Monday, September 8, 2008

Songs of M.Boyer


Real Name: Manuel Santan Aguiar Stage Name: M.Boyer
Born: 11th October, 1930 Died 30th May 2009
1. BHURGIM VO BAULIM - M.Boyer

Kitem kitem dekhtat barik nodor marlear amim,
Kombi passun roddtta pilank aplea uklun velear kaulleanim,
Kiteak kalliz nibor kelam zait atamchea maimanim,
Tannim orphanage-im bhorleant apleak zolmolelea bhurgeanim

Kortat mhunn hem oxem, bhavank anink bhoinank mhunonam kaim,
Maim-pai mhunnche eka bhurgeak zaun assa sukhan borleli baim,
Thoimsor nesop anink jevonn khann, soglem assam tea bhurgea thaim,
Pun nam thoimsor tancho pai, anink nam thoimsor tanchi maim.....x2

Maim paichean poi nezo bhurgim eksurim aslelim,
Pun him koxim poitat kai bhurgeank tea madrinim sambaulelim,
Thoddim janot nestat, thoddim astat uxear xinklelim,
Pun sogott bott dakoitat tim mhunn bhurgim maim-pai naslelim,

Aikotoch hem tannim, bhurgeanchea jivak tea zata hai,
Sopnant passun tim roddtat mhunnon aplo maim-pai khuim ghela kai,
Khorench sonvsarant hea bhurgeank, meutat vostu jeo tankam zai,
Pun mevonam tankam maim, anink mevonam tankam pai....2

Igorz math xinkoita tem bhavartan sothmandchem,
Bhurgeank lagon igorz maten bandun dilam zoth ghou bailechem,
Thoddim bhurgeank dourun vetat lipounk khot patkachem,
Pun kotta igorjen livrar boroun urta noth bhurgeachem,

Vaddon oslim bhurgim vhoddlim zatoch kazarachim,
Xerdavam sodlear mevonam navam bhurgeachea bapaichim,
Tednam kustar lagta sangonk follam mhun omkeach rukachim,
Tor bhurgim tim konnachim, ou baulim tim mennachim....2


02. GOENCHE CONVENT - M. Boyer
Sorbonvtem dongor, modem doriea, zaddanim nettoilelem
Sogllea sonvsarak gazta nanv tachem tem konnxeak nam liplelem
‘Roma Udentichem’ sobit nanv taka adleanim ghatlelem
Kiteak amchem Goa xar dekun tem Conventanim bhorlelem

Ch: Kitlem sobit xar tem Goenchem, xitoll marta varo
Kedim vhoddlim gharam tim adlim, moddon zala churo
Bailo lok pavot tor Goyeam, sobit ganv mhuntta boro
Dadoxi zavnk tankam, Goenche thoddech Convent puro

Pordesan vochon muinem amkam thuim zainam fuddem bara
Soglle Goenkar chintanv ami vochon ievnk ganv-ghara
Tujeo sobit igorzo, convent pollevn pott bhorta Goa xara
Kedeo vhoddleo Seminari Saligao ani Raitura

Ch: Kitleo sobit igorzo Goeam dista mogreche kolle
Kitleo unch torri teo tancheo poilear voutat dolle
Padr Agnel Missaoanchea gharan Pilar ravta polle
Bhagivont Padr Jose Vaz-acho Convent Sancoale


Vhoddlea Goeam tumi deklea igorz ti Sant Caitananchi
Toxich Se igorz amchi tachea pattlean assa Sant Francis Assisachi
Matxe cholxi tuka mevta vhodd igorz Santa Monicachi
Taka tenkon ubi assa ti torr Sant Agustinanchi

Ch: Nimnno tumi poila zatolo Convent Bom Jezucho
Thuim Devan haddun dovorla ek munnieari apnnancho
Tuji achea kaxanvan asa dhir-adhar soglleancho
Toch to Sant Francis Patron ak’ke Indiecho


03. GOENCHEM GHOR SAMBAUM. Boyer
Akhea sonvsark ximpodleam, bhurgim goemkaramchim,

Gulfant assat poi tim, orsan, don vorsani eupachim,
Thoddeani Europak ghoram bandleant, chintun tinch gharam mhunn sasnachim,
Bhavanim chintlelem zal'lem tor mel'lim ghara eupachim.

