1. KOUMCHECHIM KANKNAM - Star or Arrosim
Ugte moidanar zuztalem jivit adlea zuzareacchem
Gerak voson vorak moro yea hem chintop hea solderachem,
Kiteak mhunntat zait mol kori nezo mhunn adlea kazareamchem
Resperak tim vetalim bessanv gheun sezareanchem.
Adlem kaim ek disonam hea sonvsari mapan,
Kaide tanche chondrima porim liple kupan,
Sat vorsamcho cheddo-cheddum ekamekak dhortat gopan,
Sonvsarak hea pisso kela ostoreachea rupan,
Thoddeo kazari bailancher nodor marlear kitem yeta dekhon,
Moddle kaide vhoddilanche antamche nokre xinkon,
Adle bailani niz sakrament dovorlolo rakon,
Poticho respet mhunn aplea koumchechem kankon.
Thoddin koumchemchem kankon galinant moddli voddilanchi chal
Boreak kitem sangot tor tamkam rokdench poddta mal,
Bailo cheddvam igorjent yetat tambdem vontt rongon ghal,
Igorz mhunnchem thoddim sozmotat ek dansachem sal.
Chintop vortouta rund munxeachem jivit sodanch oxir,
Sangom nezo kedna kobar zait zolm jivitachem doxir,
Thoddeamche athik koumchechem kankon nam boson bhangarache raxir,
Thoddeank ghov mortoch moddear addun ghaltat kaxir.
Dekun boinni utramcho poi barik niall korun,
Koumchechem kankon na koslo faido ath bhangran bhorun,
Sakramentacho ghov bhoinni morot moronn yeun darun,
Tedna koumchechea kanknachi goroz foddunk kaxir marun.
2. AIYI - Star of Arrosim & Mohana
Legend Aiyi (Mother)(A), Por (son) (P)
Music (Anthony Gonsalves)
A: Mojea kallzachea ekleach rajea,
Pordesan vetai, vegim ye re tum anjea
P:Susegad tum rav ayi, bhienaka posot mojea,
Jivak ghottai dhor ayi tujea.
A:Tum vetai khoro, jivak bhogta fugasanv fugasanv,
Ekloch tum mozo put, voi zadda tachem nanv, voita nanv
P:Kustar lagota ayi soddun vochon mozo ganv,
Toddeach tempan porto yetolo anv.
A:Mumboi vochon pora korxi mosti,
Thoimsor cheddvam zaitim korinaka dosti
P:Toxem korit mhunn ayi, fugar zainaka bexti,
Itli kiteak dhortai aiyi dasti
A:Vaddon tuka pora, ath paim zale moje datt zale datt,
Tujer patieta bhagvan bori dakhoi taka vatt, dakoi vatt
P: Sonvsarant anv assom sor, ayi korchonam tuka par
Bhagvananuch bhorchem khali aslelem dar
A: Tujea fattlean pora koxem anvem rauchem,
Bori sirvis mevon borem tujem zanvchem,
P:Sirvisk zatokoch aiyi magir nhoim ami biechem
Roddonaka naka aiyi bhagvan tunvem pauchem
A:Zaito teom dekun aiyi tunvem keli apurbai apurbayi
Tunch mozo dir adar ghora darachi chavi voi chavi
P: Tujea bogor kon naka tunch maka sodanch zayi
Voitam axirvad di tuzo maka aiyii
