RITA ROSE
ANKVAR RAVTELIM - Rita Rose
Tum dusrea borim bhonvtai mhunn,maka meulea khobor,
Kazarachem utor diun,kalliz keleim nibor,
Anv tuka naka zalear,sang maka ekuch utor,
Bottam moddun anv xirab soddchinam,tujer ghalchinam fator.
Kazar zaunchea, adim maka gomon borem,
Nam tor dorian, buddtem aslem mojem voddem...}X2
Tunvem oxem kelaim dekun,maka rag eun nezo,
Sorgar than anj etolo,gheun mogacho uzo,
Tem tuka mandlam zalear,mojean kainch mhunnno nezo,
Tache borim tum sonvsar kor tuzo,ugddass kornakai mhozo.
Tuje pasun Deva lagim anv magtelim,
Moro passun sodanch ankvar anv ravtelim...}X2
ANV TUJEM TUM MHOZO - Rita Rose
Altara mukar ubim rauleaum,
Estolan hath bandun sontosleaum,
Somdiran buchkoutaleaum, uske kaddtaleaum, xekim aiz ektaim zaleaum...x2
Anv tujem, tum mozo,
Kallzak petla mogacho uzo....X}2
Mudi ghalun gulfak geloloi,
Thoimsoir pavon maka visorloi,
Sant Antoni lagim magtoch, novenam kortoch, porot tum amger ailoi...x2
Anv tujem, tum mozo,
Kallzak petla mogacho uzo....X}2
Mudi tujea aiz ghatlea bottak,
Mozo ath dorleai tujea athak,
Tum vetai thuim vetelim, sodanch rautelim, saullek toxench tea votak..X2
Anv tujem, tum mozo,
Kallzak petla mogacho uzo....X}2
BOMBOICHI BIRMOTI - Rita Rose
Kitench kelear anv aikochimnam,
Konnachemench anv kanar dhorchimnam,
Kazar zalea bogor rauchimnam.
Anv cheddum choltam fitti fitti fitti,
Mhunntat maka Bomboichi birmotti,
Chedde maka mogacheo daddtat chitti,
Punn konnakuch anv foddinam mitti.
Ansonk maka yeta chintun,
Guneanv mozo koslo antun,
Anv vatten choltanam, matare passun poitat maka kunttun.
Maka poitoch matare zatat pixe,
Tondd ukoddtat zal'lea porim sonxe,
Rostean choltanam besttech martat anxe,
Dolle moddtat oxe oxe oxe.
Ho to anik makach poita,
Kitem baba tuka zata,
Pollounk boro dista, amurkoch ansta, tovui mataro puta.
Anv cheddum baba borea respedachem,
Vhoi Taj Mahalantlea vhoddlea mestachem,
Pai bhaxen anv randunk zannam gostachem,
Sozomxeat anv mhunn bonder festachem.
Anv kazar zatam very soon,
Novro mozo bhurgo nhoi zun,
Roddonakat chintun,kazar zatoch, amcho chondrimant honeymoon.
BOTTATEAMCHI BHAJI – Rita Rose
Anv mathear pantli ghe-un vikunk bhonvtam bottate,
Mojea jhetak polloun pattlean mojea lagtat tornatte,
Thodde ede motte motte, thodde barik burantte,
Ani thodde tanche modle Saiba bebdde surantte.
Sodanch anv Mapxeam bazaran vochon bostam,
Bahrainkar mellot zalear kuch korun anstam,
Kuwaitkar mellot zalear bestinch anv loztam,
Anim tanchim bolsam anv ikmotin pustam.
Hai! Kitem sangom tornem rogot dhanvta xiranim,
Teo soiriko darar amche martat ozaranim,
Punn novreamchem hea tempar xirasonn nam bhoinnanim,
Te moddke kheutat ratche rati vochon xaranim.
Konn cheddo korunk sodta amizad moji,
Anv sangtam poi taka tannem zaunk zai raji,
Anv baba randunk noko xit koddi taji,
Fokot randunk zannom bottateanchi bhaji.
Maka boro novro zai Saiba naka to moddkekar,
To janot nhoi tor porvanam, punn naka sorekar,
To gorib zalear cholta, maka naka duddvankar,
Punn vodik korun naka saiba novro dukornkar.
Kazar zatoch anv doddon moddon choltelim,
Anim eok bottateancho posro ghaltelim,
Novro barik zait porvanam anv postelim,
Sakh bhor bottate khavoun motto kortelim,
Ani anvuim magir poi mottim zatelim,
La al al la la la...
CAPTAIN - Rita Rose
Sobit dista mhunnon rupan, cholle poddonk sodtat mogan,
Kallzant khoim tanchea upraslam tufan, dovrunk sodtat gopan.