Kitle maim ani pai aplea bhurgeank vhodd xinkop diun
Chintlem Europak daddlear, yetelint mhunn vhodlim zaun
Thoddeani maim paichi kednach khoborui gheunk na yevun
Goa Xarak visron, Europak raule bail bhurgeank gheun

Fattim anv London gel'lom, punn chodd teomp thoim ravonk nam,
Thodde Goemkar meule maka, sogloch lok mevonk nam,
The babde Inglezuch uloita, konkanichi kaim khobor nam,
Thodde Goemkar mhunntat, apunn kednach Goeam pavonk nam.

Goemkar bhorleat, Europak, London, Canada Xarani,
Punn thoddeank khoboruch nam, Goeam konn rautat tea ghorani
Europak chodd teomp ravon, kedi chukh keli tea Goemcarani
Bhatkar mele, mhunn ghoram tachim aplim kelim mundkarani

Bhava dusreache ganv the, tum tuje kedna mhunnonaka,
Konkani uloi, Goemkar mhunn sangonk lozonaka,
Tujem Goemkar ponn zai tor tuka, pordhesan chodd teomp ravonaka,
Goa xarak, tujea gharak ani maim paik visronaka.

Fattim kitem ghodlem poiat kuwait, zuz zaun dusmanachem,
Kuwitkar salvar zale, Goeam ghor aslem mhunn sogleamchem,
Konnachea ganvant kitem zait tem sangonk zaina konnachem,
Dekun tum khoimsorui rau, punn sodanch samball ghor Goemchem.

04. GOA - M.Boyer

Goa xar amchem, uzvaddachem manning tem,
Tachem sudarop kel’lem tor, vodik porzollit zatem,
Punn Goa xar pokrun bhitorlean kelear ritem,
Magir Goenkarancho fuddar amcho kitem.

Goyeam Collegi kitleo choddta, tantun kitle bhurge xikta
Punn te chinta xikon apunn khuim sirvis kortele
Vochot to zata dotor, vorsak satt dotor zait tor
Goyeam xembor zann lokak dog dotor poddtele
Goyeam panch-sov assat korti, punn Law Collegik godd’di
Mhunntoch kitle advogad khuimchi kes zuztele
Dekun engineer zavat re, Goyeam karkanne bandat re
Nam tor tonch marun Goenchi girestkai vortele

Ami Goenkar fokot sirvisoch korunk urle
Amchea xiklelea bhurgeank bhailea ganvanim dhaddle
Goyeam bhailo lok ievun karkanne bandlet vhoddle
Atam Goenkaranim tanche novkar zanvche poddle

Ch: Ami Goenkar te Goemkar, amchem konnankui ugttem dar
Amchea doieallponnancho dusro faido kaddta
Ami lokak borem korta, punn ami aminch zogoddta
Ani hakach lagon ami Goenkar fattim urta
Bhailea ganvancho ekvott, tancho ekdomuch asta ghott
Te Goyeam voch mhunnon eklea bhavak dhaddta
To magir amcho sumar kaddta, Goyeam business ek ugoddta
Ani thoddeach tempan aplea dusreai bhavank haddta

Ami fottovtat mhunnon kallzak dukh bhogta mott’ti
Amchea Murgovam bondranim, kitleo ievun voita bot’ti
Ami sozmotat te fokot Goenchi vorta mhunn mhati
Punn te mathiecheo lokan kottincheo keleo kotti

Ch: Goa manning dovlotichem, ani Roma udentichem
Punn konn nokot kitem zait Goa xarachem
Goa bhitorlean pokorlam, fokot suropaien urlam
Atam Goenkaranim urlelem sambavpachem
Ami Goenkar ekvott korun, soglle Goenche dongor foddun
Chintat re min tem Goyeanch koddovpachem
Goyeam karkannem bandat re, sirviso Goenkarank diat re
Ani Goyeanch dovrat bhangar Goenkaranchem

