Real Name: Francis Peter Thomas D'Souza
Stage Name : Bab Peter
Born : 1953 Died : 19-02-2005
Audio cassettes released:
1. Konknni Motiam 2. Goan 3. Myrose 4. Tourist Center 5. Ophelia
Late Bab Peter started his singing career as a child artiste, initially he used to sing songs composed by his father and others. As time passed on he started composing his own songs. Besides his own albums, Bab Peter has also rendered his voice to songs composed by Alfred Rose, C.Alvares, Roseferns, and others albums.
After his death Manfa Music has released two albums:
1. Bab Peters All Time Favourites Vol 1 & Vol 2
Songs in both these albums are selected songs of Bab Peter & Family from all the 5 audio cassettes. Vol 1 released in cassette format as well as CD while Vol 2 was in CD format. The CD albums of Bab Peter currently available with Manfa Music.
The audio cassette BAB PETER FOREVER was given free to all those who attended the months mind for Bab Peter by his family.
ASHRAMANT GHAL - Bab Peter (P) Ophelia (O)
O:Chukh moji bogos bhava kelelea kortubamchi,
Portun maka gharan ghe bhoinn anv tujeach rogtachi,
P:Tum pollon gelem tedna tuka goroz nasli gorcheamchi,
Moji bhoinn zalea tednanch melea, axea maka nam bhoinnichi
P:Koslem thond gheun mojexim adhar magonk ailam,
Hea tegam tujeam bhurgeank mojea gomtear ghalunk chintlaim,
O:Hea bhurgeank tori ravonk suat di magtam tujea thaim,
P:Tuka bhav assa mhunnon kovlem mista zatoch tegam bhurgeamchi maim.
O:Ugddas maka ieta tuzo bhurgeank gheun rostear nindtanam,
P:Amcho ugddas kadchi goroz nam, ghovachem ghor astanam
O:Ghovachi famil bhava gharant maka dovrunk kobul nam,
P:Tem favo tuka kazar zalaim maim-paichem bessanv nastanam.
O:Ghorkar somplo mhunn adar maka nam duddvamcho,
Hea bhurgeank tori dudhak poixe di tum mama tancho,
P:Hea sonvsarant maka bhoinn nam mhunntoch anv mama nhoim konnacho,
Ani pollon gel'le bhoinnink adar diupacho kaido nhoim bhavacho.
O:Tegam bhurgim zatoch mojea kortubancho ailo maka niall,
Bhurgeank gharant dovrinai tor tanche zatelet alavall
P:Hea margaiek lagon munxeak munis nakat zaleat aizkal
Possunk ghoddonam tor bhurgeank voron khoimchea ashramant ghal
P:Moji bail bhurgim assat vosonk kor mozo adar meuchonam,
O:Chodd Dev borem korum tujim anvem parkilim chintnam,
Zannam zau bhava moxichim xingam moxik vhodd zainam,
Bhik magon bhurgeank postelim punn tankam ashramant ghalchimnam.
ACE DIRECTOR-ART DIRECTOR-MELODY KING - Bab Peter
Konkani palkacho khoddegant Director, Ace director mhunn nanv assa ekleak
Setting ghalun tiatr aple soboita, Art director mhunn nanv assa dusreak,
Koslem kantar soboita aplea tallean, Melody King mhunn nanv assa tisreak
Hea tegaimkui hem title favo zaunk karann, tannem Novidade kelea konkani palkar
Jivitant tache tannem, tiatr boroileat title azun passun konnech borounk nam,
Ace Director mhunn zo title assa,taka tho title azun konnak mellonk nam,
Tho ace director zaun assa C.Alvares, Evergreen hero amchea tiatramcho,
Mhunnta taka Raza duetancho, tannem cheddvank rosto dakoila konknni Palkacho.
Adim tiatr zatalet vhodlea hallani, gharam passun dakoitalet pordeamcher
Sogllench mudar korun udoilem tannem, bitor soron he amche stegicher
Khoddegant art director Prem Kumar mhunn xapon ieta sogleam potramcher
Tho korta tosli art he tempar konnech korunk nam, hea amchea konkani palkacher
Setting, Lighting nastanam tiatr tacho azun passun khoimsor zaunk nam
Art director mhunn zo title assa taka, tho title azun konnak mevonk nam
Tho art director zaun assa Prem Kumar tiatr boroita khoddegant dailogue galun
Artiche kaman palk tannem unch dovorla, hi art tachi konnachean zainam chorunk
Tisro vortouta Goa Melody King, director aizchea musical showacho,
Tho melody king zaun assa Alfred Rose, tacho suadik tallo sogleanchech ollkicho,
Non-stop show poiloch dakoilo tannem, tvcherui poilo programme zalo tacho,
Poilem cassette kaddpi tho Alfred Rose, tannech rosto dakoila konkani casseticho.