Mojea paik lok mhunnta porsu, maichem nanv kai borem Mersu,
Maka farank sodtalo bonaunk chintalo vhodd mhunn apunn Lorsu,
Sodanch bonvo amchem porsu, kantar kori ghoddun versu,
Vaddeant kazar assot thor anv thoim dissot tor, nachonk sodi walsu.
Novre ietat ozaranim, boundaunk soddtat mottoranim,
Rogot hem tornem danvta xiranim, ulloitoch utranim,
Souza Ferrao anvdeta gondta, Titta maka poitoch nachta,
Ani Rico Rod motto maka lagon to maink moje fulam mavta,
Alfred Rose inglezkuch tasta, Seby updateuch nesta,
Ani edoso potto Bab Tony maka, kuch korn dolle moddta.
Tiatrist novro maka naka, dotor novro saiba naka,
Dogui ratriche vavrak vetele patieunk nezo tamkam.
Aiz than askinbloz anv soddtelim,ani tight dress anv nestelim,
Amche kuxik Bomboicho captain aila to meuta tor poitelim,
Tiatristank anv soddetlim, captank anv buloitelim
Ani captana borim voilean hea porim sonvsar anv bonvtelim.
DEVAK DIUMEA ARGAM - Rita Rose
Ch
Anj boddve vazoitat orgam,
Devak amim diumea argam,
Ek zalim separad kallzam,
Nastanam kantteachim durgam.
Borem noxib amchem, naslet amche mukar,
Te dusman marekar, korunk amkam kabar,
Jivitachem voddem, sukhachea somdirar,
Ufeta dorieachea laharar.
Repeat CH...Anj boddve vazoitat orgam...
Xekim amim zaleanv kazar,
Sodanch anv kortalim rozar,
Ekvott zalo sobemazar,
Atam Koria amcho sonvsar,
Neketram etelim, he vengen kheutelim,
Mogak axetelim, moipasan vaddtelim,
Kallzam him anstelim, mogan sontostelim,
Tum pai ani anv maim zatelim.
Repeat Anj boddve vazoitat orgam
DIR ADHAR BHORVANSO – Rita Rose
Tunch mozo dir adhar borvonso,
Tujea vinnem sonvsar dukhacho,
Tunch mozo dir adhar borvonso,
Tuje vinnem sonvsar dukhacho.
Tunch mojem khuxalponn,
Tunch mojem dadosponn,
Sonvsarant nam maka dusro khonn.
Tunch mozo dir adhar borvonso,
Tujea vinnem sonvsar dukhacho,
Ass moji bagonam,
Bukh maka lagonam,
Tuje vinn dusro konn maka nam.
Tunch mozo dir adhar borvonso,
Tujea vinnem sonvsar dukhacho,
Tunch mozo dir adhar borvonso,
Tujea vinnem sonvsar dukhacho.
EK DIS EKUCH PAUTT - Rita Rose
(One day at a time Jesus)
Ek dis ekuch pautt Mogall Jezu,..hmmmmmmmm
Anv ghor sonvsari, anv ek ostori
Kurpa tum di anvem jieonk tuka zai toxem
Rosto tum dakoi, vatt cholonk xikoi
Tuji kurpa di tum maka sodanch sodankal
Ek dis ekuch pautt Mogall Jezu,
Itlench anv aiz magtam,
Di maka boll korunk anvem tuka zai toxem,
Kalcho dis ghelo mogall Jezu,
Faleam goddie mevcho nam,
Dekhun Dhonia aizcho dis sarunk kurpa di maka.
Tum asloi tedna, amchea sonvsarant,
Voir than tum poi teach sonvsarant aiz kitem ghoddta
Choreo ani krimi nirudukai vaddta
Dekun Dhonia ek dis jieonk Kurpa di maka
Ek dis ekuch pautt Mogall Jezu,
Itlench aiz anv magtam,
Di maka boll korunk anvem tuka zai toxem,
Kalcho dis gelo mogall Jezu,
Faleam goddie mevcho nam,
Dekhun Dhonia aizcho dis sarunk kurpa di maka.
FUDDARACHO KUNVOR - Rita Rose
Ahhhh ahhhhh ahhhhh ahhhhhh
Sodanch amger tum etaloi,
Moje kuxik eun bostaloi,
Kannio sangtaloi, khuxeal dovortaloi,
Kazar zatam mhunn sangtaloi,
Sodanch present addun ditaloi,
Gulfak tum gheloi, chitti borounk visorloi.
Disak ek punn chitt boroitolo, mhunn geloloi sangon,
Punn kitem ghoddlem tum gulfak pavon,
Thuimchem jevonn tuka ruchonam,gelai mista bavon,
Moje vengen moga he tum danvon.
Rpt....Sodanch amger tum etaloi....
Dusro ganv pochonam tor, Goeam eunk toyari kor,
Tukach anv ravtam, tunch mozo amor,
Tujexim eunk zal'lem tor, antanch uddon etim zaun eok mor,
Tunch mozo kunvor, fuddaracho kunvor.