5. KONKANI BHAS - M.Boyer

Amcho Goenkarancho fuddar, chintun suskar ho soddtam hanv
Poieat bhailea ganvchea lokak, te mhunnttat dusreachem kiteim zanv
Aplea ganvam passot zuztat, anik dovortat borem nanv
Aple bhaxek lagon mortat, anik sambavtat aplo ganv

Apli bhas mhunnon Kannadi uloita porza Mysorachi
Apli bhas mhunnon Marathi uloita porza Maharashtrachi
Amchi Konknni bhas nhoi re fokot Kristanvanchi
Kristanv-Hindu-Musolman sogllea Goenkaranchi

Thodde Musolman mhunn kovtat, khomis bhair ani topiecher
Thodde Hindu mhunnon kovtat, matheak topi ani dhontracher
Toxech Kristanv mhunn kovtat, chodd korun kot kalsanv khomsacher
Punn soglle Goenkar mhunn kovtat, fokot Konkani bhaxecher

Ap-aplea ganvan, ap-apnanchi bhas sogllea ganv-ganvanim
Ami Inglez uloita, Europi zavnk chintlam Goenkaranim
Ami khuimche te sangonk guspotelet ami
Goenkar sandtelet zorui sanddot tor Konkani

Thodde Konkani dudh pivon, ti apli maim bhas nhoi mhunnon dubavta
Punn amche Konkanink suat divunk, serkar Delhicho bobavta
Poieat Kerala, Cochincho lok, te amche Konkanink zogoddta
Punn ami Goenkar assanv te, fokot bhatta-bensam sambavta

Girestkai amchi konn voronam re, chintat Goenkaranim
Punn Konknni bhaxek amche nattak korit re, duddu moddun lakanim
Amchea bhurgea-ballank roddoinakat dukanim
Amchem Goenkarponn rakonk, samballat Konkani.

06. KHAXEA MAIMCHEM DUDHM.Boyer
Mhunnttam tem kantar aikat mojea baiam-babanim,
Kitem dektanv ami hea patki dolleanim,
Purvoz amche sonvsar bhonvle aplea cholon paimanim,
Sonvsaran bore dis kadlet fokot fuddleach maimanim.

Ch Adlea maimanche put, korit te ghorcheanchi sudh
Pielelet dekun te khaxea maimchem dudh – khaxea maimchem dudh
Atanche zaleat zud, oklanchi aikotat budh
Pionk nam dekun te khaxea maimchem dudh – khaxea maimchem dudh

Adlea putanim maim-paik poslint dhaddun duddvanchim notam,
Aplea khas dudan main putanchim bhorlelim pottam,
Atanche put te xikpam xikon maim-paicher martat khonttam,
Karann te vhodd zaleat pion tim dudhachim latam.

Ch Mhunnonam atam vidan, vaitt kelem mhunn putan
Vaitt kelem mhunn tuka, latantlea dudhan – latantlea dudhan
Vaitt zalear sudan, sopnetolo nidan
Vaddla tor put tuzo, avoichea dudhan – avoichea dudhan

Sangtam tim utram bhoinnim tum chotraen montin dhor,
Tujea putak diamant bhangaran tum bhor,
Bhurgeank moladik maimchem dudh taka dusrem kaim zainam sor,
Maimchem rinn farik korunk zainam kiteak mhunttat tor

Ch Khuim atam hanvem sodchem, zaitem mevta gaichem
Konn atam dit mhaka, dudh moje maimchem – dudh moje maimchem
Udik mevta bhaimchem, bhaimchem sukot tor noichem
Mevchenam portun amkam, dudh amche maimchem – dudh amche maimchem

07.PAP SAIB GOEAM - M.Boyer
Pap Saib Paul Indiek ievun ghelo mhunn kalliz sontoslem amchem
Italiak, Romank, Sam Pedruchi igroz thikannem tachem
Tea Roma pattlean Goa xarak mhunntat Roma udentichem
Aplea Romank thaun to amchea Romank ievun ghelo noxib Goenkaranchem

