Sunday, April 27, 2014

Songs of S.Lemos




S.Lemos (Daniel Salvador Lemos) Suadik Talleacho Kantor - the title given by late Alfred Rose to S.Lemos has to date produced 18 albums. Of these 15 are audio cassettes, but some of them are available in CD format at present, and he has plans to release the remaining audio cassettes on CD's very soon. Also released 3 CD's Best of S.Lemos with selected songs from audio cassettes n songs which he sang for others albums. Presently his CDs are not available in music shops, but are available with him for sale in Goa 
1.Milagrimcho Khuris
2.Devachem Dennem
3.Zanv Devachi Khoxi
4.Sambavche Devan
5.Dev Zannam
6.Dev Sandinam
7.Okman Devak
8.Upkaar Devacho
9.Jezuk Kitem dila
10.Utor Devachem
11.Jezuchim Paulam.
12.Devan Dilo
13.Devak Dukoila
14.Jezun Noven yetolo
15.Jezu Rauta
16.Dev to Dev
17.Adar Devacho
18. Bapachi Khoxi


1.ALMANCHEM FEST - S.Lemos
Adim almachem fest ietoch mhunnot,ghara ietat mhunnon melelim,
Atam chintop amchem tem vaddon, mhunntat portun ienant gelelim,
Adim bhavartan sothmandtalim, dekun voran festam zalelim,
Purvozanim amchea amkam tim festam korun dilelim.

Motin dovrun, ani nial korun, meleleacho misacho,
Melea xapai, vo melea xamai, ugddas korunk tea disacho,
Mhunnot adim anv zolmolam mhunn, tanchea rogta masacho,
Bodmass tum zalo, negar tum gelo zolmon amchea bhesacho.

Chint munxea morchea adim, aiz nam falem tumvuim mortolo,
Sonvsarant soglle patki ami, voir denvchar amkam dhortolo
Tujim gorchim dinant tor missam, tum purgotint urtolo,
Tednam mojea utramcho bhava thoimsor ugddas tum kortolo.

Sov rupya poddtat dekun tum roddta, misacho valor tum noko,
Pikterak nachak, tiatrank dansak uddon veta zaun pako,
Pakam laun mateak tum ussolta kiteak, sonvsar jikon ho akho,
Devache ujir, tum zatoch azir, kallzak bostolo dokho.

Vochot thoim amkam vakanddtat, khorench Goemkar uxear mhunn khore,
Khoimcheai teran ami vochot, sodanch nanv amchem zoddtt bore,
Punn dhormachem kitem amkam sangot, ami rokdde zatat bhere
Dekunch amkam te anga thoim marche poddtat fere.

Ieo re puta, tuka Igorj rauta, bhett korunk povitr misachi,
Kallukan assai, hi kosli pisai, roxni ghe uzvaddea disachi,
Vait dhorxi rosto, zatolo mosto, ass lagteli khottea visachi,
Kudd mati khata,othmo zoddtek veta,rakonn kor tujea othmeachi.

2.AVOICHEM KALLIZ - S.Lemos
Veth bhor pottak lagon bhava tum pordhesan veta,
Puta ghara ie mhunnon maimcheo tuka chittir chitti ieta,
Xekim ghara vetoch maim mogan vengen dorun poxeta,
Punn bail focot tuji tujeam tea duddvank axeta.

Dolleani dekon zanna, tori vinchartat kitem kai,
Zolm diunk tuje maink tras bhogleat, bailek bhogonk naim,
Tum melo vo jivo assa tem tuje bailek poddonk nam re kaim,
Pun rath dis tuka roddteli tuji zolm diteli maim.

Tum pordhesan vetoch maim tuji rath dis kontin asta,
Punn bail focot vochon tuji sezarenger bosta,
Amche jibek add nam dekun ti sogleankuch tasta,
Bail tuji tujea duddvam kustar ankvar cheddeank posta,

Kortub dekon sunechem maimchea kallzak poddta ghai,
Dolle asson kuddi, paim asson ghottela zaun nam upai
Tum morot bailek dusro ghov, punn put aplo maink zata naim
Hem soglem sonslem tujea main, punn sonscho naslo tuzo pai.

Kantar mhunntam ugdass ailo khobor sangonk khori,
Eok put aplea maimcho toxoch bailecho chodd mog kori,
Maimchem kalliz kha mhun rath dis bail dukhamcheo kori zori,
Maim kalliz dita put ragan katorta gheun suri.