Bori sirvis soddun ghel'loi mhunn, tum sintid zaunaka,
Tum porot he pattim soronaka,
Lokache lojen tum mortoloi, oxem chintinaka
Anv asam tum konnak bienaka.
Rpt....Sodanch amger tum etaloi....
GAGREACHEM MANA - Rita Rose
Sokalim anv ut'tam matear pantli dhortam, Mhapxeam vetam bazaran,
Vepar rokdoch vinktam, chear poixe anv zoddtam, ghara etam motoran.
Ete Mhapxemche motorkar mottech uxear, maka mhunntat gagreachem manam,
Maka apoitat ansoitat bulonk sodtat,dolleank bandunk sodtat te panam,
Tankam konnakuch anv patienam, sogleank ek-ekleak vollkon zanam,
Antamchea temparui anv gagro-polk nestam mhunnon kortai mojim fokannam
Chorus
Gagreachem Manam, Gagreachem Manam
Gagreachem Manam, Gagreachem Manam.
Xetan anv vetanam, bazarant ietana, gagro ani polk nestam,
Passoik vetanam, soireamgher astanam, modiche vistid galtam.
Anv tem tight dress nestoch ani rostean choltoch,
chedde fiunim ghalta, fium fium fium
Teo fiuneom aikotoch odik jetan choltam sanvrona voir sokol zata jiv,
Thodde mhunntat darling I love you, chol iea bonvonk Damao ani Diu,
Punn te lagim eunk bietat Police officer assa dekun mozo titiu.
Mottorkar posorkar gaddekar voddekar zanvoim zaunk soddtat amgher,
Dis rath kortat bejar, anv zaun zalear kazar zatelim xetkaragher.
Anv tem gagreachem mana voi sogle zanam, amche gharant poi kitlem sizta,
Thoddeamger duddu assat punn jevon khaunk nam, duddu asson kiteak upkarta,
Maka duddvamkar saiba naka, tanger fokot te dudduch assta,
Dekun xettkareagher anv kazar zatelim, tanchea gharanu soglem dista.
Gagreachem Manam, Gagreachem Manam
Gagreachem Manam, Gagreachem Manam.
GOSSIP - Rita Rose
Gossip, Gossip, Gossip
Why do people gossip?...
Cant they do anything better?
Just gossip!.....
My grandmother used to say, if you dont have any work today,
You tear up your skirt and stitch it again,You will be happy and gay,
You are not come here to stay, so why should we gossip away,
You talk about her, and talk about him, and gossip gossip everyday.
Gossip, gossip gossip gossip about everyone,
Gossip even about the moon and sun,
Ye ye ye gossip, gossip, gossip gossip about everyone,
Gossip even about the moon and sun.
Timmy and the boney girl, Clefty and the lefty boy,
They go hand in hand, we talk about them, for why I dont understand,
My grandmother used to say, you clean up your house today,
To see someone else when you are in a mess, and gossip your life away,
Gossip, gossip gossip gossip about everyone,
Gossip, even about the moon and sun,
Ye ye ye gossip, gossip, gossip gossip about everyone,
Gossip even about the moon and sun.
Xemaim maka sangtali, aiz kam nam zalear mhunntali,
Tuji skirt tum pinz ani porot ti xinv, oxi xikonn maka ditali,
Sonvsarant konn ravonk eunk nam, faidonam korun gozali,
Acheo khobro taka, tacheo khobro haka oxem korchem nhoim mhunntali.
Gozali, gozali gozali sogleancheo,
Gozali, koslea faideacho,
Ye Ye Ye Gozali, gozali, gozali soglleancho,
Gozali infernan vorpacheo.
Ye Ye Gossip, gossip gossip gossip about everyone,
Gossip, even about the moon and sun,
Ye ye ye gossip, gossip, gossip gossip about everyone,
Gossip even about the moon and sun.
INAM FAVONAM - Rita Rose
Mog anvem tuzo kelolo,
Bhavart tujer dorlolo,
Ganvchea khursaxim vochon,juramentui dilolo,
Pai mozo xiddkaitalo,tum bekar bonvtai mhunntalo,
Sirvis kornam to novro, sang koso tuka postolo.
Mojem bhangar rinnan dovrun,
Pordesan sirvisek dilo daddun,
Airportacher sogllinch anv dukham gollun,
Dolle tambdde zale roddun roddun,
Don vorsani eta mhunn maka sangun,
Geloi, moje hankeant ghott veng maka marun.
Disak ek chitt daddtaloi,
Maka khuxal kortaloi
Tuje vinnem ravom nezo,oxem mhunn boroitaloi,
Godd-Godd utrani tondar, chitt tuji surgaitaloi,
Mhoje chittik vell zait tor,rokddoch telegram daddtoloi.