Adlea tempar Pap Saib Romantle kednanch bhair soronk nam
Adlea lokan konnem Rom pollounk nam tor Pap Saib dekonk nam
Adle Pap Saib Indiek ievun ghelet punn Goeam pavonk nam
He pautt Goenkarank oslem bhag mevot mhunn konnench chintunk nam

Deva pattlean Dev, bhett divn amkam ghelo khuxealkai motti
Indiecho serkarui vavurlo taka divunk bori security
Kitle ganv vavurlet thoddoch vell taka voronk kitleoch keleot ratti
Punn Pap Saib aple khoxen Goeam ievun raulo ek dis don rati

Pap Saib bonvta, zaina zavn xevott hea sonvsaracho
To zogddim nakat, zuzam nakat mhunn hath zoddpacho
Veta tea ganvanim tea ganvcheo bhaso ulovn magnnim korpacho
Goeam Konkanin uloun jiv dadus kelo amcho Goenkarancho

Gela tea ganvanim lakanim duddu moddun tachi xeva keli
Cristanvam poros dusrea dhormancho lok taka fulam ghali
Thodde vavurtalet add morchea tacher kaddunk, maruncheak ueli
Punn Pap Saibachim utram aikon team munxeanchi zapuch bond zali

Pap Saibacho fottu astolo kitleancheach ghoran
Punn noxib amchem taka porxim pollovnk Goa xaran
Bispu Saib vavurlo, adharui dilo Goenchea serkaran
Konn addkoll haddit tanchea gomteak dhorlet San Francis Xavieran.

Lyrics Courtesy: Domnic Fernandes

8. MOJE PUT - M.Boyer
Are Bomboim toxo Goem anv re zaite bhonvlam ganv
Vochot te mhunnta kazar zatoch poilo cheddo zanv
Are Cheddvam aslim tor hea tempar sukh bhogpacho anv
Cheddeanim poieat kitem korun mojem pidear kelem nanv

Mojea chogui putanim maka motoch doko dila
Tanchim maim meli chintun chintum mojo bhes osso zala
Mojea vhodlea cheddeacho report anvem poiruch aikola
To khuim eke baile bhulla Byculla

Mojo dusro cheddo minak kamank also Shirgonvam
To mog korta mhunn dorjeponnak gatlo murgonvam
Are murgonv to eka cheddva gheun to poulo modgonvam
Mhunn Bomboi adlolo, bomboim mogan podlo girgonvam

Tisrea cheddeak mojea mat tosleo nasleleot koddi
Sirvisescho etoch gharant sigret matxo voddi
Amgher zoddio rautaleo tantli ek zogodli zoddi
Ho teche bailek gheun Sawantwadi

Are eit zalear soglech vatten eta re munxeacher
He sogle mogan podon bhar ho moje tokleacher
Mojo nimno cheddo nodor marich naslo cheddvancher
Punn ghele aitardis tekai poilo backbay hodpacher

Chogui mogan podleat, putachim khobor nhuim khori
Rodoitelet maka korun te dukhancheo zori
Mojea choggui putanim ek eklem sambaulam tori
Anv ekle matarek dhorta Andheri.

9.ADIM ani ATAM - M.Boyer
Adim cheddo-cheddum mogan poddtoch, kazar zatoch, mhunno sonvsar tannim kelo
Adim dadlo jetan fuddem cholo, bailo lhollu pattlean oxeo alo
Adim bailo ghovachem nanv ghevunk bhietalim, mhunno amcho zait khuim gelo
Atam ‘Caitan’ mhunnon martat ulo, bailen denknno ghalo, mhunttoch ghov zata lolo
Atam ‘Caitan’ mhunnon martat ulo, bailen denknno ghalo, mhunttoch ghov zata lolo