Musician ghalun don show dakoilet, tannem ugddas tacho azun vochonk nam
Aiz musican nastanam show poitat tumi oslo show konnech dakounk nam
Heo tin vostu tegaimnim dileat palkar upkar attounk zainam galun fulamcho turo
Tiatristamchea nanvan anv magnnem kortam Devan zatinch vorsam tankam dovorlear puro
MILAGRANCHI SAIBINN - Bab Peter
Aikonk hi fott disot, punn hanv sangtam tem soth, pollelam dolleanim
Ganpatik haddun ghoran, fest tachem kortat honran, Hinduacheam ghoranim
Tachi tim puja kortat, bara dis upas dortat, ghor bhorun soireanim
Bhoron khoxechea bharan, nistem haddinant ghoran, Ganpatichea disanim
Tanchea dhorman ek kaido asa, Ganpatik haddunk zai ek pavtt haddit tor
Vorsachea vorsa tannem haddcho poddta, Daktto tori gorib to zalo tor
Ordea disak tori tannim haddunk zai, purvozanim adim haddlolo tor
Ghoracher khuim tea odruxtt denvon ieta, ek pavtt haddun bond korit tor
Bhurgo ek aslolo, maim-paik sotaitalo, Ganpatik hadd mhunn ghoran
Nistem khanvchem nhoi mhunn, upas ami korcho mhunn, roddo dukachea bharan
Konnench tachem aikolem nam, sangnnem kanar dorlem nam, podvi dakoili Devan
Soglleank uddovn ghuspavn, apleak zai tea rupan, Ganpati ailo daran
Bombay Mahim hanv ravtam thuimsor, gorib ghorabean ek ojeap ghoddlem
Tea cheddeache main bazaran vochon, vis rupianchem ek pamplit haddlem
Pamplittachi koddi korunk tinnem, pamplitt katrun mitt lavn dovorlem
Ordea horan Ganpatichem rupnnem, pamplittacher disti poddlem
Koslea-koslea rupan, Dev ghoran bhitor sorta, hem amkam kovonam
Velim kombea bhattan, Saibinn-Maim disti poddli, punn soglleank disonk nam
Devan ghoddla ho sonvsar, tache podve mukar, munxeachem cholonam
Hanvui Velim gelam, dolleanim pollovn ailam, fott mhunnonk puttvonam
Sangnneam pormonnem nolleank uzo petton,
Vailankani Saibinn-Maim disti poddli mhunn,
vaddeantli sogllich porza ekttovli
Ghoddiek ti takach disti poddli mista, mhaka disonk nam hi milagr kosli
Kopel bandun aplim novenam korat mhunn, Saibinn-Maim magta asteli.
Kopel bandun aplim novenam korat mhunn, Saibinn-Maim magta asteli.
GHANTT – Bab Peter lyrics: Roseferns
Dis zalo mhunn gomoita, kannant avaz sokallimcho,
Devacho ugddass korunk xinkoita, avaz donparamcho,
Rath zali mhunn gomoita, vell zatoch aimorecho,
Christanvank ho vhodde gorjecho, toch avaz te ghanttecho
Ghantt akho sonvsar gazoita, amchim festam porbo zatanam,
Ghantt khuxealkai rigoita, amchim bhurgim komoineanv ghetanam,
Ghantt amkam sogleank ansoita, munis zolmon taka Christanv kortanam
Ghant amkam sogleank roddoita, ami moron fondan vetanam...
Bhurgim vaddon zatoch vodlim, mai paiche girestkaiek zogoddta,
Tanchi doulot apnnak meuchea pasot, tamkam veginch moronk magta,
Aikotoch avaz tea ghanttecho, tim apleach bitor guspota
Aiz maka ani faleam tuka, hacho ghantt amkam ugddass kaddta
Ghantt dhormachi nixeanim, sukh dukh gomta ti vaztanam
Mornam, festam, porbo sobo nam, ghanttecho avaz nastanam
Thodde gorban ticho sangat visorta, tim yetat ugddass kadinastanam
Punn ghantt tancho sangat soddinam, vazta zolman tosoch tim mortanam.
KALLZACHO UZO - Ophelia N Bab Peter (Parents singing)
Kallzant khoxechem ailem tufan,
Dhuvek amche poun aiz tichea ghovachea gopan,
Kazar zalim aiz tumi poddon mogan,
Ekvottar bessanv ghatlear puro Sorgimchea Bapan.