Punn aiz hi tuji chitt vachun,
Kalliz hem abalar zalam mojem,
Mozo mog tuka nam mhunn tum boroitai,
Hem kosolem ghatki kortub tujem,
Tuka ani ek vokol meulea tum mhunntai
Ani maka naka hem kallzak ghala tem..
Bhangar pineor dorlam tem,
Soddun add duddu daddtam,
Zuur kitlo to maka sang, tovui anv farir kortam
Him utram tujim vachun,kallzan fugasanv bhogtam,
Tuje duddu maka naka, tum sukhi zaunk anv magtam.
Paichem magnnem kannar anvem dhorlemnam,
Oxem korit mhunn anvem chintlemnam,
Ikra mhoinea zale tum gelear thuimsor,
Anv ason angasor, chintunk zainam.
Tuka anvem pordesant dadlo dekun, itlo vhodlo
inam maka favonam.
KALLIZ OSTORECHEM – Rita Rose
Ghorkar to mogacho, kopit tho tarvacho,
Mhunno maka, mannka roddonaka,
Hi Bochuddi addlea, hea pinzrean dovorlea
Mojeo fiuninim poi xikoileat tika,
Mozo ugddass etoch, moje ubau etoch,
Bochudd'dexim vochonk visronaka,
Ti fiunim ghalteli, khuxealui korteli,
Sodanch urber dovortoli tuka.
Bochuddi uddnam marta, sodankal fiunim ghalta,
Teo fiunim ghalun, tuzo ugddass addta,
Kalliz mojem suskarta, tukach moga tem axeta,
Hem bochuddek sangon, sang kiteak upkarta.
Pinzrean bitor assa, ti maka polleta,
Ti uloita tem maka sozmonam,
Ulhas hea kallzache, ulhas te mogache,
Bochuddek sangon kosloch faidonam,
Ugddas tuzo kortam, anv dukham golloitam,
Ti bochuddi maka buzvonn dinam,
Dis rath fiunim galta tuzo ugddas addta,
Ghorkarnichea ubau ti sozmonam.
Maka tum tuje sorxim vor, tuje vinn naka dista ghor,
Maka fugar korta, eksurponnachem dor,
Tunvem toddun kaddleim, ambeachea zaddachem tor,
Mojea kusvean assa, tujea rogtachem por.
Gharan radio vazta, tape recordei vazta,
Punn sang anv konna borim nachtelim,
Sezarcheo ghov bailo aiz zoddienuch bonvta,
Punn sang anv koxim zoddien bonvtelim,
Tarvar than tum ietoch tuje abras ghetoch,
Ti Bochuddi anv soddun ditelim,
Tea nirmoll mogacho tuka montor martelim,
Ani pinzrean bond korun dovortolim,
Koslem hem sukh kazarachem,
Koslem dukh eksurponnachem,
Punn hem chintop mojem, be-ufegachem,
Tarvar tum vochonai zalear, jivit zaumchemnam amchem,
Bhov thodde sozmotat, kalliz ostorechem...x2
KAZAR MOJEM ZALEM - Rita Rose
Kazar mojem zalem,
Vojem pasun dilem,
Atam tum zaloi mozo, anv zalim tujim,
Chintlolem sogllem zalem.............}x2
Amim mog kelolo,
Jurament dilolo,
Xekim diss to udelo,
Aiz amcho ekvott zalo...}x2
Athak marlo atu,
Kallzar xaplo fottu,
Atam tum mozo Santu, anv tujem Ritu,
Vanchlear puro pouncheak natu........}x2
Tuka anv soddchinam,
Nodre bhair dhorchinam,
Bahrain zoddunk daddchinam,
Tarvar vochonk diunchinam....}x2
KITEM KORUM......? Rita Rose
Poilo ailo Johnny, tannem borench nachoilem,
Magir ailo Tommy, tannem guitar xikoilem,
Bonny ailo, Ronny ailo, tannim ghunvllailem,
Sunny-in ani Benny-in mottoranim bhonvddailem.
Ha ha ha ha, kitem korum,
Konnak mhunnon lagim dhorum,
Anvem bandlam mogachem tarum,
Ilteam zannak koxim tarvar anv bhorum....}x2
Peter ailo meter gheun, to boroch anstalo,
Michael ailo cycle gheun, to khoxen nachtalo,
Alfi ailo kulfi gheun, to kannim sangtalo,
Maxi ailo taxi gheun, soglloch murgottalo,
Ha ha ha ha, kitem korum,
Konnank mhunnon mudi ghalum,
Anv nhoi baba, fulgoddem cheddum,
Voch mhunn sanglear aikonam...kitem...}x2
KUWAIT ANV PAVLIM - Rita Rose
Kuwait anv pavlim, airportar denvlim,
Novreak polloun anv khoxi zalim,
Motoran bhonvlim, thodde dis ravlim,
Horan kazar zalim.