Adlim kazaram, hoi chintun roddonk ieta
Atancheo bailo ghovank rokddeoch divorce dita
Gorjechea vellar kombieo soddun amkam veta
Dadle ami kombea baxen sad ghalunk urle puta

Adim kazarank kaibore dans nacho - Lancer, Polk, Contradans povpacho
Atam Samba vazoilear nachtat Rumba - makddam baxen dans nhoi to hanspacho
Adim kaido aslo engage korunk, upkar korun ek dans nach mhunn apnnancho
Atam kaido konnankui voddpacho, bailen dans nachpacho ani ghovan mar khavpacho
Atam kaido konnankui voddpacho, bailen dans nachpacho ani ghovan mar khavpacho

Adleanchem nesop kitem, kosli tanchi chalu
Ap-aple damink vorot Pedru, Ladru, Salu
Nachovpak eilear, ghovak sang mhunn sango Filu
Atam konnanchei bailek ghevn motor chalu

Adim bailo ghov Gulfan ghelo mhunntoch, gharan bhosson vatt poitalim chittichi
Atam bailo ghov Gulfak ghele mhunntoch, zonelar bhosson vatt poitat cheddeanchi
Adim bail ek, dusreak kednanch bhulonasli, chintun apunn ghorkarn mhunn ghovachi
Atam bailank bhirant nam Devachi, kumar zata Pedruchi, avoi chovgam bhurgeanchi
Atam bailank bhirant nam Devachi, kumar zata Pedruchi, avoi chovgam bhurgeanchi

Atanchea bailank sonvoieo zaleat vankddeo
Ghovachea ragan Passporti kortat rokddeo
Arabam borim bonvon bhoreoch ghaltat fugddeo
Moroncheak Goyeam ieatat, zavn sukleleo bokddeo

Here comes the bonus verse and two choruses after the encore:

Adlea tempar kazar zavn ghovan kiteim mhunnot tor, bailo asleo sonsun vorpacheo
Atam bailo vhoddle zaleat re devchar, ghovan kiteim mhunnot tor zogddim korpacheo
Avem Goyem ak’kem bonvon pollelam bhavanim, sogleam ganvam poros bailo boreo Bardezcheo
Punn Bardezan konnui bailo mosteo kortat zalear hanv sozmotam teo mhunn Ponnjecheo
Punn Bardezan konnui bailo mosteo kortat zalear hanv sozmotam teo mhunn Ponnjecheo

Bhavanim kitem kazar, kovta takach kovta
Bailo atancheo ghovachea ragan Bomboi danvta
Passporti korun Bomboi sarkim jetan danvta
Tankam thuimsor Arab rokddeoch visa ghevun ravta

Bhavanim, bailanim adim kaiborem vid sarlam
Dha bhurgeanchi maim distali champeak ek ful ful’lam
Atancheo bailo forak rokddinch voitat korlam
Tea bailank strong poddtat farmacintlim pirlam.

10.DOULOT GOENKARANCHI - M.Boyer
Amchem Goa xar bhorlam famad uxear muzganim
Ami music xiktanv Goeam igorjen iskolanim
Aiz Indiechea mapar musican poile ami
Bombaim film industry gazoilea Goenkaranim

Ugddas astolo sabar vorsam pattim, Bombaim Albela mhunn ek picture laglelem
Tantun acting famad Baghwanan kelelem, punn music Goenkaranim gazoilelem
Tem svadik music Goenkaran boroilelem, dekun Albela picture nanv zoddunk pavlelem
Amchea Chic-Chocletan music tem ghatlelem, punn lokan nanv C. Ramchandrak dilelem

Vhodd-vhodd musician Goenkarank ditat vhodd man
Mhunttat music assam mhunn Goenkaranchea rogtan
Aiz Laxmikant-Pyarelal asat Director zavn
Ekleak xikoila amchea Anthony Gonsalvesan

Oi music ek doulot Goenkaranchi, thoddeank khobor nam eka uxear muzgachi
Tannem soglleank vollok dovorlea apnnanchi, zoddun xebaski Nirmonn, Amchea Noxibachi
To dis-rat filmank music boroupi, tannem xeva keli kitleanch directoranchi
Ghevn mozot amchea Frank Fernandachi, aiz famad zalem Kalyanji-Anandji