Poiat kitlem kalliz darun bailek lagon tea putachem,
Xeuttak zuizan formonn dilem taka gollar marpachem,
Ojeapani kallzak zali zap kiteak kalliz nhoim tem gaiechem,
Putak faxi dium nakat mhunn roddo kalliz tache maimchem.

Poiat kitlem kalliz darun bailek lagon tea putachem,
Xeuttak zuizan formonn dilem taka gollar marpachem,
Ojeapani kallzak zali zap kiteak kalliz nhoim tem gaiechem,
Putak faxi dium nakat mhunn roddo kalliz tache maimchem,
Putak faxi dium nakat mhunn roddo kalliz tache maimchem.

3.PAI MHUNNTA - S.Lemos
Panch vorsam Gulfak sirvis korun anv ailam zoddun,
Vhoddlem ghor Goeam bandlam Gulfak than duddu daddun,
Chintalom kazar zavn ek borem cheddum vinchun kaddun,
Punn pain mojea khoxi moji ti uddoili moddun.

Pai mhuntta kazar zavn Goeam kitlo teomp tum urtolo,
Vo bailek tuje borobor Gulfak tum vortolo,
Voronk zainam kazar zavn puta tum khontin bhortolo,
Don vorsanim ietoch bailecho tum guneanv kortolo.

Don vorsam baile vinn tujean Gulfak ravom ieta,
Toxench bailechean ghova vinn angasor ravonk zata,
Tor cheddvak kazar korunk pai-maim kiteak bhor geta,
Jevnak tanger nam dekun mista kazar korun tuka dita.

Munxeachea soimbak asta puta ek kuddichi ass,
Dadlea-ostorecho ekvott mhunnchem kazaracho bandpass,
Sangatan jietelin mhunnon tim Devak ditat bhass,
Sangat doxim zatoch kortat tea sakramentacho nach.

Sangtam team utrancho puta monan tum ugddas dovor,
Duddu ekttaim korunk thoddim vorsam Gulfak sirvis kor,
Goeam ievn lhan business kor uprant Gulfacher ghal visor,
Bangarachem amchem Goa tea Gulfak korinaka sor.

Sirvis kelearuch zainam puta te tum duddui sambav,
Gulfacher visor ghalun uprant tum Indiekuch rav,
Bailek sangatak dovortolo tor puta tum kazar zav.
Kazar zavn fosle mhunn Gulfak roddle kitle amche bhav...}3

4. POILO GHONTT VATTAI! - S.Lemos
Zanv to kazari, zanv to zuzari, put to hea desacho,
Okondd dadleaponn, lokondd padriponn, kaido hea bhesacho,
Soimb divun tuka munxeachem, Devan rochla rogta-masacho,
Num to domdomit, num to pormollit, kherit vasacho.

Nesta to jetan, cholta to nettan, khuim veta zait gai danvon,
Voddkilear tuvem, tondd korta kaem, pollenam to pattim vollon,
Ravtam hanv taka, mevtolo mhaka, yeotolo ravon nam pavon,
Gelolo dhovo, yetannam kavo, khuim than aila lovon.

Zala to nennar, xikpan to zannar, advogad to boro,
Korti aloita, morti paloita, vakandd taka khoro,
Vibaddta to jivit tujem, itlean ixtta taka kor poro,
Aik nirop mozo, dusman to tuzo, konn to toch to soro.

Munis tum boro, piyetoch soro, uloitai kitench pinga-ping,
Bhurge dakttule, fulovn pakttule, mhunttat tuka bebdeancho King,
Kestavam suru, piya hai dharu, kansular poddta dinga-ding,
Magir davompui zainam, povopui zainam, rostear korta dancing.

Chinta tum sabar, mot korun kabar, soro divpak soddun,
Pietai quarter, mix korun water, ghara lagim haddun,
Pietoch gontt tea soreacho, boll tujem uddoita moddun,
Magir jivak zata hai, anik-anik zai, barran vorta voddun.