Kazarak aslim zaitim mortoram, lok korit kantaram
Kherit netoil'lim hallachim daram, muzg vajoit guitaram,
Aiz passun anv vaddon aileam sukhan
Bomboi avoi bapaichea ghopan,
Novro mozo sirvis korta benkan,
Duddu ghalta sakan.
Tachea sakak anvem kelo burak,
Jetan neson bonvonk laglim vareak,
Zaite zann sampddaunk sodit pagerak,
Punn ghov aslo adarak.
Bazaran bhonvtoch ath ghalun athan sogott poitat nettan,
Ghovak soddun anv choltalim nettan, pattlean laglo pathan,
Bolsantle dakoilet zaite Dinar,
He mhun anso khelloilo tondar,
Ath tannem mojea dovorlo khandar,
Anvem mocho marlo sonddar,
Thoim bobau zalo, sogott ekttoulo,
Ghov khoim aslo to danvon ailo,
Maka polloun to soglloch gaborlo,
Ragan ulounk laglo.
'Tum motvem nestai, figurxem distai, choltanam bhendd moddtai,
Tondui pintartai, konnakui anstai, magir bobo martai?"
Guneanv konnacho, guneanv vho mozo,
Guneanv anv korinam dusreacho,
Bhoinnanim soddia polko dobazo,
Resped rakia amcho.
LONDONCHO MAKODD - Rita Rose
Vho Londoncho makodd, baba konkani sozmota,
Dusream cheddvam borim anv Inglez uloin tor, tokli aloita...X2
Anv saddi neson tor, maka poita boro,
Kolsanv ghaltoch vochon ravta poro,
Hot pants anv ghaltoch, kulear ath marun, korta koro koro koro.
To maka soddinam, khuimsor vhochonkui dinam.
Amchea gharan konn et tor, ath maka lait tor, ogo ravonam...x2
Moji lipstick kaddta anim vontt pintarta,
Powder gheta tonddak rogoddta,
Ragan anvem kiteim mhunnnlem zalear, ath zoddun dimbier rauta.
Dud pieta mameran, sop pieta soperan,
Jevonn athen dit zalear, kednanch jevchonam, diunk zai kuleran...x2
Cheddeam borim uloin tor, vhoddlean bobau marta,
Cheddvam borim uloin tor murgot'ta,
Mojexim soglli rath nidonk sodta, govak zomnir nidoita.
LONDONCHO MOG - Rita Rose
Anv London-ank ghelelim,
London pollOunk sodanch chintalim,
Tuka dektoch sogllinch thottaklim,
Poilech nodren mogan ghuspolim.
Londocho mog amcho,
Khoroch to ojeapancho,
Sopnan sopnelimnam monanui chintlenam,
NoUro mellot mhunn Londoncho.
Oxem zait mhunn chintlemnam,
Koxem goddlem tem sangonk zainam,
Goem ekui nouro mandlonam,
Noxibantlem kednanch chukonam.
Londocho mog amcho,
Khoroch to ojeapancho,
Sopnan sopnelimnam monanui chintlenam,
Novro mellot mhunn Londoncho.
Anv Londonak ravtelim,
Goeam sobit ek ghor bandtelim,
Zaitech duddu ekktaim kortelim,
Dogiam Goeanch ravonk etelim.
Londocho mog amcho,
Khoroch to ojeapancho,
Sopnan sopnelinam monanui chintlenam,
Nouro mellot mhunn Londoncho.
MOGACHO EDU – Rita Rose
Nidlele mogak, tunvem utoiloi, motoranim bhonvdailoi,
Muskatche gorment, kallzan lipoiloi, Goeam addun fankrailoi,
Chorus:
Kallzak hea kellai jadu, gheun bonvtam tuzo fottu,
Edward tujem nanv, punn mogan tuka mhunntam Edu....}x2
Kongottche praier, Colvache praier, skooterani bhonvdailem,
Ponnje miramar, festank ani dansank vengent maka ghunvdailem
Repeat Chorus...Kallzak
Anv ravtam tuka, tum rautai maka, kitlo teomp oxinch ravmchim,
Ankvarponn anink sounsunk hem zainam, yhe veginch kazar zaumchim.
Repeat chorus...Kallzak
Nanvuch tujem kaddlear, fottu athan ghetlear, kalliz mojem boddouta,
Praier danvtanam, reven loutanam, to adlo ugdass yeta,
Repeat chorus....Kallzak
MOGRECHO KOLLO - Rita Rose
Janerachea tea moinean,
Moga tuka kaddlo re vichunu,
Pai Maimchi addkol nasli dekhunu,
Aiz tuka ghetlo re jikunu.
CH
Mautam mhunn te mogrecho kollo,
Kitleamcho re aslolo dollo,
Devanuch favo kelo.