Kallzacho uzo, eok zalo tumcho dogaimcho,
Konnachean doxim antam tumkam kori nezo...x2}
Mhunntat cheddum mhunnche ghorachi sobai,
Cheddo koso zaun gharak amchem sukh addlem bai,
Eklich dhuv mhunn itlim vorsam keli apurbai,
Maim-paichi veng riti korun ghovager vetai.
Kallzacho uzo, eok zalo tumcho dogaimcho,
Konnachean doxim antam tumkam kori nezo...x2}
Noxiban kitlo mogall ghov meulo tuka,
Sodanch tuka khoxi dhortalo khatri assa maka,
Maim-pacho ekloch mogacho put visronaka,
Ghovak ani maim-paik tache kednanch dusman korinaka.
Kallzacho uzo, eok zalo tumcho dogaimcho,
Konnachean doxim antam tumkam kori nezo...x2}
Sangnnem mojem hem dovor motin,
Ghovachea maim-paik kednanch ghali nakai kontin,
Fuddar tuzo boro korunk assa tujeach athin,
Gharacho samball korun dakoi mhunn bori potin.
Kallzacho uzo, eok zalo tumcho dogaimcho,
Konnachean doxim antam tumkam kori nezo...x2}
Kazarak amig soire marun ailet danv,
Eklich mogachi dhuv mhunn vollkota ganv,
Ghovache maim-paik respet diun samball amchem nanv,
Saude kobar kortam magon tumcher Devachem bessanv
Kallzacho uzo, eok zalo tumcho dogaimcho,
Konnachean doxim antam tumkam kori nezo...x2}
Konnachean doxim antam tumkam kori nezo.
MOG BOOM BOOM – Bab Peter
Eka cheddvacho mog hanvem kela
Hanvem jurament taka dila
Aikat sobit nanv tachem Bela
Tacho eok novro mela
Zosso fulacho kollo fulta
Tosso re baba amcho mog cholta
Zo konn eok cheddo cheddvak bulta
Magir to mogachea zaddar halta
Korun kantar tara Boom-Boom-Boom
Tara-ra-ra Boom, Boom-Boom-Boom
Kitem re to mog, tara Boom-Boom-Boom
Tara-ra-ra Boom, Boom-Boom-Boom
Khorench mogak tea nam xim-mer
Mog to konnamchench korinam ker
Tea mogak lagon sodanch fer-fer
Kitle melet korun tem ger
Mogan poddtuch poilem borem dista
Thoddoch teomp to kallzan rigon asta
Magir baba dusman ievun ghusta
Mog korun kitle babdde fosta
Khorench to mog tara Boom-Boom-Boom
Tara-ra-ra Boom, Boom-Boom-Boom
Mhaka saiba korinakai Boom-Boom-boom
Tara-ra-ra Boom, Boom-Boom-Boom
Avchit mog kallzan bhitor sorta
Ani fultem jivit katorta
Mog zaitea zannank borem korta
Thoddeank vegim sovnsarantle vorta
Kitem re mog tuka fuloita
Sukachea painnear doloita
Uzo laita ani paloita
Raza-Patxeiank pasun haloita
Khorench to mog tara Boom-Boom-Boom
Tara-ra-ra Boom, Boom-Boom-Boom
Hanvui bhietam zait mhunn Boom-Boom
Khorench to mog tara Boom-Boom-Boom
DOLLEAMCHI VATT - Bab Peter = BP; Ophelia = O; Babli = B
BP: Mogan poddon ami kel’lo sangat
O: To mog amcho azun unno zavnk nam mat
BP: Sodanch bonvchim hathak dhorun hath
B: Hanv zavn asa tumchea dolleanchi vatt
B: Tumchea dolleank hanv uzvadd ditelim
Moromsor tumcho sangat kortelim
Bhienakat hanv vhoddlim zatelim
Tumi matharim zatoch hathak dhorun bonvtelim
BP: Nokoi bai pai-mainchea mogachem mol
O: Vhoddlem zaisor soglleam thaim mogan chol
B: Mog tumcho kednanch zavnk divchinam pol
Hanv zavn asa tumchea ekvottachem foll
B: Vaddoilam mhaka tumi mog divn khoro
Ho mog tumcho zavn asa fulancho turo
Magtam ekvott tumcho uronk boro
Hanv vhoddlim zai sor Devan tumkam dorlea puro
BP&O:Tum kazar zai sor Devan amkam dorlea puro
Tum kazar zai sor Devan amkam dorlea puro
B: Tumi matharim zaisor Devan tumkam dorlea puro
Tumi matharim zaisor Devan tumkam dorlea puro
MYROSE - Bab Peter =BP, Ophelia OP, Babli=BB
BP: Kallzachem sukh Myrose mojea, buddlam anv mogan tujea,
OP: Kortelim tuji anv puja,mogak diu nakai rojea,
Disonaim tor kalliz zata bond
BP:hacho gutt maka sangtolo konn
Tujer nodor poddtoch mojem jivit zata thond
OP:Lokak korun divxi thond
BP:Kednach dinvcho nam tuka eksurponn
Doxim korit fokot morn...