Zaite zann nokot, aikat hem vokot, noxttea soreacher zoit voronk,
Poilo gontt tum pienaka ixtta kobul passun za moronk,
Jivit zalem padd, vaddovn bonvta khadd, koslo faido tuzo uron,
Ekuch ho upai, poilo gontt vattai, fulanim jivit bhoronk,

Ekuch ho upai, poilo gontt vattai, fulanim jivit bhoronk,
Ekuch ho upai, poilo gontt vattai, fulanim jivit bhoronk,

Lyrics of this song: courtesy Domnic Fernandes

5.KONKANI" - Sung by S. Lemos and Sucurrine
Put maink vovkocho, nam mhunnon borovn, dorlam bukanim,
Ami ugi ravot tor, fuddarak amkam, roddchem poddot dukhanim,
Vhodd-vhodd xiknnar, Goemkar bhav-bhoinnim, asat lakanim,
Punn konnuch kobul nam, ulovnk amchi maim, bhas ti Konkani.

Inglez bhas amkam, xikonchi poddtta, lagon hea pottak,
Kiteak ixtta lavor, kaddleli mudi, ghalun bonvtai bottak,
Porke Goeam ievn, maim bhaxek amche, korunk sodtat attak,
Ami Goemkar astannam, Konkanik kedinch, korunk divm nakat nattak.

Konkani bhas visron, Inglez uloitai, zavn tum pako, 
Inglez uloilear, somzota sonvsar, jiklo mhunnon ak'ko,
Chint Goemkara, maim-bhaxek adhar zavnk, dhita tum doko,
Goemcho put zavn, azun Konkanicho, valor tum noko.

Udentichem Goa, bhangarachem mhunnon borovn, dorlam avtoranim,
Bhorlam tem zhaddam, kazu-ambe-ponn'nnos, minanchea dongranim,
Goemkarank nidh ghalun, bhangar Goemchem chorun, velem choranim,
Atam Konkani chorunk chintat, chotur ravonk zaem, Goemkaranim.

Loz amkam Goem-karanchea gharanim, Konkani aikonk mevonam,
Atamchea bhurgeank, bilkul amchi, Konkani bhas ti kovonam,
Maim-paik vincharlear, mhunnttat amchim bhurgim, Goeam ravonam,
Khuimchorui ravlear, Konkani bhas amchi, visronk favonam.

Hath zoddun magtanv, Goemkara bhurgeank poili, Konkani ulovnk xikoi 
Konkani bhaxecho, mog tujea bhurgeanchea, kallzanim pikoi
Kedi vhoddli loz, Goemkar zavn, mhunnttai tum Konkani nokoi
Sobhemazar Konkani ulovn, apunn niz Goemkar mhunnon dakoi
Sobhemazar Konkani ulovn, apunn niz Goemkar mhunnon dakoi.

6.ZANV DEVACHI KHOXI - S.Lemos
Gelea sumanan potracher anvem ek angonn porgott keleli,
Auchit moji bail duent zaun anvem hospitalan veleli,
Ti angonn potracher porgott kortolom mhunn Devak bhass dileli,
Tea angonne vorvim moji mogachi bail bori zaleli.

Poiat Devak anvem koslem ghatelelem tem kondisanv,
Bail moji bori zalear Devak kagtar photu tuzo ghaltolo anv,
Zorui bail moji morot tor Deva tujem kednanch gheucho nam nanv,
Poiat koslo anv kristanv ani koslem tem mojem devossanv.

Potracher vachun bailen mojer eok xinn kelo osso,
Kristanv zaun poti tum Deva lagim magtai kosso?
Devak condition ghalta to munis nennar ani pisso,
Devak condition ghalun Deva lagim tum dhondo koriso disso.

Deva lagim koxem magonk zai aik poti anv sangtam tuka,
Mag ani meutelem Devak kednanch tum condition ghalinaka,
Anvem maglelem tuji khoxi tor Deva bori kor mhunn maka,
Devachea khoxek man dit devossanv mhunntat haka.

Magta tem mevot zalear ami mhunntanv Dev chodd boro,
Magta tem mevonam zalear Devacho pizun kortanv churo
Khorea bhavartan magonk xinkoita kristanv dhorom khoro,
Devak condition ghalinka ixtta anvem ghatlelem tench puro.

Devan sanglem darar marar ani dar tuka ugoddtelem,
Khorea bhavartan magxi tor borem poi tench ghoddtelem,
Devak condition ghalixi tor bhavarti mon tujem moddtelem
Zanv Devachi khoxi mhunnxi Devachem bessanv tujer poddtelem.

Updated 27/04/2014