Kalliz tuka hem bhettoilem,
Soglleank taum-tium moga tem zalem,
Noxiban asa tem meutelem,
Moga tem Devan nirmelelem.
Mautam mhunn te mogrecho kollo,
Kitleamcho re aslolo dollo,
Devanuch favo kelo.
Zaitem kori pirajitu,
Maka mellonk boro sangatu,
Kagdar poitalim tuzo fottu,
Tum mhunn ek boreantlo artistu.
Mautam mhunn te mogrecho kollo,
Kitleamcho re aslolo dollo,
Devanuch favo kelo.
MOZO GHORKAR - Rita Rose
Maka ghorkar mevla saiba, vankddeam donkeancho,
Vankddea nakacho, vankddea tondacho,
Dis-bhor nidpacho, borench jeupacho,
Khuris mojea patkacho.
Roddtalim uddtam-bostanam,
Zoddkar mozo bhav asatam,
Kazar zalim doth nastanam,
Goeam bhatt bhensam astanam,
Maim pai mojim derepent melim Devager gelim anv lhanuch astanam.
To vankddea boncheacho pun vankddem uloinam,
Vankddem chintinam, vankddo cholonam,
Vankddem pollenam, vankddem sangonam,
Vankddo sozmut dhorinam.
Susegad niden bhormeta,
Goro-goro korn goreta,
Soglli rat nident sopneta,utton kendnaim ubo zata,
Pisso koso kantaram korta, nachoncheak sodta makai nachon dista.
Voi kosloi to zanv pun to mogall soimbacho,
Mogall utramcho doyall kallzacho,
Ukttea monacho, hanstea tonddacho,
Pottlo assa duddvamcho.
Sodanch bonvtam motoranim,
Sinalim kortam dolleanim
Dollo dorla ankvaranim, mitti marlea kazareanim,
Anv tumkam konnak meuchim nam re ghovak soddchim nam re bhorlear bhangarnim.
NOVREANCHO BALCHEANV – Rita Rose
Kazar, kazar za mhunn maka maim korta bejear,
Pai mhunnta bai bienaka, doth ditam ozar,
Amchea vaddea bhair mhunnta mat zaunakai kazar,
Punn novro gagyo saiba sangtam sobemazar
(To Gagio kitem mhunnta zannoi)
Fa-fa-farancis nanv mojem,
Sadtam bo-bo-borem nistem tajem,
Toiear jikonk ka-ka-kalliz tujem,
Taka poun rogot suklem mojem.
Gagio Saiba pollounk disso Judev tonnancho,
Pai mhunnta to bhattkar mhunnon vhodda manacho,
Maim mhunnta to bhurgo mhunnon boream gunnancho,
Dusro ailo ximbro novro mojea patkacho.
(Anstoloi ou roddtoloi, tannem suru kelem)
Tim Sorginchim violam, vaztelim,
Kallzam amchim khoxen walse nachtelim,
Naka mhunnlem anv ximbrim zatelim
Ekach moinean fonddan vetelim.
Tisro novro ailo Saiba vhoddlea pottacho,
Gigantt koso Gorila disso Africacho,
Taka polloun, Saiba jiv kamponk laglo mozo,
Chouto novro pounk diso pai sotra zannancho.
(To Saiba lolo, tannem mhunnlem)
Tuje yagim anv kazal zatoyom,
Yani koxi tuka bhonvyeatoyom,
Honey moonank chonyiman vortoyom,
Ponchvis bhulgeancho pai zatoyom
NOURO MAKA ZAI - Rita Rose
Ha ha nouro maka zai,
Goro goro disonk zai,
Befeit rupan. gulgullit tonddan,
Babream vonttancho asonk zai.
Ragan kitench taka mhunnchinam,
Dusream cheddvank pollounk dinvchinam,
Khorea mogan moipassan anv khelloitelim,
Vengen ghott dhortelim soddchinam.
To vanddtolo mosalo,
Anv kortelim buddkulo,
Voros zata mhunnosor saiba,
Amger babulo zatolo.
Magir anv bestinch anv loztelim,
Sogllo vell babak gheun bostelim,
Mojea novreak anv sirvisek daddchimnam,
Moje paiem damunk laitelim.
Ha ha novro maka zai,
Goro goro disonk zai,
Befeit rupan, gulgulit tondan,
Babream vontacho asonk zai.
PITTACHO GULLO – Rita Rose
Satam bhavam pattlean eklem,
Angounneanim magon ghetlem,
Sukhan vaddoilem, mogan khelloilem,
Ful mhunnon bhagintlem.
Pai kopit choloita tarvam,
Ghou negos korta gheun ghorvam,
Amchea parveamchem zoddem poun,
Bhattkaraleam baieamchim chavoutat nervam.
Mozo ghov pittacho gullo,
Sarkoch Eropeamlo chollo,
Goleant anv tachea khoddkhi ghaltam,
Zait mhunn tumcho dollo.