Aslet dog music director tantlo eklo melo
Shanker-Jaikishan mhuttlear konnui voukotalo
Tanchem music borem mhunn lok kantaram mhunttalo
Punn tancho sogllo vavr Goenkar Sebastian kortalo

Ami Goenkar sodanch ugttea monanche, ami kuskeaponn soddun konnaichem soboita
Ami amche Goenche Mandde-Dekhnneo ghalun, aiz kitlimxim Hindi pikcheram gazoita
Punn filmanche director hem sogllem visron, Goenkar bebde mhunnon filmanim dakoita
Ami uxear mhunn filmanim vazoupak apoita, punn ami uxear mhunn podd’ddeacher dakounk lipoita.

11. PONCHVIS VORSANIM - M.Boyer

1987 (nineteen eighty seven) 4ter Fevrerache, maink vengoili Goenkaranim
Maim mhunn sonvsarak dakovnk rogot varoilem, jiv dilo Goenchea putanim
Putanchem rogot povn Delhin zabab dilo, Goenchi bhas mhunn Konkani
Ponchisavi State Goenkarank dili, sarki ponchvis vorsanim

Sogllea Goenkaranim, zogddon kitlea vorsanim, maink aple suttavi kelea
Hindu, Kristanv, Musolman, vhodd duddvankar, gorib, lhan, Goenchi porza khoxi zalea
Khuxealkai zavpak motti, Inglez ani Marati, tankaim ek-ek suat dilea
Konknni bhas Goenkaranchi, official bhas mhunn Goenchi, voron voir tronar bosoilea

Sadde chearxim vorsam gulamponnan amkam, dovorle Purtugezanim
Konkani nam korunk Purtugez iskolam, bandlelim ganvam-ganvanim
Bhurgeank Purtugez ani Inglez xikop mhunn, amkam benkddailelet tannim
Punn tanchea armank ani farank bhieonk nam, tich ti bhas Konkani

Hoi tea Purtugezanim, amchi maim bhas Konkani, sodanch chiddun dovorleli
Purtegez mhunnot xika, fors kori xikonam taka, ti bhas daddavn pikoileli
Sirvisanchi nam zavn axea, thodde xikle Inglez bhaxea, Inglez forsan xikoileli
Punn amchi bhas Konkani, xikovnk nam iskolanim, maimchea dudhantlean eileli

Nodor marit tor adlea xekddeanim, Goenkar Hindu ami
Thoddeank converter kele Purtugezanim, punn bhavponn raklem soglleanim
Kitle Hindu vetat Katolk Igorzanim, Kristanv Hinduachea Devllanim
Bhavponn dakoilam toslem Goenkaranim, Indiek nam khuimcheach ganvanim

Kestanv kabar bhaxechem, samballat bhavponn amchem, Hindu-Muslim-Kristanvanchem
Aikonakat konnanchem, chintop zaitea zannanchem, ghor modduncheak Goenkaranchem
Axea amchi puri keli, Konknni ani State dili, Rajiv Gandhik borem magpachem
Hindu-Kristanv nhoi veglle, zolman ami Hindu soglle, bhav-bhav mhunn mogan bonvpachem
Hindu-Kristanv nhoi veglle, zolman ami Hindu soglle, bhav-bhav mhunn mogan bonvpachem


12.IXTTAGOTH - M. Boyer - Lyrics M.Boyer Music Chris Perry
Amigamnim utram mojim sodanch monant dovorchim ghott,
Kosli ek vost ghoddonastana soth mandumcheak dista fott,
Hea Sonvsarant asat zaite amig, vavurta moi-mogan bhonvonk sogott,
Punn tantle bhov thodde zanant samballunk khori ixttagoth.

