar, tanche sangtan jietat ami,
LM:Tanche von vhodd moladik vost asa mojea kallzant ani ti tunch sangatin mhoji
Diamantik ani bhangar kitleim porian dilear tunch maka zai mojea mogachea Mari.
Both:Devan rochleleo heo rochnneo ami,
Survatak sonvsarant doxim aslim,
Estolan bandun padrin ekttaim kelim,
Antam ami sasnachea sasnak ek zalim.
LC:Pormollit fullam ful'lelim asat baginim kai borim mog kortat ekamekacho,
Ani ti vareavoili monzath sukh bogtat ontrollar, tosoch varean sogott ekvott tancho
LM:Tankam kuxin dovrun Mari matxe yeo aro tum pormoll vortouta mojea jivacho,
Sukhan dukhan astolom tujea sangatan, chol pettonvia divo jivitacho.
Both: Sodanch sangtan bonvtelim ami,
Kuxin sorchim nam eka porvota porim,
Goddiek denvchar gallunk ailear tallnim,
Nustea porim zaumchim nhoim ami pixim.
LC:Kaiborim zaddam ani follam ditam amkam sukh toxeach tea porvotamcher aslole rukh,
Zongllant zonvaram, undir ani nistem somdirant bhagoitat amchea pottachi tan-buk,
LM:Kitlim dadoxim astolim ami sonvsarant Mari zorui korinam zalear kosli chukh,
Ekvottak mhunntele amchea sukhacho ghorabo, bhurgim zatelim mogacho mukutt
Rochnara kurpechem di amkam boll,
Ekvott amcho zaunk diunaka poll,
Tumch favo kor amkam koxtamchem foll,
Sonvsarant aschem nam dukhachem moll.
KUPANTLO CHONDRIM - Luis Martins=LM, Agnes Artunes= AA
AA: Rat vortouta modianichi, ontroll petlam neketranim,
LM; Kallzam assat amchim dukhi, zatat dekun doxim.
AA:Kitem mojem zatelem moga?
Tuje vinnem sonvsar naka,
Sukh mojem tujer assa, tujea sangatan vor maka
AA: Gupit dogaim poddlim mogan,iskol xiktana sangatan,
LM: Pattlean bonvon amcho dusman, doxim kelim nettan.
LM: Soput diun tukam sangtam, moro porian kedinch soddchonam,
Fuddar amcho surgar kortam,
Sukhan tuzo sangath zoddtam.
AA: Ath zoddun asam ubim, dolle bhorleat dukhanim,
LM: Kednaim ekttaim zatelim, Dhonia aik amchim magnnim,
LM: Adeus sorgimchea neketra, ani mojea fuddarachea sukha
AA: Chondrim kupantlo bhair sorta, toch khobor ditolo tuka
Both: Adeus sorgimchea neketra ani mojea fuddarachea sukha,
Chondrim kupantlo bhair sorta, toch khobor ditolo tuka....}x2
la la la la la la, la la la la
ANVDDE - Luis Martins= LM, Lourdes Colaco=LC
LM: Rathchi rath nid poddonam chintun tujem,
Dolleam mukhar disson yeta tujem rupnnem,
AF:Ontrollar chondrim xivraita sobit chandnem,
Utram aikon uchamboll zalam kalliz mojem.
Kiteak mhunnon sonvsar amkam korta doxi
Devak naka chintnam purim korunk amchim,
AF:Mogar amchea dusman zalim soglim gorchim,
Punn goddchemnam kallzam korunk veglim amchim.
LM:Dukhi ho sogllo sonvsar tum nastanam,
Mogar amchea ghorchim uprastat him tufanam,
AF:Neketram tim bikbiktat punn bienam,
Nirmoll mog kor Dev amkam kedinch visorchonam.
LM:Kallim kupam koddsortelim amche velim,
Tujea xivai kalllzak mojea konn nam anik,
AF:Moro porian tujeach kuxik anv astelim,
Dhonia veginch ekttaim kallzam axelelim
Dhonia veginch ekttaim kallzam axelelim
Dhonia veginch ektaim kallzam axelelim
Updated 26/102019