Kaiborem nanv tachem Bonny,
Vhoi anv ghorkarn tachie Annie,
Angan distam barik, punn ragak soddsoddit,
Samballat ankvar cheddvanim.
Ankvar cheddvam anvdde gon'tat,
Taka poun uzoti kortat,
Ankvar nhoi bai to, ghorkar mozo to,
Kiteak tokleo foddtat.
Kiteak bestteoch kortat jiti,
Kazareancher martat mitti,
Tumkam adinch sangtam, un udok ghalun,
Kombie bhaxen kortelim sutti.
PUT ANI SASUPAI - Rita Rose
Rostean choltanam jetan, eok mhataro poita nettan,
Mateak xendrechem chepem ani roth gheun bhonvta atan,
Avoi, avoi anv choltoch fuddlean, to eta mojea pattlean,
Kantar korun vhoddlean,
Poromm pomm pomm,borem asai tum goromm goromm
Poromm poromm pomm, Poromm poromm,
Poromm poromm pomm pomm,poromm pomm pomm,
Eok dollo taka moddlo, ani kuch korn anso soddlo
To danvon fuddlean ailo, ani dimbi ghalun ravlo,
Lozlim anv bestinch saiba lozlim,
Kallzam mat khoxen anslim,tachim utram kanan vazlim,
Poromm pomm pomm,tuzo ath kitlo noromm noromm,
Poromm poromm pomm, Poromm poromm,
Poromm poromm, pomm pomm, Poromm pomm pomm.
Mataro uxear kombo, sarkoch mankurad ambo,
Novreak mojea gomot tor, kortolo tacho khimbo,
Uxear, uxear mataro uxear, mhunnta zatai tor kazar
Ditam tuka ozar,
Uxear uxear, mataro ekdom uxear uxear,
Mhunnta zatai tor kazar kazar, ditam tuka ozar, dita ozar.
Kednanch anvem chintlemnam, to zait mhunnon sasupai,
Kal novrean maka sanglam, to mhunnon apnnancho pai.
Avoi sasupai mog mozo korta,tacho put mog mozo korta
Kitem korum kotta,
Kazar zatam, kazar zatam anv puta lagim,
Ozar asat sasupai lagim,poromm poromm pomm pomm
Poromm pomm pomm,
Poromm poromm pomm, Poromm poromm,
Poromm poromm, pomm pomm, Poromm pomm pomm.
RAUTAM TUKA – Rita Rose
Anvem soddleli axea tuji, tumvem pissudli koxi moji,
Pai don bhurgeamcho, bapui tum tancho, dorli ass ostoreamchi..X2
Ie anv rautam tuka, sodanch rautam tuka,
Duddu tuje kabar zatoch tim bhair ghaltelim visronaka .....}X2
Tum geloi mhunn anv kainch mhunnonam,
Tuka vaitt passun anv mago nam
Noxiban assa, tench anv bogtelim, tujer xirap soddchinam…..X2
Ie anv rautam tuka, sodanch rautam tuka...
Duddu tuje kabar zatoch tim bhair ghaltelim visronaka .....}X2
Tornem rogot tujem denvtelem, Tujem natok ek dis somptelem,
Ath motve zatoch, soglleani soddtoch, dar mojem uktench astelem....2
Ye anv rautam tuka, sodanch rautam tuka...
Duddu tuje kabar zatoch tim bhair ghaltelim visronaka .....}...2
SODD SODD - Rita Rose
Sodd, sodd, sodd maka sodd,
Sodd, sodd, sodd sodd maka sodd,
Anv tuka antam patienam,
Anv tujer bhavart dhorinam,
Mojea kannak atam vaimgim bandtai,
Mojeam dolleank panam bandunk sodtai
Aka taka ghetai, sogllo sonvsar bhonvtai
Magir mojexim etai,
Oh-oh sodd, sodd sodd maka sodd
Tuje oslo nouro maka naka,
Bultai vatter meuta polle taka
Sangtam tuka lagim eunaka
Tuje oslem zanvar maka, naka,
Naka maka, maka naka, naka naka
Oh oh sodd, sodd, sodd maka sodd
Sonvsar sozmotai mhunnon cheddeancho,
Cheddvank kortai khell tuje axecho,
Dusro korit khell tuje bhoinnimcho
Kitem magir zatolo bheos tuzo,
Bheos tuzo, bheos tuzo, bheos tuzo
Oh oh sodd sodd sodd maka sodd....
TIN KALLZAM - Rita Rose
Hospitalan, nursichi sirvis kortalim,
Dotorache mogan anv buchkoutalim,
Ektaim kam kortalim, takach axetalim.
Potin tachi zauncheak anv sodanch chintalim.
Dotorui to, mozo mog kortalo,
Uxear titlo, gunnanim bhorlolo,
Kazar zauncheak ami nicheu kelolo,
Papan mojea, uzo pettoilo.