BB:Zainam tumche vinnem ravoncheak math,soddunk zainam tumcho ath,
Kalliz dhodddta zatoch rath,geth mhunn tuzo konnui ghath,
Kaim kovonam mogacho thau, toklen hea yeta dubav,
Mogak sodanch tum visvaxi rav, soglleank adharak tum pav
Kallzak tujea poddonk di nakai ghav,mogachi vechi nam mav
BB:Tin letrancho dhaktulo mog, jivit bhor dadosponn bhog,
Ujeacho lagonk di nakai dog, pois kor ragacho fog,
Anv ek dis vhoddlim zatelim, ekleachoch mog kortelim,
kazar zaun ghor mojem sukhan bhortelim, mogachi savlli addtelim,
Mama daddacho ugddas kortelim, ani kantar oxem mhunntelim.
BB:Kallzachem sukh Myrose mojea, buddlam anv mogan tujea,
Kortelim tuji anv puja,mogak diu nakai rojea,
Disonaim tor kalliz zata bond
Hacho gutt maka sangtolo konn
Tujer nodor poddtoch mojem jivit zata thond
Lokak korun divxi thond
Kednach dinvcho nam tuka eksurponn
Doxim korit fokot morn...
Mari Jakin moje sezaranin popayeo laileleo tin,
Achem tachem tinnem kaddun rin,
Sambauleot bhore jinnxin,
Don moron noxibant ek urli jivi,
Bombaim than goeam vetoch nodrek moje poddli,
Thoimsor than pollelem anvem popai lambta thi,
Ani sezarnichea kanant anvem oxi xempdi lotli.
Age zai ghe maka xemai zai zai zai, popai zai maka zai,
Ravchonam anv tika kelea xivai, chodd maka tichi apurbai.
Popaiechi khobor maink sangli,
Maim moji pinnouli,
Dantt vontt killaun angar aili,
Ani ferem ferem korunk lagli
Ek dis anvem manni kaddli maink moje fottoumchi,
Upaxim bonnus kamrun bajer gutli marchi,
Maim baba puta mhunnon uttouncheak lagli,
Anik anvem bobo marli damun dhorun hi moji tokli.
Age zai ghe maka maim zai zai zai, popai zai maka zai,
Ravchonam anv tika kelea xivai, chodd maka tichi apurbai.
Maka polloun maink kulkullo suttlo,
Danvon danvon dotorak addlo,
Dotoran yeun mojea athak dorlo,
Ani kuch korun ansonk laglo.
Dotoran mojem fokand sarkench parkilem,
Vogot launk nam, rokdench tannem injectsanv kaddlem,
Injectsanv polloun saiba, rogot mojem suklem,
Zap korun ubo ravon anvem dotorachea kanan ghatlem.
Agha zai ga maka dotor, zai zai zai, popai zai maka zai
Rauchonam anv tika kelea xivai, chodd maka tichi apurbai.