Khoro amig nhoi tuzo tuka sagvadi pavoita to,
Khoro amig nhoi tuzo tuka barranim pivoita to,
Tosoch khoro amig nhoi tuzo, fuddlean hanson pattlean mutti zokta to,
Khoro amig tujem vaitt dislear tonddar tuka sangta to.

Sonvsarant kednanch bhavart dovorcho nhoi khoimcheach munxeancher,
Chodd korun amig amigank soddtat vaitt yetoch apnnancher,
Kaiborim utram tim vhoddilamchi, amigan upkar korcho mhunn amigancher,
Punn hea tempaile amig ingrat upkarponn korta tacher.

Duddvamkar zaxi amig tuka soddchenant dis ani rath,
Tum chotur rav zaitea bhassamchi asa amiganchi zath,
Kaim nezo fottu passun kaddla tor, dogaimnim khandar tumi ghalun hath,
Vogot naka toch amig tuzo korunk tuka vhoddlo gath.

Aslet khoim dog ghott amig ekleak Razan gollar diunk velo,
Amigak dhovrun aplea rogtache familik sangonk yeunk ghelo,
Xekim gollar marcho vogoth pavlo, to na mhonn amig moronk toyar zalo,
Mogache amig mhonn Razan dogaincho jiv salvar kelo.

Osle amig hea tempar mevonk kottin maka vo tuka,
Atanchea amigank tum tujea gharant chodd addinaka,
Tujea gharant segred asot tor, tujea amigank dakhoinaka,
Bore dis sartoloi tor amigank choddui patienaka.

13. LILA ANI ZILA - M.Boyer (B)& Sophia (S) Lyrics M.Boyer Music Chris Perry
B:Bombaim voson yetam gho Lila...

B:Chodd temp Bomboim anv rauchonam, utrar mojea add euchonam,
S:Na na na na vochonk dinvchimnam, vochonk dinvchimnam,
Bomboi cheddvam tuka soddchimnam, login zale xivai dhaddchim nant,
B: Na na na hem kednanch goddchemnam, kednanch ghoddchemnam.

B:Eka utracho munis anv Lila sangchi goroz nam sotra,
S:Toddoki bapa mhunntolo gomti dorun moji katra,
B:Gomti katrunk diumcho na Lila moine rau focot ikra,
S:Sangatan korchi re Zila, Sirganvchi zatra Zila, Sirganvchi zatra,
Both: Sangatan korchi re Zila/Lila Sirganvchi zatra Zila/Lila Sirganvchi zatra.

B:Kitlem Lila tum visvaxi, utram tujim chodd moipaxi,
S:Poi poi poi poi maka fottoixi, maka fottoixi,
Jeula bopati chodd koxi, ????
B:Sankleachea polloun za dadoxi
B:Tea bhai Sirvodde voir ek devlla mod khoim Mardoll Mangeshi, Mardoll Mangeshi

B:Mhapxem bhottki dvarache zatrek jerul dogaini voichem,
S:Yetana Banstarim ami sunkrak kitem gheuchem,
B:Bannastarim rath zait zalear martelan vochon ravchem,
S:Zambaulechea xigmeakui voson atak dorun bonvchem re Zila, atak dorun bonvchem,
Both: Zambaulechea xigmeakui voson atak dorun bonvchem re Zila/Lila, atak dorun bonvchem

B:Paryeamchi dista hi zoddi,
S:Bapak khobor sang thoddi,
Bapak tujea poilear sutta koddkoddi, sutta koddkoddi,
B:Ragan voddit tor guddguddi, ek kalsanv ek gheun saddi,
Dogaim povon voichim Santvaddi, voichim Santvaddi.

B: Santvaddi vochot tor Lila rauchem poddtolem nogrek,
S:Thoimsor than gorchim math konnuch poddchimnam amche nodrek,
B:Dogaim assat tim tegam zatoch Lila Goeam yeumchim go tanche khobrek,
S:Soglim ami sangatan voichim Fatorpiyam zatrek Zila, Fatorpiyam zatrek,
Both: Soglim ami sangatan voichim Fatorpiyam zatrek Zila/Lila, Fatorpiyam zatrek.