Papan maka kazar kelelem forsan,
Don mhoineanim kouli kazarachi koddsann,
Ghov soro pieta, jiv mozo kosmeta,
Azunui chakonk nam, kazarachi ghoddsan,
Tukach moga anv azun axetam,
Fottu tuzo, vengen gheun poxetam,
Ratche rati, tujinch sopnam sopnetam,
Gopan tuka ghott dhorunk anvddetam.
Kitem korum kitem korum sozmonam,
Ghovacho mog mojea kallzan rigonam,
Bhurgeaponnailo mog, kallzantlo vochonam,
Dotor ankvar ravla, kazar zainastanam.
Papa tujim, chintnam xarti kelim,
Tukai sukh nam, tin kallzam dukoilim,
Tornim follam, voir zaddaruch sukoilim,
Fuddarachim neketram paloilim.
TUJE CHITTIK ANV RAVTAM – Rita Rose
Eta mhunnon tunvem sanglelem, punn aiz pasun tum amger eunk naim,
Chitt boroitam tunvem mhunntlelem, azunui chitt borounk naim,
Kazar zatam mhunn utor dil'lem, azun utrachi mudi ghalunk naim,
Kalliz mogachea ujean pettoilem, to uzo azun palounk naim.
Don vorsam tuka ravleam, papa kazar korunk sodta maka,
Tunvem moji khobor korunk naim, uprant maka xinnonaka,
Postman etoch anv danvon vetam, maka chitt assa tor vinchartam,
Ani nam mhunntoch anv khontoutam, sodanch dukham golloitam.
Khoimchea cheddea borim bonvonk nam, punn tuje borim anv bonvlelim,
Dusrean dil'lim fulam mavunk nam, tunvem dil'lim fulam mavlelim,
Dansank pikcherankui vosonk nam, punn tujea sangatan gelelim,
Tujea moipassak anv dubavunk nam, borim sopnan sopnelelim.
Ho poi amcho postman ailo anik ek pautt vinchartam taka
Postam chitt assa re maka : Nam gho bai
Kallzak hea ulop pettleat, Kitlo teomp mhunn anv rautelim tuka,
Rat ani dis tukach axetam, tuzo fotu gheun anv poxetam
Don vorsam pasun tuji khobor nam, azun tuje chittik ravtam,
Azun tuje chittik ravtam.
TUZO SAMBALL KORTELIM - Rita Rose
Kurdo passun tum zaloi zalear, tuji xeva kortelim,
Davui mojeo nakxeo zoroun, moga tuka postelim,
Sonvsarachem sukh maka naka, rat dis tujech kuxik bostelim,
Hea kalluki sonvsarant, tuzo anv adhar zatelim.
Hai, hai, Dhonia hai hai,
Dhoniam kiteak hem dukh daddlem gai
Naka Dhoniam oslem dukh duinakai,
Porot uzvadd disonk di upai.
Mozo jiv tunvem salvar keloi, tuje dolle tum luskonn zaloi,
Gaddie pondak anv poddtelim aslim, maka tunvem tuzo adar diloi
Maim tuji aiz dukanim roddta, Dhonia eklech putak kurddo keloi',
Tichem dukh mojean pollunk nezo, tujem kalliz mojea kallzak melloi
Ekloch tum put, morgad avoi bapaicho,
Kurdo zaun kitem fuddar zait tuzo,
Anv zatam uzvadd tujeam donui dolleamcho,
Kazar zaun samball anv kortelim tuzo.
YE JOHNNY YE – Rita Rose
Mogan poddon anv zalim kazar,
Ghorkar mozo kopit assa tarvar,
Apurbaen bej diun hea pollear,
Gelo mhunn, suskarun, zatam bejar
Ye Johnny ye ani gopan maka ghe,
Ye Johnny ye ani gopan maka ghe,
Kopit tum assai tarvacher, nodor ghaltai somdiracher,
Ye Johny ye, begin nodor ghal mojer.
Kazarachem amrut chaklemnam,
Kazar kitem tenvuim gomlemnam,
Begin vexi mhunnonn chintlem nam,
Roddtam anv, ut'tana, bostanam,
Ye Johny ye ani gopant maka ghe,
Ye Johny ye ani gopant maka ghe,
Kopit tum vhoddlea tarvacho,
Kopit tum mojea kallzacho,
Ye Johny ye, uzo paloi mogacho,
Fugar zatam, anv mogan tujea,
Gopant dhorunk, axetam anjea,
Hea kallzahco, tum zaloi rajea,
Begin ye, begin ye, gheun rojea,
Ye johny ye, ani gopan maka ghe,
Ye Johny ye, ani gopan maka ghe
Bail tuji sakramentachi,
Rani anv tuje kallzachi.
Ye Johny ye, vatt polloun assa tuji.
Updated 29/05/2020