PWD - Singer; Bab Peter - lyrics Bab Peter
Kalliz mojem khoxen bhorlem, Indiechea airport-ar denvon
Kallzachi as puri zali, sogllea Goenkarank mevon
Soglleank Dev borem korum mhunnttam, kantar hem aikotat mhunnon
Xekim Indiek pavlom hanv, panch vorsam Bahrain ravon
Bombaim pavonam fuddem don disanim, hanv rokddoch Goeam gelom
Margao lokachi godd’ddi pollovn, Dhobitalao asa mhunn sozmolom
Itlo lok Goeam koso zalo kai mhunnon, hanv motinuch chintunk urlom
Uprant tea PWD-chea munxeachi khobor aikon hanv sarkoch thondd zalom
Amigan mojea Bahrain astannam, novea ghoracho benziment kelo
Hanv Goeam pavchea adim, amig mozo Goeam gelo
Bhaimchem udok kaddunk tras poddta mhunn, bailen tachea ghorak noll ghalo
Amigan udkachem bill dakoitoch, khorench mhaka shock zalo
Hanv tumkam khobor sangonk sodtam, Goenche PWD-chi
Serkari munis offisanim boson, salary ghetat apnnanchi
Lokager nollachem udok soddun, sudh geinant team paipanchi
Sat muineank vis ozarachem bill dhaddun, dandoll keli mojea amigachi
Dusre dis dogui geleanv offisan, officer thuimsor kodelir nam
Anga-thoim amkam bonvddailet, officer-achi khobor nam
Uprant ek officer mevlo, mhunno offisan ulovn faido nam
Sokla barrar boson uloviea, bhienakat tumi hanv astannam
Barracher boson ami tegainim, taka zai tem drink order kelem
Uprant tea amigan mojea, udkachem bill taka dakoilem
Sat muineank vis ozar koxe aile ghai mhunn, ami dogainim taka vincharlem
Apnnakui diat kitem, bill tem apunn adjust kortam mhunn, bill bolsan ghalem
Bhaim kaddunk upai nam te munis, paipam ghevn ghoran udok ghetat
Vaddeanim bonvon tumi poixeat tor, paipam futton zori vanvtat
Ani he PWD-che munis, dolle bond korun bilam dhaddtat
Poiat te serkaran dovorlele munis, barranim boson bilam check kortat
Ghorib lok udkachim bilam bhortat, paipam tim futtlelim astannam
Goeam khoim atam ekui kam zainam, bhitorlean duddu dhi nastannam
Goencho serkar kudd’ddo zavn bonvta, dolleanim disti poddtta astannam
PWD-che munis kednam toxem korchenant, minister bhagak tanchea nastannam
SANGONK ZATA ZOBOR - Bab Peter
Sangonk zata zobor, hi mojeach gorchi khobor,
Pai piyetoch gomoth ponvchi, jiv diunk veta gheun dor,
Maim mhunnta mor, maim mhunnta mor, maim mhunnta mor.
Pai mhunnta aplim kapddam kadd,
Goddiek mhunnta darling vegim jeunk vadd,
Poilo soro addunk dhadd,
Maim bhirantin soroi dita poddo mhunn achem paddd,
Ho koslo nadd, koslo nadd, koslo nadd.
Pai pion lagta fatti, nindna sogle rati
Maim babddi pai sudrom mhunon Devak laita vati
Saddi sati, saddi sati, saddi sati.
Soro na tor zainam ekai disak
Pai sampoddla zait koslea vissak
Soro mhunnche sor korta nissak
Pion zata tight, konnak korna vaitt, sokalim veta missak
Voi missak, voi missak, voi missak
Pai piyetoch zata sonso, gharan eta tosso
Voilean mhunnta panvom zomnir doro na koso
Cholta osso, cholta osso, cholta osso.
Maim mhunta pion ailo ghov,
Pai piyomcho na mhunn kannak ghalta vov,
Gharant yeun poddta korum dov,
Hem polloun ami fuxeal zaun anseachem ghaltam fog
Tallio ho, tallio ho, tallio ho
Moje paichem nanv jaki, pionk batli zai akhi
Kitloi piyelear pavonam ti burmashell tanki
Voi tanki, voi tanki, voi tanki
Pai mhunnta aplim kapddam kadd,
Goddiek mhunnta darling vegim jeunk vadd
Poilo soro addunk dhadd
Maim bhirantin soroi dita poddo mhunn achem paddd
Ho koslo nadd, koslo nadd, koslo nadd
SOPUT - Bab Peter
Mogan poddonk dilonaim thar,
Koulem nam kitem voinni khar,
Tokler moje diloi bhar,
Geleim ugtem dovrun kallzachem dar.
Soput tuzo ani mozo,
Thau konnak mello nezo,
Mogak kiteak lailoi uzo....}x2
Utrar tujea hanv pation,
Thoddoch temp mogan bonvon,
Maim-paichim tema khevon,
Antam dis kaddtam lojek bion.
Soput tuzo ani mozo,
Thau konnak mello nezo,
Mogak kiteak lailoi uzo....}x2
Don voddeamcher dorle paim,
Moipas dakoun moje thaim,
Jivit kelem dukhachi baim,
Oxem ghoddot mhunn anvem chintlem nam kaim.
Soput tuzo ani mozo,
Thau konnak mello nezo,
Mogak kiteak lailoi uzo....}x2
Pollkea mogan marle lag,
Kallzak mojea diloi dag,
Tujer anv korinam rag,
Hanv melear puro mhunn Deva lagim mag.
Soput tuzo ani mozo,
Thau konnak mello nezo,
Mogak kiteak lailoi uzo....}x2
updated 13/10/2018
